Үргүйдэлтэй хэрхэн тэмцэх талаар төрийн болоод хувийн хэвшлийн эмнэлэгийн эмч, удирдлагууд болоод мэргэжилтнүүд оролцсон хэлэлцүүлэг ЭМЯ-нд боллоо.
Энэхүү хэлэлцүүлэгийг ЭМ-сайд санаачилжээ. Хэлэлцүүлгийг нээж сайд Н.Удвал хэлэхдээ “Үр шилжүүлэн суулгах, эмчлүүлэхээр гадны улсыг зорьж буй иргэдийн тоо сүүлийн жилүүдэд эрс нэмэгдэж байна. Эх орондоо хангалттай сайн эмчилж чадахгүйгээс иргэд гадны улс уруу явж өндөр өртгөөр эмчлүүлж байна. Гэтэл жирийн иргэд энэ чиглэлийн өвчнөө эмчлүүлэх, үр шилжүүлэн суулгуулах гэхээр өндөр төлбөрөөс болоод тэр бүр эмчлүүлж чадахгүй байна. Манай улсад өнөөдөр үр шилжүүлэн суулгах, эмчилгээ, оношилгоог хийдэг хувийн хэвшлийн “Баянгол”, “Анухай” гэсэн хоёр эмнэлэг үйл ажиллагаа явуулдаг ч үр шилжүүлэн суулгах шаардлагатай байгаа хүмүүсийн зөвхөн 20 хувийг л эмчилдэг байна. Үлдсэн 80 хувь нь БНСУ, Тайланд улсад голчлон явж эмчлүүлдэг байна. Иймд энэ чиглэлийн эмнэлэгийн тусламж, үйлчилгээний хүртээмжтэй бус байдлыг арилгах, гадагшаа явж эмчлүүлдэг өвчний тэргүүн эгнээнд байгаа үргүйдлийг эх орондоо бүрэн эмчлүүлэх боломжийг нээхийн чухал байна” хэмээн онцоллоо. Хэлэлцүүлэгт оролцогчид үргүйдлийн талаарх илтгэл танилцуулж, тулгамдсан асуудал болон цаашид хэрхэн ажиллах талаараа ярилцлаа. Өнөөдрийг хүртэл энэ чиглэлийн өвчний эмчилгээ, сувилгааны нэгдсэн тоо баримт байхгүй, гадаадад эмчлүүлсэн иргэдийн эргэх холбоо дутмаг, хууль эрхзүйн асуудал ч түүхий байгааг тэд хэлж байлаа. Энэхүү хэлэлцүүлгээс зөвлөмж гарган, түүнийг хэрхэн хэрэгжүүлэх тухай бодлогын түвшинд хэлэлцүүлэх боллоо. Үр шилжүүлэн суулгахтай холбоотой эмчилгээ, үйлчилгээний тодорхой хувийг улсын төсвөөс гаргах, эрүүл мэндийн даатгалд хамруулах, эм, багаж , тоног төхөөрөмжийг НӨАТ-ийн татвараас чөлөөлөх зэргийг шийдвэрлэх замаар дэмжлэг үзүүлж болох талаар ч ярилцлаа. Түүнчлэн сүүлийн жилүүдэд иргэдийн дунд бэлгийн замаар дамжих өвчний тархалт их байгаа нь үргүйдэлд хүргэх гол хүчин зүйл болж байгаа тул энэ өвчний тархалтыг бууруулах нь ач холбогдолтой болохыг хэлэлцүүлэгт оролцогчид тэмдэглэв.
3 replies on “Үргүйдэлтэй тэмцэх хэлэлцүүлэг боллоо”
Hello! Would you mind if I share your blog with my twitter group?
There’s a lot of folks that I think would really enjoy your content.
Please let me know. Thanks
Hello there! This is my first visit to your blog!
We are a team of volunteers and starting a new initiative in a community in the same niche.
Your blog provided us beneficial information to work on. You have done a
marvellous job!
I do not even know how I ended up right here, but
I assumed this post was great. I do not realize who you are but definitely you’re going to a famous blogger in the event you aren’t already.
Cheers!