Нигерийн Джос хотод хоёр удаа хүчтэй дэлбэрэлт болсны улмаас доод тал нь 118 хүн нас барж, 50-иад хүнд гэмтэж бэртсэн тухай мэдээллээ. Эхний бөмбөг захын хажууханд, хоёр дахь нь эмнэлгийн ойролцоо дэлбэрсэн байна. Орон нутгийн засаг захиргаанаас нас барагсдын дийлэнх нь эмэгтэйчүүд хэмээн мэдээлэв. Одоогоор хэргийн хариуцлагыг хэн ч хүлээгээгүй байна. Нигерийн эрх баригчдын үзэж байгаагаар энэ нь “Боко Харам” лалын бүлгийн зохион байгуулсан ажиллагаа аж. Тус хотод өмнө нь нэлээд хэдэн удаа лалын болон христосын шашинтнуудын хооронд мөргөлдөөн гарч байсан юм.
Ю.ДЭЛГЭР