БНХАУ руу зорчигч тээврийн галт тэрэг нэвтэрч эхэлсэнтэй холбоотойгоор хориотой эд зүйл хил давуулах гэсэн гэмт үйлдэл идэвхжиж байна гэж албаны хүмүүс мэдээлж байна.
Тухайлбал, Есдүгээр сарын 01, 02-ны өдрүүдэд Дорноговь аймгийн Замын-Үүдийн боомтоор ховор төрлийн эртний хүрэл толь болон 4.1 кг алтыг галт тэргэнд нууж, хууль бусаар хил давуулахыг завджээ.
Хоёр өдөр дараалан үйлдэгдсэн эртний эдлэл, их хэмжээний алт гаргах гэсэн оролдлогыг Замын-Үүдийн гаалийн байцаагч нар илрүүлж, хэргийг хуулийн байгууллагад шилжүүлээд байна.