Month: August 2024

Categories
мэдээ нийгэм цаг-үе

Улаанбурхан өвчний эсрэг вакциныг амбулатори, өрхийн эмнэлгүүдэд хийж эхэллээ DNN.mn

Манай улсад улаанбурхан өвчний зөөвөрлөгдсөн тохиолдол 2024 оны наймдугаар сарын 01-нд бүртгэгдсэн.

Нийгмийн эрүүл мэндийн үндэсний төвөөс улаанбурхан өвчнөөс сэргийлэх дараах зөвлөмжийг танилцуулав.

  • Бага насны хүүхдийг эхийн сүүгээр хооллох
  • Илчлэг, тэжээллэг хоол өгөх
  • Өдөрт 4-5 удаа заавал хооллох
  • Хүүхдэд А, С аминдэмээр баялаг хоол хүнс түлхүү өгөх
  • А,Д,С аминдэм болон бусад аминдэмийг нэмэлтээр өгөх
  • Хүүхдийг олон нийтийн газар авч явахгүй байх
  • Асаргааг сайжруулж, усан чийрэгжүүлэлт хийх
  • Гэр орондоо чийгтэй цэвэрлэгээ, 2 цаг тутамд агааржуулалт хийх
  • Аль ч насны хүн улаан бурхан өвчнөөс сэргийлэхийн тулд дархлааг дэмжих, биеийн эсэргүүцлийг сайжруулах хоол хүнс хэрэглэх шаардлагатай.
Categories
мэдээ нийгэм цаг-үе

Гол нэрийн зарим хүнсний барааны үнэ өмнөх 7 хоногоос 0.1 хувиар буурчээ DNN.mn

Улаанбаатар хотод 2024 оны 8 дугаар сарын 5-ны байдлаар гол нэрийн зарим хүнсний барааны үнэ өмнөх сараас 1.3 хувиар, өмнөх 7 хоногоос 0.1 хувиар тус тус буурсан байна.

 

Categories
мэдээ нийгэм цаг-үе

Замын-Үүдээс даац хэтрүүлэн зөвшөөрөлгүй тээвэр хийвэл 9 сая төгрөгөөр торгоно DNN.mn

Замын-Үүдээс Улаанбаатар чиглэлийн авто замын төлбөр авах цэгийг Зам, тээврийн хөгжлийн төв бүрэн цахимжуулжээ. Энэ хүрээнд наймдугаар сарын 5-наас жолооч, тээвэрчдээс бэлэн төлбөр авахыг зогсоосон байна.

Учир нь Замын-Үүдийн цахим төлбөр авах цэгийн хувьд том оврын тээврийн хэрэгсэл ихээр нэвтэрдэг бөгөөд жин даацын хяналттай холбоотой ачаалал, маргаантай асуудал маш их үүсдэг аж.

Тээвэрлэгч иргэн, аж ахуй нэгж MNS 4598 :2020 стандартын /3 тэнхлэг 28тн, 4 тэнхлэг 32тн, 5 тэнхлэг 40тн, 6 тэнхлэг 44тн/ дагуу тээвэрлэлт гүйцэтгэх үүрэгтэй.

Хэрэв зөвшөөрөлгүй, маршрут чиглэл зөрчиж даац хэтрүүлэн тээвэр хийсэн бол зөрчлийн тухай хуулийн дагуу арга хэмжээ авахаас гадна, Монгол Улсын Засгийн газрын 222-р тогтоолын дагуу нэмэлт хураамжийг тооцож нэхэмжлэх юм байна.
Тухайлбал, зөвшөөрсөн даацыг хэтрүүлж, маршрут зөрчин тээвэр хийсэн тохиолдолд тухайн хэтрүүлсэн ачааны хувь хэмжээнээс хамаарч 900,000-9,000,000 хүртэл төгрөгийн нөхөн төлбөр нэхэмжлэх ба төлбөрөө төлөөгүй тохиолдолд тээврийн хэрэгслийг дараагийн цэгт саатуулах, хөдөлгөөнд оролцохыг хориглох хүртэл арга хэмжээ авна.
Даац хэтэрсэн, задрах боломжгүй ачаа тээвэрлэх тохиолдолд Ezam.mn хаягаар нэвтэрч, хүсэлтээ илгээн, төлбөрөө төлөх аж.

бичвэр нарын зураг байж магад

бичвэр нарын зураг байж магад

Categories
мэдээ нийгэм эдийн-засаг

Монголд хөдөлмөр эрхлэх гадаад иргэдийн тоо 4.4 хувиар өсчээ DNN.mn

Монгол Улсад 2024 оны II улирлын сарын байдлаар 15600 гадаадын иргэн хөдөлмөр эрхэлж байна.

Энэ нь өнгөрсөн оны мөн үеийнхээс 4.4 хувиар, нэгдүгээр улирлаас 92.6 хувиар өссөн үзүүлэлт юм.

Нийт ажиллагсдын 47 хувь нь уул уурхай, 16.1 хувь нь барилга, 8.9 хувь нь боловсруулах үйлдвэр, 7.1 хувь нь жижиглэн худалдаа, машин засварт, 5.3 хувь нь цахилгаан, хий, агааржуулалт 4.7 хувь нь боловсролын салбарт ажилладаг бол 6.7 хувь нь олон улсын байгууллага,  суурин  төлөөлөгчийн газар хөдөлмөрлөж байна.

Э.Бадамгарав

Categories
мэдээ нийгэм

Үерийн аюулаас сэрэмжлүүлж байна DNN.mn

Наймдугаар сарын 6-ны өдрийн байдлаар Орхон гол Сайхан болон Орхон сум, Онон гол Дадал сум орчимд усны түвшин өмнөх өдрийнхөөс 20-30 см нэмэгдсэн байна.

Сэлэнгэ, Хараа /Дархан/, Туул / Босгийн гүүр- Улаанбаатар-Алтанбулаг /, Эг, Улз /Эрээнцав/, Хэрлэн /Хонгон-Чойбалсан/ зэрэг голууд үерийн түвшинг 5-35 см, Туул /Лүн/, Орхон /Орхонтуул/, Хурх, Барх, Онон, Балж, Хэрлэн /Мөнгөнморьт-Багануур-Өндөрхаан/ , Улз /Дашбалбар/ , Халх гол Ялалт баг орчимд үерийн аюултай түвшинг 10-130 см даван тус тус хүчтэй үерлэж байна.

Мөн түүнчлэн Алтай нуруунаас эхтэй Ховд, Буянт, Увс нуурын савын Хархираа, Намир гол үерийн түвшинг 5-10 см давсан хэвээр байна.

Маргааш буюу 8 дугаар сарын 7-нд Сэлэнгэ мөрөн Орхон голын дунд болон адаг хэсгээр усны түвшин 5-20 см, Хэрлэн гол Өндөрхаан-Чойбалсан хот орчимд 5-15 см  тус тус нэмэгдэх хандлагатай байна.

Иймд дээрх сав голдрил дүүрэн элбэг устай байгаа голуудын саваар нутаглаж буй малчид, аялаж амарч яваа ард иргэдийг үерийн аюулаас сэрэмжтэй байхыг онцгойлон анхааруулж байна.

Categories
мэдээ нийгэм цаг-үе

1131 иргэн онлайнаар бараа захиалаад залилуулжээ DNN.mn

Цахим залилангийн талаар  ЦЕГ-ын Урьдчилан сэргийлэх газрын мэргэжилтэн, цагдаагийн дэслэгч Л.Бат-Оргил мэдээлэл өглөө.

Тэрбээр ” 2024 он гарснаас хойш залилах гэмт хэрэг 5910 тохиолдол бүртгэгдсэн. Үүнээс 3674 буюу 62.2 хувийг цахим залилах гэмт хэрэг эзэлж байна.  Онлайн захиалгын залилах гэмт хэрэг 1131 байна.

Энэхүү төрлийн гэмт хэрэг хүний хэрэгцээнд тулгуурласан бараа бүтээгдэхүүнийг зах зээлийн ханшаас бага үнэ санал болгодог. Цаашлаад өндөр хувийн хямдрал санал болгоно. Мөн бараа бүтээгдэхүүний нөөц дуусаж байна гэж  яаравчлуулдаг. Мөнгөө бүрэн төлсөн тохиолдолд нийслэл орон нутаг руу хүргэлт үнэгүй зэргээр хялбар худалдан авалтыг танд санал болгодог.

Энэ төрлийн гэмт хэргээс урьдчилан сэргийлэхийн тулд бараа бүтээгдэхүүн таны гар дээр очоогүй тохиолдолд мөнгөө бүү шилжүүлээрэй . Эзэмшигч нь хэн гэдэг нь тодорхой, албан ёсны сайт болон хувь хүн байгууллагаас бараа бүтээгдэхүүнээ захиалж авахыг сануулж байна. Мөн  тухайн байгууллагыг  албан ёсны сайт мөн болохыг сайтар нягталж шалгахыг Цагдаагийн байгууллагаас анхааруулж байна” гэлээ.

 

 

Т.УНДРАХБАЯР

Categories
мэдээ нийгэм

Дорноговь аймгийн Айраг сумын төлбөр авах цэгийг бүрэн цахимжууллаа DNN.mn

Зам, тээврийн сайдаас өгсөн үүрэг, чиглэлийн дагуу Дорноговь аймгийн Айраг сумын төлбөр авах цэгийн үйл ажиллагааг бүрэн цахимжууллаа.

Иргэд, тээвэрчид та бүхэн www.ezam.mn, Emongolia, Toki, Mostmoney, Gerege, AUTOBOX аппликейшнаар цахим төлбөрөө цагт нь төлөөрэй.

Зам, тээврийн хөгжлийн төв ТӨҮГ нь 2024 онд орон нутгийн төлбөр авах цэгүүдийг цахимжуулахаар төлөвлөн ажиллаж байна.

Categories
мэдээ нийгэм цаг-үе

Хүүхэд хамгааллын тухай хууль ирэх сарын 1-нээс хэрэгжиж эхэлнэ DNN.mn

Хүүхэд хамгааллын тухай хууль ирэх сарын 1-нээс хэрэгжиж эхэлнэ. Хүүхэд хамгааллын тухай хуулийн шинэчилсэн найруулгыг 2024 оны 1 дүгээр сарын 12-ны өдөр УИХ-аар баталсан юм.

Тус хуулийн үйлчлэх хүрээг өргөжүүлж хилийн гадна байгаа Монгол Улсын харьяат хүүхдэд энэ хуулийг үйлчлэхээр зохицуулжээ. Мөн дараах онцлох зохицуулалтуудыг тусгасан байна.

Хүүхэд хамгааллын үйлчилгээний хэлбэр, хүүхэд хамгааллын кейс менежмент, хүүхэд хамгааллын мэргэжлийн удирдлагыг шинээр тодорхойлж, хүүхдийг хүчирхийллээс урьдчилан сэргийлэх, эрсдэлт нөхцөлд амьдарч байгаа хүүхдэд хүүхэд хамгааллын үйлчилгээг бүрэн хүргэх

Хүүхэд хамгааллын үйлчилгээнд хүүхдийн оролцоог хангах, санал бодлыг тусгах, дэмжих

Гэр бүл, нийгмийн орчин дахь хүүхэд хамгааллыг өргөжүүлж, эцэг, эх асран хамгаалагч харгалзан дэмжигчийн үүрэг, оролцоо, хариуцлагыг нэмэгдүүлэх

цахим орчин дахь хүүхэд хамгааллыг тусгаж, үүнтэй уялдуулан Зөрчлийн тухай хуульд холбогдох шийтгэлийг оногдуулах

хурдан морины уралдаанч хүүхдийн хамгаалал

гамшиг, онцгой нөхцөл байдлын үеийн хүүхэд хамгаалал

хэрэг хянан шийдвэрлэх ажиллагаа дахь хүүхэд хамгаалал

боловсрол, соёлын салбар дахь хүүхэд хамгааллыг өргөжүүлж өгсөн.

Салбар бүр хүүхэд хамгааллын үйлчилгээ үзүүлэхэд шаардагдах зардлыг жил бүрийн төсөвтөө тусган хэрэгжүүлэх

Сум, хороонд хүүхэд, гэр бүлийн нийгмийн ажилтан ажиллах

Хүүхдийн эрхийн улсын байцаагчийн эрх зүйн байдал, чиг үүрэг

Олон нийтийн байцаагч ажиллах
Засгийн газар, хүүхэд хамгааллын байгууллагын удирдлага, зохион байгуулалтыг шинээр тодорхойлжээ.

 

Categories
мэдээ улс-төр

УИХ-ын чуулган ээлжит бусаар хуралдана DNN.mn

УИХ-ын чуулган ээлжит бусаар хуралдахаар болжээ. Гэхдээ хуралдааны тов тодорхой болоогүй байна.

Хуралдаанаар дараах хоёр асуудлыг хэлэлцэх аж.

  • Монгол Улсын 2024 оны төсөвт тодотгол хийх,
  • Засгийн газрын үйл ажиллагааны мөрийн хөтөлбөрт өөрчлөлт оруулах асуудлыг хэлэлцэхээр төлөвлөжээ.
Categories
мэдээ нийгэм

63 их, дээд сургуулийн 39127 боловсролын баримт бичиг блокчэйнд байршаад байна DNN.mn

63 их, дээд сургуулийн 39127 боловсролын баримт, бичиг блокчэйнд байршаад байна. Дээд боловсролын баримт бичгийг блокчэйнд байршуулах ажлыг 2022 оноос эхлүүлсэн бөгөөд 2024 оны эхний хагас жилийн байдлаар 63 их дээд сургууль төгсөгчдийн 39127 дипломыг байршуулаад байна.

Энэ үйл ажиллагааг улам идэвхжүүлэх, цаашид цаасан дипломыг бүрэн халж, цахим дипломд бүрэн шилжих зорилгоор  Блокчэйн сольюшн ХХК, Хайперфюшнь ХХК-тай хамтран ажиллах санамж бичиг байгууллаа.

Блокчэйн технологи ашигласнаар төгсөгчдөөс гарч байгаа үнэт цаасны өртгийг бууруулах, хуурамч дипломын асуудлыг эцэслэх зорилготой юм.