Month: March 2024

Өмнөд Солонгосын нийслэл Сөүл хотын захиргаа 2026 он гэхэд 1007 цэцэрлэг, ногоон байгууламж шинээр байгуулах төлөвлөгөөгөө өнөөдөр танилцууллаа. Үүний хүрээнд 2024 оны эхний хагаст 150 цэцэрлэг байгуулахаар төлөвлөжээ.

Хотын захиргаа 265.9 тэрбум вон буюу 199.8 сая ам.долларыг хотын эргэн тойронд хүүхдүүд, өндөр настан, хөгжлийн бэрхшээлтэй хүмүүст зориулан цэцэрлэгжүүлсэн талбай, ногоон байгууламж байгуулахад зарцуулах ажээ.

Шинэ цэцэрлэгүүдийг байгуулах нь Сөүл хотын иргэдийн сэтгэл зовнил, стрессийн түвшнийг бууруулах зорилготой гэж хотын захиргааны Цэцэрлэгт хүрээлэн, соёл амралтын хүрээлэнгийн асуудал эрхэлсэн товчооны дарга Ли Сү Ён хэллээ.

Цэцэрлэг гэх мэт ногоон байгууламжийг харах нь хотын дүр зургийг харахтай харьцуулахад сэтгэл зовнилыг 20 хувиар, долоо хоногт хамгийн багадаа нэг удаа цэцэрлэгт цагийг өнгөрүүлэх нь стрессийг 60 хувиар бууруулдаг болохыг судалгаагаар тогтоосныг тэрбээр эш татжээ.

Хүмүүст өдөр тутамдаа улирлын өөрчлөлтийг мэдрэх боломжийг бүрдүүлэх жижиг хэмжээний ногоон байгууламжийг бий болгох зорилгоор цэцэрлэгүүдийг байгуулж буй юм. Тийнхүү хотын өргөн чөлөө, дээвэр, гүүрэн гарцан дээр, мөн орон сууцны хорооллуудын ойролцоо зэрэг нийт 167 байршлыг цэцэрлэгжүүлэхээр төлөвлөсөн байна.

“Монголын хөрөнгийн бирж” ХК-иас жил бүр Олон улсын эмэгтэйчүүдийн эрхийг хамгаалах өдрийг тохиолдуулж жендэрийн эрх тэгш байдлыг хангахад олон нийтийг уриалж, цан цохих ёслолын ажиллагаа зохион байгуулдаг.

Өнөөдрийн үйл ажиллагаанд “Монголын хөрөнгийн бирж” ХК-ийн Бизнес хөгжлийн газрын захирал Т.Хаш-Эрдэнэ, “Хаан банк” ХК-ийн Гүйцэтгэх захирал Р.Мөнхтуяа, Олон улсын санхүүгийн корпорацийн суурин төлөөлөгч Руфат Алимарданов, Монгол дахь НҮБ-ын Хөгжлийн хөтөлбөрийн суурин төлөөлөгч Матилда Димовска нар оролцлоо.

Энэ өдөр Монголд төдийгүй дэлхийн 118 орны хөрөнгийн биржүүд жендэрийн эрх тэгш байдлыг хангахын төлөөх үзэл санааг дэмжин арилжааг нээх цан цохих ёслол үйлддэг. “Монголын хөрөнгийн бирж” ХК-ийн үнэт цаасны 7169  дэх удаагийн арилжааг ийнхүү цан цохих ёслолоор эхлүүллээ.

Иргэн Х.Х нь эрх бүхий албан тушаалтны 2023 оны 0219296 дугаартай шийтгэлийн хуудсыг хүчингүй болгуулахаар маргасан ба уг шийдвэрээр  иргэн Х.Х-г “эрх бүхий байгууллагын зөвшөөрөлгүйгээр газар ашигласан, эзэмших эрхгүй газарт байшин барьсан зөрчил гаргасан” гэж үзээд  Зөрчлийн тухай хуульд зааснаар 500 000 төгрөгөөр торгох шийтгэл оногдуулжээ.

Гомдол гаргагч Х.Х нь “…Засаг даргын А/21 дугаартай захирамжаар эзэмшсэн газарт байшин барьсан, газрын кадастрын зураг нь зөрчилтэй байсныг Газрын харилцаа, барилга, хот байгуулалтын газраас зөвтгөж өгсөн” гэж, хариуцагчаас “Х.Х нь өөрт нь  эзэмшүүлсэн газраас 1600 метрийн зайтай өөр газарт байшин барьж, эрх бүхий байгууллагын зөвшөөрөлгүйгээр газар ашигласан зөрчил гаргасан нь кадастрын зураг, үзлэг, бусад нотлох баримтаар тогтоогдсон” гэж тус тус тайлбарлан маргасан.

Хэрэг хянан шийдвэрлэх ажиллагааны явцад эрх бүхий этгээдээс иргэн Х.Х-д эзэмшүүлсэн гэх газрын кадастрын зургийг 3 удаа үйлдэж, газрын мэдээллийн санд бүртгэсэн, эхний хоёр кадастрын зураг нь өөр газрын байршилд, харин  3 дахь удаа зөвтгөж үйлдсэн гэх кадастрын зургаар тодорхойлогдсон газрын байршил нь гомдол гаргагч Х.Х-ийн байшин барьсан орчны газар болох нь тогтоогдсон.

Газар эзэмшүүлэх эрхийн гэрчилгээгээр  Х.Х-д эзэмшүүлсэн газрын байршлыг  хариуцагч эрх бүхий албан тушаалтнаас шалгаж тогтоохгүйгээр Х.Х-д эзэмшүүлснээс өөр газарт үйлдэгдсэн буруу кадастрын зургийг үндэслэж, эрх бүхий байгууллагын  зөвшөөрөлгүйгээр газар ашигласан зөрчил гаргасан гэж үзсэн нь үндэслэлгүй байв.

Шүүхээс иргэн Х.Х-г зөрчил үйлдээгүй гэж үзэж,  шийтгэлийн хуудсыг хүчингүй болгож шийдвэрлэв.

Тоймыг бэлтгэсэн: Баян-Өлгий аймаг дахь Захиргааны хэргийн анхан шатны шүүхийн шүүгч М.Риза

Сүхбаатар аймгийн Сүхбаатар сумын түүхт 100 жилийн ойд зориулсан, тус сумын харьяат, улсын начин Лувсандоржийн Дашдаваагийн нэрэмжит улс, аймгийн алдар цолтой хүчит 128 бөхийн барилдаан гуравдугаар сарын 10-нд 13:00 цагт Монгол бөхийн өргөөнд болно.