Month: March 2024

Өнгөрсөн долоо хоногт шалгаж шийдвэрлэсэн зарим хэргийг Экологийн Цагдаагийн Албанаас мэдээллээ.

• Иргэн Р.З нь Дорнод аймаг Баян-Уул сумын 6 дугаар баг “Цагаан цоорхой” гэх газраас энэ оны 01 дүгээр сарын 17-ны өдөр 20 ширхэг нарс мод хууль бусаар бэлтгэж, экологи-эдийн засгийн хохирол учруулсан;

• Иргэн Д.Ж нь Хөвсгөл аймгийн Тариалан сумын 3 дугаар багийн нутаг дэвсгэрээс хууль бусаар мод бэлтгэж, экологи-эдийн засгийн хохирол учруулсан;

• Иргэн Ө.О нь Хөвсгөл аймгийн Алаг-Эрдэнэ сумын 6 дугаар багийн нутаг дэвсгэрээс хууль бусаар мод бэлтгэж, экологи-эдийн засгийн хохирол учруулсан;
• Иргэн Д.Э нь Хөвсгөл аймгийн Эрдэнэбулган сумын 1 дүгээр багийн нутаг дэвсгэрт байрлах “Өлөнт” гэх газраас хууль бусаар мод бэлтгэж, 2экологи-эдийн засгийн хохирол учруулсан;
• Иргэн Б.Б нь Төв аймаг Борнуур сум 3 дугаар баг “Цолмонгийн ам” гэх газар хууль бусаар мод бэлтгэж, экологи-эдийн засгийн хохирол учруулсан;

• Иргэн Ё.М нь 2023 оны 10 дугаар сарын 21-ны өдөр Хөвсгөл аймгийн Жаргалант сумын 2 дугаар багийн нутаг дэвсгэрт байрлах “Турагт” гэх газраас хууль бусаар мод бэлтгэж, экологи-эдийн засгийн хохирол учруулсан;
• Иргэн З.М нь энэ оны 02 дугаар сарын 19-ны өдөр Хөвсгөл аймгийн Алаг-Эрдэнэ сумын 4 дүгээр багийн нутаг дэвсгэрт байрлах “Урт царам” гэх газраас хууль бусаар мод бэлтгэж, экологи-эдийн засгийн хохирол учруулсан;
• Иргэн Б.Г нь энэ оны 02 дугаар сарын 04-ны өдөр Хөвсгөл аймгийн Түнэл сумын 1 дүгээр багийн нутаг дэвсгэрт байрлах Тэрхэн гэх газраас хууль бусаар мод бэлтгэж, экологи-эдийн засгийн хохирол учруулсан;
• Иргэн А.М нь энэ оны 02 дугаар сарын 06-ны өдөр Хөвсгөл аймгийн Эрдэнэбулган сумын 1 дүгээр багийн нутаг дэвсгэрт байрлах “Өлөнт” гэх газраас хууль бусаар мод бэлтгэж, экологи-эдийн засгийн хохирол учруулсан хэргүүдийг тус тус шалгаж, хохирлыг нөхөн төлүүлж, шүүхэд шилжүүлэн ажиллаа.

Цагдаагийн байгууллагаас өнгөрсөн долоо хоногт 32.505 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 156 хэргийг хүргүүлжээ.

Үүнээс:

• Хүний амьд явах эрхийн эсрэг 2,
• Хүний эрүүл мэндийн халдашгүй байдлын эсрэг 70,
• Хүний бэлгийн эрх чөлөө, халдашгүй байдлын эсрэг 6,
• Өмчлөх эрхийн эсрэг 46,
• Олон нийтийн аюулгүй байдал, ашиг сонирхлын эсрэг 5,
• Хүрээлэн байгаа орчны эсрэг 11,
• Хөдөлгөөний аюулгүй байдал, тээврийн хэрэгслийн ашиглалтын журмын эсрэг 12,
• бусад 4 хэрэг байна.

Зөрчлийн шинжтэй 63.456 үйлдэлд зөрчил шалган шийдвэрлэх ажиллагаа явуулж, 59.742 зөрчлийг шийдвэрлэсэн байна.

Нийт шийдвэрлэсэн зөрчлийн 59.322 зөрчлийг эрх бүхий албан тушаалтнаас буюу цагдаагийн алба хаагч шийдвэр гаргаж, 420 зөрчлийг шүүхээр шийдвэрлүүлсэн байна.

Үүнээс:

• Олон нийтийн газарт зүй бусаар биеэ авч явах 1727,
• Танхайрах 74,
• Хүний биед халдах 71,
• Гэр бүлийн хүчирхийлэлтэй тэмцэх тухай хууль зөрчих 183,
• Замын хөдөлгөөний аюулгүй байдлын тухай хууль зөрчих 53.161,
• бусад 4526 зөрчил байна.

Эдгээрээс хүүхдийн эрхийг зөрчсөн 38 иргэнд 11,400,000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 101 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.

Халиа тошин, шар усны үерт өртөж болзошгүй, үерийн эрсдэлтэй бүсэд суурьшсан айл өрхүүдэд мэдэгдэх хуудас хүргүүлж, нүүлгэх, шилжин суурьших бүсийг тогтоож өгөх ажлыг зохион байгуулж байна. Энэ хүрээнд Баянзүрх дүүргийн 150, Чингэлтэй дүүргийн 139, Сүхбаатар дүүргийн 40 айлд мэдэгдэл хүргүүлээд байгаа юм.

Тухайлбал, Баянзүрх дүүргийн 29, 33 дугаар хороонд голын ай сав орчим суурьшсан нийт 260 гаруй өрх байгаагаас зөвшөөрөлгүй буусан 84, эрсдэлд өртөж болзошгүй 45 айл байна. Харин Чингэлтэй дүүрэгт эрсдэлтэй бүсэд буй 85 айл, халиа тошинд өртсөн 39 айл байгаагаас 35 айл өрхийн хашааг татуулсан. Мөн Сонгинохайрхан дүүрэгт гурван айлыг нүүлгэн шилжүүлэх арга хэмжээ авсан байна.

Түүнчлэн иргэдэд шар усны үерээс урьдчилан сэргийлэх талаар сэрэмжлүүлж, зөвшөөрөлгүй буусан айл өрхүүдэд нүүх албан шаардлага тавьж, зохион байгуулалтын арга хэмжээ авч байгаа юм.