Month: March 2024

Монгол Улс 2024 оны эхний хоёр сард нийт 121 улстай худалдаа хийж, гадаад худалдааны нийт бараа эргэлт 3.8 тэрбум ам.долларт хүрсэн байна.

Үүнээс экспорт 2.2 тэрбум ам.доллар, импорт 1.6 тэрбум ам.долларт хүрч, тэнцэл 644.4 сая ам.долларын ашигтай гарсан гэж ҮСХ-ноос мэдээллээ.

Прокурор 2024 оны 2 дугаар сард ял эдлүүлэх болон зөрчлийн шийдвэр гүйцэтгэх ажиллагаанд хууль тогтоомж хэрхэн хэрэгжиж байгаатай 596 удаа танилцаж, 34 шалгалт, 5 судалгаа хийлээ.

Дээрх хяналтын ажлын явцад холбогдох хууль, журмыг болон ял эдэлж байгаа иргэний эрхийг зөрчсөн 165 зөрчлийг илрүүлж, холбогдох арга хэмжээг авсан байна. Тодруулбал, шүүхийн шийдвэр гүйцэтгэх байгууллагад 15 шаардлага хүргүүлж зөрчлийг арилгуулан, хуулиар олгогдсон эрх нь зөрчигдөж байсан 21 хүний эрхийг сэргээжээ.

Мөн шүүхээс ял шийтгүүлсэн 54 иргэний эрүүл мэндийн тусламж, үйлчилгээ авах, ажил хөдөлмөр эрхлэх, суралцах зэрэг эрхийг хангаж, шүүхийн шийдвэр гүйцэтгэх байгууллагаас ирүүлсэн саналын дагуу холбогдох шийдвэрийг гаргасан байна.

Цагдаагийн байгууллагын 102 тусгай дугаарт гуравдугаар сарын 14-ний өдөр нийт 1847 дуудлага, мэдээлэл бүртгэгдсэнээс зөрчлийн шинжтэй 1444, гэмт хэргийн шинжтэй 100 дуудлага, мэдээлэл байна.

Үүнээс гадна автомашин согтуугаар жолоодсон 56, хүний биед халдсан 56, эрүүлжүүлэх байранд хоносон 132 тохиолдол гарчээ.

Мал хулгайлах гэмт хэргээс урьдчилан сэргийлэх чиглэлээр хийгдэж буй зарим арга хэмжээний талаар цагдаагийн байгууллагаас мэдээллээ.

Энэ талаар ЦЕГ-ын Урьдчилан сэргийлэх газрын ахлах мэргэжилтэн, хошууч Х.Түвшинбаяр “Өнгөрсөн оны байдлаар улсын хэмжээнд 643 мал хулгайлах гэмт хэрэг бүртгэгдсэн. Энэ нь өмнөх онтой харьцуулахад 17.4 хувиар буурсан үзүүлэлт юм. Харин он гарсаар 119 мал хулгайлах гэмт хэрэг бүртгэгдээд байна.

Түүнчлэн улсын хэмжээнд цаг агаарын нөхцөл байдал хүндэрч, цас их хэмжээгээр орсонтой холбоотойгоор Дорнод аймгийн Матад сум, Халх гол сум, Сүхбаатар аймгийн Эрдэнэцагаан сумдын нутагт бог мал олноор бөөгнөрсөн. Цагдаагийн байгууллагаас мал хулгайлах гэмт хэргээс урьдчилан сэргийлэх, алдуул малын эздийг олж тогтоох чиглэлээр тодорхой арга хэмжээг авч хэрэгжүүлж байна. 

Одоогийн байдлаар нийт 50 орчим эзэн нь тогтоогдоогүй мал бөөгнөрсөн байсны 12 мянга орчмыг нь эздэд нь хүлээлгэн өгөөд байна. Үүнээс гадна Дорнод аймгийн онцгой комиссын шийдвэрээр хээрийн штаб байгуулагдсан. Тус штаб нь тухайн орон нутагт байгаа малыг бүртгэлжүүлэх, дүрсжүүлэх, хайгуулд явж буй иргэдэд зөвлөгөө өгөх, чиглүүлэх үүрэг хүлээж байна.

Иймд иргэд та бүхэн Сүхбаатар, Хэнтий, Дорнод аймгийн нутаг дэвсгэрээс алдуул малаа хайж байгаа бол “Эгэл малчны эрхэм хүсэл”, “Хэнтий аймгийн алдуул болон олдсон мал”, “Дорнод аймаг-Алдуул мал”, “Алдсан олдсон мал” зэрэг нэршил бүхий фэйсбүүк хуудаснаас мэдээлэл авах боломжтой.

Хөрсний бохирдлыг бууруулах зөвлөмжийг хүргэж байна. 

-Угаадсаа ил задгай асгахгүй байх. Угаадас нь гэр хороолол амьдардаг айлуудад төдийгүй орон сууцны айлуудад хамааралтай. Орон сууцанд амьдардаг хүмүүс орцныхоо гадаа автомашинаа угааж буй дүр зураг дулааны улиралд их элбэг харагддаг.

-Газар ухаж жорлон гаргах технологиос татгалзах. Орчин үеийн боловсон жорлон ашигласнаар дулааны улиралд ялаа зэрэг шавьж шавахгүй тав тухтай бие засах боломжтой.

-Хогоо ил задгай хаяхгүй байх. Ахуйн хог хаягдалаа зориулалтын хогийн уутанд савлаж, боож хаяж хэвшээрэй.

-Автомашинаа ил задгай угаахгүй, ус зайлуулах шугамтай зориулалтын угаалгын газраар үйлчлүүлэх. Автомашин угаалгын жижиг газруудын ихэнх нь ус зайлуулах шугамгүй байдаг.

-Айл өрхүүдийн бие засах газар, бохир усны нүх зэрэг ариун цэврийн байгууламжийн хүрэлцээ, ашиглалт, хог хаягдлын зайлуулалт хангалтгүй зэргээс болж ус бохирлогдож байгаа учир ундны усаа баталгаатай газраас авах, усаа буцалгаж хэрэглэх, гэрийн нөхцөлд усыг зөөвөрлөх, хадгалахад онцгой анхаарах шаардлагатай.

-Нэгэнт хөрсний бохирол ихтэй энэ үед дулааны улиралд хүүхдүүдээ гадаа тоглуулахдаа ариун цэврийг сайн сахиулах, хоол идэхийн өмнө, бие зассаны дараа гараа тогтмол угааж хэвших хэрэгтэй.

Эх сурвалж: Экологийн Цагдаагийн Алба