Month: March 2024

Замын-Үүд хилийн боомтын зорчигч, ачаа тээврийн бүтээн байгуулалттай өчигдөр Ерөнхий сайд Л.Оюун-Эрдэнэ, УИХ, Засгийн газрын зарим гишүүн, БНХАУ-аас Монгол Улсад суугаа Онц бөгөөд Бүрэн Эрхт Элчин сайд Шэнь Миньжюан нар танилцлаа.

Энэ үеэр Элчин сайд Шэнь Миньжюан үг хэлэв. Тэрбээр, “Эрхэм хүндэт Ерөнхий сайд Л.Оюун-Эрдэнэ,

Шадар сайд Ч.Хүрэлбаатар,

Монгол Улсын УИХ-ын гишүүн,

Засгийн газрын сайд нар аа, Хатагтай ноёд оо:

БНХАУ-ын буцалтгүй тусламжаар баригдсан Замын-Үүд боомтын ачаа зорчигч цогцолборын төсөл албан ёсоор ашиглалтад оруулж эхэлсэнд баяртай байна.Энэ нь зорчигч болон ачааны тээвэр боомтоор нэвтрүүлэх  чадавхийг ихээр сайжруулна гэдэгт итгэлтэй байна.  Мөн Гашуун сухайт боомтын төслийг аль болох хурдан барьж, ашиглалтад оруулахыг тэсэн ядан хүлээж байна.

Эрээн хот-Замын-Үүд боомт нь Хятад, Монголын худалдааны эргэлтийн гуравны нэгийг тээвэрлэдэг бөгөөд хоёр улсын хамгийн чухал боомтуудын нэг юм.  Өнгөрсөн оны сүүлчээр тус боомтод авто замын ачаа тээврийн гарцыг 24 цагаар ажиллагаатай болгосон төдийгүй наймаас доош суудалтай суудлын автомашины боомтоор нэвтрүүлэх ажлыг сэргээсэн.

Саяхан Ерөнхий сайд Л. Оюун-Эрдэнэ хоёр сайн мэдээ дуулгалаа. Нэгдүгээрт, Хятадын тал Монголын талтай дөрөвдүгээр сарын 1-нээс эхлэн зургаан сарын хугацаанд 24 цагаар ажилуулахад бэлэн байна гэж албан ёсоор мэдэгдье. Энэ нь Хоёр орны худалдааны хамгийн ачаалалтай үеийг хамарч, хоёр талын худалдаанд томоохон үр өгөөжөө өгнө гэдэгт найдаж байна. Хоёрдугаарт, 2014 онд Ши Жиньпин дарга Монгол Улсад хийсэн төрийн айлчлалын үеэр хоёр тал  Хятад Монголын Эрээн хот Замын-Үүдийн эдийн засгийн хамтын ажиллагааны бүсийг байгуулахаар тохирсон. Хятадын тал хэдэн өдрийн өмнө энэ төслийг албан ёсоор баталсан. Тус эдийн засгийн хамтын ажиллагааны бүс нь хоёр орон “Бүс ба зам”-ын хамтын ажиллагааг хамтдаа эрчимжүүлж, Хятад, Монгол, Оросын эдийн засгийн коридорын хөгжилд тус дөхөм болно гэдэгт итгэлтэй байна.

“Боомтын сэргэлт” нь Монгол Улсын эдийн засгийг сэргээх чухал хэсэг юм.  Хятадын тал Монголын талтай хүчин чармайлт гаргаж,  “Боомтуудыг аль болох нээж, төмөр зам, автозамыг холбож ажиллахад бэлэн байна. Мөн Хятад-Монгол-Оросын эдийн засгийн коридорын төв чиглэлийн төмөр замыг шинэчлэх, боомтуудын дэд бүтцийн бүтээн байгуулалтыг сайжруулах, AGV жолоочгүй  тээвэр зэрэг тээврийн шинэ хэлбэрийг хөгжүүлэх, хил дамнасан аялал жуулчлалын журмыг хэрэгжүүлж “Хатуу холболт болон Зөөлөн холболт”-ыг сайжруулахад бэлэн байна.

Энэ жил Хятад, Монгол дипломат харилцаа тогтоосны 75 жил, хоёр орны найрсаг харилцаа, хамтын ажиллагааны гэрээ байгуулсны 30 жил, хоёр орны иж бүрэн стратегийн түншлэлийн харилцаа тогтоосны 10 жилийн ой тохиож байна. Бид түүхэн шинэ гарааны цэг дээр зогсож, хоёр орны хувь заяаны нийгэмлэгийг урагшлуулж, “Бүс ба зам” энэ талбарыг сайн ашиглаж, хоёр улсын хөгжлийн стратегийг уялдуулахыг гүнзгийрүүлж, хоёр орны хөгжилд тууштай түлхэц үзүүлж, Ази тивийн шинэ  гэр бүл цогцлооход “Хятад-Монголын” хувь нэмрээ оруулахад бэлэн байна” гэлээ.

Сонгинохайрхан дүүргийн 5 дугаар хороонд баригдаж буй “Хүүхэд залуучуудын  театр”-ын барилгын барилга угсралт, дотор засал, тохижилт, гадна, дотор цахилгаан хангамжийн ажил, холбоо дохиоллын ажил бүрэн дуусаж ашиглалтад ороход бэлэн болжээ.

Тус барилга нь зоорьтой 4 давхар 850 суудалтай: Зоорины давхарт: Өлгүүр, хувцас солих өрөө, ариун цэврийн өрөөнүүд, бялдаржуулах танхим, хөгжмийн бэлтгэлийн өрөө, оёдлын хэсэг, хөгжимчдийн өрөө, театрын архив, болон бусад өрөө тасалгаа, агуулах,

1 давхарт: Үзэгчдийн танхим, гол орц, удирдлагын өрөө, сургалтын танхим, оффис, зочдын өрөө, кассын вестибюль, жижиг хэрэглэх хадгалах өрөө, ажилчдын өрөө, ариун цэврийн өрөөнүүд болон бусад өрөө тасалгаа,

2 давхарт: Бүжгийн заал, дугуйлан, сургалтын өрөөнүүд, хооллох хэсэг, гал тогоо, хөргүүрийн агуулах, хуурай хүнсний агуулах, ажилчдын өрөө, гэрэл техникийн өрөө, угаалга, серверийн өрөө болон бусад өрөө тасалгаа,

3 давхарт: Лодж, фойе, сургалтын танхим, тоглолтын танхим, жүжигчдийн өрөө, номын фонд, уншлагын танхим, зургийн өрөө, найруулагчдын өрөө, галерей, ариун цэврийн өрөөнүүд болон бусад өрөө тасалгаануудаас тус тус бүрдсэн зохион байгуулалттай.

Тус театр ашиглалтад орсноор иргэд хүүхэд залуучуудад соёлын үйлчилгээ ойртож тав тухтай, орчин үеийн хүүхэд залуучуудын театрын чиг хандлагатай байгууламжид соёлын үйлчилгээ авах боломжтой болно.

Улсын төсвийн хөрөнгө оруулалтаар тус ажлын зураг төслийг “Балданс ХХК,” ХХК, Ерөнхий гүйцэтгэлийг “Аглут” ХХК нар тус тус хийж гүйцэтгэж Нийслэлийн Хөрөнгө оруулалтын газар захиалагчийн хяналтыг хэрэгжүүлэн ажиллажээ.

Арав хоногт нэг удаа хийдэг хээрийн цасны хэмжилтийн мэдээгээр энэ сарын 20-ны байдлаар нийт нутгийн 50 гаруй хувьд цастай байна. Үүнээс  Алтай, Хангай, Хэнтий, Хөвсгөлийн уулархаг нутаг, Увс нуур, Дархадын хотгор, Хан Хөхийн нуруу, Дарьгангын тэгш өндөрлөг, Монголын Дорнод талаар 10-42 см, бусад нутагт 1-9 см, хунгарлаж шуурсан газартаа 60 см, гуу жалгандаа 80 см хүртэл зузаан цастай.

Энэ арав хоногт агаарын температур ихэнх нутагт олон жилийн дунджийн орчим буюу түүнээс 1.1-6.2 градусаар дулаан, Баян-Өлгий, Баянхонгор, Хөвсгөл, Төвийн зарим сумдын нутгаар дунджаас 1.1-1.7 градусаар хүйтэн, хур тунадас 60 гаруй хувьд олон жилийн дунджаас бага, 40 орчим хувьд дунджийн орчим буюу түүнээс ахиу орсон байна.