Month: February 2024

Эрт илрүүлэгт хамрагдсан насанд хүрэгчдийн хоёр хүн тутмын нэг нь идэвхтэй дасгал хөдөлгөөн хийдэггүй, 36.4 хувь нь илүүдэл жинтэй бөгөөд 40 ба түүнээс дээш насны дөрвөн хүн тутмын нэг нь таргалалттай байна.

Харин дөрвөн хүн тутмын нэг нь жимс, хүнсний ногоог 400 граммаас бага хэрэглэж байгаа аж. Халдварт бус өвчнөөр өвчлөх 1-2 хүчин зүйл хүн амын 22.4 хувьтай байгаа бол огт эрсдэлгүй хүн ам нь маш бага буюу 4.1 хувьтай байна.  Мөн үзлэгт хамрагдсан нийт хүн амын 8.1 хувь нь чихрийн шижинтэй байгаа бол эрт илрүүлгийн үед илэрсэн ходоодны хавдрын 44 тохиолдол дээрээс авч үзэхэд нэг хүн дунджаар 10.4-9.1 жилийн өмнө хавдраа эрт илрүүлж оношлуулжээ. Иймд хүн болгон сэтгэцийн эрүүл мэнддээ онцгойлон анхаарах хэрэгтэй байгааг Эрүүл мэндийн байгууллагаас уриаллаа.

Цагдаагийн байгууллагын 102 тусгай дугаарт 2024 оны хоёрдугаар сарын 06-ны өдөр нийт 1898 дуудлага, мэдээлэл бүртгэгдсэнээс зөрчлийн шинжтэй 1463, гэмт хэргийн шинжтэй 92 дуудлага, мэдээлэл байна.

Үүнээс гадна автомашин согтуугаар жолоодсон 31, хүний биед халдсан 65, эрүүлжүүлэх байранд хоносон 113 тохиолдол гарчээ.

Нийслэлийн Засаг даргын Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай A/242 дугаар захирамж гарсан. Тус захирамжийн хэрэгжилтийг хангуулах хүрээнд Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч О.Номинчимэг хүүхдийн тоглоомын талбайн зарим байршилд ажиллалаа.

Тэрбээр “Нийслэлд хүүхдийн тоглоомын 1200 гаруй талбай байдгаас 976 нь нийтийн эзэмшлийн талбайд байдаг. Эдгээрээс 803 талбайд стандарт хангуулах шаардлагатай бөгөөд 173 нь стандартын шаардлагыг 70 хувиас дээш хангасан байна. Сүүлийн жилүүдэд тоглоомын талбайд гэмтэж, эмнэлгийн тусламж авсан хүүхдийн тоо өссөн. Тухайлбал, 2022 онд энэ тоо 2453 болж нэмэгдсэн байна. Хүүхэд, багачуудын аюулгүй байдлыг хангахын тулд тоглоомын талбайн стандартыг хангуулахад цаашид анхаарч ажиллана. Монгол Улсад мөрдөж буй хүүхдийн тоглоомын талбайд тавигдах ерөнхий шаардлагын дагуу ашиглалт, хамгаалалтыг тухайн тоглоомын талбайн газар эзэмшигч хариуцах ёстой ч үүнийгээ биелүүлдэггүй. Хүүхдийн тоглоомын талбайг ихэвчлэн нэг удаагийн хөрөнгө оруулалтаар бариад орхидог. Иймд тоглоомын талбайд эвдрэл, гэмтэл гарсан тохиолдолд хариуцах эзэн олддоггүй. Үүнээс болж хүүхдүүд эрсдэлд ордог. Иймээс хүүхдийн тоглоомын талбайн эзэмшигчийг хариуцлагажуулах эрх зүйн зохицуулалтыг бий болгоно” хэмээлээ.

Монголын Үндэсний музейд хаврын тэргүүн сарын шинийн нэгэн, сар шинийн баярт зориулсан “Монгол цагаан сар” тусгай үзэсгэлэн өнөөдөр нээлтээ хийлээ.

“Монгол цагаан сар” үзэсгэлэнгээр монголчуудын уламжлалт зан үйл, шүтлэг бишрэл, идээ ундааны соёл, мэндлэх хүндлэх ёсон, уламжлалт тоглоом наадгай зэрэг олон зан үйлийг залуу хойч үедээ таниулах, түгээн дэлгэрүүлэх, Монголын Үндэсний музейн сан хөмрөгт хадгалагдах үе үеийн урчуудын бүтээж буй болгосон өв соёлыг сурталчлах, үзмэрийн хийц, үүрэг, зориулалтын талаар таниулах 100 гаруй түүх, соёлын үзмэрийг дэлгэн үзүүлнэ.

Үзэсгэлэн 4 дүгээр сарын 10-ний өдрийг хүртэл олон нийтэд нээлттэй, үнэ төлбөргүй үйлчлэх тул та бүхнийг хүрэлцэн ирэхийг урьж байна.

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2024 оны нэгдүгээр сарын 29-нөөс хоёрдугаар сарын 2-ны өдрүүдэд авлигын шалтгаан, нөхцөлийг арилгах чиглэлээр “Хөдөө аж ахуйн корпораци”, Сүхбаатар, Чингэлтэй дүүргийн Засаг даргын Тамгын газар, Говь-Алтай аймгийн Засаг даргын Тамгын газар, Гадаад харилцааны яам, Уул уурхай хүнд үйлдвэрийн яам, Санхүүгийн зохицуулах хороо, “Дулааны гуравдугаар цахилгаан станц” ТӨХК-ийн 2024 оны худалдан авах ажиллагааны төлөвлөгөө болон 2023 оны худалдан авах ажиллагааны хэрэгжилтэд дүн шинжилгээ хийжээ.

Төрийн албан хаагчийн ёс зүй, төрийн албаны хүнд суртал, чирэгдэл үзүүлсэн талаарх  иргэн, байгууллагаас ирүүлсэн 8 гомдол, мэдээлэл болон Хүүхэд, гэр бүлийн хөгжил, хамгааллын ерөнхий газар, Говь-Алтай аймгийн Засаг дарга, Өвөрхангай аймгийн Засаг дарга, Баянзүрх дүүргийн Цагдаагийн газар зэрэг байгууллага, албан тушаалтанд хүргүүлсэн мөрдөгчийн мэдэгдлийн мөрөөр хэрэгжүүлсэн ажил, арга хэмжээтэй танилцав. Авлигын эсрэг сургалтад нийт 1492 хүнийг хамруулан зохион байгууллаа.

Өнөөдрийн байдлаар нийт 1.3 сая иргэн эрт илрүүлэгтээ хамрагдаад байгааг Эрүүл Мэндийн Яам (ЭМЯ)-наас өнөөдөр мэдээллээ.

Залуучууд буюу 18-30 насныхан эрт илрүүлэгтээ бага хамрагдаж байгаа аж. Үзлэгт хамрагдсан залуучуудын өвчлөлийн тоо өндөр тэр дундаа шээс, бэлгийн замын тогтолцооны өвчлөл их байгаа аж.

Насанд хүрэгчдийн дунд зонхилон тохиолдож байгаа халдварт бус өвчинд хувь хүний амьдралын хэв маяг тэр дундаа тамхи татах, архи уух, хөдөлгөөний хомсдол, жимс ногооны хангалтгүй хэрэглээ буюу буруу хооллолт зэрэг нөлөөлж байна.

Түүнчлэн Монголын уламжлалт хоол хүнс хоорондоо харшлах нь бага. Харин уламжлалт бус хоол хүнсний хэрэглээнээс болж маш олон төрлийн өвчлөл бий болж байна гэдгийг эрүүл мэндийн байгууллагынхан онцолж байв.