Хөдөлмөр, нийгмийн хамгааллын сайд Х.Булгантуяа өнөөдөр сэтгүүлчдэд мэдээлэл өгөх үеэрээ “Төсөвт тодотгол хийсэн тохиолдолд нийт хүүхдэд мөнгө олгогдоно” хэмээн мэдээлсэн юм.

Тэрбээр “Өнгөрсөн оны байдлаар, 225 албан хаагч төрөөс цалинжиж байгаагаас 100 мянга нь боловсрол, эрүүл мэнд, шинжлэх ухаан, соёлын салбарынхан байна. Статистик мэдээллээс харахад, төрийн албан хаагчдын цалин хувийн хэвшлийнхэнтэй харьцуулахад 400 мянган төгрөгөөр бага байна. Хэдийгээр өнгөрсөн хугацаанд инфляцтай уялдуулж цалингийн хэмжээг нэмэгдүүлж ирсэн ч өнөөдөр төрийн албан хаагчид, ялангуяа төрийн үйлчилгээнийхэн ихээхэн бухимдалтай байна. Үүн дотроо соёлын салбарынхан хамгийн бага цалин авч байна.

Өдгөө төрийн албан хаагчдын цалин, нийгмийн баталгаатай холбоотой асуудлыг салбарын 30 хуулиар зохицуулж байна. Энэ нь тухайн хууль салбарынхандаа хэр ээлтэй батлагдсанаас хамаарч, цалин урамшууллын түвшин хэлбэлзэлтэй тогтоогдоод байна. Ерөнхийдөө төрийн албан хаагчдын цалин хөрөөний ир шиг байгаа нь боловсон хүчний дутагдлыг бий болгож байна. Иймд төсвийн тодотгол хийхдээ цалингийн хэмжээг тэгшитгэнэ. Нэн тэргүүнд төрийн албан хаагчдын цалингийн асуудлыг шийднэ. Дараа нь тэтгэвэр, хүүхдийн мөнгөний асуудлыг шийдвэрлэнэ. Тэтгэвэр нэмэх асуудал дээр тооцоо судалгаа хийж байна. Хүүхдийн мөнгөнөөс маш олон төрийн албан хаагчид хасагдсан. Иймд үүнийг шийдвэрлэх нь зүйтэй гэж үзэж байгаа” гэв.

Монгол Улсын Ерөнхий сайд захирамж гаргаж, Шаравдоржийн Идэрбаясгаланг Хөвсгөл аймгийн, Дашпунцагийн Түвшинжаргалыг Завхан аймгийн Засаг даргын албан тушаалаас тус тус огцруулжээ.

Эдгээр аймгийн Засаг даргыг шинээр томилох хүртэлх хугацаанд тэдний бүрэн эрхийг хэрэгжүүлж ажиллахыг Хөвсгөл аймгийн Засаг даргын орлогч М.Хуягбаатар, Завхан аймгийн Засаг даргын орлогч Ш.Мянганбаяр нарт даалгасан байна. Засгийн газрын өнөөдрийн хуралдаанд яам болон аймаг, нийслэлийн 2022 оны үйл ажиллагаанд хийсэн хяналт-шинжилгээ, үнэлгээний дүнг Засгийн газрын Хяналт хэрэгжүүлэх газар танилцуулав. Хөвсгөл, Завхан аймаг хангалтгүй үнэлгээ авсан тул Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль, Хөгжлийн бодлого, төлөвлөлт, түүний удирдлагын тухай хуульд заасны дагуу арга хэмжээ авсан аж.

Нэмэгдсэн Өртгийн Албан Татвар(НӨАТ)-ын сугалааны тохирол өнөөдөр боллоо.

Энэ удаагийн тохиролд 2023 оны дөрөвдүгээр сарын 1-30-нд худалдан авалт хийж, цахим системд бүртгүүлсэн 40,781,518 баримтыг оролцуулав.

Тохирлын дүн:

• 3 орон таарсан /30,000-60,000 төгрөг/: 36,771
• 4 орон таарсан /40,000-100,000/: 3,644
• 5 орон таарсан /60,000-500,000 төгрөг/: 322
• 6 орон таарсан /100,000- 5 сая төгрөг/: 38
• 7 орон таарсан /500,000- 10 сая/: 3
• 8 орон таарсан: 2 супер азтан тодорч 5-30 сая төгрөгийн эзэн болж байна.

Супер азтаны сугалааны дугаар: 30268129

НӨАТ-ын сугалааны тохирлоос азтан болсон хүмүүсийг орон нутгаар нь харвал

Үндэсний статистикийн хорооноос энэ оны дөрөвдүгээр сарын инфляцын статистик мэдээллийг өнөөдөр танилцуулав.

2023 оны дөрөвдүгээр сард инфляц 11.3 хувь гарсны 4.7 нэгж буюу 41.6 хувиар хүнсний бүлэг нөлөөлж байна. Харин импортын барааны үнэ 42 хувиар нөлөөлжээ. Тодруулбал, инфляц 11.3 хувьтай гарахад импортын хүнс 0.7 хувийг, импортын хүсний бус бараа 4.1 хувийг эзэлсэн байна.

Мөн инфляц 11.3 хувь болоход талх, гурил, будааны үнэ жилийн 31 хувь өссөн буюу 2.2 нэгж хувиар, хувцас, бөс бараа, гутлын үнэ жилийн 13.2 хувь өсөж, 1.5 нэгж хувиар нөлөөлжээ.

Доорх 10 бүтээгдэхүүн нийт инфляцад 27.7 хувьтай оролцсон хэмээн тайлбарлав. Мөн дөрөвдүгээр сарын инфляцын 3.1 хувийг эзэлж байгаа аж.

Засгийн газрын ээлжит хуралдаанаас гаргасан шийдвэрийг танилцууллаа.

Энэ үеэр соёлын салбарын ажилчин, албан хаагчдын цалин хөлсийг нэмэгдүүлэх шийдвэрийн талаар Соёлын сайд Ч.Номин мэдээлэв.

“Соёлын салбарт ажиллаж буй 3,002 хүнд таван жил тутам, зургаан сартай дүйцэх тэтгэмж олгоно”

Тэрбээр “Соёлын тухай хууль 2022 оноос хэрэгжиж эхэлсэн. Тус хуульд зааснаар төвөөс алслагдмал газар байрлаж буй соёлын байгууллагын ажилчин, албан хаагчид таван жил тутам зургаан сартай тэнцэх нэг удаагийн тэтгэмж олгох талаар тусгасан байдаг.

Энэ заалтыг соёлын салбарт хэрэгжүүлэх журмыг Засгийн газраас өнөөдөр баталлаа. Улсын хэмжээнд соёлын салбарын нийт 452 байгууллага үйл ажиллагаа явуулж байгаа. Эдгээр байгууллагын 432 нь хөдөө орон нутагт байдаг.

Тэгвэл дээрх шийдвэр хэрэгжсэнээр соёлын салбарт ажиллаж буй 4,470 албан хаагчдаас 3,002 хүнд таван жил тутам, зургаан сартай дүйцэх тэтгэмж олгохоор болж байна. Ингэснээр орон нутагт үйл ажиллагаа явуулж буй соёлын салбарын ажилчдын 70 хувь нь нэг удаагийн тэтгэмж авах боломжтой. Ийм шийдвэр өнөөдрийн хуралдаанаар гарлаа” гэв.

Үргэлжлүүлэн “Соёлын салбарт ажиллаж байгаа ажилчин, албан хаагчдын цалин хөлсний асуудал байнга яригддаг. Тэдний үндсэн цалин бусад төрийн байгууллагын ажилчдаас доогуур байна. Энэ бол сүүлийн 20 гаруй жил соёлын салбарт бугшсан асуудал. Тусдаа яамгүй байснаас үүдэлтэй.

Соёлын яам байгуулагдсан цагаас хойш салбарынхаа ажилчдын цалин хөлсийг 25 хувь нэмэгдүүлсэн. Гэсэн ч цалин хөлс бага хэвээр байна.

Соёлын салбарын ажилчдын төлөөллүүдтэй уулзаж, ярилцахад дараах хэд хэдэн асуудлыг хэлсэн. Тухайлбал,

• Цалин хөлс нь бусад төрийн салбарын ажилчдаас доогуур байна.
• Авч буй цалин нь амьжиргааны түвшинд хүрэлцдэггүй.
• Бидний онцлог нөхцөлийг ойлгож, үндсэн цалин, урамшууллыг тааруулж, тохируулж, инфляцтай уялдуулан цалин хөлсийг нэмэгдүүлэх саналыг хэлсэн.

Сүүлийн хоёр жилийн хугацаанд ХНХЯ, Сангийн Яамтай хамтарч 123 удаагийн уулзалт хэлэлцүүлэг хийснээр өнөөдөр тодорхой шийдэлд хүрч байна.

Тодруулбал, соёлын салбарын ажилчдын цалин хөлсийг боловсрол, шинжлэх ухааны салбарынхантай дүйцүүлнэ. Үүнийг энэ онд багтааж шийдвэрлэнэ. Цалин хөлсний асуудал эрхэлсэн төрийн захиргааны төв байгууллагад цалингийн сүлжээ, нэгдсэн системийг бодож зохицуулахыг үүрэг болгосон.

Энэ ондоо багтаан соёлын салбарын цалинг боловсрол, шинжлэх ухааны салбарынхантай дүйцэн орж ирэхээр байна” хэмээн соёлын салбарт хэрэгжүүлэх шийдвэрийг танилцуулав.