Month: March 2023

Авлигатай тэмцэх газрын Мөрдөн шалгах хэлтэс 2023 оны 3 дугаар сарын 6-10-ны өдрүүдэд гэмт хэргийн шинжтэй 65 гомдол, мэдээллийг шалгав. Үүнээс 4 гомдол, мэдээлэлд хэрэг бүртгэлтийн хэрэг нээж, 9 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн бөгөөд одоогоор 52 гомдол, мэдээллийг хянан шалгаж байна.

Түүнчлэн эрүүгийн 842 хэрэгт мөрдөн байцаалтын ажиллагаа явуулснаас өнгөрсөн долоо хоногт 9 хэргийг шүүхэд шилжүүлэх, 13 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлж, 4 хэргийг нэгтгэн шалгаж байна. Мөрдөн шалгах ажиллагаанд одоогоор 815 хэрэг шалгагдаж байна. Өнгөрсөн долоо хоногт эрүүгийн 1 хэрэгт 12 объектод нэгжлэгийн ажиллагаа явууллаа.

Шүүхэд шилжүүлэх саналтайгаар прокурорын байгууллагад хүргүүлсэн хэргүүдийг дурдвал:

• “Б” нь төрийн өмчийн оролцоотой хуулийн этгээдийн удирдах болон компанийн эрх бүхий албан тушаалтнаар ажиллах хугацаандаа бусдад давуу байдал бий болгосны улмаас төрийн өмчит хувьцаат компанид 2.1 сая төгрөгийн хохирол учруулсан гэх;
• Дундговь аймгийн Гурвансайхан сумын удирдах албан тушаалтан “А” нь бусдад давуу байдал бий болгосон гэх;
• “Алтай-Улиастайн эрчим хүчний систем” ТӨХК-ийн удирдах албан тушаалтан “Г” нь 600 гаруй нарны үүсгүүрийн тэжээлийг дур мэдэн худалдан борлуулж хувьдаа ашигласан, уул уурхайн компанид хулгайгаар эрчим хүч худалдан борлуулж хахууль авсан гэх;
• Говьсүмбэр аймгийн Баянтал сумын эрх бүхий албан тушаалтнууд нь албан тушаалын байдлаа урвуулан ашиглаж бусдад давуу байдал бий болгосон гэх;
• Увс аймгийн Засаг дарга “Ч” нь өөрийн зөвлөх, нэг нам, төрөл садны хамаарал бүхий этгээдүүдэд хууль бус давуу байдал үзүүлсэн гэх;
• Өвөрхангай аймгийн Орон нутгийн өмчийн газрын Худалдан авах ажиллагааны албаны удирдах албан тушаалтан “Д” нь албан тушаалын байдлаа урвуулан ашиглаж тендер сонгон шалгаруулалтад оролцож байгаа компаниудын захирлуудаас дэмжлэг үзүүлнэ гэж амлан бусдаар дамжуулан хахууль авсан гэх;
• БОАЖЯ-ны Аялал жуулчлалын бодлого зохицуулалтын газрын албан тушаалтан “Б”, “Ж” нар албан тушаалын байдлаа урвуулан ашиглаж улсын төсөвт хохирол учруулсан гэх;
• Өвөрхангай аймгийн “Өвөрхангай АЗЗА” төрийн өмчит хувьцаат компанийн удирдах албан тушаалтан “Л” нь төсвийн хөрөнгийг бусдын дансаар дамжуулан авч өөрт давуу байдал бий болгосон гэх;
• Нийслэлийн газар зохион байгуулалтын албаны нэр бүхий удирдах албан тушаалтнууд нь хууль бусаар газар эзэмших эрхийн гэрээ, гэрчилгээ олгож албан үүрэг, бүрэн эрхээ урвуулан ашиглаж бусдад давуу байдал бий олгосон гэх.

Нийслэлийн удирдах ажилтнуудын шуурхай зөвлөгөөн өнөөдөр боллоо.

Өмнөх шуурхай хуралдаанаас барилга угсралтын ажлын явцад гарч болзошгүй аюул, ослоос урьдчилан сэргийлэх ажлыг эрчимжүүлэх үүрэг өгсөн.

Энэ дагуу төлөвлөгөөт хяналт шалгалтаар их, дунд эрсдэлтэй үнэлэгдсэн 171 объектод, урьдчилан сэргийлэхээр 887 объектод хяналт шалгалт хийнэ. Стандартын шаардлага хангахгүй, эрсдэлтэй хүүхдийн тоглоомын 976 талбай байгаагаас 2023 онд 487-д нь стандарт хангуулах арга хэмжээ авна.

Түүнчлэн шар усны үер болон хөрсний усны халиа үүсэх эрсдэлээс урьдчилан сэргийлэх ажлаа эрчимжүүлж, үерийн хамгаалалтын далан сувгийн цас, мөс, лаг шаврыг цэвэрлэх ажлыг зохион байгуулах үүрэг өгсөн. Чингэлтэй, Баянзүрх, Сонгинохайрхан, Сүхбаатар дүүргийн 20 гаруй байршилд халиа тошин үүсэж, айл өрх, албан байгууллагын хашаа, гудамж, зам, талбай ус, мөсөнд автжээ. Үүссэн хор уршгийг арилгахаар 70 хүн 12 техник хэрэгсэлтэй ажиллаж, 35 км шуудуу татаж, 30 машин шороо асган ажиллаж байна.

Нийслэлийн хэмжээнд үйл ажиллагаа, худалдаа, үйлчилгээ явуулж байгаа иргэн, аж ахуйн нэгж, байгууллагуудыг орчныхоо 50 метр хүртэлх талбайн өнгө үзэмжийг сэргээх, цэвэрлэх, хэрэгжилтэд хяналт тавьж ажиллахыг үүрэг болгосон. Энэ хүрээнд худалдаа, үйлчилгээ эрхлэгч 2864 аж ахуйн нэгж, 1229 иргэн 183,400 ам метр талбайг цэвэрлэсэн байна.

IHC койн гаргах замаар иргэдээс 24.7 тэрбум төгрөг татан төвлөрүүлсэн “Их бит” ХХК-ийн хувьцаа эзэмшигч О.Мөнхжинг нэг сарын хугацаанд цагдан хориод байсан.

“Эрүүл Монгол хөдөлгөөн”-ний хүрээнд Чингэлтэй дүүргийн бүх ЕБС-ийн сурагчдыг эрүүл мэндийн үзлэгт хамруулахаар болжээ. Энэ талаар холбогдох алба хаагчид мэдээлэл өглөө.

Хот хариуцсан сайд Ж.Сүхбаатар “Чингэлтэй дүүргийн Эрүүл мэндийн нэгдсэн эмнэлгийн төвд өргөтгөл хийх шаардлагатай. Тиймээс гаднын тусламжаар төсөл хэрэгжүүлэхээр, газар чөлөөлөлтийн ажил хийгдэж байна. Монгол Улсын Ерөнхийлөгч У.Хүрэлсүхийн санаачлан хэрэгжүүлж буй “Эрүүл монгол хүн үндэсний хөдөлгөөн”-ийг хэрэгжүүлж байна. Тэр дундаа “Шүд” төслийг онцолж байна. Энэ хөтөлбөр олон жилийн өмнө хэрэгжиж байсан. Гэхдээ жигд, тогтвортой биш байна. Тиймээс иргэн, ААН-ийн оролцоог хангах хэрэгтэй байна. Бидний хийх ажил цөм эрүүл мэнд, боловсрол гэх цэг дээр уулзаж байна. Өнөөдрийн уулзалтад сургууль цэцэрлэгийн удирдлагууд ч мөн оролцлоо. Ерөнхийдөө нийслэл хотын хэмжээнд эмнэлгийн хүртээмж сайн хэдий ч улсын хэмжээнд тэр дундаа хөдөө орон нутаг, 330 сумдад шүдний эмч, эмнэлгийн байгууллагын хүртээмж сул байгаа юм. Энэ хүрээнд уг асуудлыг чухалчлан авч үзэж байна. Угтаа хүн өөрийн эрүүл мэндийг зөвхөн өөрөө л хариуцна. Харин хүүхдийн эрүүл мэндийг аав ээж, асран хамгаалагчид нь хянах асуудал. Эрүүл мэндийн боловсролын асуудлыг дахин давтан тавьж буй нь Ковидын дараах үеийн бидний олж авсан сургамжаас үүдэлтэй. Ковидын дараах шинэ үе рүү шилжиж байгаа учраас тайвширч болохгүй. Мөн өнөөдрийн уулзалтаар энэ онд Чингэлтэй дүүрэгт ямар, ямар ажил хийх талаар ярилцлаа” гэв.

Хоол зүйч, доктор, дэд профессор М.Пүрэвжав “Эрсдэлт хүчин зүйлийн судалгаагаар, Монгол Улсын хүн амын дотор 3.9 хувь нь л ямар нэг өвчин эмгэг тусах эрсдэлгүй байна гэж гарсан. Тэгэхээр үлдсэн хувь нь, ямар нэг байдлаар, тодорхой хэсэг хугацааны дараа ямар нэг өвчинд өртөх эрсдэлтэй байна. Тэгэхээр энэ улс оронд хэн ажиллаж, амьдарч, хөдөлмөр эрлэх вэ гэдэг нь асуудалтай болчихсон байна. Энэ эрдсэлийн хамгийн чухал нь хоол хүнстэй холбоотой. Монгол Улс ЕБС-ийн хоол үйлдвэрлэлийн тухай хууль баталсан. Үдийн цай хөтөлбөр маш буруу хэрэгжээд, төрийн мөнгийг бизнес болгосон. Учир нь үдийн цайг хэрэгжүүлэх тогтолцоо манайд байгаагүй. Үүний сөрөг нөлөө өнөө хэр нь арилахгүй байна. Уг нь үдийн хоол хөтөлбөрийг зөв хэрэгжүүлж чадвал нэн чухал ач холбогдолтой” гэв.

Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан “Эрүүл монгол хүн хөдөлгөөн” ард иргэд хэрхэн эрүүл байх вэ, өвдөхөөс өмнө сэргийлдэг эрүүл үеийг гаргаж ирэх вэ гэх зорилготой бодлого. ЕБС-д олгогдож буй эрүүл мэндийн боловсрол хэрхэн зөв олгогдож байна. Хүүхдүүд эрүүл амьдрах, аж төрөх тал дээр түлхүү анхаарал хандуулж байна. Цаашид ЕБС-иудын эрүүл мэндийн боловсролыг яаж бусад улсын жишгийн дагуу, өгөөжтэй байдлаар зохион байгуулах вэ гэдэг дээр анхаарал хандуулж байна. Мөн биеийн тамирын хичээлүүд хүүхдүүдэд дэмжлэг үзүүлж чадаж байна уу гэдэг дээр үнэлгээ, судалгаа хийж байна” гэлээ.