Боловсрол, Шинжлэх Ухааны Яам (БШУЯ)-наас сүүлийн хоёр жилийн хугацаанд боловсролын салбарт баримталсан бодлого, хэрэгжилт болон 2023 оны ажлын төлөвлөгөөг танилцуулах уулзалт зохион байгуулав.

Монгол Улс боловсролын цахим шилжилтийг амжилттай хэрэгжүүлэгч 10 улсын нэгээр зарлагдсан. Өөрөөр хэлбэл, коронавирусийн үед цахим болон теле хичээл хосолсон сургалтыг зөв нэвтрүүлсэн учраас боловсролын цахим шилжилтийг амжилттай хэрэгжүүлэгч болсон. Улмаар 2021 оны есдүгээр сарын 1-нд танхимын хичээлийг эхлүүлсэн байдаг.

Тав хоног танхимаар, ес хоног гэрээр хичээллэсэн. Энэ нь дэлхийн хэмжээнд үнэлэгдсэн тэргүүн туршлага. Хэрэв 2021 оны есдүгээр сард хичээлээ нээгээгүй байсан бол бүтэн хоёр жилийг алдана. Үүнээс шалтгаалж, сурлагын хоцрогдолд орох бүхэл бүтэн үе бий болох эрсдэл байсан гэдгийг Боловсрол, Шинжлэх Ухааны сайд Л.Энх-Амгалан хэллээ.

Тэрбээр “Монголын анхны цахим сургууль Medle.mn болон сурлагын хоцрогдол арилгах Suraad.mn цахим шийдлүүдийг орон даяар нэвтрүүлсэн.

Дараагийн алхам бол цэцэрлэгийн хэлбэр, хэв шинжүүдийг өөрчилсөн. Өмнө нь улсын цэцэрлэгүүддээ төлөвлөлт хийдэг байсан бол улсын болон хувийн цэцэрлэг, түрээсийн цэцэрлэг, байгууллагын цэцэрлэг, цомцог гэр гэх таван төрлийн цэцэрлэгийг гаргаж ирсэн. Улмаар цэцэрлэгийн хамрагдалт улсын хэмжээнд 92 хувьтай болжээ.

Монголын бүх ард түмний спортын өвлийн XVI наадам, Монголын хүүхдийн спортын өвлийн VII наадам “Нөхөрлөл, тэмүүлэл, амжилт” уриан дор энэ сарын 6-13-нд Орхон аймагт болж өндөрлөлөө. Дөрвөн жилд нэг удаа зохион байгуулагддаг Монголын өвлийн “олимп”-д 13 аймаг, долоон дүүргийн 700 гаруй тамирчин, багш, дасгалжуулагч гүйлтийн цана, уулын цана, хоккей, тэшүүр, шорт трейк, снөүбоард гэсэн спортын зургаан төрөлд 567 багц медалийн төлөө өрсөлдсөн.

Эрхэм уншигч танд Монголын бүх ард түмний XVI наадмын багийн дүнг хүргэж байна.

”Алдар” спорт хороо

Орхон аймаг

”Хилчин” спорт хороо

Баянгол дүүрэг

Төв аймаг

Сүхбаатар дүүрэг

Мөн Монголын хүүхдийн спортын өвлийн VII наадмын багийн дүнг хүргэе.

Хөвсгөл аймаг

Булган аймаг

Төв аймаг

Орхон аймаг

Сүхбаатар дүүрэг

Хан-Уул дүүрэг

Улсын хэмжээнд он гарснаас хойш гол, нуурын мөсөнд цөмөрсөн 8 дуудлагын дагуу Онцгой байдлын байгууллагын алба хаагчид 13 иргэний аюулгүй байдлыг ханган, 3 иргэний амь насыг аварч, 5 тээврийн хэрэгслийг татан гаргалаа.

Тухайлбал, өчигдөр Өвөрхангай аймгийн Хархорин сумын Орхон багийн “Салхитын гацааны-Өвөр” гэдэг газар сумын төвөөс баруун хойд зүгт Орхон голын мөс цөмөрч суудлын автомашин суусан дуудлагаар Хархорин сум дахь ОБХ-ийн алба хаагчид иргэн Р-ийн “Эврист” суудлын автомашин мөс цөмөрч суусныг татан гаргажээ. Мөн Увс аймгийн Завхан сумын Айраг нуур багийн “Үзүүрийн булаг”-т, Хяргас нуурын мөсөн дээгүүр зорчиж явсан суудлын автомашин мөс цөмөрч живсэн дуудлагаар аймгийн ОБГ, Завхан аймгийн Сонгино сум дахь ОБХ-ийн алба хаагчид ажиллаж байна. Нуурын мөс нимгэн байгаа тул 8-10 метр холоом ган татлага хийж, алба хаагчид 18 метрийн гүнд шумбан, автомашиныг холбоод, 50 метр газар хонгил гаргаж мөс цэвэрлэн, татан гаргаж байгааг ОБЕГна гэж Онцгой байдлын ерөнхий газраас мэдээлээ.

Прокурорын байгууллага өнгөрсөн долоо хоногт буюу 2023 оны 2 дугаар сарын 06-наас 10-ны өдрүүдэд хэрэг бүртгэлтийн 29.844, мөрдөн байцаалтын 2646 хэрэгт хяналт тавьж ажиллав.

Үүнээс Эрүүл мэндийн халдашгүй байдлын эсрэг 129, Өмчлөх эрхийн эсрэг 67, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 15, Бэлгийн эрх чөлөө халдашгүй байдлын эсрэг 8, Хүний амьд явах эрхийн эсрэг 5, Хүрээлэн байгаа орчны эсрэг 9, Авлига албан тушаалын 7, Улсын хилээр барааг хууль бусаар нэвтрүүлэх 2, нийт 312 хэрэгт яллах дүгнэлт үйлдэн шүүхэд шилжүүлж шийдвэрлэлээ.

Яллах дүгнэлт үйлдэн шүүхэд шилжүүлсэн хэргээс дурдвал:

– Тээврийн прокурорын газраас БНХАУ-ын иргэн Ж нь Монгол Улсын Засгийн газрын 2012 оны 07 дугаар тогтоолоор Ховор амьтны жагсаалтад багтсан “Хар сүүлт”-ийн 23 ширхэг эврээр цуглуулга хийж, түүхий эдийг Монгол Улсын хилээр хууль бусаар нэвтрүүлсэн гэх хэрэгт Эрүүгийн хуулийн 24.5 дугаар зүйлийн 1, 18.5 дугаар зүйлийн 1-т зааснаар яллах дүгнэлт үйлдэн Төв аймаг дахь Сум дундын Эрүүгийн хэргийн анхан шатны шүүхэд,

– БНХАУ-ын иргэн Ш нь Мөнгө угаах болох терроризмыг санхүүжүүлэхтэй тэмцэх тухай хуулийг зөрчиж Чингис Хаан Олон Улсын агаарын боомтоор 60 сая төгрөгийн үнэлгээтэй 5 ширхэг алтыг Монгол Улсын хилээр хууль бусаар нэвтрүүлсэн гэх хэрэгт Эрүүгийн хуулийн 18.5 дугаар зүйлийн 1-т зааснаар яллах дүгнэлт үйлдэн Төв аймаг дахь Сум дундын Эрүүгийн хэргийн анхан шатны шүүхэд,

– Нийслэлийн прокурорын газраас Мал эмнэлгийн ерөнхий газрын дарга Т, Мал эмнэлгийн хүрээлэнгийн Эрдэм шинжилгээний ажилтан Б нар нь эрх мэдэл, албан тушаалын байдлаа урвуулан ашиглаж, яаралтай дархлаажуулалт гэх нэрийдлээр Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийг зөрчиж, бусдад 778.560 ам.долларын давуу байдал бий болгож үндэслэлгүйгээр хөрөнгөжсөн, улсын төсөвт онц их хэмжээний хохирол учруулсан, мөнгө угаасан гэх хэрэгт Эрүүгийн хуулийн 18.6 дугаар зүйлийн 1, 22.1 дүгээр зүйлийн 1, 22.10 дугаар зүйлийн 1-т зааснаар яллах дүгнэлт үйлдэн, Баянзүрх дүүргийн Эрүүгийн хэргийн анхан шатны шүүхэд,

– Монгол улсаас Бүгд Найрамдах Хятад Ард улсын Өвөр Монголын өөртөө засах орны Хөх хотод суух Ерөнхий консулаар ажиллаж байсан М нь эрх мэдэл, албан тушаалын байдлаа урвуулан ашиглаж өөртөө болон бусдад давуу байдал бий болгосон, төсвийн хөрөнгийг зориулалтын бусаар зарцуулсан, бусдын нэр төр, алдар хүндэд халдсан илт худал мэдээллийг олон нийтэд тараасан, хууль сахиулагчийг албан үүргээ биелүүлэхтэй нь холбогдуулан хүч хэрэглэж эсэргүүцсэн,

Мөн Монгол Улсын Их хурлын Тамгын газрын хэвлэл, мэдээлэл олон нийттэй харилцах хэлтсийн даргаар ажиллаж байсан Э, Монгол Улсын Байгаль орчин, аялал жуулчлалын яамны тусгай хамгаалалттай нутгийн удирдлагын газрын даргын албан үүргийг түр орлон гүйцэтгэж байсан Б, Богдхант Уулын дархан цаазат газрын хамгаалалтын захиргааны газрын даргын албан үүргийг түр орлон гүйцэтгэгчээр ажиллаж байсан П нарт албан тушаалын байдалтай холбогдуулан хахууль өгсөн гэх хэрэгт Эрүүгийн хуулийн 22.1 дүгээр зүйлийн 1, 22.4 дүгээр зүйлийн 1, 22.5 дугаар зүйлийн 1-т зааснаар яллах дүгнэлт үйлдэн Чингэлтэй дүүргийн Эрүүгийн хэргийн анхан шатны шүүхэд,

– Эрдэнэт Үйлдвэр ХХК-ийн Гадаад худалдааны хэлтсийн даргаар ажиллаж байсан А нь ашиг сонирхлын үүднээс гүйцэтгэх ёсгүй үйлдлийг хийж, компаниудын зэсийн баяжмал ачих жагсаалтыг өөрчилсний хариуд хахууль авсан, мөнгө угаасан гэх хэрэгт Эрүүгийн хуулийн 22.4 дүгээр зүйлийн 4, 18.6 дугаар зүйлийн 1-т зааснаар яллах дүгнэлт үйлдэн, Хан-Уул дүүргийн Эрүүгийн хэргийн анхан шатны шүүхэд тус тус шилжүүлсэн байна.

Замын-Үүд” боомт нь манай улсын хилээр нэвтэрч буй ачаа тээврийн 70 орчим хувь, зорчигч тээврийн 30 хувийг дангаар нэвтрүүлж, гаалийн орлогын 15 хувийг дангаар бүрдүүлдэг ложистикийн гол боомт юм.

Тус боомтод өнөөдөр Ерөнхийлөгч У.Хүрэлсүх, Боомтын сэргэлтийн үндэсний хорооны дарга Х.Булгантуяа тэргүүтэй албаны хүмүүс ажиллав.

Замын Үүд боомтын дэд бүтцийн шинэчлэлийн ажлыг БНХАУ-тай хамтран хэрэгжүүлэхээр тохиролцож, 2019 онд бүтээн байгуулалтын ажлыг эхлүүлсэн.

Монгол Улсын Засгийн газраас дэвшүүлсэн “Шинэ сэргэлтийн бодлого”-ын хүрээнд хэрэгжиж буй “Хилийн Замын-Үүд боомтын барилга байгууламж, дэд бүтцийн барилга угсралтын ажил” төслийн хүрээнд:

• Зорчигч, тээврийн хэсэгт 30 барилга байгууламжийн бүтээн байгуулалт,
• Ачаа тээврийн хэсэгт 28 барилга байгууламжийн бүтээн байгуулалт,
• Хүнд даацын авто замын барилгын ажил,
• Иж бүрэн инженерийн шугам сүлжээний ажил,
• Гадна цахилгаан хангамжийн эх үүсвэрийн шугамын ажлыг хийж гүйцэтгэх бөгөөд нийт ажлын гүйцэтгэл 91 хувьтай байна.

Зорчигч тээврийн хүчин чадлыг дөрөв, ачаа тээврийн хүчин чадлыг гурав дахин нэмэгдүүлнэ

Зорчигч тээврийн цогцолборын хүрээнд нийт 19.72 га талбайд барилга байгууламж, дулаан, цахилгаан хангамж, цэвэр ус, ариутгах татуурга бүхий инженерийн дэд бүтцийн ажил, авто зам талбай, явган зам, ногоон байгууламжийн ажил гүйцэтгэжээ.

Сар шинийн баяр ойртож буйтай холбогдуулан цагдаагийн байгууллагаас томоохон зах, худалдаа үйлчилгээний болон хүн ихээр зорчдог газруудад хулгайлах гэмт хэргээс урьдчилан сэргийлэх, таслан зогсоох, илрүүлэх зорилгоор нэгдсэн эргүүл хяналт, шалгалт зохион байгуулж дараах хэргийг илрүүлэн мөрдөн шалгах ажиллагаа явуулж байна. Тодруулбал, Сүхбаатар дүүргийн 9 дүгээр хорооны нутаг дэвсгэрт байрлах Баянбүрдийн автобусны буудал орчимд С.А /эмэгтэй, 13 настай/-н халааснаас “Iphone” загварын гар утсыг тодорхой эрхэлсэн ажилгүй Л.З /эрэгтэй 33 настай/ хулгайлан авч явсан хэргийг;

Сүхбаатар дүүргийн 11 дүгээр хорооны нутаг дэвсгэрт иргэн Б.Б /эмэгтэй, 20 настай/ “Samsung galaxy” загварын гар утас, иргэн А.Б /эмэгтэй, 25 настай / “Iphone 12 про” загварын гар утас алдсан хэргийг эрхэлсэн тодорхой ажилгүй сэжигтэй этгээд С.Б /эрэгтэй, 51 настай/, У.Б / эрэгтэй, 37 настай/, Г.С /эрэгтэй, 42 настай/ нар бүлэглэн хулгайлсан хэргийг илрүүлж, сэжигтэй этгээдүүдийг баривчлан Нийслэлийн цагдаагийн удирдах газрын Мөрдөн шалгах газрын Халаасны хулгайн гэмт хэрэгтэй тэмцэх хэлтсээс материалжуулан шалгаж байна.

Иймд иргэдийг худалдааны төв, нийтийн тээврийн хэрэгслээр бэлэн мөнгөтэй явах, гар утсаа халаасалж явах үедээ сонор сэрэмжтэй байж энэ төрлийн гэмт хэргийн хохирогч болохоос урьдчилан сэргийлэхийг цагдаагийн байгууллагаас анхааруулж байна.