Month: February 2023

Өглөө бүр тантай хамт байдаг “Өдрийн сонин”-ы пүрэв гаригийн дугаар 12 нүүрээр хэвлэгдэж, та бүхний гарт хүрч байна.

---

“Өдрийн сонин”-ы тэргүүн нүүр Өмнөговь аймгийн Засаг дарга Р.Сэддорж “Бид иргэдийнхээ цалин хөлсийг
100 хүртэлх хувиар нэмэгдүүлсэн
түүхэн шийдвэртэйгээр туулай жилээ
угтаж байна” гэснийг V нүүрээс үргэлжлүүлэн уншаарай.

Эдийн засагч Ч.Отгочулуу “Арван
хүний
ес нь ядуу
байна” гэлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Б.Цэнддоогийн “Сээр”-ийн бөхөөс Сирийн бөх ” хэмээх нийтлэл хэвлэгдлээ.

Улаанбаатарын уугуул Я.Дашням “Хотын уугуул иргэдийн дийлэнх нь Төв аймгаас гаралтай” гэв.

Ерөнхийлөгч асан Ц.Элбэгдор жийн өдрийн тэмдэглэл нийтлэгдлээ.

Энэ жилийн сар шинийн баяраар
аль болох гэрлэн дохиогоор
зохицуулалт хийнэ гэв.

Мал эмнэлгийн ерөнхий
газрын дарга асан
Д.Түмэндэмбэрэл “Мафийн эсрэг тэмцээд эцэс
сүүлд нь өөрөө “мафи” болоод хувирчихлаа” хэмээв.

---

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

“ӨДРИЙН СОНИН” ӨГЛӨӨ БҮР ТАНТАЙ ХАМТ

Экваторын Гвиней улсад үхлийн аюултай марбург вирусийн тохиолдол бүртгэгдсэнийг Даваа гаригт зарлав. Төв Африкийн тус улсад энэ вирусээс болж есөн хүн нас барсан тул ДЭМБ яаралтай хуралдлаа. Урьдчилан сэргийлэх зорилгоор халдвар авсан байж болзошгүй 200 хүнийг тусгаарлаад байна. Ийн хурдан шуурхай арга хэмжээ авсанд нь ДЭМБ-ын Африкийн бүс нутаг хариуцсан захирал Мацидисо Моэти талархал илэрхийлэв.

Марбург вирус нь анх 1967 онд лабораторийн сармагчингаас үүдэлтэйгээр Германд дэгдэж байсан. Энэ нь Баруун Африкт 2014 онд дэгдсэн эбола вирустай төстэй бөгөөд халдварлах чадвар нь маш өндөр. Тус өвчний нас баралтын түвшин дунджаар 50 хувьтай байдаг аж. Вирусийн хувилбараас хамаараад энэ нь 24-88 хүртэл хэлбэлзэж байжээ. Марбургийн вирусийн анхны шинж тэмдгүүд нь өндөр халуурах, толгой хүчтэй өвдөх, бие сульдах зэрэг юм.

Одоогоор энэ өвчнөөс урьдчилан сэргийлэх ямар нэг вакцин эсвэл вирусийн эмчилгээ байхгүй байна. ДЭМБ-ын хуралдааны үеэр вакцины боловсруулах талаар яригджээ.

Марбург вирусийн хамгийн сүүлийн тохиолдол өнгөрсөн оны долдугаар сард Гана улсад бүртгэгдэж байв. Тухайн үед хоёр хүн нас баржээ.

Хүүхдийн хорт хавдартай тэмцэх олон улсын өдрийг манай улсад 2017 оноос хойш тэмдэглэж байна. Энэ жил ЭМЯ, ЭХЭМҮТ, ДЭМБ, МҮОХ-той хамтран долоо дахь жилдээ тэмдэглэн өнгөрүүллээ.

Эл өдөр хавдрыг даван туулсан хүүхдүүдэд “Эрэлхэг баатар” медаль гардуулан өгдөг уламжлалтай. МУ-ын гавьяат тамирчин, Олимпын хүрэл медальт Д.Отгондалай, МУ-ын шигшээ багийн тамирчин Т.Санчир нар хавдрыг даван туулагч хүүхдүүдэд “Эрэлхэг баатар” медаль гардуулж, урам зориг өгөв.

Үйл ажиллагаанд Эрүүл мэндийн сайд, ДЭМБ-ын Суурин төлөөлөгч, МҮОХ-ны Ерөнхийлөгч, ЭХЭМҮТ-ийн удирдлага, эмч, ажилчид, бусад лавлагаа шатны тусламж үйлчилгээний эмч, мэргэжилтнүүд болон хавдрыг даван туулсан хүүхдүүд, тэдний гэр бүл болон шинээр оношлогдон эмчилгээ хийгдэж буй хүүхдүүд, тэдний асран хамгаалагч нар оролцлоо.

Дэлхий дахинд жилд дунджаар 400,000 хүүхэд хорт хавдраар өвддөг бөгөөд Монгол улсад жилд 100 гаруй хүүхдийн хорт хавдар шинээр бүртгэгддэг байна. 2022 онд ЭХЭМҮТ-д 0-19 насны 89 хүүхэд шинээр хорт хавдраар оношлогдон эмчлүүлж байна.Монгол улсад цусны, тархины, нүдний хорт хавдар, ходжкины болон ходжкины бус лимфома зонхилдог нь олон улстай харьцуулахад төстэй байгаа юм. Хүүхдийн хорт хавдрын шалтгааны 95 хувь нь одоог хүртэл тодорхойгүй байна. Иймд дэлхий нийтээрээ хүүхдийн хорт хавдрын эрт оношилгоо, чанартай эмчилгээнд анхаарал хандуулан ажиллаж байна.

ДЭМБ-аас 2018 онд Хүүхдийн хорт хавдартай тэмцэх Глобаль санаачилгыг гаргасан. Уг санаачилгын хүрээнд 2030 он гэхэд хорт хавдартай хүүхдийн амьдрах чадварыг 60%-аас дээш хүргэж нэмэгдүүлэх, дараагийн 10 жилд эмчилгээний чанар хүртээмжийг 2 дахин нэмэгдүүлэх зорилго тавьсан бөгөөд ингэж чадвал 1сая хүүхдийн амь насыг аврах боломжтой хэмээн үзэж байна.

Монгол улсын Засгийн газар хүүхдийн хорт хавдрын тусламж үйлчилгээг сайжруулах зорилт тавьж ДЭМБ-ын дээрх санаачилгад 2021 онд нэгдсэн нь Номхон далайн баруун бүсийн улсуудаас Филиппин улсын дараа хоёр дахь улс болсон юм. Тус санаачилгын хүрээнд ДЭМБ, ДЭМБ-ын Хамтын ажиллагааны төв болох АНУ-ын Сэйнт Жүүд Хүүхдийн эрдэм шинжилгээ судалгааны эмнэлэгтэй хамтран Монгол Улсын Засгийн газарт хүүхдийн хорт хавдрын тусламж үйлчилгээний тогтолцоог бэхжүүлэх чиглэлээр дэмжлэг үзүүлэн хамтран ажиллаж байна.

“Зөвлөлдөж шийдье” уулзалт нийгмийн тулгамдсан асуудал сэдвийн хүрээнд Төрийн ордонд үргэлжилж байна.

Энэ үеэр иргэн н.Сарантогтох “Монгол хүний хөдөлмөрийг үнэлж байгаа асуудалд төрийн бодлого алдагдсанаар гадаад гарч амьдралаа дээшлүүлэх гэсэн хүсэлтэй залуучуудын тоо нэмэгдэж байна. Ажлын байранд мэргэжлийн ажиллах хүч цөөрлөө. Хүүхдийн мөнгө, халамжид найдаж амьдрах хүмүүс их боллоо. Ийм учир бараа бүтээгдэхүүнийхээ үнийг барих бодлого барьж болдоггүй юм уу?” хэмээн асуув.

Түүний асуултад Хөдөлмөр нийгмийн харилцааны дээд сургуулийн захирал дэд профессор Г.Баярмаа “Монгол хүний хөдөлмөрийн үнэлэмж, цалин хөлсний нөхцөл байдал манай улсад яах аргагүй тулгамдсан асуудал болоод байна. Хөдөлмөрийн үнэлэмж гэдэг бол тухайн ажилтны ур чадвар, мэдлэг боловсролыг нийгмээс хүлээн зөвшөөрч буй чухал асуудал.

Хөдөлмөрийн үнэлэмжтэй холбоотой хэд хэдэн үзүүлэлт байдаг. Тухайлбал, дотоодын нийт бүтээгдэхүүнд эзэлж байгаа цалин хөлс, нийгмийн хамгааллын хувь хэмжээ дөнгөж 26.7 хувьтай байна. Энэ хувь хэмжээ өндөр хөгжилтэй улс орнуудын хувьд 67 хувьд хүрч болдог. Хөдөлмөрийн хөлсний доод хэмжээний асуудал бий. Манай улсын хувьд энэ үзүүлэлт 550,000 төгрөг байдаг. Хамгийн ойрын жишээ авч болох улсууд буюу БНСУ, БНХАУ-тай харьцуулахад долоо дахин бага байна. Тухайн улсуудад нэг цагт ногдох хөдөлмөрийн хөлсний доод хэмжээ 23,000 төгрөг байгаа. Гэтэл манай улсынх 3,270 төгрөг” гэдгийг хэллээ.

Харин цалинг нэмэгдүүлэх боломжийн тухайд “Хөдөлмөрийн хөлсний доод хэмжээний тухай, төрийн албан хаагчдын цалингийн сүлжээ жишгийг тогтоодог хуулийн зохицуулалт бий. Эдгээр хуулиар дамжуулан цалин хөлсний түвшнийг бүтээмж, эдийн засагтай уялдуулах хэлбэрээр нэмэгдүүлэх бүрэн боломжтой.

Бид эдийн засгийн өсөлтөө л бий болгох ёстой. Ингэж байж бүтээмжээ нэмэгдүүлээд, аж ахуйн нэгжүүдийн орлого нэмэгдэж, цалин хөлсний шударга хуваарилалтыг хийнэ” гэсэн юм.

Дэлхийн мэс заслын хамгийн өндөр технологид тооцогдох Эрхтэн шилжүүлэн суулгах мэс заслыг Улсын нэгдүгээр төв эмнэлгийн хамт олон амжилттай нутагшуулж, энэ сарын 08-ны өдөр бөөр шилжүүлэн суулгах 300 дахь мэс заслыг амжилттай хийлээ.

Өвчтөн нь 34 настай эрэгтэй, IV бүлгийн цустай, бөөрний дутагдал оноштой бөгөөд 32 настай эмэгтэй дүү нь донор болсон. 100 хувийн тохироотой.

Мэс заслын багт 60 гаруй хүн багтсан бөгөөд одоогоор өвчтөний биеийн байдал сайжирч, эмнэлгээс гарах өдрөө хүлээж байна.

“Хүүхдээс бөөр шилжүүлэн суулгах шинэ технологиудыг нэвтрүүлэхээр зорьж ажиллаж байна”

УНТЭ-ийн Ерөнхий захирал Б.Хишигжаргал энэ үеэр “Улсын нэгдүгээр төв эмнэлэгт “БӨӨР ШИЛЖҮҮЛЭН СУУЛГАХ” 300 дахь мэс засал амжилттай хийгдлээ. Өнөөдрийн байдлаар өвчтөний биеийн байдал сайн, лабораторын шинжилгээгээр хянагдаад эмнэлгээс гарах дөхөж байгаа.

УНТЭ-т эртхэн шилжүүлэн суулгах анхны оролдлогууд 1990-ээд оны сүүлээр эхэлж, 2006 онд бөөр шилжүүлэн суулгах анхны мэс засал хийгдсэн. Үүний өмнө бөөрний, бөөрний мэс заслын, эрчимт эмчилгээ, мэдээгүйжүүлгийн зэрэг маш олон хүнийг багтаасан Бөөр шилжүүлэн суулгах үндэсний багийг байгуулсан.