Month: December 2022

Categories
мэдээ нийгэм

Өнгөрсөн сард 270 иргэн эрүүл мэндийн салбарт өргөдөл, гомдол, санал ирүүлжээ DNN.mn

Эрүүл мэндийн салбарыг үндсэн дөрвөн чиглэлээр шинэчилнэ

Засгийн газрын иргэд олон нийттэй харилцах 1111 төвд ирсэн өргөдөл, гомдол, томуу, томуу төст өвчний тухай болон бусад цаг үеийн асуудлаар албаныхан мэдээлэл өглөө.

Өнгөрсөн сард нийт 270 иргэн эрүүл мэндийн салбарын үйл ажиллагаатай холбоотой асуудлаар 1111 төвд ханджээ. Тэдний дийлэнх нь өргөдөл, гомдол, санал, 47 хувь нь талархал байжээ. Эмнэлгийн хүлээгдэл, эмнэлэгт цаг захиалах шат дамжлага төвөгтэй байгааг 19.6 хувь нь дурдсан байна.

Мөн эмнэлгийн тусламж үйлчилгээний чанарыг сайжруулах, салбарын хөрөнгө оруулалт, даатгал, цахим систем, урьдчилан сэргийлэлт, эмнэлгийн зогсоол төлбөртэй байгаа талаар олон иргэн ханджээ.

Гемодиализийн эмчилгээний аппаратыг нэмэх хүсэлт мөн ирүүлсэн байна. Нийт өргөдлийн 24 хувийг ЭМЯ-нд хаяглажээ. Эрт илрүүлэгт хэрхэн хамрагдах, томуугийн вакцин хийлгэх хүсэлтээ илгээжээ. Санал хүсэлтийн дийлэнх нь ЭМЯ, ЭХЭМҮТ, ХӨСҮТ, ХСҮТ, Улсын 1, 2, 3-р эмнэлэгтэй холбоотой байсан байна.

Иргэдийн санал хүсэлтийг Засгийн газрын иргэд олон нийттэй харилцах 1111 төвөөс гадна ЭМЯ-ны цахим хаягаар авч эхэлжээ. Мөн Эрүүл мэндийн байгууллагууд руу хүргүүлж, богино хугацаанд хариу өгөх чиглэлээр үүрэг даалгавар өгч, хяналт тавьж ажиллана гэдгийг ЭМЯ-ны Төрийн захиргааны удирдлагын газрын дарга П.Эрхэмбаяр хэллээ.

Categories
гадаад мэдээ

Солонгосчууд 2023 оноос эхлэн нэгээс хоёр насаар залуужна DNN.mn

БНСУ-д хууль бусаар оршин сууж байсан гадаадын иргэн хилээр гарах журамд өөрчлөлт орлоо | News.MN

Пүрэв гаригт Өмнөд Солонгосын парламент хүний насыг тооцдог уламжлалт аргаасаа татгалзах хуулийг баталжээ.

2023 оны зургаадугаар сараас эхлэн бүх албан ёсны бичиг баримтууд дээр “солонгос нас” хэвлэгдэхгүй болж, зөвхөн олон улсын стандартаар тооцсон нас бичигдэх болж байна.

Солонгосын уламжлалт аргаар хүн төрөхдөө шууд нэг настайд тооцогддог ба цаашдаа шинэ он бүрийн эхний өдөр нас нь нэмэгддэг юм.

Өөр бас нэг нас тооцох арга хэрэглэдэг нь төрөхөд тэг наснаас эхэлдэг ч шинэ он бүрийн эхний өдөр нас нэмэгддэг байжээ.

Энэ аргыг голдуу хүний архи, тамхи хэрэглэж эхлэх хууль ёсны насыг тооцоолохдоо ашигладаг юм.

Эдгээрээс гадна бас солонгос хүн бүр олон улсад хүлээн зөвшөөрөгдсөн нас тоолох аргыг (төрсөн өдрөөс нь хойш 365 хоноод нэг нас нэмдэг) хэрэглэдэг байжээ.

Өөрөөр хэлбэл солонгос хүн бүр гурван янзын настай байдаг юм.

Тухайлбал 2002 оны арванхоёрдугаар сарын 31-нд мэндэлсэн хүн өнөөдөр олон улсын стандартаар 19 настай, солонгос уламжлалаар 21 настай, солонгосын бас нэг аргаар тооцоолбол 20 настайд тооцогддог байна.

Ганцхан олон улсад хүлээн зөвшөөрөгдсөн аргаар насыг тооцоолох нь төөрөгдөл, маргаантай холбоотой гардаг нийгэм эдийн засгийн шаардлагагүй зардлыг бууруулах ач холбогдолтой гэж хуулийг санаачлагчид тайлбарлажээ.

Эх сурвалж: BBC

Categories
мэдээ нийгэм

Зудын эрсдэлээс урьдчилан сэргийлэх арга хэмжээний төслийн уулзалт, хэлэлцүүлэг боллоо DNN.mn

“Дэлхийн Зөн Монгол” ОУБ-аас Холбооны Бүгд Найрамдах Герман улсын ADH санхүүжилтээр Завхан аймагт хэрэгжүүлж байгаа “Зудын эрсдэлээс урьдчилан сэргийлэх арга хэмжээний төсөл”-ийн уулзалт, хэлэлцүүлгийг зохион байгууллаа.

Тус төсөл нь зудаас урьдчилан сэргийлэх арга хэмжээний төлөвлөгөөг боловсруулах замаар орон нутгийн чадавхыг бэхжүүлэн, эмзэг бүлгийн малчин өрх, хүүхдүүдэд учирч болзошгүй эрсдэлийг бууруулах, даван туулах чадварыг нэмэгдүүлэх зорилготой юм.

Уулзалт, хэлэцүүлгийн үеэр мэргэжлийн байгууллагууд хамтран аймгийн хэмжээнд тохиолдож байсан зудын гамшгийн гарз хохирол, шалтгааныг тодорхойлж, урьдчилан сэргийлэх үйл ажиллагааны боломж нөөцийг тодорхойллоо.

Төслийн хүрээнд аймгийн зудын эрсдэлийн ерөнхий үнэлгээнд тулгуурлан 2 сумын 150 өрхөд бэлэн мөнгөний тусламж үзүүлнэ гэж Завхан аймгийн Онцгой байдлын газраас мэдээллээ.

Categories
мэдээ цаг-үе

Томуу, томуу төст өвчний амьсгалын замын цочмог хүнд халдвараар эмнэлэгт хэвтэн эмчлүүлж байгаа хүүхдүүдийн тоо нэмэгджээ DNN.mn

Томуу, томуу төст өвчний тохиолдол нийт үзлэгийн 3.6 хувийг эзэлж байна

Томуу, томуу төст өвчний тандалтын талаарх мэдээллийг ХӨСҮТ-ийн Тандалт судалгаа эрхэлсэн дэд захирал Ж.Байгалмаа танилцууллаа.

Тэрбээр “Манай улсын хэмжээнд томуу, томуу төст өвчин идэвхжлийн түвшинд байна. Зарим орон нутаг улбар шар түвшинд орсон хэдий ч томуу, томуу төст өвчнөөр өвчлөгчдийн амьсгалын замын цочмог хүнд халдвараар эмнэлэгт хэвтэн эмчлүүлж байгаа хүүхдүүдийн тоо нэмэгдсэн.

Өнгөрсөн 47 дугаар долоо хоногт Монгол Улсын хэмжээнд 7,213 хүүхэд томуу, томуу төст өвчний амьсгалын замын цочмог хүнд халдварын шалтгаантайгаар эмнэлэгт хэвтэж эмчлүүлснээс 1,510 буюу 18% нь амьсгалын замын цочмог хүнд халдвартай байна.

Томуу, томуу төст өвчнөөр өвчилж байгаа хүүхдүүдийн 80% нь 15 хүртэлх насны хүүхэд байгаа. Үүний дотор амьсгалын замын цочмог хүнд халдвараар өвчилсөн хүүхдүүдийн 89% нь 15 хүртэлх насныхан. Түүнчлэн амьсгалын замын цочмог хүнд халдвартай 0-4 насны хүүхэд 15 хүртэлх насны хүүхдүүд дундаас 75 хувийг нь эзэлж байна.

46 дугаар долоо хоногоос эхлэн Монголд томуугийн үүсгэгч бүртгэгдэж эхэлсэн ба В хүрээний вирус бүртгэгдсэн. 47 дугаар долоо хоногоос томуугийн А хүрээний H1N1 вирус орчилд орж, өвчлөл үүсгэж эхэлсэн.

Энэ жил улирлын томуу өвөрмөц явцтай байх нь тандалт судалгаагаар харагдаж байгаа. Дээрх хоёр өөр төрлийн вирус хүн амын дунд эргэлтэд ороод өвчлөл үүсгэж эхэлсэн бөгөөд нэмээд коронавирусийн халдвар байна” гэлээ.

Томуугийн улирлын оргил үе нь арванхоёрдугаар сарын сүүлээс нэгдүгээр сард ажиглагддаг байна.

Categories
мэдээ цаг-үе

Ж.Байгалмаа: Өнгөрсөн 7 хоногт коронавирусийн халдварын 933 тохиолдол илэрч, нэг нас баралт бүртгэгдсэн DNN.mn

Коронавирус хүнээс гэрийн тэжээвэр амьтанд халдсан байж болзошгүй тохиолдлыг шалгаж байна

Коронавирусийн халдварын тархалтын талаарх мэдээллийг ХӨСҮТ-ийн Тандалт судалгаа эрхэлсэн дэд захирал Ж.Байгалмаа өглөө.

2022 оны 48 дугаар долоо хоног буюу арваннэгдүгээр сарын 23-наас арванхоёрдугаар сарын 4-ний хооронд 933 коронавируст халдвар шинээр бүртгэгджээ.Энэ нь өнгөрсөн долоо хоногтой харьцуулахад хоёр дахин буурсан үзүүлэлт аж. Мөн коронавирусийн халдварын шалтгаантай нэг нас баралт бүртгэгдэж, улсын хэмжээнд нийт нас баралт 2,315 болсныг тэрбээр хэллээ.

Үргэлжлүүлэн “Коронавируст халдварын хувилбарын тандалтын хувьд гэвэл Монгол Улсад омикроны гурав дахь давлагаа буурч байна. Аравдугаар сарын 21-нээс арваннэгдүгээр сарын 21-ний хооронд хийгдсэн хувилбарын тандалтын шинжилгээнд орсон сорьцуудын 69%-д Омикроны BQ1.2 гэсэн хувилбар дэд хэв шинжээр үүсгэгдсэн. Энэ нь өвчлөлийн хувьд омикроны бусад хувилбартай адил хөнгөн явцтай хэдий ч тохиолдлын тоо нэмэгдэхэд хүндэрч байгаа хүний тоо нэмэгдэнэ гэсэн үг” гэлээ.

Categories
мэдээ нийгэм

П.Сайнзоригийг орон нутгийн өмчит “Тавантолгой” ХК-д бүрэн эрхт төлөөлөгчөөр томиллоо DNN.mn

П.Сайнзориг ХЗДХ-ийн ТНБД болно - Eguur.MN

Орон нутгийн өмчит “Тавантолгой” ХК-ийн 51 хувьд хийж буй шалгалтын хүрээнд тус компанид Засгийн газрын бүрэн эрхт төлөөлөгч томилох шийдвэр гаргажээ. ХЗДХЯ-ны Төрийн нарийн бичгийн дарга П.Сайнзориг бүрэн эрхт төлөөлөгчөөр ажиллан тус компанид хэрэгжсэн есөн төсөлтэй холбоотой гэрээг ил болгож АТГ-т шилжүүлэх үүрэг хүлээх юм.

Categories
мэдээ нийгэм

Х.Нямбаатар: Нүүрсний хулгайд алдагдсан өртгийг тогтоохоор шинжээчдийг ажиллуулна, жагсагчдын төлөөллийг оролцуулахад нээлттэй DNN.mn

Сайд нараас Х.Нямбаатар хамгийн олон Ажлын хэсэг ахалжээ

Засгийн газар өнөөдөр /2022.12.09/ ээлжит бусаар хуралдсан. Хуралдаанаас гарсан шийдвэрийг албаныхан танилцуулж байна. Энэ үеэр ХЗДХ-ийн сайд Х.Нямбаатар “Нүүрсний хулгайн хэрэгт 40 их наяд гэх тоо гараад байгаа. Бид нэгдсэн дүгнэлтэд хүрэх хэрэгтэй. Түүнээс биш хэн нэгэн гишүүн 14-15 жил ухсан уурхайн ажил, нүүрсний хэмжээг гаргах нь тийм ч зохимжтой зүйл биш. Тиймээс шинжээчдийг ажиллуулахаас гадна жагсагчдын төлөөлөл, мэргэжлийн хүмүүсийг энэ төрлийн үйл ажиллагаанд оролцуулахад одоо ч нээлттэй гэдгийг хэлье” гэв.

Categories
мэдээ нийгэм онцлох-нийтлэл туслах-ангилал

Казахстанд орон сууц бариулсан “ЭТТ”-н хэлтсийн дарга хэн бэ? DNN.mn

Нүүрсний хулгайн асуудал тав дахь өдрөө өндрөө авч байна. Олон нийтийн эсэргүүцэл тэмцлийн дунд дуулиан тарих асуудлууд сөхөгдөж эхэллээ. Үүний нэг бол УИХ дахь АН-ын бүлгийн дарга О.Цогтгэрэл нар Засгийн газрын үйл ажиллагаа, нүүрсний хулгайн талаар байр суурь илэрхийлэхдээ “…”Эрдэнэс таван толгой” компанийн санхүүгийн хэлтсийн дарга хийж байсан хүн өнөөдөр Казахстан улсад орон сууцны хороолол барьж байна. Хэлтсийн дарга орон сууцны хороолол барьж байна гээд бод доо. Энэ асуудал гэрээ хэлэлцээрийг ил болгохоос эхлээд цэгцэрнэ…” гэсэн нь анхаарал татлаа.

Нүүрсний хулгайн хохирол 40 их наяд гарсан нь олон нийтийг бухимдуулж байгаа. Монгол Улсын хоёр жилийн төсөвтэй тэнцэх мөнгийг хил гаалиасаа эхлээд төрийн өндөр албан тушаалтан хүртлээ мафижиж эрх мэдэл албан тушаалаа ашиглаад завшчихсан гэдэг нь нэгэнт тодорхой болсон. Хууль зүй, дотоод хэргийн сайд Х.Нямбаатар өчигдөр мэдэгдэхдээ нүүрсний хэрэг дээр орон нутгийн эрүүгийн цагдаагийн байцаагчдыг татан оролцуулж байна гэсэн нь хэр том далайцтай хэрэг болж байгааг харж болно.

Ийм мэдээлэл ил болохтой зэрэгцэн Эрдэнэс Таван толгой компанийн удирдлагын багт ажиллаж байсан этгээд гадаадад орон сууц бариулж байгаа тухай мэдээлэл ноцтой юм.

“Эрдэнэс Таван толгой”-г тойрсон нэлээд баривчилгаа өнгөрсөн сард өрнөсөн. Тус компанийн захирал Б.Ганхуягийг Засгийн газрын хуралдаанаар чөлөөлсний маргааш Дотоод хяналт, эрсдэлийн удирдлагын газрын дарга Х.Нурлат, Худалдан авалтын хэлтсийн дарга Б.Отгонжаргал нарыг АТГ-аас баривчилсан юм. Тэгвэл нүүрсний хэрэг мандсанаас хойш нэлээд олон албан тушаалтныг чөлөөлөөд байгаа. Тодруулбал, Эрдэнэс Таван толгой компанийн Уул уурхай, технологийн газрын дарга Д.Уужимсанаа, Худалдан авалтын газрын дарга М.Бат-Эрдэнэ, Ерөнхий нягтлан бодогч н.Алтанцэцэг нарыг чөлөөлжээ. Тэгвэл эдгээр чөлөөлөгдсөн хүмүүс дунд Санхүү хөрөнгө оруулалтын газрын дарга З.Амгаланбаатар багтсан нь анхаарал татаж байгаа юм. Эдгээр албан тушаалтнууд их хэмжээний мөнгийг үндэслэлгүйгээр бусад компани руу шилжүүлсэн байж болзошгүй гэж хуулийнхан шалгаж байгаа юм. Улсын өмчит энэ том компанид санхүү эрхэлсэн асуудлыг хариуцна гэдэг том албан тушаал. УИХ-ын гишүүн О.Цогтгэрэлийн мэдэгдсэнээр бол санхүүгийн хэлтсийн даргаар ажиллаж байсан этгээд гэж тодотгосон. Хуулийнхны шалгалт энэ талд ч чиглэсэн байх боломжтой.

Тэгвэл өөр нэг сурвалж гадаадад орон сууц бариулж буй этгээд бол “Эрдэнэс Таван толгой” компанид удирдах албан тушаалтан хашиж байсан нэгэн гэж хэлж байгаа юм. Тэрээр зөвхөн Казахстан бус Узбекистан улсад ч энэ чиглэлээр бизнес эрхэлдэг болсон байж болзошгүй гэнэ.

Сүүлийн жилүүдэд Казахстан улсад монголчууд олноор суурьших болжээ. Казахстан бол барилгын салбар нэлээд эрчимтэй хөгжиж буй улс. Үнэ ханшийн хувьд манайхтай ойролцоо байдаг юм байна. Байршил сайтай газрын орон сууцны үнэ ханш м.кв нь 2.5 сая төгрөг бол энгийн орон сууцнууд 1.8 сая төгрөг аж. Казахстанд амьдардаг монгол иргэн “Гадаадын иргэн инвестор Казакстан улсад компани нээж түүнийгээ шууд удирдаад явах боломжтой. Компани нь хууль эрх зүйн харилцаанд орох бүрэн эрхтэй болохоор газар худалдаж авна. Эндхийн барилгын компаниуд барилга барьдаг хувь хүмүүстэй гэрээ хийж, барилга боссон даруйд худалдах эрхтэй. Орон сууц их эрэлттэй учраас маш хурдан зарагддаг. Монголын дарга нар Казакстанд байнга ирж явж л байдаг. Бодвол барилга бариулдаг юм байгаа биз” гэж байв.

Categories
мэдээ нийгэм

“Эрдэнэс Тавантолгой” ХК-ийн захирал асан Б.Ганхуяг нарын 5 хүнийг цагдан хорих санал шүүхэд хүргүүлжээ DNN.mn

НЭЭЛТТЭЙ СОНСГОЛ: Улсын дээд шүүхийн шүүгчид нэр дэвшигч Д.Батбаатарын танилцуулга

Нийслэлийн прокурорын газраас нүүрсний хулгайн гэх хэрэгт “Эрдэнэс Тавантолгой” ХК-ийн захирал асан Б.Ганхуяг нарын 5 хүнийг яллагдагчаар татаж, цагдан хорих таслан сэргийлэх арга хэмжээ авах саналыг өчигдөр /2022.12.08/ Чингэлтэй дүүргийн эрүүгийн хэргийн анхан шатны шүүхэд хүргүүлжээ.

Тодруулбал, “Эрдэнэс Тавантолгой” ХК-ийн захирал асан Б.Ганхуяг нь эрх мэдэл албан тушаалын байдлаа урвуулан ашиглаж, өөрийн эгч Н болон найз нөхдийн хамаарал бүхий харилцаатай иргэн Э, Д, Э нарт давуу байдал бий болгосон, хахууль авсан, хууль бусаар олсон орлогоо хөрөнгө оруулалт нэрээр халхавчлан мөнгө угааж, үндэслэлгүйгээр хөрөнгөжсөн байж болзошгүй гэх хэрэгт дээрх нэр бүхий 5 иргэнийг яллагдагчаар татжээ.

Эрүүгийн хэрэг хянан шийдвэрлэх тухай хуульд зааснаар шүүх прокурорын саналыг хүлээн авснаас хойш 24 цагийн дотор хэлэлцэнэ. Шүүхээс тэднийг хэд хоногоор цагдан хорих шийдвэрээ өнөөдөр гаргах нь.

Тэднийг 2022 оны арванхоёрдугаар сарын 7-8-нд шилжих шөнө баривчлаад байгаа тухай мэдээлсэн билээ.

Categories
мэдээ нийгэм

ГЕГ-ын дарга Б.Асралтыг үүрэгт ажлаас нь чөлөөлжээ DNN.mn

ГЕГ-ын дарга Б.Асралт улсын онцгой обьектоор тоглож л байг уу |

Засгийн газрын өнөөдрийн хуралдаанаас Гаалийн ерөнхий газрын дарга Б.Асралтыг үүрэгт ажлаас нь чөлөөлжээ.

Б.Асралт нь өөрийн хүсэлтээр үүрэгт ажлаасаа чөлөөлөгдөх хүсэлтээ гаргасан байна. Түүний оронд нийслэлийн цагдаагийн газрын дарга Р.Отгонжаргалыг ГЕГ-ын даргаар шилжүүлэн ажиллуулахаар тогтжээ.