Month: December 2022

ЦХХХ-ны сайд, Төрийн бүтээмжийн үндэсний хорооны орлогч дарга Н.Учрал Дэлхийн банкны Хятад, Монгол болон Солонгос улсыг хариуцсан захирал Мара Уорвик болон Дэлхийн банкны төлөөлөгчидтэй уулзлаа.

Сайд Н.Учрал “Төрийн бүтээмжийг дээшлүүлнэ гэдэг нэг талаараа “засаглал”-ыг сайжруулна гэсэн үг. Иймд ЦХХХЯ-нд харьяалагдаж буй “Ухаалаг засаг” төсөл төрийн бүтээмжийг дээшлүүлэхэд хороогоор дамжуулан хийх ажилтай холбогдож байна. Засгийн газар Дэлхийн банктай хамтран 2015-2022 онд “Ухаалаг засаг төслийг хэрэгжүүлж, цахим шилжилтийн дэд бүтцийн үндсэн суурийг тавьж тодорхой үр дүнд хүрсэн” хэмээв.

“Ухаалаг засаг ll” төслийг 2023-2027 онд хэрэгжүүлэхдээ дижитал шилжилт хийх орчин бүрдүүлэх, дижитал шилжилтийн дэд бүтцийг сайжруулах, дижитал эдийн засгийг хөгжүүлэх хүний нөөцийг бэлтгэх, чадавхжуулах тухай тусгасан байна.

Түүнчлэн, ирэх онд Мэдээлэл, харилцаа холбооны чиглэлээр суралцагчдын хөдөлмөрийн зах зээлд өрсөлдөх чадварыг сайжруулах, богино хугацааны сургалтын хөтөлбөрт хамруулах, суралцагчдаа гэрчилгээжүүлэх, мөн бизнесийн орчинг дэмжих, дижитал шийдэл нэвтрүүлэх, жижиг, дунд бизнесийн өрсөлдөх чадварыг дэмжих хүрээнд экспортыг дэмжих, олон улсын худалдааны үйл ажиллагааг цахимжуулж, хялбаршуулахад хамтарч ажиллах саналтай байгаагаа Цахим хөгжил, харилцаа холбооны сайд Н.Учрал илэрхийлжээ.

Ирэх оны нэгдүгээр сарын 1-нээс Турк улсад аялах жуулчид үйлчилгээний үнийн дүнгийн хоёр хувьтай тэнцэх хэмжээний татвар төлж эхэлнэ гэж телевизийн “NTV” суваг мэдээлжээ.

Тодруулбал, зочид буудлууд, рашаан сувиллын газрууд, бютик зочид буудлууд, дэн буудлууд, хоол унд, үйлчилгээ бүхий хөлсний байрууд, уулын байшингуудад буудалласан жуулчдаас байрласны татвар авна. Татварын хэмжээ үйлчилгээний үнийн дүнгийн хоёр хувьтай тэнцэх юм байна.

Ийм татварыг мөн “gesthouse” буюу гэр буудал, амралт, зуслангийн баазуудад байрлавал авна.

Харин оюутнуудын дотуур байр, хостел, зусланд байрлах үйлчилгээг энэ татвараас чөлөөлжээ. Гадаадын дипломат ажилтнууд мөн татвар төлөхгүй байна.

Шүүхээс “Саран инж девелопмент” ХХК-ийн захирал О.Дагвадоржийг нүүрсний хэргээр нэг сар цагдан хорих шийдвэрийг гаргажээ.

Тодруулбал, хэргийн шүүх хурал Чингэлтэй дүүргийн Эрүүгийн хэргийн анхан шатны шүүхэд болж, О.Дагвадоржийг 30 хоног цагдан хорих шийдвэр гаргасан байна.

“Нийтээр тэмдэглэх баярын болон тэмдэглэлт өдрүүдийн тухай” хуульд зааснаар арванхоёрдугаар сарын 29-ний өдөр бүх нийтээр амарна.

Учир нь арванхоёрдугаар сарын 29-нд Монгол Улс үндэсний эрх чөлөө, тусгаар тогтнолоо сэргээн мандуулсны 111 жилийн ой тохиож байна.

Хоёр зуу гаруй жил үргэлжилсэн Манж Чин гүрний ноёрхлыг 1911 оны арванхоёрдугаар сарын 29-нд эцэс болгон, монголчууд Богд хаант Монгол Улсаа байгуулсан түүхтэй. Тиймээс монголчуудын хувьд түүхэн чухал өдөр хэмээн үзэж,УИХ-ын 2007 оны наймдугаар сарын 16-ны хуулиар арванхоёрдугаар сарын 29-нийг нийтээр тэмдэглэх тэмдэглэлт өдөр болгосон юм.

Харин 2011 оны арванхоёрдугаар сарын 23-ны өдөр “Үндэсний эрх чөлөө, тусгаар тогтнолоо сэргээсний баярын өдөр” хэмээн хуульчилж, орон даяар амралтын өдөр болгон тэмдэглэхээр болсон билээ.

Авлигатай Тэмцэх Газраас “Эрдэнэс Тавантолгой” компанитай худалдан авах ажиллагаа, нүүрс тээвэр, борлуулалт хийсэн ААН-үүдийн нэрсийг зарласан. Тус компани хэдэн онд ямар компанитай хэдэн тонн нүүрс борлуулах гэрээ хийснийг дүрсжүүлэн харуулж байна.

Доорх инфографикаас харвал “JASN International Pte Ltd” & “Jiayou International Logistics Co.,LTD”-тай 16,500,000 тонн, “Xianghui Energy (Singapore) PTE.,Ltd” & “E-Commodities Holdings Private Limited”-тэй 16,500,000 тонн нүүрсний гэрээ байгуулсан нь хамгийн их хэмжээ болж байна. Түүнчлэн,

• 2020 онд “Glory Town Holdings Limited” компанитай 14,999,675 тонн
• 2020 онд “E-Commodities Holdings Private limited” болон “Бодь интернэшнл” ХХК -тай 6,000,000 тонн
• 2022 онд “Norinco International Cooperation Ltd болон Glory Town Holdings Limited-тэй 5,920,000 тонн
• 2022 онд Beifang Mining Service Company Limited & “Бодь интернэшнл” ХХК-тай 3,000,000 тонн нүүрсний гэрээ байгуулжээ.

Г.Батсуурийг Говьсүмбэр аймгийн Засаг даргаар томилох Ерөнхий сайдын захирамж гарчээ.

Уг томилгоог тус аймгийн ИТХ-ын хуралдаанаас нэр дэвшүүлсний дагуу хийсэн байна.

Г.Батсуурийн ажилласан байдал:

• 1996-2006 онд Дорноговь аймгийн нефть хангамжийн газар засварчин, механик, ерөнхий механик, дарга
• 2006-2010 онд Говьсүмбэр аймгийн Засаг даргын орлогч
• 2015-2016 онд Говьсүмбэр аймгийн иргэдийн Төлөөлөгчдийн Хурлын дарга
• 2016-2020 онд Говьсүмбэр аймгийн Засаг дарга, 2020-2022 онд Хүнс, хөдөө аж ахуй, хөнгөн үйлдвэрийн дэд сайдаар тус тус ажилласан туршлагатай.

Эх сурвалж: ЗГХМОНХА

ОХУ-ын Элчин сайдын яамнаас мэдээлэл хийлээ.

ЭСЯ-наас, 2023-2024 оны хичээлийн жилд ОХУ-ын Засгийн газрын тэтгэлгээр Оросын их, дээд сургуульд суралцах оюутны тоог 620 болгон нэмэгдүүлэх боллоо.

Оросын агуу зохиолч П.Достоевскийн зохиолыг Монгол Улсад сурталчлан таниулахад асар их хувь нэмэр оруулсныг үнэлж Монголын нэрт улстөрч, Гадаад харилцааны сайд асан дипломатч Ц.Гомбосүрэнд ОХУ-ын Элчин сайд Азизов Оросын Соёлын яамны “Орос агуу зохиолч П.Достоевский” нэртэй медаль гардууллаа.

Засгийн газрын өнөөдрийн ээлжит хуралдаанаар экспортод гаргах нүүрсний нээлттэй цахим арилжааны журмыг баталлаа.

“Эрдэнэс Тавантолгой” ХК болон хүсэлт гаргасан Гашуунсухайт боомт дахь Чингэлэгт тээврийн терминалаар нүүрс экспортлогч аж ахуйн нэгжийн экспортын нүүрсийг цахимаар нээлттэй арилжааг зохион байгуулах, төлбөр тооцоог гүйцэтгэх, нүүрсний чанарын шинжилгээ хийх, эдгээрт хяналт тавихтай холбоотой харилцааг энэ журмаар зохицуулна.

УУХҮ-ийн сайд Ж.Ганбаатар, УИХ-аар Уул уурхайн биржийн тухай хуулийн төслийг хэлэлцүүлж байгаа. Энэ төслийн гол агуулга нь нүүрс, зэс, төмөр зэрэг гол металиудаа уул уурхайн биржээр дамжуулан худалдана. Энэ хууль 7-р сарын 1-нээс хэрэгжиж эхэлнэ. Харин долоодугар сарын 1-нийг хүртэл зөвхөн нүүрсийг биржээр зарахаар болж байна гэв.