Month: December 2022

Categories
мэдээ нийгэм

Ерөнхийлөгч асан Х.Баттулга АТГ-т мэдүүлэг өгч байна DNN.mn

ЕРӨНХИЙЛӨГЧ АСАН Х.БАТТУЛГА АТГ-Т МЭДҮҮЛЭГ ӨГЧЭЭ

Ерөнхийлөгч асан Х.Баттулга Авлигатай Тэмцэх Газар (АТГ)-т яг одоо мэдүүлэг өгч байгааг албаны эх сурвалж хэллээ.

Нүүрсний хэрэгт шууд болон шууд бусаар холбогдсон хүмүүсийн нэрийг энэ сарын 13-нд АТГ-аас зарласан. Энэ үеэр Ерөнхийлөгч асан Х.Баттулгын нэрийг хэлсэн юм.

АТГ-ын Мөрдөн шалгах хэлтсийн албаны дарга М.Даваатогтох “Мөрдөн шалгах ажиллагааны хүрээнд нүүрсний олборлолт, тээвэрлэлт, төрийн өмчийн хөрөнгөөр бараа, ажил үйлчилгээ худалдан авах явцад шууд болон шууд бусаар оролцсон нөхцөл байдал тогтоогдсон” хэмээн мэдээлээд байгаа билээ.

Categories
мэдээ нийгэм

Нийтийн тээврийн зориулалттай шинэ автобусыг Гаалийн болон НӨАТ-аас чөлөөллөө DNN.mn

Нийслэлд шинэ автобус иржээ

Импортын гаалийн болон нэмэгдсэн өртгийн албан татвараас чөлөөлөх 24 болон түүнээс дээш суудалтай, 45 болон түүнээс дээш зорчигчийн багтаамжтай, нийтийн тээврийн үйлчилгээний зориулалт бүхий шинэ автобусны жагсаалтыг баталлаа.

Шинэ сэргэлтийн бодлого, нийслэл Улаанбаатар хотын автозамын ачаалал, түгжрэлийг бууруулах арга хэмжээний хүрээнд Засгийн газраас татварын бодлогын чиглэлээр тодорхой арга хэмжээнүүдийг авч хэрэгжүүлэн ажиллаж буй.

Тэгвэл авто замын түгжрэлийг бууруулах цогц арга хэмжээний хүрээнд нийтийн тээврийн парк шинэчлэлийг эрчимжүүлж, шинэ автобусны тоог нэмэгдүүлж үйлчилгээнд оруулах арга хэмжээг татварын бодлогоор дэмжиж Улсын Их Хурлаас 2022 оны арваннэгдүгээр сарын 11-нд Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүд батлагдсан.

Эдгээр хуульд заасан татвараас чөлөөлөгдөх нийтийн зорчигч тээврийн үйлчилгээний зориулалт бүхий шинэ автобусны жагсаалтыг “Барааг тодорхойлох, кодлох уялдуулсан систем /БТКУС/”-ийн ангиллын дагуу Монгол Улсын Засгийн газрын тогтоолын төслийг өнөөдрийн хурлаар хэлэлцэн баталлаа. Тогтоолын төслөөр Барааг тодорхойлох, кодлох уялдуулсан системийн 8702.10.10, 8702.20.10, 8702.30.10, 8702.40.10, 8702.90.10 ангиллын код бүхий 24 болон түүнээс дээш суудалтай, 45 болон түүнээс дээш зорчигчийн багтаамжтай, нийтийн зорчигч тээврийн үйлчилгээний зориулалт бүхий шинэ автобусыг хамруулах юм.

Categories
гадаад мэдээ

НАТО-гийн ирэх оны цэргийн төсвийн хэмжээг нэмэгдүүлжээ DNN.mn

Війна 2022 — Туреччина заблокувала перемовини про вступ до НАТО Швеції і Фінляндії

Умард Атлантын гэрээний байгууллага буюу НАТО 2023 оны цэргийн төсвөө энэ оныхоос 25 хувиар өсгөж, 2 тэрбум шахам евро байхаар тогтсон гэж эвслийн хэвлэлийн алба лхагва гарагт мэдээлэв.

“Холбоотнууд лхагва гарагт хийсэн Умард Атлантын зөвлөлийн хуралдаанаар НАТО-гийн 2023 оны иргэний болон цэргийн төсвийг хэлэлцэн тохиролцлоо. Иргэний төсвийг 370.8 сая еврогоор, цэргийн төсвийг 1.96 тэрбум еврогоор тогтсон нь 2022 оныхоос 27.8 хувь ба 25.8 хувиар их байна” гэж мэдээлэлд дурдсан байна.

Мэдэгдэлд тайлбарласнаар, иргэний төсөвт НАТО-гийн төв байр болон түүний олон улсын төв байранд ажиллах боловсон хүчин, үйл ажиллагааны болон янз бүрийн хөтөлбөрийн зардлыг тусгадаг. Харин цэргийн төсвөөс командлалын штабын үйл ажиллагааны зардал, дэлхий даяар явуулж буй ажиллагаануудыг санхүүжүүлдэг.

Үүнээс гадна, иргэний болон цэргийн барилга байгууламж, хяналт, удирдлагын системд томоохон хөрөнгө оруулдаг аюулгүй байдлын хөрөнгө оруулалтын хөтөлбөрийг (NSIP) нийт төсвөөс санхүүжүүлдэг байна. 2023 онд энэ хөтөлбөрийн санхүүжилтийн дээд хязгаарыг 1 тэрбум евро байхаар тогтсон нь энэ оныхоос 26.6 хувиар ихэссэн дүн юм гэж НАТО-гийн мэдэгдэлд тэмдэглэжээ.

Categories
мэдээ нийгэм

Эх орны ирээдүй болсон хүүхэд багачууд түүх соёлын жимээр аялцгаалаа DNN.mn


Монголчууд бид аугаа түүх, соёлтой ард түмэн. Үүгээрээ ч бахархдаг. Гэхдээ бидний ирээдүй хойч болсон хүүхдүүд энэхүү түүх соёлыг хэрхэн өвлөн авч, ойлгож, хадгалан, хамгаалж, тээж чадаж байгаа юу?
Монголын явган алхалтын холбоо (Mongolian Walking Association – Монголын Явган Алхалтын Холбоо )-ны зүгээс ЕБС-ийн хүүхдүүдийн өдөр тутмын амьдралын хэв маяг, зан байдал, нас бие, онцлог, танин мэдэх хүсэл, тэмүүлэлтэй нь нийцтэй, хүсэл сонирхолд тохируулан илүү бүтээлч, сонирхол татсан хэлбэрээр монголын түүх, нүүдэлчдийн өв соёл, түүхэн дурсгалт газруудын талаарх мэдлэг ойлголтыг өгөх замаар хойч үедээ үндэсний нэгдмэл үнэт зүйлийг төлөвшүүлэх, түүх соёлоороо бахархах, тэдгээрийн үнэ цэн, утга агуулга, ач холбогдлыг ойлгуулах зорилгоор “Түүх соёлын жимээр аялсан нь” танин мэдэхүйн аялалын хөтөлбөрийг хэрэгжүүлж байна.

No photo description available.

Энэхүү Түүх, соёлын жимээр аялсан нь хөтөлбөрийг Соёлын яамтай хамтран зохион байгуулж байгаа бөгөөд тус яамны зүгээс үндэсний соёлын биет болон биет бус өв, түүхэн дурсгалуудын талаарх ойлголт, мэдлэгийг залуу үе, ирээдүй хойч үе болох хүүхэд багачуудад хүргэхэд тус дэм болж, хамтран ажиллаж байгаад зохион байгуулагчид болон оролцогч хүүхэд багачууд таатай хандаж байна. Түүнчлэн Монгол Улсын Гавьяат багш Ч.Батням багш энэхүү хөтөлбөрийн түүх, соёлын багшаар ажилласан нь илүү үр дүнтэй, амжилттай хэрэгжихэд томоохон хувь нэмэр болж байна.

May be an image of 8 people, people standing and outdoors

Монголын явган алхалтын холбооны тэргүүн Б.Болор-Эрдэнийн зүгээс энэхүү хөтөлбөрийг хэрэгжүүлэх болсон учир шалтгаанаа тайлбарлахдаа “Аялал бол хүмүүсийн сонирхлыг татдаг, хамгийн их оролцогчтой, танин мэдэх боломжийг олгодог шилдэг хөтөлбөр болж чаддаг. Бодит оролцоотой “ШИЙДЭЛ” хамгийн урт хугацаанд, хамгийн үр нөлөөтэй хэрэгжидэг. Тэгвэл өнөөдөр Монгол орны маань олон зуун хөшөө, соёлын болон түүхэн дурсгалт газруудын талаар хүүхдүүдэд зориулсан танин мэдэхүйн цэгцтэй, ойлгомжтой, сонирхолтой контент дутмаг байна. Энэ орон зайд бодит хувь нэмрээ оруулахыг чухалчилж байна” гэжээ.
Монгол орны хэмжээнд түүх, соёлын үл хөдлөх дурсгалд бүртгэлтэй 2102 хөшөө дурсгал байдаг бол 9537 дурсгалт газрын 86157 соёлын үл хөдлөх дурсгал бүртгэлтэй байдаг ажээ. Мөн 40 гаруй музей болон арт галерей үйл ажиллагаа явуулж байна. Нэг талдаа түүх, соёлын дурсгалуудыг хайрлаж хамгаалах, Монгол соёлын дархлаа, өв уламжлал, түүхэн дурсгал материаллаг байдлаар үлдэх нь чухал хэдий ч ирээдүйн улс үндэстний эзэд, залуу хойч үеийн оюун бодол, зүрх сэтгэлд үлдэх нь хамгаас илүү чухал юм. Энэ бол “Соёлын явган аялал” юм.

May be an image of 4 people, people standing and indoor

Тус хөтөлбөрийн хүрээнд Хөвсгөл, Орхон, Хэнтий, Сэлэнгэ, Өмнөговь аймаг болон Улаанбаатар хотын 700 гаруй хүүхдүүд хамрагджээ. Хөтөлбөрийн маршрутын хувьд тухайн аймаг, орон нутгийн түүхэн дурсгалт газар, хөшөө болон музейг үндсэн маршрутад оруулсан бол нийслэл хотын хувьд Богдхааны ордон музей, Чингис хааны музей, Байгалийн түүхийн музей, Их тэнгэрийн амны хадны сүг зураг, Д.Сүхбаатарын талбай, Монгол улсын төрийн ордон, Төрийн есөн хөлт цагаан туг, Гандантэгчилэн хийд болон бусад түүхэн дурсгалт газар, хөшөөдийг хамруулсан байна. Мөн түүнчлэн Өнөр бүл хүүхдийн төвийн багачуудыг энэхүү хөтөлбөрт хамруулжээ.

May be an image of 12 people, people standing and outdoors

Энэхүү хөтөлбөрт хамрагдсан хүүхдүүд өөрийн хот, аймгийнхаа хөшөө, түүхэн дурсгалт газрууд, соёлын өвийн талаар мэдлэгтэй, бахархалтай, сургамжтай болж өөрчлөгдсөн байхын зэрэгцээ үе тэнгийнхэндээ соёлын нөлөөлөгчид болж өсч дэвшсэн байх болно гэдэгт эргэлзэхгүй байна.

Categories
гадаад мэдээ

Илон Маск дэлхийн хамгийн баян хүн биш болов DNN.mn

“Tesla” болон “SpaceX” компанийг үндэслэгч Илон Маск дэлхийн хамгийн баян хүмүүсийн жагсаалтын тэргүүн баяны байраа алджээ. “Forbes” болон “Bloomberg” сэтгүүлийн мэдээлснээр тансаг хэрэглээний “LVMH” компанийн тэргүүн Бернард Арно манай гарагийн хамгийн баян хүн болжээ.

“Forbes” сэтгүүлийн мэдээгээр цахилгаан машин үйлдвэрлэгч Теслагийн 14 орчим хувийг эзэмшдэг, Twitter-ийг 44 тэрбум доллараар худалдан авсан Маск одоо 178 тэрбум долларын хөрөнгөтэй болж, харин Арногийн нийт хөрөнгө 188 тэрбум долларт хүрсэн байна.

Г.АМАРСАНАА

Categories
мэдээ эдийн-засаг

Ипотекийн зээлийн хүүг 6 хувь болгох боломжтой гэсэн дүгнэлт гарсан DNN.mn

Ипотекийн зээлийн 80 хувийг Төв банк санхүүжүүлнэ

Өчигдөр засгийн газрын хуралдаанаар ипотекийн хөтөлбөр, хэрэгжилт түүнтэй холбоотой авч хэрэгжүүлж буй арга хэмжээний талаар хяналт шалгалт хийх ажлын хэсгийн хуралдааны дүнг танилцуулсан. Тэгвэл үүнтэй холбогдуулан Шадар сайд С.Амарсайхан мэдээлэл хийлээ. Тэрбээр,

“Ипотекийн зээлийн эргэн төлөлтөөс 170 тэрбум төгрөгийг санхүүгийн зохицуулах хорооны зарим удирдлагууд ипотекийн зээлийн санхүүжилтийн дүрэмд өөрчлөлт оруулж, хууль зөрчиж, зориулалтын бусаар ашигласныг буцаан төвлөрүүлэх тухай тогтоолын төслийг танилцуулсан.

Монголбанк 2023 оны нэгдүгээр сарын 01-нээс эхлэн ипотекийн зээлийг зохицуулдаг үйл ажиллагаагаа зохицуулах боломжгүй гэдгээ илэрхийлсээр ирсэн. Тиймээс уг асуудлыг мөн хуралдаанаар оруулж танилцуулсан. Ерөнхий сайд ч мөн энэ асуудлыг шийдвэрлэх ёстой гэсэнтэй санал нэг байгаа. Гэвч Монголбанкнаас тодорхойгүй байр суурь илэрхийлсэн учир энэ асуудал хойшлогдсон.

Мөн ажлын хэсгийн дүгнэлтээр,

  • Нэгдүгээрт, Ипотекийн зээлийн хүүг 8 хувь биш 6 хувь богох боломжтой гэдэг дүгнэлт гарсан.
  • Хоёрдугаарт, Урьдчилгаа төлбөрийг зээлийн батлан даалтын сангийн оролцоотойгоор 30 хувийг 20 хувь бологох боломжтой
  • Гуравдугаарт, Эргэн төлөлтийг хүү, үндсэн зээл дээр иргэд БСБ-ууд хоорондоо тохирч, эргэн төлөлтийг уян хатан байлгах боломжтой гэдэг дүгнэлт гарсан.

Цаашлаад, БХБЯ дээр ипотекийн санхүүжүүлэлтийн бүтцийг илүү оновчтой болгох ажлыг хариуцаж, Монголбанк 2023 оноос эхлэн хариуцахгүй учраас үүнийг шийдвэрлэх, мөн 170 тэрбум төгрөгийн эргэн төвлөрүүлж, зээлийн хүртээмжийг нэмэгдүүлэх, яригдаад байгаа асуудлуудыг шийдвэрлэх ёстой гэсэн албан ёсны дүгнэлт гарсан” гэв.

Categories
гадаад мэдээ

Reuters: Барууны компаниуд Орост туслаж байна DNN.mn

Пуужин үйлдвэрлэхэд шаардлагатай барууны микрочипүүд хориг арга хэмжээг тойрон Орос руу урсаж байгааг “Reuters” агентлаг болон Британийн Хатан хааны батлан хамгаалах судалгааны хүрээлэн (RUSI) мэдээлэв. Энэ сарын 13-нд нийтлэгдсэн хамтарсан мөрдөн байцаалтын дүн танилцуулах явцад сэтгүүлчид болон шинжээчид Орос улс барууны компьютерийн эд анги болон бусад электрон барааг худалдан авч байгаа нийлүүлэлтийн сүлжээг нарийвчлан тайлбарласан байна. Тэд хагас дамжуулагч болон бусад тоног төхөөрөмж Турк, Хонконг, Эстони болон бусад улсын худалдааны төвүүдээр дамжин Орос руу нэвтэрдэг хэд хэдэн үл мэдэгдэх экспортлогчдыг олж тогтоосон гэв. Тухайлбал, Оросын гаалийн мэдээллээс иш татан, өнгөрсөн долоон сарын хугацаанд Орос руу хамгийн багадаа 20 сая ам.долларын эд анги, тэр дундаа Америкийн компаниудын үйлдвэрлэсэн чип экспортлогдсон гэдгийг онцлон тэмдэглэв. “Азу Интернэшнл” компанийг үүсгэн байгуулагчдын нэг нь Туркийн бизнесмэн Гоктурк Агваз бөгөөд мөн тэрээр мэдээллийн технологийн бүтээгдэхүүний бөөний худалдаа эрхэлдэг Германы “Smart Impes GmbH” компанийг удирддаг аж. Украинд өргөн цар хүрээтэй дайн эхлэхээс өмнө уг Германы пүүс Москвад барууны бүтээгдэхүүн нийлүүлдэг байсан болдайн эхэлсний дараа Истанбулд төвтэй “Азу Интернэшнлээр” дамжуулан бараагаа импортолж байсан гэжОросын гаалийн мэдээлэл.талаас иш татан мэдэгдсэн байна.

Барууны улсууд хориг арга хэмжээ авсан долоон сарын хугацаанд ОХУ 2.6 тэрбум ам. долларын цахим эд ангиуд экспортолжээ. “Азу Интернэшнл бол Барууны экспортын хязгаарлалт, үйлдвэрлэгчдийн хоригийг үл харгалзан Орос руу нийлүүлэх сувгууд хэрхэн нээлттэй хэвээр байгаагийн нэг жишээ юм” гэж эрэн сурвалжилжлагч сэтгүүлчид мэдэгдсэн байна. Тэд “Урьд өмнө байгаагүй хориг арга хэмжээ авсан долоон сарын хугацаанд буюу 4-р сараас 10-р сарын эцэс хүртэл хугацаанд Орос улс дор хаяж 2.6 тэрбум ам.долларын үнэ бүхий цахим эд ангиудыг хүлээн авсан” гэжОросын гаалийн мэдээллээс иш татан онцлон тэмдэглээдОХУ Украин руу пуужингаар дайрахдаа Америкийн “Intel Corp”, “AMD”, “Texas Instruments Inc”, “Analog Devices Inc” мөн Германы “Infineon AG” концернийн микрочипийг ашигласан бөгөөд эдгээр компаниуд үүнээсдор хаяж 777 сая долларын ашиг олсон гэж “Reuters” онцолжээ.

Categories
мэдээ нийгэм

Бүдүүн, шулуун гэдэсний хавдрын эмчилгээг даатгалаас 100 хариуцна DNN.mn

Бүдүүн гэдэсний хорт хавдрыг эмээр амжилттай эмчилжээ | News.MN

Бүдүүн, шулуун гэдэсний хорт хавдрын тусламж, үйлчилгээг ЭМД-ын сангаас бүрэн хариуцна.

ЭМДҮЗ-ийн 2022 оны 01 дүгээр тогтоолоор бүдүүн, шулуун гэдэсний хорт хавдрын эмийн эмчилгээг 1.2 сая төгрөг, мэс заслын тусламж үйлчилгээ 2.5 – 6.8 сая төгрөг бөгөөд Эрүүл мэндийн даатгалын сангаас 100 хувь санхүүжүүлдэг.

2022 оны эхний 10 сарын байдлаар энэхүү тусламж, үйлчилгээний 4335 тохиолдол бүртгэгдэж, ЭМД-ын сангаас 1.3 тэрбум төгрөгийн санхүүжилт олгосон байна.

Даатгуулагч та дээрх тусламж үйлчилгээ үзүүлэх гэрээт ЭМБ-уудтай ЭНД дарж танилцаарай.

Categories
гадаад мэдээ

Америкийн эрдэмтдийн нээлт ба бидний “вакцин” DNN.mn

Америкийн эрдэмтэд дулааны цөмийн цахилгаан станц байгуулах явцад том алхам хийсэн гэдгээ албан ёсоор зарлав. Тэд анх удаа цөмийн реактор ажиллуулахад зарцуулснаасаа илүү их энерги гаргаж авч чадсан гэдгийг дэлхий дахинд зарлан, мэдэгдсэн байна. Энэхүү нээлт болсон туршилтыг Калифорни дахь Ливерморын үндэсний “LLNL (Lawrence Livermore National Laboratory)” лабораторийн эрдэмтэд хийсэн аж. “Энэ бол түүхэн амжилт. Сүүлийн 60 гаруй жилийн хугацаанд олон мянган хүний оруулсан хувь нэмрийн үр дүнд өнөөдөр бид энэ амжилтад хүрлээ” гэж тус лабораторийн захирал, доктор Ким Будил хэлсэн байна.

Ердөө 10-15 данх ус буцалгаж чадах энерги гарган авсан энэ туршилтын өртөг нь 3.5 тэрбум доллар болсон гэнэ. Гэхдээ энэ туршилт гарсан зардлаасаа хэдэн мянга дахин илүү ашиг авчирах нь тодорхой юм. Дор хаяж л цөмийн хаягдалгүй АЦС барих барилгын хэмжээ багасч зардал эрс хэмнэгдэнэ.

Өнөөдөр ажиллаж байгаа атомын цахилгаан станцууд нь цөмийн гинжин урвал, өөрөөр хэлбэл ураны атомыг хуваахад гарах энергийг хянах явцад ихээхэн хэмжээний хэт энерги зарцуулж, цацраг идэвхт хаягдал гаргах замаар эрчим хүч үйлдвэрлэдэг. Харин эдгээр эрдэмтэд цөмийн атомууд энерги ялгаруулсны дараа хоорондоо нийлж шинэ химийн элемент үүсгэдэг урвуу процесс буюу цөмийн гинжин урвалыг удирдах аргыг нээсэн гэсэн үг юм. Энэ урвал нь бараг ямар ч хортой цөмийн хаягдал үлдээдэггүй бөгөөд хамаагүй илүү их энерги ашиглах боломж олгож байгаа хэрэг билээ. Энэ нь хүн төрөлхтнийг бараг шавхагдашгүй цэвэр эрчим хүчний эх үүсвэрээр хангах технологи бий болгох томоохон саад бэрхшээлийг даван гарсан үг гэж судлаачид онцолж байна. Тухайлбал, Лондонгийн Империал коллежийн плазмын физикийн профессор Жереми Читтенден “ВВС”-д өгсөн ярилцлагадаа Америкийн эрдэмтдийн уг мэдэгдлийг “жинхэнэ нээлт” гэж нэрлэсэн нь “Бидний цөмийнгинжин урвалыг удирдах нандин мөрөөдөл үнэхээр хэрэгжих боломжтой болсон” гэдгийг баталж байгаа явдал юм.

Энэ бүхэн монголчууд үнэхээр алсыг харах гээд байгаа юм бол “гуравдахь хөрш”-ийнхөө “шар нунтаг” олдворлох явцад саад болж өөрсдийгөө хорлож буй явдлаа үтэр түргэн зогсоо. Ер нь хамаагүй бүдүүлэг аргаар Орос ашиглаж байхад зөв зүгээр байсан манай тугал, илүү дэвшилтэт технологтой “гуравдахь хөрш” ашиглах гэхээргэнэт, яагаадүсгүй болж нүцгэрээд унав гэдгийн цаад уг учрыг олж тогтоо гэсэн үг болж таарчбайна. Энэ нь ердөө л хойд хөршийн маань явуулсан “урт гар” гэдэг нь өнөөдөр монгол хүн болгондойлгомжтой болсон. Харин хөршийн хорт бодлогыг хэрэгжүүлэгч “гар, хөл” бологсдыг дотроосоо хайж илрүүлэн хуулийн дагуу шийтгэл оногдуулах нь шударга ёсонд нийцэх төдийгүй бидэнд цаашид тохиолдох ийм явдлуудаас урьдчилан сэргийлэх “вакцин” болох нь дамжиггүй юм.

Categories
мэдээ улс-төр

Эрүүгийн хуульд нэмэлт өөрчлөлт оруулах тухай хуулийн төслийг хэлэлцэнэ DNN.mn

Эрүүгийн хуулийн шинэчилсэн найруулгын онцлох ТАВАН заалт

УИХ-ын чуулганы өнөөдрийн хуралдаан эхэллээ.

Тус хуралдаанаар Эрүүгийн хуульд нэмэлт, өөрчлөлт оруулах тухай, Уул уурхайн бүтээгдэхүүний биржийн тухай, Төрийн болон орон нутгийн өмчийн тухай, Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг менежментийг сайжруулах тухай, Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай, Захиргааны ерөнхий хуульд нэмэлт, өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт оруулах тухай болон хамт өргөн мэдүүлсэн хуулийн төслүүдийг хэлэлцэх юм.

Эрүүгийн хуульд нэмэлт, өөрчлөлт оруулах тухай хуулийн төслийг Засгийн газраас УИХ-д өчигдөр өргөн мэдүүлсэн. Үүнтэй уялдуулан Хууль зүйн байнгын хороо тус хуульд нэмэлт өөрчлөлт оруулах тухай болон уг хуулийн төсөлтэй холбогдуулан боловсруулсан бусад хуулийн төслүүдийн хэлэлцэх эсэх шатны хэлэлцүүлгийг хийж, үргэлжлүүлэн хэлэлцэхээр шийдвэрлэсэн юм.