Month: November 2022

Categories
мэдээ нийгэм

Уушгины артерийн бүлэнт бөглөрлийн тусламж, үйлчилгээний нийт төлбөрийн 85 хувийг ЭМД-ын сангаас хөнгөлнө DNN.mn

Өнөөдөр уушгины архаг бөглөрөлтөт өвчинтэй тэмцэх өдөр (World COPD Day). Энэхүү өдрийг тэмдэглэж буйн гол зорилго нь дээрх өвчнөөс сэргийлэх, эмчлэх, оношлох тухай мэдээ мэдээллээр хангах, урьдчилан сэргийлэх замаар уг өвчинтэй тэмцэх явдал юм.

Тэгвэл ЭМДҮЗ-ийн 01-р тогтоолоор уушгины артерийн бүлэнт бөглөрлийн тусламж, үйлчилгээний нийт төлбөрийн 85 хувийг ЭМД-ын сангаас хөнгөлж, үлдсэн 15 хувийг иргэн өөрөө хариуцан төлөхөөр зохицуулсан.

Ингэхдээ энэхүү тусламж, үйлчилгээний эмийн эмчилгээг 898 мянга, мэс заслын тусламж, үйлчилгээг 2.3 сая төгрөг байхаар зохицуулсан бөгөөд эмийн эмчилгээний нийт төлбөрийн 134.700 төгрөг, мэс заслын тусламж, үйлчилгээний 305.100 төгрөгийг иргэн өөрөө хариуцан төлнө.

Даатгуулагч та дээрх тусламж үйлчилгээ үзүүлэх гэрээт ЭМБ-уудтай ЭНД дарж танилцаара

Categories
мэдээ нийгэм эдийн-засаг

ҮСХ: Экспорт өмнөх сараас 74.4 сая ам.доллароор буурчээ DNN.mn

2022 оны эхний арван сарын Монгол Улсын нийгэм, эдийн засгийн статистик үзүүлэлтийг өнөөдөр Үндэсний статистикийн хорооноос танилцууллаа.

Манай улс энэ оны эхний арван сард нийт 157 улстай худалдаа хийж, гадаад худалдааны нийт бараа эргэлт 17.2 тэрбум ам.доллар болжээ. Үүнээс экспорт 10 тэрбум ам.доллар, импорт 7.1 тэрбум ам.доллар байгаа аж.

Нийт бараа эргэлтийн хэмжээ өмнөх оны мөн үеэс дөрвөн тэрбум (30.3%) америк доллароор өсжээ. Үүнд,

  • Экспорт 2.5 (33%) тэрбум америк доллароор
  • Импорт 1.5 (26.6%) тэрбум америк доллароор тус тус өссөн аж.

Танилцуулгаас харвал экспорт өмнөх сараас 74.4 сая ам.доллароор буюу 6.4% буурсан бол импорт 32.4 сая ам.доллароор буюу 4.3% өсжээ.

Тус хорооноос мэдээлснээр гадаад худалдааны тэнцэл оны эхний арван сард 2.9 тэрбум америк долларын ашигтай гарч, өмнөх оны мөн үеэс нэг (52.4%) тэрбум америк доллароор өсжээ.

Харин энэ оны аравдугаар сард 300 сая америк долларын ашигтай гарч, өмнөх сараас 106.8 (26.3%) сая америк доллароор буурсан байна.

БНХАУ-тай энэ оны эхний арван сард манай улс 11 тэрбум америк долларын худалдааг хийсэн нь гадаад худалдааны нийт бараа эргэлтийн 64.1 хувийг эзэлж байгаа юм байна.

зураг

Categories
мэдээ улс-төр

ЧУУЛГАН: Газрын тухай багц хуулийн хэлэлцүүлгийг хойшлуулав DNN.mn

УИХ-ын чуулганы өнөөдрийн хуралдаанаас Газрын ерөнхий хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэх хэлэлцүүлгийг хойшлуулах нь зүйтэй гэж үзлээ.

УИХ-ын дарга Г.Занданшатар уг хуулийн төслийг чуулганы хуралдаанаар хэлэлцэх үед хууль санаачлагч чуулганы хуралдаанд оролцох үүрэгтэй атал эзгүй байгаа тул олонх гишүүдttv гаргаж буй саналыг үндэслэн дээрх шийдвэрийг хуулийн хүрээнд гаргасан болохыг хэлэв.

УИХ-ын гишүүн Х.Ганхуяг, Ж.Батсуурь нарын гишүүд энэхүү хууль нь Үндсэн хуулийн дараа орох гол хууль. Өмнөх хууль нь газартай холбоотой зохицуулалтыг хангах чадамжгүйд хүрсэн хэмээн үзэж, уг хуулийн төслийг оруулж ирсэн атал Монгол Улсын хэмжээнд үүсээд буй газартай холбоотой асуудлуудыг цогцоор нь шийдвэрлэх хэмжээнд боловсруулагдаагүй. Хот хөдөөгийн иргэдэд ялгамжтай хандсан, орон нутгийг хөгжүүлэх, төвлөрлийг сааруулах зэрэг гол зохицуулалтаа бүрнээр нь тусгаагүй хэмээн үзэж байгаагаа онцолсон.

Мөн хуулийн төсөлтэй холбоотой иргэдийн дунд явуулсан хэлэлцүүлэг, түүнээс гарсан санал санаачилга дутмаг, тооны хувьд цөөн хэмээн үзэж байгаагаа хэлсэн юм. Харин ажлын хэсгийнхний зүгээс тухай бүрд нь тайлбар өгч, асуултад хариулт өгч байсан ч хууль санаачлагч хуралдаанд оролцоогүй гэх үндэслэлээр хэлэлцүүлгийг хойшлуулахаар тогтлоо

Categories
мэдээ спорт

Мастер ангиллын тамирчдын анхдугаар зөвлөгөөн боллоо DNN.mn

МХБХ-ны мастер ангиллын тамирчдын анхдугаар зөвлөгөөн Төв аймаг дахь Л.Сандагдоржийн нэрэмжит МХБХ-ны бэлтгэлийн төвд амжилттай зохион байгууллаа.

Тус Зөвлөгөөнд 40 гаруй мастер ангиллын тамирчид оролцсоноос Дархан-Уул аймгаас төлөөлөгчид ирсэн нь онцлог байлаа.

Мөн тус зөвлөгөөнд МХБХ-ны Ерөнхий Нарийн Бичгийн Дарга Д.Тэрбаатар болон хэлтсийн дарга нар оролцож өөрсдийн хэлтсийн үйл ажиллагаа болоод мэдээлэл өгч хамтран ажиллах талаар санал солилцлоо.

Зөвлөгөөнөөр МАТ-ын ёс зүй сахилга бат, насны ангиллын өөрчлөлт болон УАШТ нэрэмжит тэмцээнүүдийн хуваарь, орон нутагт тэмцээн уралдаан зохион байгуулах талаар хэлэлцэж зөвлөлдлөө. Зөвлөгөөний төгсгөлд төлөөлөгчид нийт мастер ангиллын тамирчдадаа уриалга гаргаж гарын үсэг зуран зөвлөгөөн амжилттай үр дүнтэй явагдаж өндөрлөлөө.

Categories
мэдээ улс-төр

ДЭЭД ШҮҮХ: АН-ын итгэмжлэгдсэн төлөөлөгч нарын хүсэлтийг татгалзаж шийдвэрлэв DNN.mn

Монгол Улсын дээд шүүхийн нийт шүүгчийн өчигдрийн хуралдаанаар Ардчилсан намтай холбоотой асуудлыг хэлэлцжээ.

Ардчилсан намын итгэмжлэгдсэн төлөөлөгч гэх И.Мөнхжаргал, Б.Ган-Очир, П.Нүрзэд нараас ирүүлсэн “Хаягийн өөрчлөлт бүртгүүлэх тухай” хүсэлтийг хэлэлцээд тус намын ерөнхий захиргаа, итгэмжлэлгүйгээр төлөөлөх эрх бүхий этгээд тодорхойгүй, маргаантай байгаа нь Улсын дээд шүүхийн нийт шүүгчийн хуралдааны тогтоолуудаар тодорхойлогдож байх тул хүсэлтийг хангахаас татгалзаж шийдвэрлэлээ.

“Улсын дээд шүүхийн нийт шүүгчийн хуралдааны тогтоолд тайлбар хүсэх”тухай Ардчилсан намын итгэмжлэгдсэн төлөөлөгч гэх И.Мөнхжаргалаас ирүүлсэн хүсэлтийг хэлэлцээд хүсэлтэд дурдсанаар нийт шүүгчийн хуралдаанаас гаргасан тогтоолыг тайлбарлах шаардлагагүй гэж үзэж, энэ талаар хүсэлт гаргагчид мэдэгдэхийг илтгэгч шүүгчид даалгав.

Эх сурвалж: ДЭЭД ШҮҮХ

Categories
мэдээ нийгэм

Сүүлийн 24 цагт 111 хүнээс ковид илэрчээ DNN.mn

Улсын хэмжээнд өнгөрсөн хоногт коронавируст халдварын 111 тохиолдол шинжилгээгээр батлагджээ.

Шинээр илэрсэн тохиолдлын 50 нь нийслэлд, 61 нь орон нутагт бүртгэгджээ. Ингэснээр улсын хэмжээнд батлагдаад буй “КОВИД-19”-ийн нийт тохиолдлын тоо 989 320-д хүрэв.

Уг өвчний улмаас нэг хүн нас барснаар “КОВИД-19”-ийн хүндрэл, архаг суурь өвчин хавсарсан шалтгаанаар нийт 2 133 хүн эндээд байна.

Categories
мэдээ эдийн-засаг

​Улсын нэгдсэн төсвийн нийт орлого өмнөх оны мөн үеэс 15.3 хувиар өсчээ DNN.mn

Улсын нэгдсэн төсвийн нийт орлого өмнөх оны мөн үеэс 15.3 хувиар өсчээ.

Улсын нэгдсэн төсвийн нийт орлого, тусламжийн хэмжээ 2022 оны эхний 10 сарын урьдчилсан гүйцэтгэлээр 14.1 их наяд төгрөг болж, өмнөх оны мөн үеэс 1.9 (15.3%) их наяд төгрөг, тэнцвэржүүлсэн орлого тусламжийн хэмжээ 13.0 их наяд төгрөг болж 2.3 (21.7%) их наяд төгрөгөөр тус тус өссөн байна.

May be an image of text that says

Categories
арын-нүүр булангууд мэдээ

СОНИНЫ АРЫН НҮҮР: Хөгшрөхгүй залуугаараа байх хүслийн хязгаар DNN.mn

Том нүдтэй бол гоё гээд бүгдээрээ давхраа оёулдаг байлаа. Тод хөмсөг гоё гээд нэгэн жигдээрээ хар хөмсөг шивүүлдэг байв. За тэгээд уруулаа томруулж, хөх, бөгсөө томбогор болгох гээд нийтээрээ хүсдэг байсан, одоо ч хэвээрээ. Хүн төрөлхтөн үеийн үед үхэлгүй мөнх, хөгшрөлгүй залуугаараа байх хүслийн нэг нь яах аргагүй гоо сайхны мэс засал. Үүнийг одоо төгс төгөлдөр хийдэг болсон. Төрөлхийн мэт гоё болно. Эцэг эхээс заяасан нүүрний хэлбэр, нүд, хамар, амаа хүссэнээрээ хөөрхөн болгож байна.

Харин энэ хандлага бага багаар өөрчлөгдөж эхэлжээ. Эрүүл мэндийн заалттайгаас бусад тохиолдолд залуу үе гоо сайхны хагалгаанаас татгалзаж байна. Байгаагаараа байх, төрөлх царай зүстэйгээ явах нь моод болж эхэлж. Гэрэл зураг дээр ч ялгаагүй, янз бүрийн гоо болгодог апп-аас зайлсхийж, энгийн байгаагаараа гаргадаг камеруудын зураг илүү үнэ цэнэтэй болов. “Фэйсбүүкийнхээ зураг шиг бай л даа” гэдэг шиг хэт гоё хиймэл төрхөөс уйдаж, олон зуун жилийн төгс төгөлдрийн эрэл хайгуул энэ цагт цэг тавигдаж мэдэх нь. Мөн аав, ээж, эмээ, өвөө буюу өөрийн удам судрынхаа онцгой төрхийг засуулалгүй биеэрээ тээж явах нь залуусын нэгэн бахархал болжээ.

Хөгшрөхгүй залуугаараа байх хүслийн хязгаар нь бодит байдал гэдгийг нийтээрээ хүлээн зөвшөөрч эхэллээ.

Categories
мэдээ нийгэм цаг-үе

Баян-өлгий аймгийн Цэнгэл суманд 4.6 магнитудын хүчтэй газар хөдөлжээ DNN.mn

Өнөөдөр буюу арваннэгдүгээр сарын 17-ны 10:47 цагт Баян-өлгий аймгийн Цэнгэл суманд газар хөдөлжээ.

Тодруулбал, Баян-өлгий аймгийн Цэнгэл сумын төвөөс баруун зүгт 42 километрийн зайнд 4.6 магнитудын хүчтэй газар хөдөлсөн байна.

Categories
гадаад мэдээ

Дональд Трамп ерөнхийлөгчийн сонгуульд өрсөлдөнө DNN.mn

АНУ-ын Ерөнхийлөгч асан Дональд Трамп 2024 оны ерөнхийлөгчийн сонгуульд өрсөлдөхөө мэдэгдлээ. Түүний туслахууд сонгуульд оролцох хүсэлтийг нь албан ёсоор гаргасан бол экс ерөнхийлөгч өөрөө Флорида дахь өргөөндөө цугларсан дэмжигчиддээ хандан үг хэлжээ. “Америкийн эргэн ирэлт одоо эхэлж байна!” хэмээн Трамп зарлав.

Тэрээр Цагаан ордонд өнгөрүүлсэн дөрвөн жилээ бахархалтайгаар өгүүлэв. “Тэр богино дөрвөн жилд хүн бүр маш сайн ажилласан” гэж тэр хэлээд “Хүн бүр урьд өмнө хэзээ ч байгаагүйгээр цэцэглэн хөгжсөн”, түүнийг албан тушаалаа орхих үед коронавирусын тахлын улмаас үүссэн уналтаас эдийн засаг хурдан сэргэж байна гэж мэдэгдэв.

Трамп мөн АНУ-ын одоогийн ерөнхийлөгчийг Украины мөргөлдөөнийг даван туулах чадваргүйн улмаас улс орныг цөмийн дайны ирмэгт хүргэсэн гэж шүүмжилсэн байна. Тэрээр “Америкийг дахин аугаа, алдар суут болгохын тулд өнөөдөр би АНУ-ын ерөнхийлөгчийн сонгуульд нэр дэвшиж байна” гэж мэдэгдэв. Харин олон улс судлаачид түүнийг энэ удаагийн сонгуульд намаасаа гарч чадахгүй гэж дүгнэсэн байна.

Г.Амарсанаа