Month: September 2022

Хур тунадас: Ихэнх нутгаар солигдмол үүлтэй. Шөнөдөө баруун болон говийн аймгуудын нутгийн зүүн хэсэг, төвийн аймгуудын нутгийн зарим газар, зүүн аймгуудын нутгийн баруун хэсгээр, өдөртөө баруун аймгуудын нутгийн зүүн хойд хэсэг, төв болон зүүн аймгуудын нутгийн зарим газар, говийн аймгуудын нутгийн зүүн хэсгээр бороо, дуу цахилгаантай аадар бороо орно. Бусад нутгаар бороо орохгүй.

Салхи: Нутгийн баруун хагаст баруун хойноос, бусад нутгаар баруун өмнөөс секундэд 5-10 метр, нутгийн зарим газраар секундэд 14-16 метр хүрч, борооны өмнө түр зуур ширүүснэ.

Агаарын температур: Шөнөдөө Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 2 хэм хүйтнээс 3 хэм дулаан, Туул, Тэрэлж голын хөндийгөөр 3-8 хэм, Их нууруудын хотгор болон говийн бүс нутгийн өмнөд хэсгээр 13-18 хэм, бусад нутгаар 7-12 хэм, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Орхон, Сэлэнгэ, Хараа, Ерөө, Эг, Үүр голын хөндийгөөр 13-18 хэм, Их нууруудын хотгор болон говийн бүс нутгийн баруун өмнөд хэсгээр 25-30 хэм, бусад нутгаар 18-23 хэм дулаан байна.

УЛААНБААТАР ХОТ ОРЧМООР: Үүлшинэ. Шөнөдөө бороо орохгүй. Өдөртөө бага зэргийн бороо орно. Салхи баруун өмнөөс хойш эргэж секундэд 5-10 метр, өдөртөө зарим үед секундэд 12-14 метр хүрч ширүүснэ. Шөнөдөө 9-11 хэм, өдөртөө 20-22 хэм дулаан байна.

БАГАНУУР ОРЧМООР: Үүлшинэ. Бага зэргийн аадар бороо орно. Салхи баруун өмнөөс хойш эргэж секундэд 5-10 метр, өдөртөө зарим үед секундэд 12-14 метр хүрч ширүүснэ. Шөнөдөө 6-8 хэм, өдөртөө 21-23 хэм дулаан байна.

ТЭРЭЛЖ ОРЧМООР: Үүлшинэ. Бага зэргийн бороо орно. Салхи баруун өмнөөс хойш эргэж секундэд 5-10 метр. Шөнөдөө 3-5 хэм, өдөртөө 18-20 хэм дулаан байна.

2022 оны 09 дүгээр сарын 04-нөөс 09 дүгээр сарын 08-ныг
хүртэлх цаг агаарын урьдчилсан төлөв

4-нд төв болон говийн аймгуудын нутгийн зүүн хэсэг, зүүн аймгуудын ихэнх нутгаар, 5-нд зүүн аймгуудын нутгийн зарим газраар, 6, 7-нд зүүн аймгуудын нутгийн зүүн хэсгээр бороо, уулархаг нутгаар нойтон цас орно. Салхи 4-нд төв, говь, зүүн аймгуудын нутгийн зарим газраар, 5-нд зүүн аймгуудын нутгаар түр зуур секундэд 16-18 метр хүрч ширүүснэ. 4-нд нутгийн зүүн хагаст сэрүүсэж Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр шөнөдөө 1-6 хэм хүйтэн, цочир хүйтэрнэ, өдөртөө 6-11 хэм, говийн бүс нутгийн баруун өмнөд хэсгээр шөнөдөө 10-15 хэм, өдөртөө 20-25 хэм, бусад нутгаар шөнөдөө 0-5 хэм, хөрсөн дээр цочир хүйтэрнэ, өдөртөө 9-14 хэм дулаан байна. 5-нд нутгийн баруун хэсгээр, цаашдаа ихэнх нутгаар дулаарна.

Жил бүрийн есдүгээр сарын 10-ны өдрийг улс төрийн хилс хэрэгт хэлмэгдэгсдийн дурсгалыг хүндэтгэх өдөр болгон орон даяар хүндэтгэн өнгөрүүлдэг. Үүнтэй холбоотойгоор өнөөдөр Цагаатгах ажлыг удирдан зохион байгуулах нийслэлийн салбар комисс хуралдаж, хэлмэгдэгсдийн дурсгалыг хүндэтгэх өдрөөр зохион байгуулах ажлын төлөвлөгөөг хэлэлцлээ.

Монгол Улсын Ерөнхий сайд Л.Оюун-Эрдэнийн захирамжаар “Сайжруулсан шахмал түлшний нөөц бэлтгэх” ажлын хэсэг байгуулагдсан. Байгаль орчин, аялал жуулчлалын сайд Б.Бат-Эрдэнэ, Эрчим хүчний дэд сайд М.Баярмагнай, Мэргэжлийн хяналтын ерөнхий газрын дарга Б.Баасандорж, Орчны бохирдлыг бууруулах үндэсний хорооны ажлын албаны дарга Б.Алтанзул болон холбогдох албаны хүмүүс зүүн үйлдвэрт ажиллалаа.

Байгаль орчин, аялал жуулчлалын сайд Хөвсгөл аймагт ажиллаж байна. Тус аймагт хайрга дайрга олборлож байгаа нэрийдлээр Дэлгэр мөрөн голын эрэг орчмын газар эвдэгдэж байна гэдэг иргэний удаа дараагийн гомдлоор ийнхүү БОАЖ-ын сайдаар ахлуулсан ажлын баг газар дээр нь ажиллав.

Голын эрэг орчмын газрыг сүйтгэж, олборлолт явуулж байгаа компанийн үйл ажиллагааг зогсоож, 2022 оны 9 дүгээр сарын 30-ны өдөр хүртэл 30 хоногийн хугацаанд нөхөн сэргээлт хийхийг Хөвсгөл аймгийн Засаг дарга болон тус аймгийн БОАЖГ-ын даргад үүрэг болголоо.

Мөн Дэлгэр мөрөн голын дэргэд хайрга, дайрга олборлож байсан компанид өөр байршилд дүйцүүлэн газар олгохоор боллоо. Дэлгэр мөрөн нь нийт 445 км урттай, Сэлэнгэ мөрөнд баруун хойд зүгээс нь цутгах эх мөрөн юм. Дэлгэр мөрөнд том, жижиг олон гол горхи цутгадгаас Тарис , Бэлтэс, Бүгсийн гол зэрэг томоохон гол ордог ажээ.

НОБГ-ын Чингэлтэй дүүргийн Онцгой байдлын хэлтсээс энэ долоо хоногт зургаан удаагийн гамшгаас хамгаалах сургалтыг танхимаар болон цахимаар зохион байгуулж, 200 гаруй ажилтан, алба хаагч, иргэнийг хамрууллаа.

Сургалтаар байгууллагын галын аюулгүй байдлыг хангах, тохиолдож болзошгүй гамшиг, гал түймэр, гол, усны осол болоод хүн малын гоц халдварт тарваган тахал өвчнөөс урьдчилан сэргийлэх талаар онолын мэдлэг олгож, эрсдэлийг бууруулах аргачлалын талаар мэргэжил, аргазүйн зөвлөгөө өгч ажиллалаа.

Мөн байгууллагын гамшгаас хамгаалах төлөвлөгөөнд тодотгол хийж, төлөвлөгөөний дагуу үүрэг гүйцэтгэх томилгоот бүлгийн үйл ажиллагаанд тулгуурлан дадлага сургууль хийж, гамшигтай тэмцэх чадавхыг нэмэгдүүллээ гэж НОБГ-ын Чингэлтэй дүүргийн Онцгой байдлын хэлтсээс мэдээллээ.

Зэвсэгт хүчний 327-р ангийн алба хаагч, ахлагч С.Батцэнгэл 1111 удаа сонс эргэж Гиннесийн дээд амжилтыг тогтоосон байна. Олон улсын хэмжээний мастер, ахлагч С.Батцэнгэл нь сонс эргэлтээс гадна холын зайн гүйлтээр хичээллэдэг, Монгол Улсын амжилтуудыг тогтоосон тэргүүний цэргийн алба хаагч юм. Зэвсэгт хүчний 327 дугаар ангийн Зенит, артиллерийн батарейны сум зөөгч, жолоочоор ажилладаг байна. Түүний гаргасан амжилтыг өмнө нь Армян улсын тамирчин 1001 эргэснээр эзэмшиж байсан юм.