Month: September 2022

Categories
мэдээ нийгэм

Хөгжлийн бэрхшээлтэй хүүхдүүдээ нарийн мэргэжлийн эмч нарын үзлэгт хамруулж эхэллээ DNN.mn

Хөгжлийн бэрхшээлтэй хүүхдүүдэд үзүүлэх эмнэлгийн тусламж үйлчилгээг сайжруулах цогц арга хэмжээг ЭМЯ авч хэрэгжүүлж байна.

Үүний нэг хэсэг нь хөгжлийн бэрхшээлтэй хүүхдүүдийг жил бүр нарийн мэргэжлийн эмчийн үзлэг, оношилгоонд хамруулах үйл ажиллагаа юм. Өнөөдөр 100 гаруй хүүхдийг ЭХЭМҮТ-ийн мэдрэл, зүрх судас, бөөр, дотоод шүүрэл, хоол боловсруулах эрхтэн, амьсгалын эрхтэн судлал, удамзүй, үе мөч судлал, харшил, өсвөр үе, хэл засал, сэргээн засах, чих хамар хоолой, мэс засал зэрэг 15 төрөлжсөн нарийн мэргэжлийн эмчийн үзлэгт хамрууллаа. Шаардлагатай хүүхдүүдэд түнхний болон зүрхний хэт авиа, зүрхний цахилгаан бичлэг, хэвлийн хэт авиан шинжилгээ, рентген шинжилгээг хийлээ. Энэхүү үзлэг оношилгоо үргэлжлэн хийгдэх бөгөөд жил бүр тогтмол хийгддэг байхаар төлөвлөн ажиллаж байна.

Categories
мэдээ нийгэм

“Тамифлю” эмийн нэг жилийн нөөц хандивлажээ DNN.mn

Томуугийн улирлыг угтуулан бэлэн байдлыг хангаж вирусийн эсрэг “Тамифлю” эмийн нэг жилийн нөөцийг ДЭМБ-ын Монгол дахь Суурин төлөөлөгчийн газраас ЭМЯ болон ХӨСҮТ-д хүлээлгэн өглөө. Томуу, Ковид-19 халдвар зэрэгцэн дэгдэлт үүсгэх, хүндрэл ихтэй явах магадлалтай байгаа тул бэлэн байдлыг ханган ажиллах шаардлагатай байгаа энэ үед эмийн нөөц бүрдүүлэхэд Япон улсын Засгийн газар болон Ази-Европын сан дээрх хандивыг илгээжээ.

Categories
мэдээ спорт

Тал нутгийн марафон эхэллээ DNN.mn

Тал нутгийн “Монгол 2022” олон улсын марафон гүйлтийн тэмцээн Хүй долоон худагт эхэллээ. Тус гүйлтийн нээлтийн ажиллагаанд Монгол Улсын Засгийн газрын тохируулагч агентлаг- Биеийн тамир, спортын улсын хорооны дарга Д. Жаргалсайхан, МҮОХ-ны дэд ерөнхийлөгч Ч. Наранбаатар, Япон Улсаас Монгол Улсад суух Онц бөгөөд бүрэн эрхт Элчин сайд Кобаяши Хироюки нар хүрэлцэн ирсэн байв.

Мөн МХАХ-ны ЕНБД доктор профессор Ч.Зоригтбаатар, Монгол улсын Засгийн газрын тохируулагч агентлаг -Боловсролын ерөнхий газрын дарга Т. Ням-Очир, Мобиком корпорацийн гүйцэтгэх захирал Кожи Курушима, Гавъяат тамирчин Д. Баттулга, Гавъяат дасгалжуулагч Ж. Баярсайхан нарын зэрэг зочид төлөөлөгчид оролцлоо.

Categories
мэдээ нийгэм

Шинээр томилогдсон шүүгчдийг танхимд хуваарилна DNN.mn

Монгол Улсын дээд шүүхийн нийт шүүгчийн хуралдаан 2022 оны есдүгээр сарын 12-ны өдөр товлогджээ.

Тус хуралдаанаар Монгол Улсын шүүхийн тухай хуулийн 25 дугаар зүйлийн 25.8.1-д зааснаар Улсын дээд шүүхэд шинээр томилогдсон шүүгчдийг танхимд хуваарилж, бүрэлдэхүүнийг батлана.

Шүүгчдийн зөвлөгөөнөөр Захиргааны хэргийн танхимын тэргүүнийг сонгох болон бусад асуудлыг хэлэлцэнэ.

Categories
мэдээ спорт

Чөлөөт бөхийн ДАШТ-ий хуваарь DNN.mn

Сербийн нийслэл Белград хотод сонгомол барилдаан, чөлөөт бөхийн ДАШТ өнөөдөр /2022.09.10/ эхэллээ. Тэмцээн энэ сарын 18 хүртэл үргэлжлэх юм.

ДАШТ-ий хуваарь орон нутгийн цагаар

9-р сарын 10

11:30 – 15:30 – Сонгомол урьдчилсан барилдаан – 55, 72, 77, 87кг.

19:00 – 20:30 – Сонгомол хагас шигшээ барилдаан – 55, 72, 77, 87кг.

9-р сарын 11

11:30 – 15:30 – Сонгомол урьдчилсан барилдаан – 63, 67, 82, 97кг.

11:30 – 15:30 – Дагах барилдаан – 55, 72, 77, 87кг.

15:30 – 16.30 – Эмэгтэй чөлөөт сугалаа

17:45 – 18:45 – Сонгомол хагас шигшээ – 63, 67, 82, 97кг.

19:00 – 22:00 – ФИНАЛ, сонгомол шагнал гардуулах ёслол – 55, 72, 77, 87кг.

9-р сарын 12

11:30 – 15:30 – Эмэгтэй урьдчилсан барилдаан – 55, 62кг.

11:30 – 15:30 – Сонгомол урьдчилсан барилдаан – 60, 130кг.

11:30 – 15:30 – Сонгомол дагах барилдаан – 63, 67, 82, 97кг.

17:45 – 18:45 – Эмэгтэй хагас шигшээ – 55, 62кг.

17:45 – 18:45 – Сонгомол хагас шигшээ – 60, 130кг.

19:00 – 22:00 – ФИНАЛ, сонгомол шагнал гардуулах ёслол -63, 67, 82, 97кг.

9-р сарын 13

11:30 – 15:30 – Эмэгтэй урьдчилсан барилдаан – 50, 53, 65, 76кг.

11:30 – 15:30 – Сонгомол дагах барилдаан – 60, 130кг.

11:30 – 15:30 – Эмэгтэй дагах барилдаан – 55, 62кг.

17:45 – 18:45 – Эмэгтэй хагас шигшээ – 50, 53, 65, 76кг.

19:00 – 22:00 – ФИНАЛ, сонгомол шагнал шардуулах ёслол – 60, 130кг.

19:00 – 22:00 – ФИНАЛ, эмэгтэй шагнал гардуулах ёслол – 55, 62кг.

9-р сарын 14

11:30 – 15:30 – Эмэгтэй урьдчилсан барилдаан – 57, 59, 68, 72кг.

11:30 – 15:30 – Эмэгтэй дагах барилдаан – 50, 53, 65, 76кг.

15:30 – 16.30 – Эмэгтэй чөлөөт бөх сугалаа

17:45 – 18:45 – Эмэгтэй хагас шигшээ – 57, 59, 68, 72кг.

19:00 – 22:00 – ФИНАЛ, эмэгтэй шагнал гардуулах ёслол – 50, 53, 65, 76кг.

9-р сарын 15

11:30 – 15:30 – Эрэгтэй урьдчилсан барилдаан – 70, 79, 86, 125кг.

11:30 – 15:30 – Эмэгтэй дагах барилдаан – 57, 59, 68, 72кг.

17:45 – 18:45 – Эрэгтэй хагас шигшээ – 70, 79, 86, 125кг.

19:00 – 22:00 – ФИНАЛ, эмэгтэй шагнал гардуулах ёслол – 57, 59, 68, 72кг.

9-р сарын 16

11:30 – 15:30 – Эрэгтэй урьдчилсан барилдаан – 57, 74, 92кг.

11:30 – 15:30 – Эрэгтэй дагах барилдаан – 70, 79, 86, 125кг.

18:00 – 18:45 – Эрэгтэй хагас шигшээ – 57, 74, 92кг.

19:00 – 22:00 – ФИНАЛ, эрэгтэй шагнал гардуулах ёслол – 70, 79, 86, 125кг.

9-р сарын 17

11:30 – 15:30 – Эрэгтэй урьдчилсан барилдаан – 61, 65, 97кг.

11:30 – 15:30 – Эрэгтэй дагах барилдаан – 57, 74, 92кг.

18:00 – 18:45 – Эрэгтэй хагас шигшээ – 61, 65, 97кг.

19:00 – 21:30 – ФИНАЛ, эрэгтэй шагнал гардуулах ёслол 57, 74, 92кг.

9-р сарын 18

17:00 – 18:30 – Эрэгтэй дагах барилдаан – 61, 65, 97кг.

19:00 – 21:30 – ФИНАЛ, эрэгтэй шагнал гардуулах ёслол – 61, 65, 97кг.

Categories
мэдээ нийгэм цаг-үе

“Өдрийн сонин”-ы аппликэйшн шинэчлэгдлээ DNN.mn

Цахим “Өдрийн сонин” аппликэйшн шинэчлэгдэж уншигчид сониноо илүү хялбараар унших боломжтой боллоо. Цахим “Өдрийн сонин”-ы архивт “Өдрийн сонин”-ы 2009 оны нэгдүгээр сараас хойших бүх дугаарууд хадгалагдаж байна.

Уншигчдын хувьд манай сонины архиваас тендер, зар, мэдээ шүүх, аав, ээж, өвөө эмээ, удам судар, нутаг устайгаа холбоотой гарсан нийтлэл, сурвалжилгыг хувилж авах, тухайн үед өрнөж байсан үйл явдалтай холбоотой мэдээ сэлтийг эрдэм шинжилгээний ажилд ашиглах, түүхийн материал бэлдэхийн тулд “Өдрийн сонин”-ы тухайлсан өдрийн дугаарыг олж унших хүсэлт ихээр тавьдаг. Энэ бүх хүсэлтийг тань Цахим “Өдрийн сонин” биелүүлэх болно. “Өдрийн сонин”-ыг эх орныхоо өнцөг булан бүрээс болон дэлхийн ямар ч улсаас цахимаар захиалан уншаарай. Цахим сониныг уншихын тулд дараахь алхмуудыг хийнэ.

Андройд утсан дээр Play store-оос, IOS буюу iphone дээр App store-оос “Өдрийн сонин” гэж хайгаад аппликэйшнээ татаж авна. Татаж авсны дараа заавал бүртгүүлж, нэвтрэх шаардлагатай. Аппликэйшний НЭВТРЭХ гэсэн товчин дээр дарж хэрэглэгчийн нэр, нууц үгээрээ нэвтэрнэ.

Төлбөрөө Төлөх хялбар боломжоос доор санал болгож байна

1. Дээрх тайлбарласан зааврын дагуу нэвтэрч орон баруун дээд буланд дарахаар “Сонин захиалах” гэсэн хэсэг бий. Ингэснээр сонины захиалгын үнэ тус бүрээр гарч ирнэ.

Тэдгээрээс сонголтоо хийн “Голомт”, “Худалдаа хөгжлийн банк”, “Хаан”, “Хас банк”-аар төлбөрөө төлнө. Хэрэв та илүү хялбараар төлбөрөө төлөх бол “Qpay” сонгон QR код уншуулж шууд захиалан авч болно.

Цахим “өдрийн сонин”-ы үнэ:

Нэг өдрөөр захиалах бол 1000 төгрөг,

Нэг сараар 6000 төгрөг

Улирлаар 18.000 төгрөг

6 сараар 36.000 төгрөг

9 сараар 54.000 төгрөг

Жилээр 72.000 төгрөг байна.

2. “Өдрийн сонин”-ы 1102028377 (Хүлээн авагчийн нэр: ӨДРИЙН МЭДЭЭ ХХК гэж бичих) гэсэн Голомт банкны данс руу төлбөрөө шилжүүлээд захиалан авч болно. (Ингэхдээ төлбөр төлсөн баримт дээрээ хэрэглэгчийн и-мэйл хаяг, утасны дугаараа заавал бичих бөгөөд udriinsonin@admin.dnn.mn и-мэйл рүү баримтаа илгээнэ. Эсвэл 70134164 дугаар руу факсдаж болно)

3. Сонины редакци дээр өөрийн биеэр ирж төлбөрөө тушаан шууд захиалан авч болно.

“Өдрийн сонин” өглөө бүр тантай хамт.



www.admin.dnn.mn,

Twitter:DNN_MN

Facebook:DNN.MN

Instagram:dnn_mn

E-mail:udriinsonin@admin.dnn.mn

Цахим сонины лавлах утас: 99130850

Categories
мэдээ нийгэм цаг-үе

Коронавирусийн 72 тохиолдол илэрлээ DNN.mn

Улсын хэмжээнд өнгөрсөн хоногт хийсэн ковидыг илрүүлэх PCR шинжилгээгээр 72 тохиолдол батлагджээ.

Үүнээс

  • 43 нь Улаанбаатарт
  • 29 нь орон нутагт бүртгэгдсэн байна. Ингэснээр нийт бүртгэгдсэн халдварын тоо 981,112 болов.

Орон нутагт бүртгэгдсэн халдварын тухайд Өмнөговь аймагт 28, Архангай аймагт нэг тохиолдол илэрчээ.

Мөн сүүлийн 24 цагийн хугацаанд 139 хүн эдгэрсэн бол одоогоор нийт 1,784 хүн хяналтад байна.

Categories
гадаад их-уншсан мэдээ туслах-ангилал цаг-үе

Хатан хаан Элизабетыг энэ сарын 19-нд оршуулахаар товложээ DNN.mn

Их Британийн талийгаач хатан хааныг оршуулах төрийн ёслол есдүгээр сарын 19-ний өдөр Лондон хотын Уэстминстер Аббэйд болох тов гарсныг Букингэмийн ордноос өчигдөр мэдээлжээ.

Британийн түүхэнд хамгийн удаан төр барьсан хаан болох Элизабет өнгөрсөн Пүрэв гарагт Шотландын Балморал шилтгээнд 96 насандаа таалал төгссөн юм.

Хатан хааны оршуулга нь сүүлийн 60 орчим жилд Британид болоогүй төрийн оршуулга болох юм байна. Мөн энэхүү үйл явдлын хамгаалалт нь Их Британийн түүхэнд хамгийн том аюулаас хамгаалах арга хэмжээ болохоор байгааг албаны эх сурвалжууд мэдээлжээ.

Хатан хааны оршуулгын ёслолд сая сая Британичуудаас гадна дэлхийн олон орны хүндтэй зочид оролцох юм. Тус улс хамгийн сүүлд 1965 онд ерөнхий сайд Уинстон Черчиллд зориулан төрийн оршуулга зохион байгуулж байжээ.

Оршуулгын ёслолд оролцох гадаадын хүндтэй зочдын дотор АНУ-ын ерөнхийлөгч Жо Байден, Францын ерөнхийлөгч Эммануэл Макрон, Европын Холбооны гүйцэтгэх засаглалын тэргүүн Урсула фон дер Ляйен зэрэг хүмүүс байна.

Мөн Японы эзэн хаан Нарухито зэрэг газар газрын ихэс дээдэс оршуулгын ёслолд оролцох төлөвлөгөөтэй байгаа ажээ.

Categories
мэдээ нийгэм цаг-үе

Уулархаг нутгаар бороо орж, нутгийн зүүн хойд хэсгээр бага зэрэг сэрүүснэ DNN.mn

Малчид, иргэд, тариаланчдад зориулсан мэдээ: Өнөөдөр уулархаг нутгаар бороо орж, нутгийн зүүн хойд хэсгээр бага зэрэг сэрүүснэ.

2022 оны 09 сарын 11-ний 08 цагаас 20 цаг хүртэл: Хур тунадас: Нутгийн хойд хэсгээр үүлшинэ, бусад нутгаар багавтар үүлтэй. Монгол-Алтай, Хөвсгөл, Хэнтийн уулархаг нутгаар бага зэргийн бороо орно. Бусад нутгаар бороо орохгүй.

Салхи: Нутгийн хойд хэсгээр баруун хойноос, бусад нутгаар баруун өмнөөс секундэд 5-10 метр, нутгийн зарим газраар секундэд 13-15 метр хүрч ширүүснэ.

Агаарын температур: Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр 16-21 хэм, говийн бүс нутгийн өмнөд хэсгээр 28-33 хэм Их нууруудын хотгор, говийн бүс нутгийн хойд хэсэг, Дорнод-Монголын тал нутгаар 24-29 хэм, бусад нутгаар 20-25 хэм дулаан байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. 20-22 хэм дулаан байна.

БАГАНУУР ОРЧМООР: Үүлшинэ. Бороо орохгүй. Салхи баруун хойноос секундэд 5-10 метр, зарим үед секундэд 13-15 метр хүрч ширүүснэ. 20-22 хэм дулаан байна.

ТЭРЭЛЖ ОРЧМООР: Үүлшинэ. Бороо орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. 19-21 хэм дулаан байна.

2022 оны 09 дүгээр сарын 12-ноос 09 дүгээр сарын 16-ныг
хүртэлх цаг агаарын урьдчилсан төлөв

12-нд баруун аймгуудын нутгийн баруун хэсгээр, 13-нд баруун аймгуудын нутгийн зарим газар, төвийн аймгуудын нутгийн баруун хэсгээр, 14-нд төвийн аймгуудын нутгийн зарим газар, зүүн аймгуудын нутгийн баруун хэсгээр, 15-нд баруун аймгуудын нутгийн зарим газар, төвийн аймгуудын нутгийн баруун хэсэг болон зүүн аймгуудын нутгийн хойд хэсгээр бороо орно. Салхи 12-нд Алтайн уулархаг нутгаар, бусад хугацаанд нутгийн зарим газраар секундэд 14-16 метр хүрч ширүүснэ. 13-нд нутгийн баруун хойд хэсгээр, 14-нд төв болон зүүн аймгуудын нутгаар, 15-нд нутгийн хойд хэсгээр бага зэрэг сэрүүсэж Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр шөнөдөө 2 хэм дулаанаас 3 хэм хүйтэн, өдөртөө 12-17 хэм, Их нууруудын хотгор, говийн бүс нутгийн өмнөд хэсгээр шөнөдөө 12-17 хэм, өдөртөө 27-32 хэм, бусад нутгаар шөнөдөө 4-9 хэм, өдөртөө 17-22 хэм дулаан байна.

Categories
мэдээ нийгэм цаг-үе

“Тогтвортой хөгжлийн зорилго” нээлттэй өдөрлөг зохион байгуулав DNN.mn

ГХЯ, ЭЗХЯ, Нийслэлийн ЗДТГ, МҮХАҮТ, Монгол Улс дахь НҮБ-ын Суурин зохицуулагчийн газраас хамтран “Тогтвортой хөгжлийн зорилго” нээлттэй өдөрлөгийг 2022 оны 9 дүгээр сарын 10-ны өдөр Сүхбаатарын талбайд зохион байгуулав.

Нээлттэй өдөрлөгт 120 гаруй иргэн, байгууллага оролцож, “Алсын хараа-2050” Монгол Улсын урт хугацааны хөгжлийн бодлого, тогтвортой хөгжлийн 17 зорилгыг хэрэгжүүлэхэд чиглэсэн үйл ажиллагаа, ололт амжилт, шинэлэг санаачилгуудаа танилцууллаа.

Арга хэмжээний нээлтэд Гадаад харилцааны сайд Б.Батцэцэг, Эдийн засаг, хөгжлийн сайд Ч.Хүрэлбаатар, Ерөнхий сайдын ахлах зөвлөх А.Ариунзаяа, МҮХАҮТ-ын Ерөнхийлөгч O.Амартүвшин, НҮБ-ын Суурин зохицуулагч Т.Мишра нар оролцож, үг хэлэв.

Гадаад харилцааны сайд Б.Батцэцэг хэлсэн үгэндээ Монгол Улс “Тогтвортой хөгжлийн 2030 хөтөлбөр”-ийг үндэсний хөгжлийн бодлоготойгоо нягт уялдуулан хэрэгжүүлж буйг онцолж, тогтвортой хөгжлийн зорилгыг хангахад бүх талын оролцоо, түншлэл, бүтээлч ажиллагаа чухал болохыг тэмдэглэв.

Гадаад харилцааны яам нээлттэй өдөрлөгийн үеэр хөгжлийн төлөөх түншлэлийг бэхжүүлэхэд чиглэсэн үйл ажиллагаа болон технологийн дэвшлийг ашиглан төрийн үйлчилгээг иргэдэд шуурхай хүргэх цахим нотариат, цахим архивын үйлчилгээг танилцууллаа.