Month: September 2022

НҮБ-ын Хүнс, хөдөө аж ахуйн байгууллагаас “Дэлхийн хүнсний өдөр”-ийг 1981 оноос эхлэн жил бүрийн 10 дугаар сарын 16-нд тэмдэглэж ирсэн. “Дэлхийн хүнсний өдөр”-ийг тохиолдуулан Хүнс, хөдөө аж ахуй, хөнгөн үйлдвэрийн яамнаас НҮБ-ын Хүнс, хөдөө аж ахуйн байгууллагын суурин төлөөлөгчийн газар болон Монголын хүнсчдийн холбоотой хамтран “Хүнсний аюулгүй байдал” эрдэм шинжилгээний бага хурлыг жил бүр зохион байгуулдаг уламжлал тогтсон билээ.

Энэ жилийн бага хурлыг “Хүнсний аюулгүй байдал – Тогтвортой үйлдвэрлэл” сэдвийн хүрээнд 2022 оны 10 дугаар сарын 12-ны өдөр уламжлал ёсоор Хүнс, хөдөө аж ахуй, хөнгөн үйлдвэрийн яамны хурлын их танхимд зохион байгуулна.

Хүнсний аюулгүй байдлыг хангахад оюутан, судлаач, эрдэм шинжилгээний ажилтны оруулах хувь нэмрийг үнэлэх, хүнсний чиглэлийн судалгааны ажлыг эргэлтэд оруулах, төрийн бодлого, шийдвэрт тусган хэрэгжүүлэх нөхцөл, боломжийг бүрдүүлэх, технологийн судалгааг үйлдвэрлэлд нэвтрүүлэх, төрийн захиргааны байгууллага болон мэргэжлийн холбоо, эрдэм шинжилгээний байгууллагуудын гурвалсан хамтын ажиллагааг дэмжих, хүнсний салбарын хүний нөөцийг бодлогын түвшинд бэлтгэх, салбарын хөгжлийн чиг хандлагыг хамтран тодорхойлоход тус бага хурал чухал ач холбогдолтой гэж ХХААХҮЯ-наас мэдээллээ.

Цагдаагийн байгууллагад энэ оны есдүгээр сарын 12-ны өдрийн 15:30 цагт Баянгол дүүргийн 26 дугаар хорооны нутаг дэвсгэрт байрлах … байрны орцонд 8 настай, эрэгтэй “Э” гэгчийг “Үл таних хүн хуурч мэхлэн орц руу оруулж, айлган сүрдүүлж гар утсыг нь дээрэмдсэн” гэх дуудлага, мэдээлэл бүртгэгдсэн.

Мэдээллийн дагуу тус дүүрэг дэх цагдаагийн газрын нэгдүгээр хэлтсийн Эрүүгийн цагдаагийн тасгийн алба хаагчид эрэн сурвалжлах ажиллагааг шуурхай зохион байгуулж тус дүүрэгт оршин суух 32 настай, эрэгтэй “Б” гэгч үйлдсэнийг тогтоон мөрдөн шалгах ажиллагаа явуулж байна.

Сонгинохайрхан дүүргийн хороо тус бүрт Улс, Нийслэл, ОНХС-ийн хөрөнгө оруулалтаар бүтээн байгуулалт, тохижилтын ажлуудыг гүйцэтгэж байна.

Тухайлбал, Нийслэл, дүүргийн Засаг даргын 2021-2024 оны үйл ажиллагааны хөтөлбөрийн хүрээнд 43 хороо бүрт бүтээн байгуулалтын ажлууд өрнөж зарим хороодод шинэ сургууль, цэцэрлэг ашиглалтад орж, гүйцэтгэлийн шатанд үргэлжилж байгаа ажил олон байнаТэдгээрийн нэг болох 40-р хороонд энэ онд Улс, Нийслэл, Орон нутгийн төсвөөр хийгдэж байгаа хэд, хэдэн томоохон бүтээн байгуулалтын ажлуудыг танилцуулж байна.

1. Азийн хөгжлийн банкны санхүүжилтээр 640 хүүхдийн суудалтай сургуулийн барилгын ажлын явц 70 хувьтай үргэлжилж байна. Энэхүү сургууль нь 2022 оны арванхоёрдугаар сарын 31-ны өдөр ашиглалтад орохоор төлөвлөгөөнд тусгагдсан
2. Гэр хорооллыг хөгжүүлэх хөрөнгө оруулалтыг дэмжих төсөл хөтөлбөрөөр 240 хүүхдийн ортой цэцэрлэгийн барилга угсралтын явц 10 хувьтай үргэлжилж байна. Тус цэцэрлэг 2023 онд ашиглалтад орно
3. Нийслэлийн төсвийн хөрөнгөөр хороо болон өрхийн эмнэлэгийн цогцолбор байрны барилгын явц 30 хувьтай үргэлжилж байна
4. Улсын төсвийн хөрөнгөөр тус хорооны Горхи 2,3, Баянхошуу 29,35,36,37,38 Монлаа 1,2,8,9,10,13 дугаар гудамжинд гэрэлтүүлэг тавих ажлын гүйцэтгэл 70 хувьтай үргэлжилж байна. Гэрэлтүүлэг суурилуулалтын ажил 2022 оны аравдугаар сард дуусна
5. Гэр хорооллыг хөгжүүлэх хөрөнгө оруулалтыг дэмжих төслийн хүрээнд дулааны шугам татах ажил тус хорооны Баянхошуу 35,36, Ногоочин 4, Монлаа 1,2,9,10 Горхи 1-р гудамжнуудад хийгдэж байна. Тус ажил 2022 оны аравдугаар сард бүрэн дуусна
6. Улсын төсвийн хөрөнгөөр 240 хүүхдийн цэцэрлэгийн барилга барих ажлын газар чөлөөлөлт бүрэн дууссан бөгөөд сонгон шалгаруулалт явагдаж байна
7. Баянхошуу дэд төвийн хүрээнд 620 хүний суудалтай, Усан бассейн, Фитнесс заалтай спорт цогцолбор, Олон нийтийн хөгжлийн төв баригдаж байна. Барилгын гүйцэтгэл 20 хувьтай үргэлжилж байгаа бөгөөд байгууламжууд 2023 онд ашиглалтад орох юм.

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2022 оны 9 дүгээр сарын 5-9-ний өдрүүдэд авлигаас урьдчилан сэргийлэх чиг үүргийн хүрээнд Эрчим хүчний яам, Байгаль орчин, аялал жуулчлалын яам, Стандарт хэмжил зүйн газар, Нийслэлийн хот байгуулалт, хөгжлийн газар зэрэг байгууллага дахь авлигын эрсдэлийн үнэлгээний мөрөөр өгсөн зөвлөмжийн дагуу авч хэрэгжүүлсэн ажил, арга хэмжээтэй танилцав.

Эдийн засаг, хөгжлийн яам, Соёлын яам, Цахим хөгжил, харилцаа холбооны яам, Орхон аймгийн Засаг даргын Тамгын газар, Хөвсгөл аймгийн Засаг даргын Тамгын газар зэрэг байгууллагын албан ёсны цахим хуудаст үнэлгээ хийж, Нийтийн мэдээллийн ил тод байдлын тухай хуулиар иргэд, олон нийтэд нээлттэй байлгах мэдээллийг хэрхэн байршуулсан талаар дүн шинжилгээг хийж, илэрсэн зөрчил дутагдлыг арилгах, ил тод байдлыг сайжруулах чиглэлээр Соёлын сайд Ч.Номин, Эдийн засаг, хөгжлийн яамны Төрийн нарийн бичгийн дарга Х.Батжаргал, Орхон аймгийн Засаг даргын Тамгын газрын даргын үүргийг түр орлон гүйцэтгэгч Ш.Ганболд нарт зөвлөмж хүргүүлэв.

Төрийн албан хаагчийн ёс зүй, төрийн албаны хүнд суртал, чирэгдэл үзүүлсэн тухай иргэн, байгууллагаас ирүүлсэн 7 гомдол, мэдээллийн мөрөөр гомдол гаргагч болон албан хаагчдаас тайлбар авах, баримт гаргуулан авах зэрэг холбогдох ажиллагааг явуулав.

Нийслэлийн ерөнхий боловсролын 1, 3, 5, 6, 31, 17, 23, 24, 14, 21, 84, 33, 38, 93, 18, 52, 122, 123 дугаар сургууль, Боловсрол, шинжлэх ухааны яамны харьяа “Шинэ эрин”, “Шинэ эхлэл” зэрэг 20 сургууль, нийслэлийн 16, 154, 56, 129, 147, 94, 46, 157, 192 зэрэг 9 цэцэрлэг, нийт 29 байгууллагад шинээр элсэн суралцах сурагчдын элсэлт, бүртгэлийн үйл ажиллагааг зохион байгуулж буй комиссын үйл ажиллагаанд хяналт тавьж, бүртгэлтэй холбоотой иргэдээс ирүүлсэн гомдол, мэдээллийг хүлээн авч газар дээр нь шуурхай шийдвэрлэн ажилласан бөгөөд тухайн сургууль, цэцэрлэгийн төсөв, санхүү, худалдан авалт, хүний нөөц, томилгоо, ил тод байдлын талаар холбогдох мэдээлэл, баримтад дүн шинжилгээ хийв. Энэ талаарх нэгдсэн тайлан, зөвлөмжийг боловсруулж, нийтлэг зөрчил, анхаарах асуудлын талаар танилцуулга бэлтгэн, Засгийн газрын хуралдаанд танилцуулахаар Боловсрол, шинжлэх ухааны сайдад хүргүүллээ.

Ажилгүйдлийн хувьсал, өөрчлөлт болон ядуурлын талаар хийсэн судалгааны тайланг хэлэлцлээ.

Энэхүү судалгаа нь манай улсын хөдөлмөрийн зах зээл дэх ажилгүйдэл, ажил хийхэд бэлэн байгаа ч ажилгүй байгаа хүн ам, тэдгээрийн мөн чанар, шалтгаан болон ажил хайгчдын дунд гарч буй богино хугацааны өөрчлөлтийг анх удаа олон улсын аргачлалаар нарийвчлан судалж, ажилгүйдлийг бууруулах, хөдөлмөр эрхлэлтийг нэмэгдүүлэхэд чиглэсэн бодлогын хувилбаруудыг зөвлөмж болгож буй аж.

Хөдөлмөр, нийгмийн хамгааллын сайд Д.Сарангэрэл “Монгол Улсын Засгийн газраас ажил хайгч, ажилгүй иргэдэд чиглэсэн хөдөлмөр эрхлэлтийг дэмжих бодлого, арга хэмжээг илүү боловсронгуй болгон хэрэгжүүлэхэд чухал ач холбогдолтой гэж үзэж байна.

Мөн манай улсын хүн амын амьжиргаа, ядуурлын тоон мэдээллийг гаргасан нь ядуурлыг бууруулах бодлогын шийдвэр гаргахад чухал нөлөө үзүүлнэ гэдэгт итгэлтэй байна” гээд дэмжлэг үзүүлж ажилласан Дэлхийн банк, Олон Улсын зөвлөхүүд, Үндэсний Статистикийн хорооны хамт олонд талархал илэрхийллээ.

Уулзалтаар ядуурлын тайлангийн үр дүнг хэлэлцэж, ядуурал ба тэгш бус байдал, ядуурлын олон улсын харьцуулалт, КОВИД-19 цар тахлын эхэн үеийн өрхийн амьжиргааны талаар, ажилгүйдлийн хувьсал, өөрчлөлтийн тайлангийн үр дүнгийн хүрээнд Монгол Улсын хөдөлмөрийн зах зээл, хөдөлмөр эрхлээгүй хүмүүсийн төлөв байдал, ажил хайгчдын судалгааны хүрээнд шилжилт хөдөлгөөн, ажлын хүлээлт болон тулгарч буй саад бэрхшээлийн талаар хэлэлцсэн юм.

“Дайчилгааны тухай” Монгол Улсын хууль болон Батлан хамгаалахын сайд Ховд аймгийн Засаг даргатай байгуулсан хамтран ажиллах гэрээ, Цэргийн штабын сургалтын нэгдсэн төлөвлөгөөний дагуу Баруун бүсийн аймгуудын сумдын Засаг даргын Тамгын газрын дарга нартай зохион байгуулах “Цэргийн бэлтгэл” сургалтыг Ховд аймгийн Засаг даргын Тамгын газрын Цэргийн штабаас 2022 оны 9 дүгээр сарын 11-14-ний өдрүүдэд зохион байгуулж байна.

“Цэргийн бэлтгэл” сургалтын нээлтийн арга хэмжээнд Ховд аймгийн Засаг дарга бөгөөд Баруун бүсийн зөвлөлийн дарга хатагтай Э.Болормаа, Батлан хамгаалах яамны Стратегийн бодлого, төлөвлөлтийн газрын дарга хурандаа Ч.Гандирваа, Ховд аймгийн Засаг даргын Тамгын газрын дарга Д.Энхболд болон баруун бүсийн аймгуудын Засаг даргын Тамгын газрын Цэргийн штабын дарга нар оролцжээ.

Тус сургалтад баруун бүсийн таван аймгийн 90 гаруй сумын Засаг даргын Тамгын газрын дарга нар болон Цэргийн штабын офицерууд хамрагдаж байна.

Энэхүү сургалт нь Засаг даргын Тамгын газрын дарга нарыг дэлхийн болон бүс нутгийн аюулгүй байдлын орчны өөрчлөлт, Монгол Улсын батлан хамгаалах бодлого, зорилт, Зэвсэгт хүчний шинэчлэлт, өөрчлөлтийн талаар шинэ мэдээ, мэдээллээр хангах, орон нутагт Батлан хамгаалах бодлого, зорилтыг хэрэгжүүлэхэд дэмжлэг үзүүлэх зэрэг чухал ач холбогдолтой арга хэмжээ болж байна.