Month: September 2022

“Монгол хүн Монгол хүндээ тусалъя” ТББ-ын тэргүүн Ч.Мөнхбаярыг гадаад улсын тагнуулын албатай хамтран ажиллахаар тохиролцсон, хамтран ажилласан гэж үзэн энэ оны зургаадугаар сарын 28-нд Сүхбаатар дүүргийн эрүүгийн хэргийн анхан шатны шүүхээс түүнд 10 жилийн хорих ял оноох шийдвэр гаргасан.

Хоёр настай хүүхдээ тэжээж чадахгүй байгаа тул өргөж авах айл хайсан зарыг фэйсбүүк группт нийтэлжээ.

Зар нийтэлсэн эмэгтэй хүүхдээ өргүүлэх болсон шалтгаанаа “Хоёр нас долоон сартай хүүгийн аав нь өөр хүнтэй суугаад хаяад явсан. Төрөл садан нь ч хүүг ад үзэж байгаа тул би хүүхдээ тэжээж чадахгүй байна. Тиймээс өргөх айл хайж байгаа” хэмээн тайлбарласан байна.

Энэ дагуу цагдаагийн байгууллагаас тодруулахад “Холбогдох мэдээллийг тухайн аймгийн цагдаагийн хэлтэс рүү явуулсан. Мэдээллийн дагуу Эрүүгийн цагдаагийн алба шалгаж байгаа. Эргэн мэдээлэл өгнө” гэв.

“Сүрьеэгүй Ази тивийг бий болгох арга замыг хайх нь” олон улсын эрдэм шинжилгээний тавдугаар хурал болж байна.

Энэ үеэр ЭМЯ-ны Нийтийн эрүүл мэндийн газрын дарга Д.Баярболд “ДЭМБ-ын зүгээс коронавируст халдварт цар тахлын улмаас сүрьеэгийн эрт илрүүлэг, үзлэг оношилгоо 5-8 жилээр ухрах эрсдэл байна гэдгийг хэлж байгаа. Тиймээс бид цар тахлын үед хэрхэн зохицож, сүрьеэгийн тусламж үйлчилгээг тасалдуулахгүй байх вэ гэдэгт анхаарч, олон улстай туршлагаа хуваалцаж байна.

Манай улс энэ оны тавдугаар сарын 1-нээс эрт илрүүлэг, үзлэг оношилгоог улс орон даяар зохион байгуулж байгаа бөгөөд бүх насныхны үзлэгийн багцад сүрьеэгийн илрүүлэх үзлэгийг оруулж өгсөн нь цар тахлын дараа сүрьеэ өвчний тохиолдлын илрүүлэлтийг нэмэгдүүлэхэд ач холбогдол өгч байгаа.

Одоогоор нийт 300,000 гаруй иргэн урьдчилан сэргийлэх эрт илрүүлэг оношилгоонд хамрагдсан. Үүнээс сүрьеэгийн 1,000 гаруй сэжигтэй тохиолдол бүртгэгдэж, дараагийн шат руу шилжүүлсэн.

Хэдийгээр бид коронавируст халдварын бэлэн байдалд ажиллаж байгаа ч сүрьеэгийн эрт илрүүлэг, эмчилгээг орхигдуулахгүй байх нь чухал” хэмээн хэллээ.

2022 оны есдүгээр сарын 2-8-ны өдрүүдэд 7,934 автомашин, 999 чингэлэг нийт 976.5 мянган тонн нүүрс экспортод гарсан нь өмнөх оны мөн үеэс 306 хувь буюу 3 дахин өссөн үзүүлэлттэй байна. Оны эхнээс 16 сая тонн нүүрс гарснаар нүүрс экспорт өмнөх оны мөн үеийн хэмжээнээс 36.5 хувиар өсөв.

Долоо хоногт 327 автомашин, 222 чингэлэг буюу оны эхнээс нэг сая тонн зэсийн баяжмал экспортолсон нь өнгөрөгч оны мөн үеэс 8.8 хувийн өсөлттэй байна.

Төмрийн хүдэр, баяжмалын тухайд 836 автомашин, 926 чингэлэг буюу оны эхнээс нийт 2,8 сая тонн экспортолсон нь өнгөрөгч оны мөн үеэс 49 хувиар буурчээ.

Төв банк оны эхнээс энэ сарын 8-ны өдрийн байдлаар 12.58 тонн алт худалдан авчээ.

Эрдэс бүтээгдэхүүний экспорт дунджаар 65 хувийн гүйцэтгэлтэй байна. Тухайлбал, нүүрс 88.6 хувь, зэсийн баяжмал 83.5 хувь, төмөр 55.2 хувь, алт 62.9 хувь, цайр 99.2 хувь тус тус байна хэмээн УУХҮЯ-наас мэдээлэв.

УИХ-ын гишүүн, Зам, тээврийн хөгжлийн сайд С.Бямбацогт Цагаан хад, Гашуунсухайт, Ганцмодны боомтод ажиллалаа.

Гашуунсухайт боомтоор өдөртөө нүүрс тээврийн 600-800 машин гарч байна.

УНТЭ-ийн захирал Б.Хишигжаргал “Улсын нэгдүгээр төв эмнэлэг 1925 онд байгуулагдсан цагаасаа хойш маш олон эмчилгээ, үйлчилгээний технологийг Монгол Улсад нэвтрүүлсэн. Монгол Улсад цусны үүдэл эс шилжүүлэн суулгах төсөл 2011 онд эхэлж, 2014 онд өвчтнөөс өөрт нь үүдэл эс амжилттай шилжүүлэн суулгаж, 28 хүнд энэ эмчилгээг хийгээд байна. Энэ удаа бид донороос өвчинд цусны үүдэл эс шилжүүлэн суулгах эмчилгээг анх удаа хийлээ” гэж танилцууллаа.

Үүдэл эс шилжүүлэн суулгах багийн ахлагч Н.Оюундэлгэр “Энэ эмчилгээ бол цус судлаач эмч бидний мөрөөдөл, хүсэн хүлээж байсан азтай агшин. Бид өвчтнөөс өөрт нь үүдэл эс шилжүүлэн суулгах эмчилгээг 30 орчим хүнд хийгээд байгаа ч нийгмийн эрэлт хэрэгцээ, бидний эрхэм зорилго донороос өвчтөнд үүдэл эс шилжүүлэн суулгах технологи байсан. Бид хийж чадлаа. Өвчтний маань биеийн байдал сайн, шинжилгээний үзүүлэлт хэвийн болж байна.

Бид энэ эмчилгээг хийлгэх дараагийн хүнээ бэлдэж байна. 30 гаруй настай эмэгтэйг сонгож авч, дараагийн ажилдаа ороод байна. Бид зогсохгүй, 2023 онд хүүхдүүдэд энэ технолгиор эмчилгээ хийнэ” гэсэн мэдээллийг өглөө.

Үүдэл эс шилжүүлэн суулгасан залуугийн ээж: Миний хүүгийн алтан амийг аварсан УНТЭ, цусны тасгийн эмч нартаа талархсанаа илэрхийлье. Миний хүү 11 дүгээр сард хүнд өвчнөөр оношлогдож, маш хүнд, хүүгээ алдах нь гэж айж байсан. Алтан гартаа эмч нарын буянаар хүүгээ эрүүл болгоод, эмнэлгээс гарч байгаадаа маш их баяртай байна.

Монгол Улсад эмчлэгдэх боломжгүй 26 өвчний жагсаалт бий. Донороос өвчтөнд үүдэл эс шилжүүлэн суулгаснаар энэ жагсаалтын тоо нэгээр багасаж байна.

Цустай хавдартай том хүн болон хүүхдүүд гадагшаа явж, донороос үүдэл эс шилжүүлэн суулгах эмчилгээ хийлгэдэг. Сүүлийн 5 жилд 21 иргэн донороос цусны үүдэл эс шилжүүлэн суулгах эмчилгээ хийлгэхээр гадаад улсыг зорьсон байна. Харин одоо энэхүү эмчилгээг эх орондоо нутагшуулж, Монголдоо хийлгэх боломжтой боллоо. Уг эмчилгээний зардлын ихэнх хувийг эрүүл мэндийн даатгал хариуцдаг аж.