Энэ онд нийслэлд он дамжин хэрэгжиж байгаа болон шинээр хэрэгжиж эхэлсэн сургууль цэцэрлэгийн 176 барилгад санхүүжилт олгожээ. Эдгээр барилгын гүйцэтгэл өнөөдрийн байдлаар 73 хувьтай явж байна. Хугацаандаа ашиглалтад орж амжихгүй зарим сургуулийн байр болон өргөтгөлийн ажлаас шалтгаалж нийслэлд 41 сургууль гурван ээлжээр хичээллэх шаардлага үүссэн. Гэхдээ энэ асуудалд сургуулиуд дотооддоо зохион байгуулалт хийх болон зарим сургуульд нэмэлт хичээллийн байр түрээслэх байдлаар хоёр ээлжээр хичээллэх боломжийг бүрдүүлсэн гэж албаныхан мэдээлж байна.

2022 онд нийслэлийн боловсролын салбарт 51 сургууль, 92 цэцэрлэг, 27 бага сургууль, цэцэрлэгийн цогцолбор, дөрвөн спорт заал, хоёр дотуур байр гээд нийт 176 барилгыг улс, нийслэл, дүүргийн төсөв, гадаадын зээл тусламжаар санхүүжүүлж хэрэгжүүлж байгаа юм. Одоогийн байдлаар хоёр сургууль, 13 цэцэрлэг, нэг бага сургууль, цэцэрлэгийн цогцолбор ашиглалтад ороод байгаа бол 19 сургууль, 13 цэцэрлэг, гурван бага сургууль цэцэрлэгийн цогцолбор оны эцэст багтан ашиглалтад орохоор хүлээгдэж байна. Энэ хичээлийн жилд сургуулийн хүүхдийн тоо 20 мянгааар нэмэгдсэн бол цаашид энэ өсөлт 25 мянгаар жилд өсөх тооцоо гарчээ. Хэдийгээр улс нийслэл, дүүргийн санхүүжилтээр сургууль цэцэрлэгийн барилгыг жил бүр тодорхой хэмжээгээр барьж байгаа хэдий ч сургууль орох хүүхдийн тооны өсөлтийг давж чадахгүй байгаа юм. Иймээс ч тодорхой зохицуулалт хийж гурван ээлжээр хүртэл хичээллэхгүй байх нөхцлийг бүрдүүлсэн гэдгээ албаныхан хэлж байна.

Нийслэлийн боловсролын газрын хэлтсийн дарга О.Бадамсэрээжид “41 сургууль энэ жил гурван ээлжээр хичээллэж магадгүй байна гэдэг асуудал үүссэн. Эндээс хорин сургуулийг нь дотоодын нөөц бололцоогоор шийдээд нэг сургуулийнх нь тухайд өргөтгөлийнх нь барилгын ажлын нэмэлт санхүүжилтын асуудлыг нь шийдээд есдүгээр сарын нэгэн гэхэд ашиглалтад оруулахаар ажиллаж байна. Үлдэгдэл 20 сургууль дээр сургалтын зориулалтаар ашиглах боломжтой байрыг түрээслэх замаар сургалтын үйл ажиллагааг явуулна. 19 байгууллагын түрээсийн байрын асуудлыг баталчихсан байна. Одоо нэг байрны асуудал дараагийн тушаалын төслөөр батлагдаад гэрээ байгуулагдана. Энэ хичээлийн жилд гурван ээлжээр хичээллэх сургууль байхгүй” гэв.

Нэмэлт байр түрээсэлж байгаа сургуулиудын нэг нь нийслэлийн чингэлтэй дүүргийн Тавдугаар сургууль юм. Тус сургуулийн өөрийн хүчин чадал нэг ээлжиндээ 1320 хүүхэд хичээллэх боломжтой хэдий ч 1700-д хүрээд байгаа. Энэ хичээлийн жилд 3300 орчим хүүхэд хичээллэхээр урьдчилсан байдлаар бүртгүүлжээ. Иймээс өргөтгөлийн байр барих асуудлыг 2019 онд шийдүүлсэн хэдий ч энэ хичээлийн жилдээ орж амжихгүй, ондоо багтаж орно гэсэн хүлээлттэй байна.

Тавдугаар сургуулийн захирал Н.Гэндэнсүрэн “2020 оны наймдугаар сарын 30-нд ашиглалтад орох байсан. 2020 онд төсвөө татуулаад 2022 он мөнгө нь тавигдаад энэ хавар ажлаа эхлүүлээд явж байна. Гүйцэтгэл 98 хувьтай байна. 10 сард багтаж ашиглалтад орох байх” гэв.

Цар тахлын нөхцөл байдалтай холбоотойгоор хөл хорио, бараа материалын үнийн өсөлттэй холбоотойгоор боловсролын салбарт хэрэгжиж байгаа барилгын ажил удаашрах гол шалтгаан болж байгааг онцолж байна.

Сургууль, цэцэрлэгийн чанар хүртээмжийг нэмэгдүүлэх, сурагчдыг ая тухтай орчинд боловсрол эзэмшүүлэх, хамрах тойргийн сургуулийн хүртээмжийг нэмэгдүүлэх зорилгоор улс, нийслэлийн төсвийн хөрөнгө оруулалтаар сургууль, цэцэрлэгийн бүтээн байгуулалтын ажил өрнөж байна.

Энэхүү ажлын хүрээнд нийслэлийн Сонгинохайрхан дүүрэгт улсын төсвийн хөрөнгө оруулалтаар шинэ цэцэрлэгийн барилгын ажлыг бүрэн дуусгаж, ашиглалтад орууллаа. Тодруулбал, Сонгинохайрхан дүүргийн 31 дүгээр хороонд 250 хүүхдийн ортой шинэ цэцэрлэгийн барилга угсралт, дотор засал, гадна тохижилт, инженерийн шугам, сүлжээ холболтын ажлыг бүрэн дуусгаж, ашиглагчид хүлээлгэн өгсөн байна.

Тус цэцэрлэг ашиглалтад орсноор 31 дүгээр хорооны цэцэрлэгийн насны бүх хүүхэд сургуулийн өмнөх боловсролд бүрэн хамрагдах боломжтой болж байгаа юм. Шинээр барьсан 306 дугаар цэцэрлэг есдүгээр сарын 1-нд нээлтээ хийнэ. Улсын төсвийн хөрөнгө оруулалтаар бий болсон тус цэцэрлэгийн барилгыг ажлыг “Инжхами” ХХК хийж гүйцэтгэж, Нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажилласан юм.

ЕРӨНХИЙ БОЛОВСРОЛЫН 162 ДУГААР СУРГУУЛЬ ЕСДҮГЭЭР САРЫН 1-НД СУРАГЧДАА ХҮЛЭЭН АВНА

Сонгинохайрхан дүүрэгт бас нэгэн шинэ сургууль ашиглалтад орж байна. Улсын төсвийн хөрөнгө оруулалтаар тус дүүргийн дөрөвдүгээр хороонд 640 хүүхдийн суудалтай шинэ сургуулийн барилга угсралт, дотор засал, гадна тохижилт, инженерийн шугам, сүлжээ холболтын ажил бүрэн дуусжээ. Тус сургуульд хамран сурах тойргийн буюу Сонгинохайрхан дүүргийн 3, 4, 26 дугаар хорооны хүүхдүүд хамрагдах боломжтой юм. Ерөнхий боловсролын 162 дугаар сургууль есдүгээр сарын 1-нд сурагчдаа хүлээн авна. Сургуулийн барилгыг “Ванхүү” ХХК барьсан бөгөөд Нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэв.

Эх сурвалж: Нийслэлийн сургалт, судалгаа, олон нийттэй харилцах газар

Хан-Уул дүүрэг, “Home plaza” төвийн хойд талын Олимпын гүүрийн бүтээн байгуулалттай холбогдуулан гүүрэн доогуур буцаж эргэх U хэлбэрийн эргэлтийг шинэчилж дууслаа.

Монгол-Япон улсын хооронд дипломат харилцаа тогтоосны 50 жилийн ойд зориулж, Японы Токио хотын Шинжүкү Бунко төвд “Монголын балетын хөгжил сан” болон “Интернейшнл балет академи” хамтран энэ сарын 25-нд сонгодог урлагийн тоглолтыг зохион байгууллаа.

Тоглолт, Монгол Улсын Гавьяат жүжигчин, Соёлын элч, балетчин Д.Алтанхуяг, УДБЭТ-ын гоцлооч, МУСТА Ө.Мөнхжин, О.Даваадорж нар урилгаар оролцож, Японы “Интернейшнл балет академи”-ийн бүжигчидтэй хамтран А.Аданы “Жизель”, Ж.Чулууны “Уран хас” балетын хэсгээс Японы үзэгчдэд толилуулсан юм.

“Монголын балетын хөгжил сан” нь Япон-Монгол улсын хооронд дипломат харилцаа тогтоосны 40, 45 жилийн ойн хүрээнд “Комаки балет Монголд” , “Галт Шувуу” балет , “Цөмөөхэй балет Японд” зэрэг тоглолтыг зохион байгуулж байсан билээ.

Монголын бүх ард түмний спортын XV наадмын анхан шатны тэмцэ(олимпын 18, оюун ухааны хоёр, хөгжлийн бэрхшээлтэй иргэдийн зургаад болох юм.

Энэхүү наадам нь дөрвөн жилд зохион байгуулагддаг бөгөөд XV наадамд 21 аймаг, есөн дүүргээс шалгарсан 4500 гаруй тамирчин 561 багц медалийн төлөө өрсөлдөх аж.

Монголын бүх ард түмний спортын наадам нь иргэдийг биеийн тамир, спортоор хичээллэх, эрүүл чийрэг иргэнийг төлөвшүүлэх, тамирчдын ур чадварыг дээшлүүлэх, олимпын багуудыг бүрдүүлэх онцгой ач холбогдолтой юм. Энэхүү наадмын анхдугаар тэмцээнийг 1961 онд Ардын хувьсгалын 40 жилийн ойг угтаж, өвөл, зуны спортын 17 төрлөөр зохион байгуулж байв. Анхдугаар наадамд 130 мянга гаруй тамирчин оролцсоноос 1134 тамирчин спортын зэрэг цолыг биелүүлж, улсын дээд амжилт 29 удаа шинэчлэн тогтоож байжээ. Тэрхүү наадмын нэгдсэн дүнг “Алдар” спорт хороо, “Булган” нийгэмлэг тэргүүлжээ.

Монгол Улсын Ерөнхийлөгчийн ивээл дор зохион байгуулагдаж байгаа Батлан хамгаалахын сайдын нэрэмжит улсын аварга шалгаруулах “Дөл-2022” цэрэг-спортын цогцолбор тэмцээний хамгийн хүнд сорилт болох марш, гүйлтийн тэмцээн сугалааны дагуу Булган, Завхан, Архангай, Өвөрхангай аймгуудын тасгийн гараагаар эхэллээ.

Дөрвөн аймгийн тамирчин сурагчдын бичиг баримт, бусад хэрэгслийг бүрэн эсэхийг цэгийн ахлах шүүгч, шүүгч нар шалгасны дараа багууд 15 минутын зайтай гараанаас гарцгаав.

Өдгөө дээрх тасгууд гараанаас гарснаар 6 км замыг туулна. Ингэхдээ гүйлтийн явцад 7 цэгт буюу гранат шидэлт, саадын зурвас, буудлагын дасгал, тактикийн ажиллагаа, эмнэлгийн болон холбооны норматив, цэргийн байр зүйн норматив, химийн нормативын дасгалыг багаараа гүйцэтгэж байна.

Гараа, барианы ахлах шүүгчээр Батлан хамгаалах яамны Стратегийн бодлого, төлөвлөлтийн газрын Орон нутгийн хамгаалалт, улсын дайчилгааны хэлтсийн ахлах мэргэжилтэн, дэд хурандаа Л.Жамбалсүрэн, шүүгчээр ЗХЖШ-ын Сургалт бэлтгэлийн газрын Биеийн тамир,спортын тасгийн мэргэжилтэн, хошууч З.Бат-Оргил, ХЗЦК-ын Цэргийн сургалт, соёл хүмүүжлийн хэлтсийн Биеийн тамир, спортын офицер, дэд хурандаа С.Энхтайван нар ажиллаж байна.

21 аймаг, 9 дүүргийн шилдэг тасгуудын марш гүйлтийн тэмцээнийг үзэхээр орон нутгийн иргэд, сурагчдын ар гэрийн төлөөлөл хүрэлцэн ирж, урам зоригоор тамирчдыг дэмжсээр байна.

Ташрамд онцлоход, тэмцээн зохион байгуулах ажлын хэсгийнхэн уралдааны цэгүүдэд холбоо мэдээлэл, хяналтын камерыг бүрэн суурилуулсан ба сурагчдын эцэг эх, аймаг, дүүргийн ЗДТГ-ын Цэргийн штабынхан, бусад баг тамирчдад цэгүүд дэх дасгалын гүйцэтгэлийг дэлгэцээр шууд үзэх боломжийг олголоо гэж Батлан хамгаалах яамнаас мэдээллээ.