Month: June 2022

Categories
мэдээ нийгэм цаг-үе

Улаанбаатарт өдөртөө 19 хэм дулаан байна DNN.mn

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруунаас секундэд 6-11 метр. Шөнөдөө 5-7 градус, өдөртөө 17-19 градус дулаан байна.

Хур тунадас: Ихэнх нутгаар солигдмол үүлтэй. Шөнөдөө баруун болон төвийн аймгуудын нутгийн хойд хэсгээр, өдөртөө төвийн аймгуудын ихэнх нутаг, баруун аймгуудын нутгийн зүүн хойд, говийн аймгуудын нутгийн хойд хэсгээр бороо, дуу цахилгаантай аадар бороо орно. Бусад нутгаар бороо орохгүй.

Салхи: Нутгийн хойд хэсгээр баруун хойноос, бусад нутгаар баруунаас секундэд 6-11 метр, борооны өмнө түр зуур ширүүснэ.

Агаарын температур: Шөнөдөө Дархадын хотгор болон Алтай, Хангай, Хөвсгөлийн уулархаг нутаг, Хүрэнбэлчир орчим, Завхан, Идэр голын хөндийгөөр 3 градус хүйтнээс 2 градус дулаан, говийн бүс нутгийн өмнөд хэсгээр 12-17 градус, Их нууруудын хотгор болон говийн аймгуудын нутгийн хойд хэсгээр 9-14 градус, бусад нутгаар 3-8 градус, өдөртөө Дархадын хотгор болон Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Эг, Үүр, Орхон, Сэлэнгэ, Хараа, Ерөө голын хөндийгөөр 11-16 градус, говийн бүс нутгийн өмнөд хэсгээр 22-27 градус, бусад нутгаар 17-22 градус дулаан байна.

БАГАНУУР ОРЧМООР: Үүлшинэ. Бороо орохгүй. Салхи баруунаас секундэд 7-12 метр. Шөнөдөө 4-6 градус, өдөртөө 19-21 градус дулаан байна.

ТЭРЭЛЖ ОРЧМООР: Үүлшинэ. Бороо орохгүй. Салхи баруунаас секундэд 7-12 метр. Шөнөдөө 3-5 градус, өдөртөө 17-19 градус дулаан байна.

Categories
мэдээ нийгэм онцлох-нийтлэл туслах-ангилал

ТОЙМ: Нэрт нийтлэлч Баабарын “Гар утасны цалгиан” хэмээх нийтлэл хэвлэгдлээ DNN.mn

Өглөө бүр тантай хамт байдаг “Өдрийн сонин”-ы лхагва гаригийн дугаар 8 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Хуульч Д.Үүрцайх “Хүнжүүлсэн
пропорционал сонгуулийн
тогтолцоог ашиглан УИХ-аа сонгох
нь илүү тохиромжтой” гэснийг I-V нүүрээс үргэлжлүүлэн уншаарай.

МУИС-ийн Олон
улсын харилцаа нийтийн
удирдлагын сургуулийн
доктор А.Батцэцэг “Эрээнд ковид
гарч хил
хаагддагийн
ард улс төр
байгаа” гэв.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Баабарын “Гар утасны цалгиан” хэмээх нийтлэл хэвлэгдлээ.

Олон улсын харилцаа
судлаач, гавьяат багш
Ж.Баясах “Украины
хямралаас болж монголчууд
ямар бодлого барих
гэж байгааг тандахаар
Польшийн сайд ирсэн” хэмээв.

Монголын махны
холбооны нарийн бичгийн
дарга И.Баяртогтох “Улаанбаатар хотын зах зээлд
ямар ч өвчтэй мах байхгүй, би баталж чадна” гэв

Ардчилсан намын
гишүүн, доктор Н.Тэгшбаяр “Ардчилсан нам
тулга тойрсон хэрүүл биш,
хэлэлцээр хийх цаг нь болсон” хэмээв.

“Хүний нэр төрийг гутаан доромжлогчдод хууль
сануулж хариуцлага тооцох хэрэгтэй” гэснийг “Баримт, үйл явдал”-ын VII нүүрээс уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
гадаад мэдээ

БНАСАУ-ын пуужингийн туршилтын хариуд БНСУ, АНУ 8 пуужин харважээ DNN.mn

Умард Солонгос дөрвөн өөр байршлаас ойрын зайн баллистик пуужин наймыг Зүүн тэнгис рүү харвасан. Үүнийг өнгөрсөн 7 хоногт эхэлсэн Америк, Өмнөд Солонгосын цэргийн хамтарсан сургуулилалтын хариуд Умардаас авсан арга хэмжээ гэж хэвлэлүүдэд онцолж байна.

Харин өчигдөр өглөө Өмнөд Солонгос болон Америкийн хамтарсан зэвсэгт хүчин байлдааны буудлагатай цэргийн сургуулилалтын хүрээнд Зүүн тэнгис рүү мөн адил найман пуужин харважээ.

Хамтарсан хүчин газар газар ангиллын армийн тактикийн 8 пуужин харвасны нэг Америкийнх, долоо нь Өмнөд Солонгосынх юм байна. Газар газар ангиллын пуужингуудыг харвасан нь Умардын өдөөн хатгасан үйлдэлд шуурхай хариу цохилт өгөх хүчин чадалтайгаа харуулах зорилготой байсан гэж хоёр улсын хамтарсан зэвсэгт хүчний нэгдсэн штабаас мэдэгджээ.

Өчигдөр Өмнөд Солонгосын Ерөнхийлөгч Юн Сок Ёл Умард Солонгосын ямар ч өдөөн хатгалгад шийдэмгий хариу арга хэмжээ авахаа амласан байна. Умард Солонгос Өмнөд Солонгосын шинэ Ерөнхийлөгч тангараг өргөснөөс хойш гурван удаа пуужин туршаад байна.

Умард Солонгосын сүүлд туршсан пуужингууд нь Оросын “Искандер” баллистик пуужингийн загвараар бүтээсэн “Кей Эн-23” загварын пуужин байсан юм байна. Умардууд 35 минутад найман пуужинг дөрвөн өөр байршлаас харвасныг Өмнөд Солонгосын Батлан хамгаалах яам тогтоосноо мэдээлсэн.

Энэ нь тус улсын пуужингийн туршилтын түүхэн дэх нэг өдөрт хамгийн олон пуужин харвасан тохиолдол болсон юм. Умард Солонгос энэ он гарснаас хойш 18 пуужин харваад байна. Анх таван жилийн өмнө тив алгасагч баллистик пуужин туршиж байсан юм.

Одоо Умард Солонгос цөмийн зэвсгийн шинэ туршилт хийхээр төлөвлөж байна гэж Сөүл болон Вашингтон таамаглаж байна. Умардын энэ туршилтуудын гол зорилго нь цөмийн гүрэн болж байгаа гэсэн статусыг бэхжүүлэх, эдийн засаг, аюулгүй байдлын асуудлаар зөвшилцөлд хүрэх зорилготой гэж ажиглагчид үздэг юм.

Categories
мэдээ нийгэм

Бээжин цар тахлын хязгаарлалтаа сулруулж байна DNN.mn

Бээжин хотын захиргаа “Ковид-19” цар тахлын эсрэг хязгаарлалтаа сулруулж, ресторан, хоолны газруудыг заалаар үйлчлэхийг энэ даваа гарагаас зөвшөөрч байна. Бээжинд сүүлийн хэд хоногт цар тахлын халдварын шинэ тохиолдлын тоо буурч байгаатай холбогдуулан хотын эрх баригчид халдварын зарим бүсээс бусад дүүргүүдэд хоригийг цуцлахаар шийдвэрлэжээ.

Өнгөрсөн дөрөвдүгээр сарын сүүлчээр Хятадын нийслэлд цар тахлын халдварын тоо нэмэгдэж эхэлмэгц ресторан, хоолны газрын үйлчилгээг хориглосон юм.

Хориг арга хэмжээг сулруулсантай холбогдуулан Бээжин хотын ихэнх дүүрэгт иргэдийг ажлын байрандаа ажиллахыг зөвшөөрчээ. Ингэхдээ төрийн болон арилжааны, бизнесийн байгууллагууд ажилчдаасаа сүүлийн 72 цагт өгсөн “Пи си ар” шинжилгээний сөрөг хариуг нь үзэж, ажлын байранд нэвтрүүлж байгаа юм байна.

Өмнө нь байгууллага, ажлын байр руу нэвтрэхэд 48 цагийн дотор өгсөн “Пи си ар” шинжилгээний сөрөг хариутай байхыг шаарддаг байсан юм. Мөн аялал жуулчлалын байгууллага, цэцэрлэгт хүрээлэн, кино театр болон бусад газрууд үйлчлүүлэгчийн тоо хязгаартайгаар үйл ажиллагаагаа сэргээж байна.

Түүнчлэн бага, дунд, ахлах сургуулиуд цахим хичээлээ зогсоож, ирэх 7 хоногоос танхимаар хичээллэхээр төлөвлөж байна. Бээжингийн эрх баригчид хөл хорио хязгаарлалтаа сулруулснаар эдийн засаг, бизнес, үйлдвэрлэл сэргэнэ гэж найдаж байна.

Categories
мэдээ нийгэм

Улаанбаатарт шөнөдөө 7 хэм дулаан DNN.mn

Малчид, иргэд, тариаланчдад зориулсан мэдээ: Маргааш өдөр төвийн аймгуудын нутгаар бороотой, сэрүүхэн байна.

2022 оны 06 сарын 07-ны 20 цагаас 06 сарын 08-ны 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө баруун болон төвийн аймгуудын нутгийн хойд хэсгээр, өдөртөө төвийн аймгуудын ихэнх нутаг, баруун аймгуудын нутгийн зүүн хойд, говийн аймгуудын нутгийн хойд хэсгээр бороо, дуу цахилгаантай аадар бороо орно. Бусад нутгаар бороо орохгүй.

Салхи: Нутгийн хойд хэсгээр баруун хойноос, бусад нутгаар баруунаас секундэд 6-11 метр, борооны өмнө түр зуур ширүүснэ.

Агаарын температур: Шөнөдөө Дархадын хотгор болон Алтай, Хангай, Хөвсгөлийн уулархаг нутаг, Хүрэнбэлчир орчим, Завхан, Идэр голын хөндийгөөр 3 хэм хүйтнээс 2 хэм дулаан, говийн бүс нутгийн өмнөд хэсгээр 12-17 хэм, Их нууруудын хотгор болон говийн аймгуудын нутгийн хойд хэсгээр 9-14 хэм, бусад нутгаар 3-8 хэм, өдөртөө Дархадын хотгор болон Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Эг, Үүр, Орхон, Сэлэнгэ, Хараа, Ерөө голын хөндийгөөр 11-16 хэм, говийн бүс нутгийн өмнөд хэсгээр 22-27 хэм, бусад нутгаар 17-22 хэм дулаан байна.

УЛААНБААТАР ХОТ ОРЧМООР: Үүлэрхэг. Бороо орохгүй. Салхи баруунаас секундэд 6-11 метр. Шөнөдөө 5-7 хэм, өдөртөө 17-19 хэм дулаан байна.

БАГАНУУР ОРЧМООР: Үүлшинэ. Бороо орохгүй. Салхи баруунаас секундэд 7-12 метр. Шөнөдөө 4-6 хэм, өдөртөө 19-21 хэм дулаан байна.

ТЭРЭЛЖ ОРЧМООР: Үүлшинэ. Бороо орохгүй. Салхи баруунаас секундэд 7-12 метр. Шөнөдөө 3-5 хэм, өдөртөө 17-19 хэм дулаан байна.

2022 оны 06 дугаар сарын 09-нөөс 06 дугаар сарын 13-ныг
хүртэлх цаг агаарын урьдчилсан төлөв

9-нд баруун аймгуудын нутгийн зүүн хойд хэсэг, төвийн аймгуудын ихэнх нутаг, говийн аймгуудын нутгийн зарим газраар, 10-нд төвийн аймгуудын нутгийн зарим газар, говийн аймгуудын нутгийн хойд хэсгээр, 11-нд төвийн аймгуудын ихэнх нутгаар, 12-нд нутгийн зүүн хагаст бороо орно. Салхи ихэнх нутгаар секундэд 6-11 метр, 9-нд Алтайн салбар уулс, Арц богдын өвөр хоолойгоор, 10,11-нд зарим газраар, 12-нд говь, тал, хээрийн нутгаар секундэд 13-15 метр хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Эг, Үүр, Туул, Тэрэлж голын хөндийгөөр шөнөдөө 2 хэм хүйтнээс 3 хэм дулаан, өдөртөө 11-16 хэм, говийн бүс нутгийн өмнөд хэсгээр шөнөдөө 12-17 хэм, өдөртөө 26-31 хэм, Их нууруудын хотгор, говийн бүс нутгийн хойд хэсгээр шөнөдөө 7-12 хэм, өдөртөө 20-25 хэм, бусад нутгаар шөнөдөө 3-8 хэм, өдөртөө 15-20 хэм дулаан байна.

Categories
мэдээ нийгэм

Үерийн аюулаас урьдчилан сэрэмжлүүлж байна DNN.mn

2022 оны 6 дугаар сарын 7-ны өдрийн байдлаар Хэнтий нурууны баруун хажуугаас усжих Ерөө, зүүн хажуугаас усжих Хэрлэн, Онон, Балж, Орхон голын дагуух Зүүнтүрүү зэрэг голуудын усны түвшин өмнөх өдрийнхөөс 15-50 см нэмэгдсэн байна.

Хэнтий нуруунаас эхтэй Онон, Алтайн нуруунаас эхтэй Ховд зэрэг голууд үерийн түвшинг 20-40 см давсан бол Балж гол Дадал сум орчмоор үерийн аюултай түвшинг 43 см даван үерлэж байна. Мөн 6 дугаар сарын 8-ны өдөр баруун болон төвийн аймгуудын зарим газраар дуу цахилгаантай бороо орох төлөвтэй байна.

Иймээс хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух нөхцөл бүрдэх тул дээр дурьдсан голуудын сав дагуу суурьшиж, нутаглаж буй ард иргэдийг үерийн аюулаас болгоомжтой байхыг онцгойлон анхааруулж байна.

Гадаргын усны судалгааны хэлтэс
2022-06-07

Categories
мэдээ нийгэм

НОБГ: Ногоон бүсийг нөхөн сэргээж 40 мянган мод тарина DNN.mn

“Тэрбум мод” үндэсний хөдөлгөөний хүрээнд Нийслэлийн онцгой байдлын газар 2030 он хүртэл 2 сая хүртэл мод тарьж болон хамгаалан ургуулах зорилт тавин ажиллаж байна.

Энэ хавар тус газраас хэлтэс, анги, байгууллага, албан хаагчдын хашаа, нэрэмжит гудамж талбайд 2800 орчим мод, жимсний мод тарьж ургуулаад байна.

Бурхан багшийн их дүйцэн өдрийг угтаж Гадаг лхүндүв түгжэ гүнчав хийдтэй хамтран тус газрын ойн бүсийг нөхөн сэргээх, хог хаягдал, унанги модыг цэвэрлэх ажлыг НОБГ-аас зохион байгуулан ажиллалаа.

Ирэх намар тус газраас 40000 алим, өгч, гоёлын мод, шар хуас, жимсний мод тарина гэж НОБГ-аас мэдээллээ.


Categories
мэдээ нийгэм

ОХУ АНУ-ын 61 иргэнийг хилээр нэвтрэхийг бүр мөсөн хориглов DNN.mn

ОХУ-ын ГХЯ даваа гарагт албан ёсны цахим хуудсаараа дамжуулан тус улсад нэвтрэхийг бүр мөсөн хориглох АНУ-ын иргэдийн жагсаалтыг өргөжүүлэх тухай мэдэгдэл гаргажээ.

Тодруулбал, АНУ-ын Эрчим хүчний сайд Дженнифер Грэнхолм, Сангийн сайд Жанет Йеллен зэрэг АНУ-ын 61 иргэнийг тус жагсаалтад оруулсан байна.

АНУ-ын зүгээс ОХУ-ын улс төр, нийгмийн зүтгэлтнүүд, бизнес эрхлэгчдийн эсрэг хориг арга хэмжээг өргөжүүлж байгаагийн хариуд АНУ-ын цэргийн аж үйлдвэрийн аж ахуйн нэгж, хэвлэл мэдээлэл, үнэлгээний байгууллага, нисэх онгоц, хөлөг онгоцны үйлдвэрлэлийн зэрэг 61 компанийн удирдлагуудыг энэхүү жагсаалтад оруулжээ.

Мөн АНУ-ын Төрийн департментын “ОХУ-ын кибер халдлага”-ын тухай цуурхал тараахад оролцсон албан тушаалтнуудыг хоригийн жагсаалтад оруулсан бөгөөд АНУ-ын Сангийн сайд болон Эрчим хүчний сайд нар тус хоригт орсон байна.

Өнгөрсөн 5 дугаар сарын 21-ний өдөр ОХУ-ын ГХЯ тус улсад нэвтрэхийг бүр мөсөн хориглосон АНУ-ын иргэдийн жагсаалтыг нийтэлсэн ба уг жагсаалтад АНУ-ын Ерөнхийлөгч Ж.Байден зэрэг 963 хүн багтсан юм.

Categories
мэдээ эдийн-засаг

Он гарснаас хойш 6 тн үнэт металл худалдан авчээ DNN.mn

Монголбанк энэ оны 5 дугаар сард 2,152 кг үнэт металл худалдан авч, оны эхнээс өссөн дүнгээр 6 тонн үнэт металл худалдан аваад байна. Энэ нь өмнөх оны мөн үеийнхтэй харьцуулбал 14 хувиар багасжээ.

Төв банкны Дархан-Уул аймаг дахь хэлтэс оны эхнээс өссөн дүнгээр 193.6 кг, Баянхонгор аймаг дахь хэлтэс

304.9 кг үнэт металл худалдан авсан байна.

Монголбанкны үнэт металл худалдан авах үнийг дэлхийн зах зээл дээрх үнээр тогтоодог. Тавдугаар сард дээд үнэ 197,622, доод үнэ 185,576, дундаж үнэ 193,114 төгрөг байв.

Categories
мэдээ цаг-үе

Дуу цахилгаантай аадар бороо орно DNN.mn

Цаг уур, орчны шинжилгээний газраас 2022 оны зургаадугаар сарын 08-12-ныг хүртэлх цаг агаарын урьдчилсан төлвийг гаргасан байна. 8-нд буюу маргааш баруун болон төвийн аймгуудын нутгийн зарим газраар, 9-нд баруун аймгуудын нутгийн хойд хэсэг, төвийн аймгуудын ихэнх нутаг, говийн аймгуудын нутгийн зарим газраар, 10-нд төв болон говийн аймгуудын нутгийн зарим газар, 11-нд нутгийн хойд хэсгээр бороо, дуу цахилгаантай аадар бороотой. Салхи ихэнх нутгаар секундэд 6-11 метр, 8, 9-нд Алтайн салбар уулс, Арц богдын өвөр хоолойгоор, 10, 11-нд зарим газраар секундэд 13-15 метр хүрч ширүүснэ.

Нутгийн хойд хэсгээр бага зэрэг сэрүүсэж Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Эг, Үүр, Туул, Тэрэлж голын хөндийгөөр шөнөдөө 2 градус хүйтнээс 3 градус дулаан байх юм. Харин өдөртөө 11-16 градус, говийн бүс нутгийн өмнөд хэсгээр шөнөдөө 13-18 градус, өдөртөө 26-31 градус, Их нууруудын хотгор, говийн бүс нутгийн хойд хэсгээр шөнөдөө 8-13 градус, өдөртөө 21-26 градус, бусад нутгаар шөнөдөө 3-8 градус, өдөртөө 15-20 градус дулаан байна.