Month: June 2022

Н.Түвшинбаярт холбогдох гэм буруугийн шүүх хуралдааны шийдвэрийг танилцуулж байна.

Шүүгч “Н.Түвшинбаярыг гэм буруутайд тооцож, прокуророос ирүүлсэн хэргийн зүйлчлэл тохирч байна гэж үзлээ. Шүүгдэгч Н.Түвшинбаяр нь хохирогчийн хууль ёсны төлөөлөгч Б.Нандинцэцэгт хоёр тэрбум төгрөгийг нөхөн төлсөн. Энэ шийтгэх тогтоолоор шүүгдэгч нь төлөх төлбөргүй болохыг дурдаж байна. Хохирогчийн хууль ёсны төлөөлөгч Б.Нандинцэцэг нь гэмт хэргийн улмаас гэм хортой холбоотой бусад зардлаа нотлох баримтаа бүрдүүлэн шүүгдэгчээс нэхэмжлэх боломжтой” гэлээ.

Үргэлжлүүлэн эрүүгийн хариуцлагын хуралдаан явагдаж байна. Шүүхээс Н.Түвшинбаярт 16 жилийн хорих ялыг нээлттэй хорих ангид эдлүүлэх шийдвэр гаргалаа.

Шүүгдэгч, түүний өмгөөлөгч, хохирогч, өмгөөлөгч нар нь шийтгэх тогтоолыг зөвшөөрөхгүй бол гардан авсан өдрөөс хойш 14 хоногийн дотор давж заалдах журмаар Нийслэлийн эрүүгийн хэргийн давж заалдах шатны шүүхэд гомдол гаргах, улсын яллагч, прокурор мөн хугацаанд эсэргүүцэл бичих эрхтэй гэдгийг шүүгч дурдлаа.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ.

УИХ-ын гишүүн Г.Дамдинням “Дарханы замын асуудал Худалдан авах ажиллагааны тухай хуулийн сул талаас эхлэлтэй юм. Тендерийн хуульд хэт бага үнийн саналтай орж ирсэн компаниудыг яаж зохицуулж байгаа вэ. Хэт бага үнийн саналтайгаар Азийн хөгжлийн банкны II, IV багц дээр орж ирсэн компани орж ирснээс болоод хамгийн үнэтэй хэрэгжиж байгаа хэсэг нь болж хувирах гээд байна.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн зохицуулалтын сайн хийхгүй бол маш бага үнийн дүнтэй орж ирээд, хийж чадахгүй гүрийж сууж байгаад төсөв нэмүүлж, хамгийн үнэтэйгээр дуусдаг буруу жишиг рүү яваад байна.

Хоёрдугаарт, тендерийн гүйцэтгэлийн баталгааг бууруулах нь зөв үү. Үүнийг бууруулахаар “Би чадна” гэдэг нөхөд тендерт оролцох байх даа”гэв.

Сангийн яамны Худалдан авах ажиллагааны бодлогын хэлтсийн дарга н.Батзул “Дарханы замын II, IV багц нь Азийн хөгжлийн банкны худалдан авах ажиллагааны журмаар явсан.

Хоёрдугаарт, хэт бага үнийн асуудлын тухайд ийм үнийн санал өгсөн тохиолдолд татгалздаг байх зохицуулалт оруулсан.

Тендерийн гүйцэтгэлийн баталгааг бууруулах үзэл баримтлалыг батлах үед Шинэ сэргэлтийн бодлогыг дэмжих хүрээнд аж ахуйн нэгжийн санхүүгийн үйл ажиллагаанд дэмжлэг болгох үүднээс он дамжин хэрэгжиж байгаа төсөл, арга хэмжээнүүдийн тухайн онд хэрэгжих ажлын гүйцэтгэлийн хувь хэмжээтэй нь уялдуулж гүйцэтгэлийн баталгааг гаргуулахгүй бол эдийн засгийн хүндрэлтэй үед маш их хэмжээний мөнгийг нь арилжааны банканд байршуулж байгаа санал гомдлыг аж ахуйн нэгжээс маш их гаргасан” гэлээ.

Шүүх хуралдаан хэсэг завсарласны дараа прокуророос яллах дүгнэлтээ танилцууллаа. Прокуророос шүүгдэгч Н.Түвшинбаярт 19 жилийн хорих ялыг хаалттай хориход эдлүүлэх санал гаргаж, хөнгөрүүлж үзэх нөхцөл байдал байхгүй гэж үзэж буйгаа илэрхийлэв. Хохирогчдын өмгөөлөгчдөөс санал гараагүй байна.

Харин шүүгдэгч Н.Түвшинбаярын өмгөөлөгч “Тодорхой хэмжээнд хорих ял оноох нь ойлгомжтой. Нөгөө талаас эрүүгийн хууль, энэрэнгүй зарчмыг давхар харгалзах ёстой. Хорих ялаар шийтгэгдэж болох хамгийн дээд хэмжээ 20 жил байдаг. Хөнгөрүүлэх нөхцөл байхгүй гэснээ хамгийн дээд хэмжээнд тулгаж байна. Хэргийн бусад нөхцөл байдалтай тохироогүй санал гэж үзэж байна. Мөн нээлттэй дэглэмд эдлүүлэх зэргээр бусад нөхцөл байдлыг харгалзаж үзэж шийдэж өгөөч гэсэн хүсэлт гаргаж байна” гэв.

Шүүгч шүүх хуралдааныг завсарлаж, шүүх хуралдаан зөвлөлдөнө гэлээ.

Н.Түвшинбаярт холбогдох хэргийн шүүх хурлын үеэр түүнийг эцсийн үгээ хэлэх зөвшөөрлийг шүүгч олголоо.

Тэрбээр “Миний бие гэм буруугаа туйлын ихээр хүлээн зөвшөөрч маш ихээр харамсаж гэмшиж байгаа. Хийж болохгүй үйлдлийг хийсэн гэж бодож байна. Талийгаач найзынхаа ар гэр, хань ижил үр хүүхэд бүхнээс чин сэтгэлээсээ уучлалт хүсье. Мөн аав ээж ах дүү төрөл төрөгсөд бүгдээс чин сэтгэлээсээ уучлалт хүсэж байна.

Миний найз бол хамгийн сайн найз байсан. Хүүхэд ахуй наснаасаа л хамтдаа хүсэл мөрөөдлөө ярьж өнөөдрийн миний амжилт бүхэнд миний найз бол салшгүй холбоотой явсан. Найзынхаа амь насанд хүрчихье гэж, ийм нөхцөл байдалд хүрчихнэ гэж огт бодоогүй явсан. Энэ бүхнээс танхимд сууж байгаа бүх хүнээс уучлалт хүсэж байна. Мөн Монголын ард түмэн, миний найзыг дэмждэг байсан маш олон хүмүүс бий. Энэ бүхнээс бүгдээс нь уучлалт хүсэж байна” гэлээ. Тэрээр хэсэг уйлав.

Тэрээр цааш нь “Уучлаарай та бүхэн. Би гэм буруугаа маш ихээр ойлгож, маш ихээр харамсаж, гэмшиж байгаа. Цаашид үр хүүхэд болон гэр бүлд нь боломж олдвол насан туршдаа найзынхаа гэр бүлд тус дэм болохын төлөө зүтгэх болно гэдгээ бас хэлье.

Мөн аав ээжээс нь , гурван дүү, хамаатан садан бүх хүнээс чин сэтгэлээсээ уучлалт гуйж байна. Энэ хэрэгт холбогдон өчигдөр гэрч болон орж ирсэн хүмүүсээс бас уучлалт хүсэж байна.

Энэ бүгдэд би л зөвхөн буруутай. Хуулийн өмнө хариуцлага хүлээхээ ухамсарлаж ойлгож байгаа. Эрхэм шүүгчид хандаж, өмгөөлөгчийн минь хэлснийг хуулийн дагуу шийдэж өгөөч гэж хүсэж байна. Гэм буруугаа ойлгож байна” гэлээ.

Шүүх хуралдаан завсарлаж, шүүх бүрэлдэхүүн зөвлөлдөхөөр боллоо.

Энэ сарын 09-нд буюу өчигдөр цагдаагийн байгууллагын 102 дугаарын утсанд нийт 1790 гомдол мэдээлэл бүртгэгджээ. Үүнээс зөрчлийн дуудлага мэдээлэл 1476, хулгайтай холбоотой 28, хүүхэд, гэр бүлийн хүчирхийллийн дуудлага 76, гэмт хэргийн шинжтэй 96 мэдээлэл бүртгэгдсэн байна.

Үүнээс гадна автомашин согтуу жолоодсон 144, олон нийтийн газар зүй бусаар биеэ авч явж, танхайрсан 157, хүний биед халдсан 58, Архидан согтуурахтай тэмцэх тухай хууль зөрчсөн 106, эрүүлжүүлэх байранд хоносон 163 оршин суугчдын амгалан тайван байдал алдагдуулсан тохиолдол гарчээ.