Эрчим хүчний сайд Н.Тавинбэх Дэлхийн банкны суурин төлөөлөгч Андрей Михнев, Олон улсын санхүүгийн корпорацын Ази, Номхон далайн бүсийн газрын төр, хувийн хэвшлийн түншлэлийн асуудал хариуцсан дарга Томас Лубек, Санхүүгийн Корпорацын Монгол дахь суурин төлөөлөлөгч Руфат Алимарданов болон төслийн зөвлөхүүдийг хүлээн авч уулзлаа.

Эрчим хүчний яам Дэлхийн банкны Олон улсын санхүүгийн корпорацын техникийн туслалцаатайгаар “Салхины эрчим хүчийг нэмэгдүүлэх төсөл”-ийг өрсөлдөөнт сонгон шалгаруулалтаар хэрэгжүүлэхээр 2021 оноос эхлэн ажиллаж, “Салхин цахилгаан үүсгүүрийн талбайг сонгон хамтран ажиллах тохиролцооны захидал”-д 2022 оны дөрөвдүгээр сарын 22-ны өдөр гарын үсэг зурсан.

Монгол Улсын салхины нөөц арвинтай газар нутагт төслийг хэрэгжүүлэх зорилгоор Цогт-Цэций, Баруун-Урт, Мандалговь зэрэг байршлуудад “СЭХҮТ” ТӨААТҮГ, Олон улсын санхүүгийн корпорац, Олон Улсын Зөвлөхүүд 2022.05.30-06.06-ны өдрүүдэд газар дээр нь ажиллан, дэлгэрэнгүй судалгааг хийж гүйцэтгэсэн.

Зөвлөхүүд техник, санхүүгийн болон байгаль орчны нэгдсэн дүн шинжилгээ хийж, шугам сүлжээний интеграц, геотехникийн нөхцөл, логистикийн асуудал, салхины нөөц, байгаль орчны асуудал, нийгмийн болон биологийн олон янз байдал зэрэгт онцлон төвлөрч, тухайн газруудын эрсдэлийг тооцоолон судалж ажиллав.

Зөвлөхүүдийн зүгээс ажлын тайлан, мэдээллийг Эрчим хүчний сайд болон холбогдох ажлын хэсгийн төлөөллүүдэд танилцуулж, харилцан мэдээлэл санал солилцсон. Тус техникийн туслалцааны хүрээнд 100МВт хүртэл хүчин чадалтай салхин цахилгаан станц барих боломжтой 1 байршлыг сонгон төслийг хэрэгжүүлэх бөгөөд 2024 онд ашиглалтад өгөх боломжтой гэлээ.

Төслийн худалдан авалт, бэлтгэл ажлыг боломжит богино хугацаанд зохион байгуулах, цаашид амжилттай үргэлжлүүлэхэд анхааран ажиллахаар талууд тохиролцсон юм.

Эх сурвалж: Эрчим Хүчний Яам

Зайсангийн аманд байрлах цагаан гэрүүдийг нураасантай холбогдуулан газрын эзэд эсэргүүцэл илэрхийлээд буй. Тэгвэл өчигдөр тус асуудлыг сурвалжилсан сэтгүүлчийг цагдаа нар түлхэн унагааж буй бичлэг цацагдаж, сэтгүүлч ч мөн өөрийн байр сууриа илэрхийлээд байгаа юм.

Сэтгүүлчийг түлхэж унагаахын сацуу албан ёсны пейж хуудас руу нь нэвтрэн орж зайсангийн газартай холбоотой бэлтгэсэн сурвалжилга мэдээллийг устгасан гэгдэж буй. Харин энэ асуудлаар бид ЦЕГ-аас тодруулахад, “Сэтчүүлч гомдол гаргасны дагуу цагдааг шалгаж байгаа” гэв.

Нийслэлийн Засаг даргын ивээл дор Нийслэлийн Биеийн тамир, спортын газраас зохион байгуулж буй хөнгөн атлетикийн суурьтай дасгал хөдөлгөөнөөр иргэдэд биеийн тамир, спортын үйлчилгээг хүргэх зорилготой “Алхацгаая гүйцгээе” хөдөлгөөн нийслэлийн хэмжээнд амжилттай өрнөж байна.

Энэ оны гуравдугаар сарын 26–ны өдрөөс эхлэн өрнүүлж буй уг хөдөлгөөний хүрээнд сар бүрийн 2, 4 дэх долоо хоногийн бямба гарагт иргэд нийтийн алхалт, биеийн тамирын дасгал хөдөлгөөнөөр хичээллэж байна. Удирдамжийн хүрээнд дүүргүүд ажлын байрны дасгал, алхалт, гүйлтийг иргэдийн дунд зохион байгуулж, нийт 420 байгууллагын 11.209 иргэнийг хамруулаад байна.

“Алхацгаая гүйцгээе” хөдөлгөөн нийслэлд арваннэгдүгээр сар хүртэл үргэлжилнэ.

Одоогоор 1,094 хүн эмчийн хяналтад байгаа бол нийт 955,150 эдгэрсэн байна.

Цар тахлын дараах эдийн засгийг эрчимжүүлэх зорилгоор төрийн худалдан авах ажиллагаанд иргэн, аж ахуйн нэгжийн оролцох харилцааг хялбаршуулж зардлыг бууруулах, захиалагчийн шийдвэр гаргах, гэрээ байгуулах үе шат, хугацааг хэрэгжихэд ойлгомжтой болгох чиглэлээр Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийг Засгийн газраас боловсруулж, Улсын Их Хуралд 2022 оны дөрөвдүгээр сарын 05-ны өдөр өргөн мэдүүлсэн.

Улсын Их Хурлын чуулганы 2022 оны 06 дугаар сарын 10-ны өдрийн нэгдсэн хуралдаанаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төсөл болон Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийг дагаж мөрдөх журмын тухай хуулийн төслийн эцсийн хэлэлцүүлгийг хийж, хуралдаанд оролцсон гишүүдийн олонх /79.6 хувь/-ын саналаар хуулийн төслүүдийг баталлаа.

Хуулийн төсөл батлагдсанаар тендерт оролцогч иргэн, аж ахуйн нэгжид тулгарч буй санхүүгийн ачааллыг дараах байдлаар бууруулах боломж бүрдлээ. Үүнд:

• Тендерийн баталгааны хувь хэмжээг 1-2 хувь байхаар заасныг багасгаж төсөвт өртгийн 0.5 хувь болгож бууруулсан.

• Гүйцэтгэлийн баталгааны дүнг гэрээний үнийн дүнгийн 5 хувь байсныг 3 хувь болгон бууруулсан. Түүнчлэн гүйцэтгэлийн баталгааг тухайн онд санхүүжих дүнгээр жил бүр шинэчлэн гаргах зохицуулалт бий болсноор гүйцэтгэгч компанийн санхүүгийн ачааллыг бууруулах давуу талтай.

• Захиалагч ерөнхий гэрээнд ороогүй жил бүр давтагддаг ажил, зөвлөхийн бус үйлчилгээг нэгж үнэ болон бусад нөхцөлийг гурав хүртэл жилийн хугацаанд тогтоосон тендер шалгаруулалт зохион байгуулан гэрээ байгуулах боломжтой болсон.

• Нэмэлт ажил болон түүнтэй ижил төстэй ажлыг давтан хийх ажлын өртөг нь 100 сая төгрөгөөс дээш бол нээлттэй тендер шалгаруулалт зарлах зохицуулалттай байсныг өөрчилж, нэмэлт ажил нь анхны гэрээний 15 хувиас хэтрээгүй бол гэрээ шууд байгуулах боломжийг бий болгосон.