Month: June 2022

Categories
мэдээ нийгэм цаг-үе

ЦАГ АГААР: Улаанбаатарт өдөртөө 14 хэм, бороо орно DNN.mn

УЛААНБААТАР ХОТ ОРЧМООР: Үүлэрхэг. Бороо орно. Салхи баруун хойноос секундэд 6-11 метр. Шөнөдөө 6-8 градус, өдөртөө 12-14 градус дулаан байна.

Хур тунадас: Нутгийн зүүн хагаст үүлэрхэг, бусад нутгаар багавтар үүлтэй. Шөнөдөө төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр, өдөртөө төвийн аймгуудын нутгийн зүүн, говийн аймгуудын нутгийн хойд болон зүүн хэсэг, зүүн аймгуудын ихэнх нутгаар бороо, дуу цахилгаантай аадар бороо орно.

Салхи: Нутгийн зүүн хэсгээр баруун өмнөөс, бусад нутгаар баруун хойноос секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 3 градус хүйтнээс 2 градус дулаан, Их нууруудын хотгор болон говийн бүс нутгийн өмнөд хэсгээр 9-14 градус, бусад нутгаар 4-9 градус, өдөртөө Хэнтийн уулархаг нутаг, Тэрэлж, Хэрлэн голын хөндийгөөр 8-13 градус, Хангай, Хөвсгөлийн уулархаг нутаг, Хүрэнбэлчир орчим, Туул, Онон, Улз голын хөндийгөөр 12-17 градус, Их нууруудын хотгор, говийн бүс нутгийн баруун өмнөд хэсгээр 24-29 градус, бусад нутгаар 18-23 градус дулаан байна.

БАГАНУУР ОРЧМООР: Үүлэрхэг. Бороо орно. Салхи баруун хойноос секундэд 7-12 метр. Шөнөдөө 7-9 градус, өдөртөө 13-15 градус дулаан байна.

ТЭРЭЛЖ ОРЧМООР: Үүлэрхэг. Бороо орно. Салхи баруун хойноос секундэд 6-11 метр. Шөнөдөө 4-6 градус, өдөртөө 11-13 градус дулаан байна.

Categories
мэдээ нийгэм

ГХЯ-аас Олон улсын гэрээ, гэрээний хэрэгжилтийн талаар мэдээлэл хийв DNN.mn


Хүний эрхийн Үндэсний Комиссын гишүүдэд Монгол Улсын олон талт олон улсын гэрээ, гэрээний хорооны зөвлөмжийн хэрэгжилтийн талаар өнөөдөр ГХЯ-ны Олон улсын гэрээ, эрхзүйн газрын захирал С.Сүхболд мэдээлэл хийлээ.

Монгол Улс нийт 294 олон талт олон улсын гэрээг соёрхон баталсан бөгөөд 2021 оны эцсийн байдлаар 1325 хоёр талт олон улсын гэрээг байгуулсан. Үүнээс хүний эрхтэй холбоотой 48 чиглэлийн гэрээ конвенцод нэгдэн орсон байна. Монгол Улс 30 хүний эрхийн олон улсын гэрээний хэрэгжилтийн тайланг хүргүүлж ажилладаг. Хүний эрхийн хорооноос эдгээр тайланд өгсөн зөвлөмжийг хэрэгжүүлэх ажлын үр дүнтэй, төрийн байгууллагууд уялдаа холбоотой зохион байгуулах, зөвлөмжийн хэрэгжилтийг удирдан зохион байгуулж, хянах тогтолцоог бүрдүүлэх, хүний эрхийг хангахад тодорхой ахиц дэвшил гаргахад анхаарах шаардлагатайг онцоллоо.

IMG_9301.JPGIMG_9301.JPG

Тухайлбал, НҮБ-ын Хүний эрхийн хорооноос 2017 онд Монгол Улсын Засгийн газарт дараах зөвлөмжүүдийг өгсөн бөгөөд шийдэл шаардлагатай хэвээр байна. Үүнд:

Ø Хүний эрхийн Үндэсний Комиссын үйл ажиллагаагаа хараат бус, ил тод, үр дүнтэй явуулах нөхцөлийг бүрдүүлж, хангалттай санхүүгийн болон хүний нөөцөөр хангах,

Ø унаач хүүхдүүд буюу хүүхдээр хүнд хөдөлмөр эрхлүүлэхийг хориглох, хүүхдийн хөдөлмөрийг устгах, хүчээр буюу албадан хөдөлмөрийн ойлголт, тодорхойлолтыг олон улсын стандарттай нийцүүлэх,

Ø удирдах албан тушаалд эмэгтэйчүүдийн төлөөллийг нэмэгдүүлэх бодитой арга хэмжээ авах, ялгаварлан гадуурхахын эсрэг дэлгэрэнгүй зохицуулалт бүхий хууль батлах,

Ø хөгжлийн бэрхшээлтэй хүмүүсийн боловсрол эзэмших, хөдөлмөр эрхлэх, нийтийн тээвэр болон барилга байгууламжид саадгүй нэвтрэх нөхцөлийг бүрдүүлэх,

Ø бүх төрлийн орчинд хүүхдэд бие махбодийн шийтгэл үзүүлэхийг хориглох,

Ø хүүхдийн эсрэг хүчирхийллийн үйлдлийг шуурхай, үр дүнтэй мөрдөн шалгах, ял шийтгэл оногдуулах,

Ø хохирогчийг хамгаалах арга хэрэгслийг бий болгох, хохирлыг барагдуулах арга хэмжээ авах,

Ø эрүүгийн хуулийн эрүүдэн шүүх гэмт хэргийн тодорхойлолтыг олон улсын стандартад бүрэн нийцүүлэх, шийтгэлийн хэмжээг гэмт хэргийн шинж байдалд дүйцүүлж хүндрүүлэх,

Ø хууль сахиулах байгууллагын албан хаагчдад зориулан эрүү шүүлтийн үйлдлийг илрүүлэх, мөрдөн шалгах ажиллагааг үр дүнтэй явуулах талаар сургалт явуулах зэрэг олон ажлуудыг хийхийг үүрэг болгосон байна.

Тэрбээр мэдээллийн төгсгөлд олон улсын аливаа гэрээ, хэлэлцээрт нэгдэн орохын өмнө үүсч болох хууль зүй, нийгэм эдийн засаг, санхүүгийн үр нөлөө, хүний эрхийн үр нөлөө, хүлээх үүрэг, хариуцлага,тэдгээрийг хэрэгжүүлэх боломж нөхцлийн талаарх судалгаа, үнэлгээг цогцоор гүйцэтгэж байх нь чухал бөгөөд нэгдэн орсон олон улсын гэрээний нэр томьёо, зохицуулалт, агуулгад үндэсний хууль тогтоомжийг нийцүүлэх, түүнчлэн холбогдох төрийн байгууллага, хууль сахиулах байгууллага, шүүхээс нэгдмэлээр хэрэглэж хэвших хэрэгцээтэй байгааг ГХЯ-ны Олон улсын гэрээ, эрхзүйн газрын захирал С.Сүхболд тэмдэглэв гэж ХЭҮК-оос мэдээллээ.

Categories
мэдээ нийгэм

Хан-Уул дүүргийн худалдаа, үйлчилгээ эрхлэгчдэд Хотын шинэ стандартын талаар мэдээлэл өглөө DNN.mn

НИТХ-ын ээлжит бус V хуралдаанаар Хотын есөн бүлгийн 38 стандартыг баталсан. Уг стандартууд 2022 оны аравдугаар сарын 1-нээс хэрэгжиж эхэлнэ.

Тэгвэл өнөөдөр Хан-Уул дүүрэгт худалдаа, үйлчилгээ эрхэлдэг 200 орчим аж ахуй нэгж, байгууллагын төлөөллүүдэд Хотын стандартын талаар мэдээлэл өгөх сургалтыг зохион байгууллаа.

Хотын стандарт, хяналтын газрын Худалдаа үйлчилгээний стандартын хэлтсийн дарга Н.Билэгсайхан “Хотын стандартыг мөрдөж эхлэхтэй холбогдуулан төрийн болон хувийн хэвшлийн байгууллагуудад мэдээлэл өгөх төлөвлөгөө боловсруулж байгаа. Үүнтэй холбоотой Нийслэлийн Засаг даргын захирамж гарна. Тэгэхээр баталсан төлөвлөгөөний дагуу бусад стандартын талаар мэдээлэл олгох чиглэлээр ажлаа эхлүүлэх юм. Өнөөдрийн тухайд Хан-Уул дүүрэгт худалдаа, үйлчилгээний чиглэлээр үйл ажиллагаа явуулж буй байгууллагуудад мэдээлэл өгч байна. Ирэх долоо хоногоос эхлэн бусад дүүрэгт сургалтууд зохион байгуулна” гэв.

Өмнө нь аж ахуй нэгжүүдэд мөрдөх стандарт байсан ч хэрэгжилт хангалтгүй байсан. Тиймээс шинэ стандартын талаарх мэдээллийг бүхий л аж ахуй нэгжүүдэд өгч, шуурхай ажиллах нь чухал байгааг албаныхан онцолж байлаа.

Хан-Уул дүүрэгт 1600 орчим аж ахуй нэгж үйл ажиллагаа эрхэлдэг. Тус дүүргийн Хүнс, худалдаа, үйлчилгээний хэлтсээс аж ахуй нэгжүүдтэйгээ тогтмол холбогдож, шаардлагатай мэдээллийг цаг алдалгүй өгч, холбогдох хууль, дүрэм, стандартын хэрэгжилтийг хангуулахаар ажилладаг байна. Энэ талаар Хан-Уул дүүргийн ЗДТГ-ын Хүнс, худалдаа, үйлчилгээний хэлтсийн дарга Л.Саруултуяа “Өнөөдөр зөвхөн архи, согтууруулах ундаа худалдан борлуулдаг, түүгээр үйлчилдэг аж ахуй нэгжүүдийн төлөөлөл сургалтад оролцлоо. Өмнө нь аж ахуй нэгжүүд маань маш олон төрлийн стандарт мөрддөг байсан. Шинээр баталсан стандарт нь өмнөх стандартуудыг нэгтгэж, илүү ойлгомжтой байдлаар гарсан. Тиймээс аж ахуйн нэгжүүд стандартыг мөрдөхөд илүү амар, хялбар болсон. Цаашид бусад аж ахуй нэгжид бүсчилсэн хэлбэрээр стандартын талаар мэдээлэл, ойлголтыг өгнө” хэмээв.

Хан-Уул дүүрэгт 2014 оноос хойш хүнсний чиглэлээр үйлчилгээ эрхэлж буй “Дөлгөөн дэлэг” ХХК-ийн захирал Ш.Энхжаргал “Энэ удаагийн сургалтаар Хотын стандартыг бүх аж ахуй нэгж дагаж мөрдөх хэрэгтэйг ойлголоо. Өмнө нь бид стандартын талаар ойлголт дутмаг байсан. Жишээлбэл, хог ангилан ялгах, хөгжлийн бэрхшээлтэй хүнд зориулсан шат, довжоо, зам ямар байх ёстой талаар сайн мэддэггүй байлаа. Уг сургалтаар маш их зүйл ойлгож, мэдээллээ сайн авч байна. Шинэ стандарт ч амьдралд ойр, өдөр тутамдаа мөрдөхөд амар санагдаж байгаа” гэсэн юм.

Хотын шинэ стандарт нийт 22 бүлэг 97 баримт бичигтэй бөгөөд эхний есөн бүлэг 38 стандартыг батлаад байгаа юм.

Categories
мэдээ нийгэм

Монгол Улсын эрчим хүчний нэгдсэн сүлжээнд ашиглагдах Салхин цахилгаан станцыг өрсөлдөөнт сонгон шалгаруулалтаар зохион байгуулна DNN.mn

Эрчим хүчний сайд Н.Тавинбэх Дэлхийн банкны суурин төлөөлөгч Андрей Михнев, Олон улсын санхүүгийн корпорацийн Ази, Номхон далайн бүсийн газрын төр, хувийн хэвшлийн түншлэлийн асуудал хариуцсан дарга Томас Лубек, Санхүүгийн Корпорацийн Монгол дахь суурин төлөөлөгч Руфат Алимарданов болон төслийн зөвлөхүүдийг хүлээн авч уулзлаа.

Эрчим хүчний яам Дэлхийн банкны Олон улсын санхүүгийн корпорацын техникийн туслалцаатайгаар “Салхины эрчим хүчийг нэмэгдүүлэх төсөл”-ийг өрсөлдөөнт сонгон шалгаруулалтаар хэрэгжүүлэхээр 2021 оноос эхлэн ажиллаж, “Салхин цахилгаан үүсгүүрийн талбайг сонгон хамтран ажиллах тохиролцооны захидал”-д 2022 оны 04 дүгээр сарын 22-ний өдөр гарын үсэг зурсан.

Монгол Улсын салхины нөөц арвинтай газар нутагт төслийг хэрэгжүүлэх зорилгоор Цогт-Цэций, Баруун-Урт, Мандалговь зэрэг байршлуудад “СЭХҮТ” ТӨААТҮГ, Олон улсын санхүүгийн корпорац, Олон Улсын Зөвлөхүүд 2022.05.30-06.06-ны өдрүүдэд газар дээр нь ажиллан, дэлгэрэнгүй судалгааг хийж гүйцэтгэсэн. Зөвлөхүүд техник, санхүүгийн болон байгаль орчны нэгдсэн дүн шинжилгээ хийж, шугам сүлжээний интеграци, геотехникийн нөхцөл, логистикийн асуудал, салхины нөөц, байгаль орчны асуудал, нийгмийн болон биологийн олон янз байдал зэрэгт онцлон төвлөрч, тухайн газруудын эрсдэлийг тооцоолон судалж ажилласан.

Зөвлөхүүдийн зүгээс ажлын тайлан, мэдээллийг Эрчим хүчний сайд болон холбогдох ажлын хэсгийн төлөөллүүдэд танилцуулж, харилцан мэдээлэл санал солилцсон. Тус техникийн туслалцааны хүрээнд 100МВт хүртэл хүчин чадалтай салхин цахилгаан станц барих боломжтой 1 байршлыг сонгон төслийг хэрэгжүүлэх бөгөөд 2024 онд ашиглалтад өгөх боломжтой гэлээ.

Төслийн худалдан авалт, бэлтгэл ажлыг боломжит богино хугацаанд зохион байгуулах, цаашид амжилттай үргэлжлүүлэхэд анхааран ажиллахаар талууд тохиролцсон юм гэж Монгол Улсын Эрчим хүчний яамнаас мэдээллээ.

Categories
мэдээ нийгэм

С.Даваасүрэн: Зориулалт бусаар үйл ажиллагаа явуулсан бол газрын зөвшөөрлийг цуцлах хуулийн заалттай DNN.mn

Богдхан уулын ам руу алхах замд “Энигма” ХХК-ийн ашиглаж байсан газар дахь шавар гэрүүдийг буулгасан. Тус газрын хогийг ачиж, орчныг цэвэрлэх ажлыг зохион байгуулсан нь эсэргүүцэлтэй тулгарсан тул холбогдох албан тушаалтнууд мэдээлэл хийж, тайлбар өгснийг үргэлжлүүлэн хүргэж байна.

Нийслэлийн Засаг даргын Захиргаа, хууль эрх зүйн асуудал хариуцсан ахлах зөвлөх Д.Мөнх-Эрдэнэ:

-Өмч гэдэг бол хуулийн дагуу шударгаар олж авдаг зүйл. Бусдын өмчийн, эсвэл зөвшөөрөлгүй авсан газартаа барилга барьчихаад миний хувийн өмч гэж болохгүй. Энэ нөхцөл байдал тусгай хамгаалалт бүхий Дархан цаазат Богдхан ууланд үүсээд байна. Тус газар бол төрийн өмч учраас ард түмний хамгаалалтад байх ёстой.

Нийслэлийн Мэргэжлийн хяналтын газрын дэд дарга С.Даваасүрэн:

-“Энигма” компани тухайн газрыг 2007 онд авч байсан нь Монголын үндэсний их сургуулийн мэдэлд шилжээд, одоогоор хүчингүй болсон байгаа. 2017 онд Мэргэжлийн хяналтын ерөнхий газраас тус байгууллагыг шалгахад уг компани “Сургуулийн зориулалттай үйл ажиллагаа явуулах газрыг төлбөрөөс чөлөөлнө” гэсэн заалтыг ашиглан газрын төлбөрөөс чөлөөлүүлсэн байсан. Гэтэл Дархан цаазат газар нутагт сургуулийн үйл ажиллагаа явуулахыг хориглодог. Харин аялал жуулчлалын зориулалттай үйл ажиллагаа явуулахыг зөвшөөрдөг. Тус компанийн зүгээс аялал жуулчлалын үйл ажиллагаа явуулах гэж байсан барилга байгууламжийг буулгалаа гэж байгаа ч сургуулийн үйл ажиллагаа явуулах газар гээд төлбөр төлдөггүй. Иймд газрын зөвшөөрлийг нь цуцалж, тус газар нь Богдхан уулын харьяа учраас тэнд үйл ажиллагаа явуулж болохгүй гэсэн шийдвэр гарч, барилга байгууламжийг нь буулгасан.

-Барилга байгууламжийг нь буулгах гэж байгаа тухай мэдэгдэл өгөөгүй хэрэг үү?

-Зөвшөөрөл нь хүчингүй болсон учраас үйл ажиллагаа явуулж болохгүй тул барилга байгууламжаа буулгах мэдэгдлийг Газрын албанаас жилийн өмнө хүргүүлсэн. Гэвч шаардлагыг биелүүлээгүй учраас Нийслэлийн Засаг даргын захирамжаар албадан буулгах арга хэмжээ авсан.

-“Энигма” анхнаасаа төлбөрөө төлсөн бол тэр байгууламжийг нураах үндэслэлгүй гэсэн үг үү?

-Газрын тухай хуульд газрын төлбөрөө төлөөгүй бол, мөн тухайн газарт зориулалтын бусаар үйл ажиллагаа явуулсан бол газрын зөвшөөрлийг цуцална гэсэн хоёр заалт байдаг.

Нийслэлийн Засаг даргын хэвлэлийн төлөөлөгч Н.Сугар:

-Тухайн газрыг түр хугацаанд ашиглаж, отоглох зориулалтаар авсан. Хэрэв тэнд барилга байгууламж барих бол зөвшөөрөл авах ёстой. Гэвч ийм зөвшөөрөл аваагүй учраас хууль ёсны өмч болж чадахгүй. Үүнд хяналт тавих үүрэгтэй хүмүүс нь хяналт тавиагүйн улмаас ийм нөхцөл байдалд хүрээд буйг одоо бид цэгцлэх шаардлагатай байна.

-Хууль бус ч гэлээ ямар нэг мэдэгдэл өгөлгүйгээр нураасан нь бусдын хувийн өмчид халдсан асуудал биш үү?

-Мэдэгдэл хүргүүлсэн. Жилийн өмнө Хотын дарга тус компанийн удирдлагуудтай уулзаж, зориулалтын дагуу үйл ажиллагаа явуулах талаар ярилцаж тохирсон ч өнөөдрийг хүртэл ямар нэг арга хэмжээ аваагүй.

-Энэ асуудлыг шүүх тогтоож, шүүхийн шийдвэрийн дагуу нураах ёсгүй юу?

-Хууль ёсны өмч байсан бол үүнийг шүүх тогтоох ёстой. Гэвч энэ бол хууль ёсны өмч биш.

Categories
мэдээ нийгэм

Ховд, Онон, Балж, Улз гол үерийн түвшинг 5-30 см даван үерлэжээ DNN.mn

2022 оны зургаадугаар сарын 10-ны өдрийн байдлаар Хэрлэн болон Орхон голын эх, Сэлэнгэ мөрний адгаар, Хангай нурууны арын Хануй, өврийн Зэгэстэй, Хэнтий нурууны баруун хажуугаас усжих Ерөө зэрэг голуудын усны түвшин өмнөх өдрийнхөөс 10-40 см нэмэгдсэн байна.

Харин Ховд, Онон, Балж, Улз голууд үерийн түвшинг 5-30 см даван үерлэж байна. Зургаадугаар сарын 11-ний өдөр Хэрлэн гол Багануур дүүрэг болон Өндөрхаан сум орчимд, Онги гол Арвайхээр сум орчмоор, Ерөө гол Дулаанхаан тосгоноор усны түвшин 10-30 см нэмэгдэх төлөвтэй байна.

Мөн ойрын өдрүүдэд ихэнх нутгаар дуу цахилгаантай аадар бороо орно. Иймээс хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух нөхцөл бүрдэх тул дээр дурьдсан голуудын сав дагуу суурьшиж, нутаглаж буй ард иргэдийг үерийн аюулаас болгоомжтой байхыг онцгойлон анхааруулж байна.

Гадаргын усны судалгааны хэлтэс

Categories
мэдээ нийгэм

Улаанбаатарт шөнөдөө 8 хэм дулаан DNN.mn

Дохио!!! Цаг агаарын аюултай үзэгдлийн сэрэмжлүүлэх мэдээ: Өнөө шөнө Төв аймгийн зүүн, Дундговийн зүүн хойд, Хэнтийн баруун хэсгээр, маргааш өдөр Хэнтийн хойд хэсэг, Дорнодын нутгаар ахиухан хэмжээний бороо орно.

Малчид, иргэд, тээвэрчдийн анхааралд: Өнөө, маргаашдаа нутгийн зүүн хагаст ахиухан хэмжээний бороо орох тул болзошгүй үер усны аюулаас сэрэмжтэй байхыг анхааруулж байна.

2022 оны 06 сарын 10-ны 20 цагаас 06 сарын 11-ний 20 цаг
хүртэлх цаг агаарын урьдчилсан мэдээ

Хур тунадас: Нутгийн зүүн хагаст үүлэрхэг, бусад нутгаар багавтар үүлтэй. Шөнөдөө төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр, өдөртөө төвийн аймгуудын нутгийн зүүн, говийн аймгуудын нутгийн хойд болон зүүн хэсэг, зүүн аймгуудын ихэнх нутгаар бороо, дуу цахилгаантай аадар бороо орно.

Салхи: Нутгийн зүүн хэсгээр баруун өмнөөс, бусад нутгаар баруун хойноос секундэд 6-11 метр, говь, тал, хээрийн нутгаар секундэд 13-15 метр хүрч ширүүснэ.

Агаарын температур: Шөнөдөө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 3 хэм хүйтнээс 2 хэм дулаан, Их нууруудын хотгор болон говийн бүс нутгийн өмнөд хэсгээр 9-14 хэм, бусад нутгаар 4-9 хэм, өдөртөө Хэнтийн уулархаг нутаг, Тэрэлж, Хэрлэн голын хөндийгөөр 8-13 хэм, Хангай, Хөвсгөлийн уулархаг нутаг, Хүрэнбэлчир орчим, Туул, Онон, Улз голын хөндийгөөр 12-17 хэм, Их нууруудын хотгор, говийн бүс нутгийн баруун өмнөд хэсгээр 24-29 хэм, бусад нутгаар 18-23 хэм дулаан байна.

УЛААНБААТАР ХОТ ОРЧМООР: Үүлэрхэг. Бороо орно. Салхи баруун хойноос секундэд 6-11 метр. Шөнөдөө 6-8 хэм, өдөртөө 12-14 хэм дулаан байна.

БАГАНУУР ОРЧМООР: Үүлэрхэг. Бороо орно. Салхи баруун хойноос секундэд 7-12 метр. Шөнөдөө 7-9 хэм, өдөртөө 13-15 хэм дулаан байна.

ТЭРЭЛЖ ОРЧМООР: Үүлэрхэг. Бороо орно. Салхи баруун хойноос секундэд 6-11 метр. Шөнөдөө 4-6 хэм, өдөртөө 11-13 хэм дулаан байна.

2022 оны 06 дугаар сарын 12-ноос 06 дугаар сарын 16-ныг
хүртэлх цаг агаарын урьдчилсан төлөв

12-нд нутгийн зүүн хагаст, 13-нд зүүн аймгуудын нутгийн зүүн хэсгээр, 14-нд баруун аймгуудын нутгийн баруун, төвийн аймгуудын нутгийн хойд хэсгээр, 15-нд баруун, төв, зүүн аймгуудын нутгийн хойд хэсгээр бороо, дуу цахилгаантай аадар орно. Салхи ихэнх хугацаанд борооны өмнө түр зуур ширүүсэж, 12-нд говь, тал, хээрийн нутгаар секундэд 13-15 метр хүрч ширүүснэ. 12-нд нутгийн баруун хагаст, цаашдаа ихэнх нутгаар дулаарч Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Тэс, Эг, Үүр, Тэрэлж голын хөндийгөөр шөнөдөө 1-6 хэм, өдөртөө 18-23 хэм, Их нууруудын хотгор болон говийн бүс нутгийн өмнөд хэсгээр шөнөдөө 15-20 хэм, өдөртөө 29-34 хэм, бусад нутгаар шөнөдөө 8-13 хэм, өдөртөө 23-28 хэм дулаан байна.

Нийтэлсэн: Цаг Уур Орчны Шинжилгээний Газар
Categories
мэдээ нийгэм

Төрийн болон орон нутгийн өмчит компанийн тухай хуулийн төслийг анхны хэлэлцүүлэгт бэлтгүүлэхээр шилжүүллээ DNN.mn

Улсын Их Хурлын чуулганы өнөөдрийн нэгдсэн хуралдаанаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг эцэслэн баталлаа.

Гишүүдийн зүгээс төрийн болон орон нутгийн өмчит компаниудын авсан зээл Монгол Улсын нийт өрийн хэдэн хувийг эзэлж байгааг тодруулахын зэрэгцээ төрийн болон орон нутгийн өмчит компаниудын улсад оруулж байгаа орлого, төвлөрүүлж байгаа ногдол ашиг, эзэмшиж байгаа хөрөнгийн хэмжээг тодруулав. Мөн төрийн өмчит аж ахуйн тооцоотой үйлдвэрийн газруудыг хэрхэн цэгцлэх талаар, төр 100 хувь эзэмших стратегийн ач холбогдол бүхий төрийн өмчийн компаниудыг тодорхойлж чадсан, эсэх адилхан чиг үүрэгтэй төрийн өмчит компаниудыг нэгтгэх эсэх асуудлыг төсөлд хэрхэн тусгасныг лавлалаа.

Төрийн өмчийн бодлого, зохицуулалтын газрын дарга Б.Цэнгэл “2021 оны жилийн эцсийн байдлаар төрийн болон төрийн өмчийн оролцоотой хуулийн этгээдүүд 53.4 тэрбум төгрөгийн хөрөнгө эзэмшиж, 10.6 их наяд төгрөгийн орлого олж, нэг их наяд төгрөгийн цэвэр ашигтай ажилласан байна. Өнгөрсөн оны мөн үетэй харьцуулахад орлого 860 тэрбум төгрөг, цэвэр ашгийн хэмжээ 831 тэрбум төгрөгөөр тус тус нэмэгдсэн. Төрийн болон төрийн өмчийн оролцоотой 105 компанийн үзүүлэлтийг жил бүр нэгтгэн гаргадаг. Нийт 18 их наяд төгрөгийн өр, төлбөртэй байгаа. Үүнээс жин дарж байгаа компаниудыг нэрлэвэл, “Эрдэс монгол нэгдэл” 5.4 их наяд, Төрийн банк 3.4 их наяд, Хөгжлийн банк 3 их наяд, “Монголын төмөр зам” ТӨХК 1.5 их наяд, “Эрдэнэт үйлдвэр” ТӨҮГ 990 тэрбум, Улаанбаатар төмөр зам 540 тэрбум төгрөгийн өртэй байна. Түүнчлэн хамгийн их орлоготой ажилласан хуулийн этгээдийг “Эрдэнэт үйлдвэр” ТӨҮГ 3.1 их наяд төгрөгөөр тэргүүлж, “Эрдэнэс монголын нэгдэл” 1.5 их наяд төгрөгөөр удаалж байгаа бол хамгийн их ашигтай ажилласан хуулийн этгээдийг “Эрдэнэт үйлдвэр” ТӨҮГ 901 тэрбум төгрөгөөр тэргүүлж, “Эрдэнэс монголын нэгдэл” 126 тэрбум, “Монголросцветмет” ТӨҮГ 85 тэрбум, “Улаанбаатар төмөр зам” 69 тэрбум, Төрийн банк 45 тэрбум төгрөг гэсэн үзүүлэлттэй байна” гэв.

Хууль зүй, дотоод хэргийн яамны Төрийн нарийн бичгийн дарга П.Сайнзориг “Өмнө нь агентлагийн статустай ажиллаж байсан олон газрууд аж ахуйн тооцоотой төрийн үйлдвэрийн нэрээр ажиллаж байгаа. “Шинэ сэргэлт”-ийн бодлоготой уялдуулж төрийн бүтээмжийн асуудлыг судалж байна. Цаашид бид төрийн байгууллагын үйл ажиллагаа, чиг үүргийн давхардлыг авч үзэн агентлагын статустай ажиллах байгууллагуудыг нэг мөр шийдэж, эсвэл татан буулгана. Мөн зарим ажлыг төр хувийн хэвшлийн түншлэлийн хүрээнд шийдвэрлэхээр төлөвлөж байна”.

Хууль зүй, дотоод хэргийн сайд Х.Нямбаатар “Төрийн болон орон нутгийн өмчит компаниудыг Компанийн тухай хуулиар зохицуулж байгаа бол энэ нь анхдагч хуулийн төсөл. Хууль батлагдсанаар төр дөрвөн жилээр улсынхаа тэргүүлэх чиглэлийг тодорхой болгож, тэр чиглэлийн хүрээнд бизнесээ хийнэ. Мөн стратегийн болон эрчим хүч, хог, дулаан зэрэг нийтийн зориулттай тодорхой төрлийн бизнесийнхээ тодорхойлолтыг гаргаж, бусад төрлийн бизнест төр оролцохгүй гэдгээ зарлана. Цаашлаад төр тодорхой чиглэлийн бизнесийн компаниудынхаа үйл ажиллагааг аль болох өөр хооронд нь нэгтгэх, компанийн тухай хуулиар зохицуулна” гэж байлаа.

Categories
гадаад мэдээ

Олзлогдсон цэргүүдэд цаазын ял оноожээ DNN.mn

Донецкийн бүгд найрамдах улсын дээд шүүх Украины зүүн нутагт Оросыг дэмжигч хүчнийхэнд олзлогдсон Британийн хоёр иргэн, Мароккийн нэг иргэнд цаазаар авах ял оноожээ.

Тэднийг Украины Засгийн газрын нэрийн өмнөөс хөлсний цэргийн хувиар хууль бусаар тулалдсан буруутай гэж шүүх үзсэн байна.

Оросын “Интерфакс” агентлагийн мэдээлснээр Их Британийн хоёр иргэн дөрөвдүгээр сарын дундуур Донецк мужийн Мариуполь хотод Оросыг дэмжигч хүчнийхэнд олзлогджээ. Мароккийн иргэн мөн гуравдугаар сард Донецк хотод баригджээ.

Шүүхийн шийдвэрийг гаргасан Донецкийн шүүхийг Украин болон өрнөдийн орнуудын Засгийн газар буруутгаж байна.

Их Британийн Гадаад хэргийн нарийн бичгийн дарга “твиттер” хуудсаараа уг шийдвэрийг “хууль ёсны үндэслэлгүй” хуурамч шүүлт гэж нэрлэжээ.

Дайны олзлогдогсдыг “Улс төрийн зорилгоор ашиглах ёсгүй” гэж тэрбээр мэдэгдээд, Женевийн конвенцид заасан дайны цагийн хуулиудыг дурджээ.

Яллагдсан гурван иргэн давж заалдах хүсэлтэй байгааг тэдний өмгөөлөгч мэдэгдсэнийг “ТАСС” мэдээллээ.

Categories
мэдээ нийгэм

Ойрын өдрүүдэд ихэнх нутгаар аадар бороо орох тул үерийн аюулаас болгоомжилно уу DNN.mn

Өнөөдрийн байдлаар Хэрлэн болон Орхон голын эх, Сэлэнгэ мөрний адгаар, Хангай нурууны арын Хануй, өврийн Зэгэстэй, Хэнтий нурууны баруун хажуугаас усжих Ерөө зэрэг голуудын усны түвшин өмнөх өдрийнхөөс 10-40 см нэмэгджээ.

Харин Ховд, Онон, Балж, Улз голууд үерийн түвшинг 5-30 см-ээр давсан байна.

Өнөө шөнө Төв аймгийн зүүн, Дундговийн зүүн хойд, Хэнтийн баруун хэсгээр, маргааш өдөр Хэнтийн хойд хэсэг, Дорнодын нутгаар ахиухан хэмжээний бороо орно. Маргааш /2022.06.11/ Хэрлэн гол Багануур дүүрэг болон Өндөрхаан сум орчимд, Онги гол Арвайхээр сум орчмоор, Ерөө гол Дулаанхаан тосгоноор усны түвшин 10-30 см нэмэгдэх төлөвтэй байна.

Мөн ойрын өдрүүдэд ихэнх нутгаар дуу цахилгаантай аадар бороо орно. Иймээс хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух нөхцөл бүрдэх тул дээр дурдсан голуудын сав дагуу суурьшиж, нутаглаж буй ард иргэдийг үерийн аюулаас болгоомжтой байхыг онцгойлон анхааруулж байна.

Өнгөрсөн хоногт баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн хойд болон зүүн аймгуудын нутгийн баруун хэсгээр 0.3-31.0 мм бороо, нойтон цас орсон байна. Үүнээс хамгийн их нь өнгөрсөн хоногт Өвөрхангайн Хархоринд 31.0 мм, Бүрдэд 28.0 мм, Архангайн Батцэнгэл, Өгийнуур, Хотонт, Булганы Рашаантад 18.0-19.0 мм, бусад нутгаар 0.1-15.0 мм хур тунадас оржээ.

Эх сурвалж: ЦУОШГ