Month: June 2022

Categories
мэдээ нийгэм онцлох-нийтлэл туслах-ангилал

ТОЙМ: Нэрт нийтлэлч Баабарын “Урлагийн бүтээлийн цуглуулгын давтагдашгүй үнэ цэн” хэмээх нийтлэл хэвлэгдлээ DNN.mn

Өглөө бүр тантай хамт байдаг “Өдрийн сонин”-ы лхагва гаригийн дугаар 8 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Нийгмийн ухааны
доктор, эдийн засагч,
улс төр судлаач Ө.Бүрэнтөгс “Хил хаалттай, эдийн засаг улам
агшсаар байвал 2025 он гэхэд дампуурлаа
олон улсад зарлахаас өөр гарцгүй“ гэснийг I-II нүүрээс үргэлжлүүлэн уншаарай.

Томилолт: “PDAC-т “шидсэн” мессэж” сурвалжилгыг I-IV нүүрээс үргэлжлүүлэн уншаарай.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Баабарын “Урлагийн бүтээлийн цуглуулгын давтагдашгүй үнэ цэн” хэмээх нийтлэл хэвлэгдлээ.

“Махны асуудлаарх шийдвэр
хувийн хэвшлийг хохироох вий,
Л.Оюун-Эрдэнэ сайд аа” гэснийг I-V нүүрээс үргэлжлүүлэн уншаарай.

Хуульч Б.Агар-Эрдэнэ “Согтуу жолоочид хүлээлгэх хариуцлага хэтэрхий зөөлөн байна” хэмээн ярьсныг I болон “Баримт, үйл явдал”-ын VII нүүрээс уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы лхагва гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм соёл-урлаг

ГХЯ: Б.Амарсайханыг Монгол Улсын Соёлын элчээр томилов DNN.mn

Гадаад харилцааны сайд Б.Батцэцэг Монгол Улсын Соёлын элчээр томилогдсон МУСТА, жүжигчин Б.Амарсайханыг хүлээн авч уулзан, Монгол Улсын Соёлын элчийн гэрчилгээг гардуулав.

Б.Амарсайхан нь Монголын шинэ цагийн кино, урлагийн салбарыг хөгжүүлэхэд үнэтэй хувь нэмэр оруулж, монгол уран бүтээлчдийг дэлхийн тавцанд гарах гүүр болж, гадаад ертөнцөд эх орноо сурталчлан таниулахад өөрийн хувь нэмрээ оруулсаар ирсэн.

Тэрээр Монгол Улсын Соёлын элчээр томилогдон ажиллах хугацаандаа кино урлагаар дамжуулан үндэсний ахуй, өв соёл, улс орныхоо хөгжил дэвшлийг олон улсад түгээн дэлгэрүүлж, соёлын салбарын гадаад хамтын ажиллагаанд бодитой хувь нэмэр оруулахын төлөө бүх боломжоо дайчлан ажиллахаа илэрхийлэв.

Categories
мэдээ нийгэм

Олон улсын хүүхдийн хөл бөмбөгийн тэмцээнд Улаанбаатар хотын тамирчид амжилттай оролцлоо DNN.mn

Олон улсын хүүхдийн найрамдалт хөл бөмбөгийн тэмцээн БНСУ-ын Чүнчонь хотноо зургадугаар сарын 7-12-ны хооронд анх удаа зохион байгуулагдсан юм. Тус тэмцээнд Баянгол дүүргийн 40 дүгээр сургуулийн багш, дасгалжуулагч П.Мөнхбатаар ахлуулсан Улаанбаатар хотын өсвөрийн хөл бөмбөгийн 12 насны шигшээ багийн тамирчид амжилттай оролцоод ирлээ.

Тэмцээнд Монголоос гадна Индонез, Колумби, Сингапур, Вьетнам, БНСУ-ын баг тамирчид оролцжээ. БНСУ-ын Чүнчонь хотоос санаачлан зохион байгуулсан Сун Хюн Миний нэрэмжит Олон улсын хүүхдийн найрамдалт хөл бөмбөгийн тэмцээн нь найрамдалт харилцаат хотуудын цаашдын хамтын ажиллагааг өргөжүүлэх зорилготой юм. Иймд тус тэмцээнийг жил бүр уламжлал болгон зохион байгуулахаар болжээ.

Ирээдүйн шилдэг хөл бөмбөгчдөдөө амжилт хүсье.

Categories
мэдээ нийгэм улс-төр

Бүгд Найрамдах Казахстан Улсаас Монгол Улсад суух Элчин сайд Итгэмжлэх жуух бичгээ өргөн барив DNN.mn

Бүгд Найрамдах Казахстан Улсаас Монгол Улсад суух Элчин сайд Габит Койшибаев 2022 оны 06 дугаар сарын сарын 13-ны өдөр Монгол Улсын Ерөнхийлөгч Ухнаагийн Хүрэлсүхэд Итгэмжлэх жуух бичгээ өргөн барилаа.

Монгол Улсад суух Элчин сайдаар томилогдсонд нь Ерөнхийлөгч баяр хүргэж, ажлын амжилт хүсэв. Энэ онд Монгол, Казахстаны хооронд дипломат харилцаа тогтоосны 30 жилийн ой тохиож буйг уулзалтын үеэр онцолж, худалдаа, эдийн засаг, соёл, боловсрол зэрэг салбарын харилцаа, хамтын ажиллагааг өргөжүүлэн хөгжүүлэх талаар санал солилцов.

Монгол Улс, Бүгд Найрамдах Казахстан Улс хоёулаа далайд гарцгүй. Иймээс гадаад худалдааны зах зээлийг төрөлжүүлэх, хүнсний хангамж, аюулгүй байдлыг хангах, бараа бүтээгдэхүүн харилцан нийлүүлэх шинэ гарцыг эрэлхийлэхэд бэлэн байгаагаа Элчин сайд Габит Койшибаев илэрхийлэв.

Categories
мэдээ нийгэм

Хамтарсан штабын дадлага сургуулийг цахимаар хийлээ DNN.mn

ОХУ-ын Онцгой байдлын яамны Хямралын үеийн удирдлагын төв, Онцгой байдлын ерөнхий газрын Шуурхай удирдлага зарлан мэдээллийн төвтэй хамтран хил орчмын бүс нутгуудад гарсан ой, хээрийн гал түймэртэй тэмцэх штабын дадлага сургуулийг ОБЕГ-ын Шуурхай удирдлага зарлан мэдээллийн төвд цахимаар зохион байгууллаа.

Дадлага сургуульд Монголын талаас ОБЕГ-ын Гал түймэртэй тэмцэх газар, Шуурхай удирдлага зарлан мэдээллийн төвийн алба хаагчид, Оросын Холбооны Улсын талаас Онцгой байдлын яамны Хямралын үеийн удирдлагын төв, Бүгд Найрамдах Тува, Буриад, Өвөр байгалийн хязгаар дахь ОБЕГ-ын Хямралын үеийн удирдлагын төвийн алба хаагчид оролцсон юм.

Сургуулийг ОХУ-ын талаас ОБЯ-ны Хямралын үеийн удирдлагын төвийн дэд дарга, хурандаа Монцев В.В, Монгол Улсын талаас Гал түймэртэй тэмцэх газрын дарга, хурандаа Ц.Нямбаяр нар удирдан явууллаа.

Энэ үеэр ОБЕГ-ын Гал түймэртэй тэмцэх газрын Гал унтраах хэлтсийн дарга, дэд хурандаа П.Соронзонболд өгөгдсөн цагийн нөхцөл байдлын дагуу авч хэрэгжүүлсэн арга хэмжээний танилцуулгыг хийж , мэдээлэл солилцлоо гэж Онцгой байдлын ерөнхий газраас мэдээллээ.


Categories
мэдээ нийгэм

Цэцэрлэгийн хүртээмжийг нэмэгдүүлэх асуудлаар санал солилцов

Боловсрол, шинжлэх ухааны сайд Л.Энх-Амгалан цэцэрлэгийн хүртээмжийг нэмэгдүүлэх асуудлаар нийслэлд үйл ажиллагаа явуулж буй төрийн бус өмчийн цэцэрлэгүүдийн төлөөлөлтэй уулзлаа.

Уулзалтад Боловсрол, шинжлэх ухааны дэд сайд Г.Ганбаяр, Нийслэлийн Засаг даргын нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө, Боловсролын ерөнхий газрын дарга Т.Ням-Очир, нийслэлийн Боловсролын газрын дарга Л.Буянтогтох зэрэг албаны хүмүүс болон төрийн бус өмчийн цэцэрлэгүүдийн төлөөлөл оролцов.

Уулзалтаар төр, хувийн хэвшлийн хамтын ажиллагааны хүрээнд нийслэлийн цэцэрлэгийн хүртээмжийг нэмэгдүүлэхэд төрийн бус өмчийн цэцэрлэгүүдийн оролцоог чухалчилж, үнэ төлбөргүйгээр хүүхэд сургасан нөхцөлд хувьсах зардлыг 2 дахин нэмэгдүүлж, хоолны зардлын хамт санхүүжүүлэх зэрэг цаашид хамтран ажиллах талаар санал солилцсон юм гэж Нийслэлийн боловсролын газраас мэдээллээ.

Categories
мэдээ нийгэм

Бурхан багшийн цэцэрлэгт хүрээлэнгийн музей дахин нээгдлээ DNN.mn

Бурхан багшийн их дүйчэн өдөр буюу зуны тэргүүн сарын шинийн 15-ны билэгт сайн өдөр Бурхан багшийн цэцэрлэгт хүрээлэнгийн музей олон нийтэд нээлттэй ажиллаж эхэллээ. Цэцэрлэгт хүрээлэнгийн музей нь 2014 оноос хойш үйл ажиллагаа зогсоод байсан юм. Бурхан багшийн цэцэрлэгт хүрээлэн нь “Олон улсын Бурхан буддагийн цэцэрлэгт хүрээлэн” нэртэйгээр Солонгос улсын хөрөнгө оруулалтаар “Лянхуа” төрийн бус байгууллага хариуцан бариулж, 2005 онд ашиглалтад орж байсан ба Засгийн газрын 252 дугаар тогтоолоор төрийн өмчид бүртгэсэн байна.

Байгаль орчин, аялал жуулчлалын яам, Богдхан уулын хамгаалалтын захиргаа 157.4 сая төгрөгийн хөрөнгө оруулалтаар цэцэрлэгт хүрээлэнгийн тохижилт, засвар, Нийслэлийн 209.6 сая төгрөгийн хөрөнгө оруулалтаар ногоон байгууламж, зам талбай, Хан-Уул дүүргийн хөрөнгө оруулалтаар жил бүр ногоон байгууламж, зам талбайн засвар, үйлчилгээ бусад тохижилтуудын ажлуудыг хийсэн байна.

Мөн 2021-2022 онд “Алтан шогол” ХХК хамтран ажиллах гэрээний хүрээнд Бурхан багшийн сэрэг дүрийн суурь болон байрны засварыг 135.0 сая төгрөгөөр өөрийн хөрөнгөөр хийж, Бурхан шашинтны төв Гандандэгчилэн хийд болон бусад төрийн бус байгууллага, аж ахуй нэгжүүдийн дэмжлэгтэйгээр иж бүрэн засвар, тохижилт, сэргээн засварлах ажлуудыг хийж , өнөөдөр тус музей олон нийтэд үйлчилж эхлэв.

Categories
мэдээ нийгэм

Улаанбаатарт шөнөдөө 16 хэм дулаан DNN.mn

Малчид, иргэд, тээвэрчдэд зориулсан мэдээ: Ойрын хоногуудад нутгийн хойд хэсгээр дуу цахилгаантай аадар бороо орж, говийн бүс нутгаар 30 хэмыг давж хална.

2022 оны 06 сарын 14-ний 20 цагаас 06 сарын 15-ны 20 цаг
хүртэлх цаг агаарын урьдчилсан мэдээ

Хур тунадас: Нутгийн баруун хагаст үүлшинэ. Бусад нутгаар солигдмол үүлтэй. Шөнөдөө баруун аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын нутгийн зүүн хэсгээр, өдөртөө баруун болон төвийн аймгуудын нутгийн зарим газраар бороо, дуу цахилгаантай аадар бороо орно. Бусад нутгаар бороо орохгүй.

Салхи: Ихэнх нутгаар баруун өмнөөс секундэд 5-10 метр, зарим газраар борооны өмнө түр зуур ширүүснэ.

Агаарын температур: Шөнөдөө Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Эг, Үүр, Туул, Тэрэлж голын хөндийгөөр 7-12 хэм, Их нууруудын хотгор болон говийн бүс нутгийн баруун өмнөд хэсгээр 16-21 хэм, бусад нутгаар 11-16 хэм, өдөртөө Хангай, Хөвсгөлийн уулархаг нутаг, Тэрэлж, Халх голын хөндийгөөр 20-25 хэм, Их нууруудын хотгор болон говийн бүс нутгийн өмнөд хэсгээр 33-38 хэм, бусад нутгаар 25-30 хэм дулаан байна.

УЛААНБААТАР ХОТ ОРЧМООР: Үүлшинэ. Шөнөдөө бага зэргийн бороо орно. Өдөртөө бороо орохгүй. Салхи баруун өмнөөс секундэд 5-10 метр. Шөнөдөө 14-16 хэм, өдөртөө 26-28 хэм дулаан байна.

БАГАНУУР ОРЧМООР: Үүлшинэ. Бороо орохгүй. Салхи баруун өмнөөс секундэд 6-11 метр. Шөнөдөө 11-13 хэм, өдөртөө 25-27 хэм дулаан байна.

ТЭРЭЛЖ ОРЧМООР: Үүлшинэ. Шөнөдөө бага зэргийн бороо орно. Өдөртөө бороо орохгүй. Салхи баруун өмнөөс секундэд 5-10 метр. Шөнөдөө 7-9 хэм, өдөртөө 23-25 хэм дулаан байна.

2022 оны 06 дугаар сарын 16-наас 06 дугаар сарын 20-ныг
хүртэлх цаг агаарын урьдчилсан төлөв

16-нд баруун аймгуудын нутгийн хойд, зүүн аймгуудын нутгийн баруун хэсэг, төвийн аймгуудын нутгийн зарим газраар, 17-нд баруун аймгуудын нутгийн хойд, төв болон зүүн аймгуудын нутгийн зарим газраар, 18-нд баруун аймгуудын нутгийн хойд, төвийн аймгуудын нутгийн баруун хойд, зүүн аймгуудын нутгийн баруун хэсгээр, 19-нд баруун болон төвийн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 6-11 метр, борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Тэс, Эг, Үүр, Тэрэлж голын хөндийгөөр шөнөдөө 6-11 хэм, өдөртөө 21-26 хэм, Их нууруудын хотгор болон говийн бүс нутгаар шөнөдөө 18-23 хэм, өдөртөө 33-38 хэм, бусад нутгаар шөнөдөө 11-16 хэм, өдөртөө 26-31 хэм дулаан байна.

Нийтэлсэн: Цаг Уур Орчны Шинжилгээний Газар
Categories
мэдээ нийгэм

Он гарснаас хойш 254.3 мянган тонн АИ-92 автобензин импортолжээ DNN.mn

Улсын хэмжээнд 2022 оны зургаадугаар сарын 09-ний өдрийн байдлаар нийт 152,457 тн шатахууны нөөцтэй байгаагаас А-80 автобензин 12,210 тн, АИ-92 автобензин 51,849тн, АИ-95 автобензин 6,300 тн, ДТ 77,459 тн байгаа ба АИ-92 автобензиний 39, АИ-95 автобензиний 47 хоногийн, А-80 автобензиний 73, ДТ-ний 28 хоногийн, онгоцны түлш 64 хоногийн нөөцтэй байна.

Улаанбаатар хотын хэмжээнд нийт 74,601 тн шатахууны үлдэгдэлтэй байгаагаас А-80 автобензин 3,008 тн, АИ-92 автобензин 28,656 тн, АИ-95 автобензин 3,870 тн, ДТ 34,549 тн байгаа ба АИ-92 автобензиний 30, АИ-95 автобензиний 53, ДТ-ний 31 хоногийн буюу хэвийн нөөцтэй байна.

Манай улс он гарсаар нийт 755.5 мян.тн газрын тосны бүтээгдэхүүн импортолсон. Үүнд А-80 автобензин 17.3 мян.тн, АИ-92 автобензин 254.3 мян.тн, АИ-95/98 автобензин 12.8 мян.тн, ДТ 377.8 мян.тн, онгоцны түлш 22.3 мян.тн, бусад 71.1 мян.тн байна.

Categories
мэдээ нийгэм

Иргэний бичиг баримт, бүртгэлийн гэрчилгээг барьцаалахгүй DNN.mn

Зөрчлийн тухай хуулийн 15.24 дүгээр зүйлийн 2 дахь хэсэгт “Иргэний үнэмлэх, энгийн гадаад паспорт, улсын бүртгэлийн гэрчилгээг барьцаалсан, барьцаалуулсан, зориуд гэмтээсэн бол хүнийг 25 нэгжтэй тэнцэх хэмжээний төгрөгөөр, хуулийн этгээдийг 250 нэгжтэй тэнцэх хэмжээний төгрөгөөр торгоно” гэж заасан бөгөөд Зөрчил шалган шийдвэрлэх тухай хуулийн 6 дугаар зүйлийн 6.20 дахь хэсэгт уг зөрчлийг шалган шийдвэрлэх эрх бүхий этгээд нь Улсын бүртгэлийн хяналтын улсын байцаагч байна гэж заасан байдаг.

Зөрчлийн тухай хууль, Зөрчил шалган шийдвэрлэх тухай хуулийг хэрэгжүүлэх, зөрчлөөс урьдчилан сэргийлэх чиглэлээр санал боловсруулж, хэрэгжүүлэх, Зөрчлийн тухай хуулийн 15.24 дүгээр зүйлийн 2 дахь хэсэгт заасан зөрчлийг илрүүлэх, таслан зогсоох, холбогдох хууль тогтоомжид заасны дагуу шийдвэрлэх ажлын хүрээнд Улсын бүртгэлийн байгууллагын хяналтын улсын байцаагч нар Архангай аймгийн 51 обьектод, Баян-Өлгий аймгийн 296 обьектод, Дархан-Уул аймгийн 100 обьектод, Дорноговь аймгийн 173 обьектод, Дундговь аймгийн 15 обьектод, Орхон аймгийн 42 обьектод, Сүхбаатар аймгийн 25 обьектод, Төв аймгийн 40 обьектод, Увс аймгийн 11 обьектод, Ховд аймгийн 41 обьектод тус тус шалгалт хийжээ.

Шалгалтын хугацаанд нийт 806 обьектоос 146 зөрчил илрүүлсэн бөгөөд иргэний үнэмлэх барьцаалсан 86, энгийн гадаад паспорт барьцаалсан 4, үл хөдлөх эд хөрөнгийн улсын бүртгэлийн гэрчилгээ барьцаалсан 5, төрсний гэрчилгээ барьцаалсан 51 зөрчлийг тус тус илрүүлж, барьцаалсан бичиг баримтыг улсын байцаагчийн акт үйлдэн хураан авсан байна. Хүчингүй болсон үл хөдлөх эд хөрөнгийн улсын бүртгэлийн гэрчилгээний 2 нь Баян-Өлгий аймагт, 2 нь Дорноговь аймагт үйл ажиллагаа явуулж байгаа барьцаалан зээлдүүлэх газарт барьцаанд тавьсан байх бөгөөд эдгээр гэрчилгээг хаяж гээгдүүлсэн шалтгаанаар хүчингүй болгуулж шинээр гэрчилгээ авсан байна. Баян-Өлгий аймаг дахь Улсын бүртгэлийн хэлтсийн хяналтын улсын байцаагч Зөрчлийн тухай хуулийн 15.24 дүгээр зүйлийн 2 дахь хэсэгт заасны дагуу 10 хүн, хуулийн этгээдийн зөрчилд зөрчлийг хялбаршуулсан журмаар шалган шийдвэрлэж 250.000 төгрөгийн торгууль оногдуулсан байна.

Цаашид иргэн, хуулийн этгээдэд гэмт хэрэг, зөрчлөөс урьдчилан сэргийлэх зорилгоор иргэний бичиг баримт болон улсын бүртгэлийн гэрчилгээг барьцаалахгүй байхыг анхааруулж байна.