Month: June 2022

Засгийн газрын тохируулагч агентлаг Биеийн тамир, спортын улсын хорооны даргаар гавьяат дасгалжуулагч, олимпийн хорооны гүйцэтгэх зөвлөлийн гишүүн Д.Жаргалсайханыг томиллоо.

Засгийн газрын өнөөдрийн хуралдаанаар дээрх шийдвэрийг гаргасан байна.

Д.Жаргалсайхан нь БТСУХ-ны дэд дарга, Соёл, спорт, аялал жуулчлалын яамны газрын дарга, Биеийн тамир, спортын хөгжлийн төвийн даргаар ажиллаж байсан туршлагатай. Өдгөө Монголын гандболын холбооны ерөнхийлөгчөөр ажиллаж байгаа юм.

Тэрбээр өнгөрсөн гуравдугаар сард болсон олимпын VIII чуулганаар олимпийн хорооны гүйцэтгэх зөвлөлийн гишүүнээр сонгогдсон билээ.

Малчид, иргэдийн анхааралд: Ойрын хоногуудад говийн бүс нутгаар аагим халуун болж, төвийн аймгуудын нутгийн хойд хэсгээр дуу цахилгаантай аадар бороо, мөндөр орох тул болзошгүй нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.

2022 оны 06-р сарын 16-ны 12-18 цаг хүртэлх цаг агаарын урьдчилсан мэдээ: Үүлшинэ. Бага зэргийн бороо орно. Салхи баруун хойноос секундэд 5-10 метр. 20-22 хэм дулаан байна.

2022 оны 06 сарын 16-ны 20 цагаас 06 сарын 17-ны 20 цаг хүртэлх

цаг агаарын урьдчилсан мэдээ

Хур тунадас: Ихэнх нутгаар солигдмол үүлтэй. Шөнөдөө баруун болон төвийн аймгуудын нутгийн хойд, зүүн аймгуудын нутгийн баруун, говийн аймгуудын нутгийн зүүн хэсгээр, өдөртөө баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зарим газраар бороо, дуу цахилгаантай аадар бороо орно.

Салхи: Баруун аймгуудын нутгаар баруун өмнөөс баруун хойш эргэж, нутгийн өмнөд хэсгээр баруун өмнөөс, бусад нутгаар баруун хойноос секундэд 6-11 метр, зарим газраар борооны өмнө түр зуур ширүүсэж, шороон шуурга шуурна.

Агаарын температур: Шөнөдөө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэрэлж, Хэрлэн голын хөндийгөөр 8-13 хэм, Эхийн голын Баянбүрд орчмоор 22-27 хэм, говийн бүс нутгийн өмнөд хэсгээр 18-23 хэм, бусад нутгаар 13-18 хэм, өдөртөө Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор 18-23 хэм, говийн бүс нутгийн өмнөд хэсгээр 34-39 хэм, Их Нууруудын хотгор болон Орхон-Сэлэнгийн сав газар, говийн бүс нутгийн хойд хэсгээр 28-33 хэм, бусад нутгаар 23-28 хэм дулаан байна.

УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 5-10 метр. Шөнөдөө 14-16 хэм, өдөртөө 26-28 хэм дулаан байна.

БАГАНУУР ОРЧМООР: Багавтар үүлтэй. Шөнөдөө бага зэргийн аадар бороо орно. Өдөртөө бороо орохгүй. Салхи баруун хойноос секундэд 6-11метр. Шөнөдөө 11-13 хэм, өдөртөө 23-25 хэм дулаан байна.

ТЭРЭЛЖ ОРЧМООР: Шөнөдөө үүлэрхэг, бага зэргийн бороо орно. Өдөртөө багавтар үүлтэй, бороо орохгүй. Салхи баруун хойноос секундэд 5-10 метр Шөнөдөө 9-11 хэм, өдөртөө 23-25 хэм дулаан байна.

2022 оны 06 дугаар сарын 18-наас 06 дугаар сарын 22-ныг

хүртэлх цаг агаарын урьдчилсан төлөв

18-нд баруун аймгуудын нутгийн зүүн, төвийн аймгуудын нутгийн зарим газраар, 19-нд төвийн аймгуудын нутгийн зарим газар, зүүн аймгуудын нутгийн хойд хэсгээр, 20-нд төвийн аймгуудын нутгийн хойд, зүүн аймгуудын нутгийн зарим газар, говийн аймгуудын нутгийн баруун, 21-нд говийн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд секундэд 6-11 метр, 19-нд говийн бүс нутгаар секундэд 13-15 метр, бусад нутгаар борооны өмнө түр зуур ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Тэс, Эг, Үүр, Тэрэлж голын хөндийгөөр шөнөдөө 5-10 хэм, өдөртөө 18-23 хэм, говийн бүс нутгийн өмнөд хэсгээр шөнөдөө 20-25 хэм, өдөртөө 34-39 хэм, Их нууруудын хотгор болон говийн бүс нутгийн хойд хэсэг, Дарьгангын тал нутаг, Орхон-Сэлэнгийн сав газраар шөнөдөө 14-19 хэм, өдөртөө 28-33 хэм, бусад нутгаар шөнөдөө 10-15 хэм, өдөртөө 22-27 хэм дулаан байна.

Нийслэлийн хэмжээнд 2022 оны эхний хагас жилийн байдлаар аюулт үзэгдэл, техникийн холбогдолтой ослын нийт 1154 удаагийн дуудлага мэдээлэл ирж, алба хаагчид шуурхай үүрэг гүйцэтгэж ажиллалаа.

Дуудлага мэдээллийн 1085 буюу 94 хувь объектын гал түймэр, 5 буюу 0.4 хувь ой хээрийн түймэр, 64 буюу 5.6 хувийг ахуйн болон техникийн холбогдолтой ослын дуудлага тус тус эзэлж байна гэж НОБГ-аас мэдээллээ.

Шүүхийн ерөнхий зөвлөл өнөөдөр хуралджээ. Ээлжит хуралдаанаар өндөр насны тэтгэвэрт гарах хүсэлт өгсөн дөрвөн шүүгчийн асуудлыг хэлэлцэж, шүүгчийг албан тушаалаас нь чөлөөлүүлэх саналыг Ерөнхийлөгчид хүргүүлэхээр шийдвэрлэсэн байна.

Ээлжит бус хуралдаанаар анхан болон давж заалдах шатны шүүхийн шүүгчийн сул орон тоонд нэр дэвшигчийн мэргэшил, ёс зүй, зан төлөвийн шалгалтын хуваарийг баталжээ.

• Давж заалдах шатны шүүхийн шүүгчийн сул орон тоонд нэр дэвшигчийн мэргэшил, ёс зүй, зан төлөвийн шалгалтыг 2022 оны зургаадугаар сарын 27-ны өдрийн 09:00 цагт
• Анхан шатны шүүхийн шүүгчийн сул орон тоонд нэр дэвшигчийн мэргэшил, ёс зүй, зан төлөвийн шалгалтыг 2022 оны зургаадугаар сарын 27-ны 11:30 цагт тус тус Шүүхийн ерөнхий зөвлөлийн байранд зохион байгуулахаар болов.

Хөдөө аж ахуйн ээлжит тооллогыг нийслэлд 2022 оны зургаадугаар сарын 17-30-ны хооронд зохион байгуулахаар болсон юм.

Энэ удаагийн тооллогоор хөдөө аж ахуйн салбарын мэдээллийг (мал аж ахуй, газар тариалан, ойн аж ахуй, загас агнуур, ан агнуурын чиглэлийн) өрх, аж ахуйн нэгж, байгууллага бүрээр бүртгэж, ажиллах хүчний судалгаа гаргана.

Мөн мал аж ахуйн болон газар тариалангийн машин, тоног төхөөрөмж, барилга байгууламжийн мэдээлэл, газар ашиглалт, хөрсний доройтол, ургацын хорогдол, бордоо, ургамал хамгааллын бодисын хэрэглээ, бүтээгдэхүүний зардал, хүнсний хангамж, аюулгүй байдлын талаарх дэлгэрэнгүй статистикийн мэдээлэл бий болгоно.

Нийслэлийн 4,457 нэгжийн хүрээнд 52 тоологч маргаашаас эхлэн есөн дүүрэгт ажиллах бөгөөд тухайн дүүргийн тоологч нь өөрт хуваарилагдсан өрх, аж ахуйн нэгж, байгууллагаар очиж, таблетаар асуулга авах юм байна

Улсын Бүртгэлийн Ерөнхий Газар (УБЕГ)-аас “Иргэний шилжилт хөдөлгөөн”-ий бүртгэлийг цахимаар бүртгэх үйлчилгээг өнөөдрөөс (2022.06.16) И-Монголиа нэгдсэн системд нэвтрүүлсэн талаар мэдээллээ.

Шилжилт хөдөлгөөний бүртгэл нь хамгийн их хамааралтай үйлчилгээ бөгөөд манай улсад жилд 210-250 мянган хүн шилжилт хөдөлгөөн хийдэг байна.

Иргэний улсын бүртгэлийн тухай хууль 2018 онд шинэчлэгдэн батлагдсанаар шилжилт хөдөлгөөн хийхэд шаарддаг байсан бичиг баримтын тоог хоёр дахин багасгаж, шилжсэн газраасаа хасалт хийлгэж, нөгөө газраа бүртгүүлдэг байсныг зөвхөн шилжиж очиж байгаа талдаа бүртгэлээ хийлгэдэг зохицуулалттай болгожээ.

Энэ зургаадугаар сард тоон гарын үсгийг гар утасны аппликэйшн дээр хийх ажлыг хийж дуусгана. Ингэснээр гар утасны аппликэйшний тоон гарын үсгээр дамжуулаад шилжилт хөдөлгөөнийг хийх бололцоотой болох юм гэв.

Иргэний шилжих бүртгэлийг цахимаар бүртгэснээр оршин сууж байгаа хаягийн баталгааг бүртгэлийн ажилтнууд цахим системээс шалгах бололцоогоор хангаж байна.