Month: May 2022

Categories
зурхай мэдээ цаг-үе

ЗУРХАЙ: Могой, морь, гахай, хулгана жилтнээ аливаа үйлийг хийхэд эерэг сайн DNN.mn

2022.5.10, МЯГМАР ГАРАГ / БИЛГИЙН ТООЛЛЫН: 9

ЗУНЫ ТЭРГҮҮН ХӨХӨГЧИН МОГОЙ САР
НАЙМАГ ЦАГААН ХАРАГЧИН ГАХАЙ ӨДӨР

  • Аргын тооллын: 2022.5.10, Мягмар гараг
  • Наран ургах шингэх: 05.21-20.16
  • Үс засуулбал: Өвчин өчүүхэн ирнэ
  • Барилдлага: Арвидах
  • Шүтэн барилдлага: Мунхрахуй
Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь үхэр, луу, морь, хонь, нохой, гахай болой. Эл өдөр идээ, хувцас хунар олдох, худалдаа наймаа хийх, эд зүйлс өгөлцөж авах, өглөг өгөх, хөрөнгө цацах, эдийн тэнгэр тахиулах, шид бүтээл үйлдэхэд сайн, сүм, суварга барих, хүүрийн газар эргэх, чуулан үймэхэд сайн. Нүд татваас эцэг эхэд аюул болох, баруун чих хангинавал эхнэртэй учрах, зүүн нь бол идээ ундаа олдох, нохой уливал гэнэт зочид ирэх болой. Энэ өдөр өндөр язгуурт хүний хэл ам болох, тагнай загатнавал их хүн ирэх, бие татвал хэрүүл тэмцэл болох, хөл татвал сайн.
Categories
мэдээ нийгэм цаг-үе

Улаанбаатарт өдөртөө 5 хэм дулаан байна DNN.mn

УЛААНБААТАР ХОТ ОРЧМООР: Шөнөдөө үүл багасна, өдөртөө үүлшинэ. Хур тунадас орохгүй. Салхи хойноос секундэд 6-11 метр. Шөнөдөө Яармаг-Сонгины орчмоор 8-10 градус, бусад хэсгээр 5-7 градус хүйтэн, өдөртөө 3-5 градус дулаан байна.

Хур тунадас: Баруун аймгуудын нутгаар багавтар үүлтэй, бусад нутгаар солигдмол үүлтэй. Шөнөдөө Хангай, Хэнтийн уулархаг нутаг, говийн бүс нутгийн зүүн өмнөд хэсгээр, өдөртөө Хангай, Хөвсгөл, Хэнтийн уулархаг нутаг, Орхон-Сэлэнгийн сав газраар бороо, нойтон цас орно.

Салхи: Ихэнх нутгаар хойноос секундэд 6-11 метр, өдөртөө Алтайн салбар уулс болон говь, тал, хээрийн нутгаар секундэд 14-16 метр хүрч ширүүснэ.

Агаарын температур: Бага зэрэг хүйтэрч шөнөдөө Дархадын хотгор болон Хангай, Хөвсгөлийн уулархаг нутаг, Хүрэнбэлчир орчим, Идэр, Тэс, Завхан, Тэрэлж голын хөндийгөөр 10-15 градус хүйтэн, Алтай, Хэнтийн уулархаг нутаг, Эг, Үүр, Хараа, Ерөө, Туул, Хэрлэн голын хөндийгөөр 5-10 градус хүйтэн, говийн бүс нутгийн өмнөд хэсэг болон Дарьгангын тал нутаг, Халх голын хөндийгөөр 2-7 градус дулаан, бусад нутгаар 0-5 градус хүйтэн, өдөртөө Дархадын хотгор болон Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Тэс, Туул, Тэрэлж голын хөндийгөөр 1-6 градус, Их нууруудын хотгор болон говийн бүс нутгийн баруун өмнөд хэсгээр 16-21 градус, бусад нутгаар 8-13 градус дулаан байна.

БАГАНУУР ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 8-10 градус хүйтэн, өдөртөө 3-5 градус дулаан байна.

ТЭРЭЛЖ ОРЧМООР: Үүлшинэ. Хур тунадас орохгүй. Салхи хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 10-12 градус хүйтэн, өдөртөө 2-4 градус дулаан байна.

Categories
мэдээ нийгэм онцлох-нийтлэл туслах-ангилал

ТОЙМ: “Уул уурхайд улсын эрх ашиг дээр үү, сумын эрх ашиг чухал уу?​” хэмээн өгүүллээ DNN.mn

Өглөө бүр тантай хамт байдаг “Өдрийн сонин”-ы мягмар гаригийн дугаар 16 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Засгийн газар, УИХ-ын гишүүн асан, ХНХ-ын
сайдын зөвлөхЧ.Улаан “Өнөөдрийн хамгийн том
сургамж нь Монгол Улс өөрийгөө
бие даан авч явах
чадавхтай болох юм” гэснийг “Улс төр” нүүрээс үргэлжлүүлж уншаарай.

Хуульч Б.Агар-Эрдэнэ “Нэг зөрчилд
давхардуулж
хэд хэдэн
шийтгэл
оногдуулж
байгаа нь
завхрал” гэв.

Эдийн засагч Г.Хонгор “Миний тэтгэврийн нэрийн
дансан дахь мөнгө арвижиж байна уу
гэдгийг даатгуулагч өглөө болгон харж
байх ёстой” хэмээн V нүүрт ярилаа.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Уул уурхайд улсын эрх ашиг дээр үү,
сумын эрх ашиг чухал уу?” хэмээн өгүүллээ.

“2021 оны хүний эрх: Халдвар авч
хөөгдсөн, зодсон нөхрөө цагдаад
өгөөд амиа алдсан, Засаг дарга
хүчирхийлэл үйлдсэн… ” тухай илтгэлийг “Нийгэм” нүүрээс уншаарай.

Чөлөөт бөхийн Олон
улсын хэмжээний мастер,
“Хүч”, “Хилчин” спорт
хорооны дасгалжуулагч
асан, Канад улсын чөлөөт
бөхийн шигшээ багийн
зөвлөх, “MJ-бөхийн клуб”-
ийн үүсгэн байгуулагч Н.Лхамсүрэн “Гэр хорооллын хүүхдүүдэд төлбөргүй
бөхийн клуб байгуулсан нь нийгэмд зөв хүн
бэлдэх л зорилготой юм” хэмээн ярилаа.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы мягмар гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
мэдээ нийгэм

Олон улсын хийлчдийн тэмцээнд Монгол хүүхэд анх удаа түрүүлжээ DNN.mn

Чех улсын Усти над Орлици хотноо болсон “Коцианы нэрэмжит” олон улсын өсвөрийн хийлчдийн тэмцээний 11-12 насны ангилалд Монгол Улсын Консерваторын сурагч Анхбаярын Хулан тэргүүн байрыг эзэлжээ.

64 дэх удаагаа зохион байгуулагдаж буй эл тэмцээнд Монгол хүүхэд анх удаагаа түрүүлсэн нь энэ юм.

“Коцианы нэрэмжит” тэмцээнд оролцсон Б.Насанжаргал, Н.Гүнзээ нар тус тусын насны ангилалдаа гуравдугаар байранд шалгарч, У.Намуунбайгаль, М.Мөрөн-Рюки нар тусгай нэгдүгээр байр, Т.Пүрэвцэцэг, А.Анхзаяа, нар тусгай гуравдугаар байранд оржээ.

Элчин сайд Д.Гансүх шилдэг хүүхдүүдийн концертыг үзэж, тэргүүн байр эзэлсэн А.Хуланд шагналыг нь гардуулсан байна.

Ярослав Коциан 1883 онд Усти над Орлици хотод төрсөн Чехийн хамгийн алдартай хийлч бөгөөд түүний нэрэмжит тэмцээн 1959 оноос зохион байгуулагдаж иржээ. Энэ удаагийн тэмцээнд Чех, Словак, Монгол, Словени, Болгар, Франц, Австри, Польш, Япон, Серби, Литва, Итали, Норвеги зэрэг гэсэн орны хүүхдүүд оролцжээ.

Categories
мэдээ нийгэм

​ Улаанбаатарт шөнөдөө 7 хэм хүйтэн DNN.mn


Малчид, иргэд, тээвэрчдэд зориулсан мэдээ: Ойрын хоногуудад уулархаг нутгаар бороо, нойтон цас орж, говь тал хээрийн нутгаар салхитай, ихэнх нутгаар сэрүүвтэр байна.

2022 оны 05 сарын 09-ний 20 цагаас 05 сарын 10-ны 20 цаг
хүртэлх цаг агаарын урьдчилсан мэдээ

Хур тунадас: Баруун аймгуудын нутгаар багавтар үүлтэй, бусад нутгаар солигдмол үүлтэй. Шөнөдөө Хангай, Хэнтийн уулархаг нутаг, говийн бүс нутгийн зүүн өмнөд хэсгээр, өдөртөө Хангай, Хөвсгөл, Хэнтийн уулархаг нутаг, Орхон-Сэлэнгийн сав газраар бороо, нойтон цас орно.

Салхи: Ихэнх нутгаар хойноос секундэд 6-11 метр, өдөртөө Алтайн салбар уулс болон говь, тал, хээрийн нутгаар секундэд 14-16 метр хүрч ширүүснэ.

Агаарын температур: Бага зэрэг хүйтэрч шөнөдөө Дархадын хотгор болон Хангай, Хөвсгөлийн уулархаг нутаг, Хүрэнбэлчир орчим, Идэр, Тэс, Завхан, Тэрэлж голын хөндийгөөр 10-15 хэм хүйтэн, Алтай, Хэнтийн уулархаг нутаг, Эг, Үүр, Хараа, Ерөө, Туул, Хэрлэн голын хөндийгөөр 5-10 хэм хүйтэн, говийн бүс нутгийн өмнөд хэсэг болон Дарьгангын тал нутаг, Халх голын хөндийгөөр 2-7 хэм дулаан, бусад нутгаар 0-5 хэм хүйтэн, өдөртөө Дархадын хотгор болон Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Тэс, Туул, Тэрэлж голын хөндийгөөр 1-6 хэм, Их нууруудын хотгор болон говийн бүс нутгийн баруун өмнөд хэсгээр 16-21 хэм, бусад нутгаар 8-13 хэм дулаан байна.

УЛААНБААТАР ХОТ ОРЧМООР: Шөнөдөө үүл багасна, өдөртөө үүлшинэ. Хур тунадас орохгүй. Салхи хойноос секундэд 6-11 метр. Шөнөдөө Яармаг-Сонгины орчмоор 8-10 хэм, бусад хэсгээр 5-7 хэм хүйтэн, өдөртөө 3-5 хэм дулаан байна.

БАГАНУУР ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 8-10 хэм хүйтэн, өдөртөө 3-5 хэм дулаан байна.

ТЭРЭЛЖ ОРЧМООР: Үүлшинэ. Хур тунадас орохгүй. Салхи хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 10-12 хэм хүйтэн, өдөртөө 2-4 хэм дулаан байна.

2022 оны 05 дугаар сарын 11-нээс 05 дугаар сарын 15-ныг
хүртэлх цаг агаарын урьдчилсан төлөв

11-нд Хангай, Хөвсгөл, Хэнтийн уулархаг нутаг, Халх голын хөндийгөөр, 12-нд баруун аймгуудын нутгийн зүүн, төвийн аймгуудын нутгийн баруун хэсгээр нойтон цас орно. Салхи 11-нд Алтайн уулархаг нутаг болон говь, талын нутгаар секундэд 13-15 метр хүрч ширүүсэж, шороон шуурга шуурна. Алтай, Хангай, Хөвсгөл, Хэнтийн уулархаг нутаг, Идэр, Тэс, Завхан, Байдраг, Туул, Тэрэлж голын хөндийгөөр шөнөдөө 9-14 хэм хүйтэн, өдөртөө 2-7 хэм, Их нууруудын хотгор, говийн бүс нутгийн баруун өмнөд хэсгээр шөнөдөө 2-7 хэм, өдөртөө 16-21 хэм дулаан, бусад нутгаар шөнөдөө 2-7 хэм хүйтэн, өдөртөө 5-10 хэм дулаан байна. 13-наас баруун аймгуудын нутгаар, цаашдаа ихэнх нутгаар дулаарна.

Categories
мэдээ нийгэм

Зам, тээврийн салбар 74.422 мод тарина DNN.mn

Монгол Улсын Ерөнхийлөгч У.Хүрэлсүхийн санаачилсан Тэрбум мод хөтөлбөрийн хүрээнд зам, тээврийн салбар 74.422 мод тарихаар төлөвлөөд байна.

Тодруулбал, мод тарих үндэсний өдөр буюу тавдугаар сарын 14-нд Зам, тээврийн хөгжлийн яам 145, Иргэний нисэхийн ерөнхий газар 15000, Улаанбаатар төмөр зам ХНН 11217, МИАТ ТӨХК 500, Хөшигийн хөндийн нисэх онгоцны буудал ТӨХК 600, Галт тэрэгний хөдөлгөөн зохицуулалтын нэгдсэн төв УТҮГ, Далайн захиргаа 110, Зам, тээврийн хөгжлийн төв ТӨҮГ 50 модыг тус тус тарина. Харин Авто тээврийн үндэсний төв ТӨҮГ 13400, Монголын төмөр зам ТӨХК 33000 модыг салбар нэгжийн хүрээнд жилийн хугацаанд тарихаар төлөвлөcөн. Түүнчлэн тарьсан модоо тогтмол усалж, арчлахад анхаарч байна гэж Зам, тээврийн хөгжлийн яамнаас мэдээллээ.


Categories
мэдээ нийгэм

Өргөө амаржих газар нярайн амбулаторийн тусламж үзүүлдэг боллоо DNN.mn

Өргөө амаржих газар нь Монгол Улсын Засгийн газрын 2021 оны 11 сарын 17-ны 352 дугаар тогтоолоор Эрүүл Мэндийн Яамны харъяа төрөлжсөн мэргэшлийн эмнэлэг болсонтой холбоотойгоор эх нярайн тусламж үйлчилгээний нэр төрлөө нэмэгдүүлж байгаа билээ. Энэ хүрээнд нярайн тусламж үйлчилгээг өргөжүүлэн, Нярайн амбулаторийн тусламж үйлчилгээг шинээр нээж байна. Энэхүү амбуляторыг “Өргөө амаржих газар”-ын эмч нарын хүсэлтийн эмнэлгийн захиргаа, эмч нарын дэмжлэг болон тус эмнэлэгт гурван хүүхдээ өлгийдөн авсан Д.Ганболдын гэр бүлийн хандиваар нээж байгаа юм.

Нярайн амбулаторийн тусламж үйлчилгээг өнөөдрөөс эхлүүлж байгаа ба гүйцэд төрсөн 0-28 хоногийн настай, дутуу төрсөн бол 0-60 хүртэлх хоногийн настайд 8.30-16.30 цагт тусламж үйлчилгээ үзүүлнэ.

Уг тусламж үйлчилгээнд

Нярайн шарлалт болон бусад өвчний оношилгоо, эмчилгээ, зөвлөгөө

Нярайн хооллолтын бэрхшээлийн үеийн зөвлөгөө, сургалт

Нярайн өсөлт хөгжлийн үнэлгээ, зөвлөгөө

Нярайн асаргаа, сувилгаа, зөвлөгөө

Нярайн зүрхний эхо, зулайн эхо, лабораторийн шинжилгээнүүд орно.

Ковид-19 вирусийн өвчлөлтэй холбоотой төрөлтийн тоо харьцангуй цөөрсөн ч нийслэлийн хэмжээнд хамгийн олон төрөлттэй амаржих газар бол Өргөө амаржих газар юм. “Өргөө Амаржих Газар” төрөлжсөн мэргэшлийн эмнэлэг нь 2013 онд өргөтгөлийн Б блокийг ашиглалтанд оруулж, улмаар 2015 оноос нярай хэвтэн эмчлүүлэх 23 ор бүхий нярайн эмгэгийг эмчлэх хэсгийг ажиллуулан ажиллаж эхэлсэн ба 24 цагийн хугацаанд нярайд яаралтай, түргэн тусламжийн үйлчилгээ үзүүлж, шаардлагатай бол хэвтүүлэн эмчилсээр ирсэн. 2021 оны байдлаар улсын хэмжээнд нярайн нас баралт 1000 амьд төрөлтөд 5.9, нийслэлийн хэмжээнд 6.4 байгаа ба “Өргөө Амаржих Газар” төрөлжсөн мэргэшлийн эмнэлгийн хувьд нярайн нас баралт 1000 амьд төрөлтөд 1.9 байгаа нь улсын дунджаас 3.4 дахин, нийслэлийн дундажаас 3.1 дахин бага үзүүлэлт юм. 2022 он гарснаар 1000 гаруй нярайд яаралтай тусламж, 300 гаруй нярайд хэвтүүлэн эмчлэх тусламж үйлчилгээ үзүүлээд байна. Нярайн тасаг нь эрүүл нярайн хэсэг, нярайн эрчимт эмчилгээний хэсэг, нярайн эмгэгийг эмчлэх хэсэг, нярайн хүлээн авах яаралтай тусламжийн хэсэг бүхий бүтэцтэй үйл ажиллагаа явуулдаг ба нийт эмч нарын 50-аас илүү хувь нь хүүхдийн эмчийн ахлах, тэргүүлэх зэрэгтэй.

Цаашид уг үйл ажиллагааг өргөжүүлэх төлөвлөгөө гарган ажиллаж байна.

Categories
мэдээ нийгэм

Маргааш Улаанбаатарт 4 хэм дулаан DNN,mn

Маргааш буюу тавдугаар сарын 10-ны 20 цаг хүртэлх цаг агаарын урьдчилсан мэдээг хүргэж байна.

УЛААНБААТАР ХОТ ОРЧМООР: Шөнөдөө үүл багасна, өдөртөө үүлшинэ. Хур тунадас орохгүй. Салхи хойноос секундэд 6-11 метр. Шөнөдөө Яармаг-Сонгины орчмоор 8-10 градус, бусад хэсгээр 5-7 градус хүйтэн, өдөртөө 3-5 градус дулаан байна.

БАГАНУУР ОРЧМООР: Үүлшинэ. Хур тунадас орохгүй. Салхи баруун хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 8-10 градус хүйтэн, өдөртөө 3-5 градус дулаан байна.

ТЭРЭЛЖ ОРЧМООР: Үүлшинэ. Хур тунадас орохгүй. Салхи хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө 10-12 градус хүйтэн, өдөртөө 2-4 градус дулаан байна.

Categories
мэдээ нийгэм

“Миний мэдэх Өмнөд Монгол”- эсээ бичлэгийн уралдааны дүн гарлаа DNN.mn

Өмнөд Монголын Их Хуралдай болон Дэлхийн Монголчуудын Холбооны хамтран зохион байгуулсан “Миний мэдэх Өмнөд Монгол”- эсээ бичлэгийн уралдаанд Монгол орон даяар нийт 19 аймгийн Ерөнхий Боловсролын дунд, ахлах ангийн 92 сурагч оролцсон бөгөөд шагналт байранд нийт 12 хүүхэд шалгарлаа.

Шагнал гардуулах үйл ажиллагааг 05 сарын 11-ны Өвөр Монголыг дэмжих өдрөөр Монгол Арт Галерэй-д 11:30-д зохион байгуулах юм.

Categories
мэдээ нийгэм

Цусны үүдэл эс шилжүүлэн суулгах хагалгааг энэ жилээс УНТЭ хийдэг болно DNN.mn

Манай улс цусны үүдэл эс шилжүүлэн суулгах хагалгааг хийдэг болж байгаа талаар Эрүүл мэндийн сайд С.Энхболд хэллээ.

Тэрбээр өнөөдөр 11-11 төв ажиллах үеэрээ “Төв талбай дээр байгаа эцэг, эхчүүдтэй Эрүүл мэндийн яамны төлөөлөл уулзсан. Өнөөдөр 11-11 төвд нэг хүүхдийн эцэг, эх ирж, санал гомдлоо хэлсэн.

2021 оны улсын төсөвт тодотголоор 116 тэрбумыг цэвэр эрүүл мэндийн салбарын тоног төхөөрөмжүүдийг сайжруулж, чадавхжуулах зорилгоор худалдан авалтуудыг хийгдсэн. Энэ хөрөнгө оруулалтын хүрээнд цусны үүдэл эс шилжүүлэн суулгах хагалгааг Улсын Нэгдүгээр Төв эмнэлэгт хийх бэлтгэл ажлууд хийгээд байна. Удахгүй насанд хүрсэн эхний нэг хүн энэ хагалгаанд ороход бэлэн болоод байгаа.

Мөн бид тавдугаар сард хүүхдэд энэ хагалгааг хийх бэлтгэл ажлыг хангаж байна. Ер нь гадагшаа явах урсгалыг багасгах, ялангуяа өндөр өртөгтэй оношилгоо шинжилгээг эх орондоо хийдэг болохыг зорин ажиллаж байна.

Манай улсад 26 төрлийн өвчнийг гадаадад хэвтэн эмчлүүлэхээр заасан байдаг. Үүнээс энэ жил дөрвөн өвчнийг өөрийн улс орондоо эмчлэх бүрэн боломж нь нээгдсэн.

Ялангуяа цусны үүдэл эс шилжүүлэн суулгах хагалгааг өөрийн орондоо хийж нутагшуулах зорилт тавьсан нь хийгдэж эхлэх гэж байна” хэмээн хэлсэн юм.