Month: May 2022

Categories
зурхай мэдээ цаг-үе

ЗУРХАЙ: Өдрийн сайн цаг нь үхэр, луу, морь, хонь, нохой, гахай DNN.mn

2022.5.16, ДАВАА ГАРАГ / БИЛГИЙН ТООЛЛЫН: 15

ЗУНЫ ТЭРГҮҮН ХӨХӨГЧИН МОГОЙ САР
ХОЁР ХАР МЭНГЭТЭЙ ШАРАГЧИН МОГОЙ ӨДӨР

  • Аргын тооллын: 2022.5.16, Даваа гараг
  • Наран ургах шингэх: 05.13-20.24
  • Үс засуулбал: Өлзийтэй сайн
  • Барилдлага: Идэр
  • Шүтэн барилдлага: Авахуй
Тухайн өдөр нохой, хонь жилтнээ аливаа үйлийг хийхэд эерэг сайн. Өдрийн сайн цаг нь үхэр, луу, морь, хонь, нохой, гахай болой. Эл өдөр баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэхэд сайн, эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх болой.
Categories
мэдээ нийгэм цаг-үе

ЦАГ АГААР: Улаанбаатарт өдөртөө 22 хэм дулаан байна DNN.mn

Хур тунадас: Шөнөдөө нийт нутгаар багавтар үүлтэй, бороо орохгүй. Өдөртөө нутгийн баруун хэсгээр үүлшинэ, баруун аймгуудын нутгийн баруун хэсгээр бороо орно. Бусад нутгаар багавтар үүлтэй, бороо орохгүй.

Салхи: Нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, тал, хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Дархадын хотгор, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Туул, Тэрэлж голын хөндийгөөр 0-5 градус хүйтэн, Их нууруудын хотгор болон говийн бүс нутгийн өмнөд хэсгээр 8-13 градус, бусад нутгаар 2-7 дулаан, өдөртөө Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан голын эх, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 16-21 градус, Их нууруудын хотгор болон Алтайн өвөр говь, Орхон-Сэлэнгийн сав газраар 25-30 градус, бусад нутгаар 20-25 градус дулаан байна.

УЛААНБААТАР ХОТ ОРЧМООР: Багавтар үүлтэй. Бороо орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 0-2 градус хүйтэн, бусад хэсгээр 5-7 градус, өдөртөө 20-22 градус дулаан байна.

БАГАНУУР ОРЧМООР: Багавтар үүлтэй. Бороо орохгүй. Салхи баруун хойноос секундэд 6-11 метр. Шөнөдөө 2-4 градус, өдөртөө 19-21 градус дулаан байна.

ТЭРЭЛЖ ОРЧМООР: Багавтар үүлтэй. Бороо орохгүй. Салхи баруун хойноос секундэд 5-10 метр. Шөнөдөө 1-3 градус хүйтэн, өдөртөө 17-19 градус дулаан байна.

Categories
мэдээ нийгэм онцлох-нийтлэл туслах-ангилал

ТОЙМ: “Англи хэлийг нэгдүгээр ангиас нь заадаг болъё” хэмээн өгүүллээ DNN.mn

Өглөө бүр тантай хамт байдаг “Өдрийн сонин”-ы даваа гаригийн дугаар 16 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Хөдөлмөр нийгмийн
хамгааллын сайд асан, УИХын гишүүн С.Чинзориг “Тэжээгчээ алдсаны
тэтгэмж нь тэтгэвэр өвлөгдөж
байгаагийн нэг хэлбэр гэж
үзэж болно” гэснийг “Улс төр” нүүрээс үргэлжлүүлж уншаарай.

Булган аймгийн ХутагӨндөр сумын засаг
дарга П.Лхагва-Очир “2021 онд
байнгын болон
түр 230 ажлын
байр бий
болгосон” гэв.

МУИС-ийн Улс төр
судлалын тэнхимийн багш,
доктор Д.Бумдарь “Хүний оршихуйг үл
хүндэтгэж, өөрөө
ганцаараа байгаа юм
шиг хэт нацист авирлаж
болохгүй” хэмээн ярилаа.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт “Англи хэлийг нэгдүгээр
ангиас нь заадаг болъё” хэмээн өгүүллээ.

Энэ удаагийн “Өдрийн сурвалжилга”-аа нийслэлийн ХУД-ийн 34
дүгээр сургуулиас бэлтгэлээ. Төгсөлтийн баярын дараа заавал
зугаалгаар явдаг гэх ойлголт
уламжлалт ёс шиг тогтжээ.

Зүүн хүрээ Дашчойлин
хийдийн лам, АНУ-ын
“Чикаго Радна Шри Санга”
төвийн дэд ерөнхийлөгч Р.Алтантитэм “Монголчуудыг
асрал хайр, нигүүлсэнгүй сэтгэл,
бодийн сэтгэл гурав нэгтгэдэг” хэмээснийг “Хүмүүс” нүүрээс уншаарай.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы даваа гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
гадаад мэдээ

БНАСАУ: Өдөрт 300 мянга орчим халдвар илэрч, 42 хүн нас баржээ DNN.mn

Умард Солонгост сүүлийн нэг өдрийн дотор 296 мянган хүнд халуурсан шинж тэмдэг илэрсэн байна. Дөрөвдүгээр сарын сүүлээс хойш коронавируст халдварын нийт тохиолдлын тоо 821 мянга орчимд хүрсэн хэмээн тус улсын Мэдээллийн Төв Агентлаг /KCNA/ мэдээллээ.

Мэдээлэлд дурдсанаар, өдөрт нийтдээ 15 хүн “халуурч” нас баржээ. Нийт нас барсан хүний тоо 42 болж, 496 мянган хүн эдгэрч, 324 мянган өвчтөн эмчлүүлж байгаа аж. Гэсэн ч, чухам хэдэн хүн “КОВИД-19”-ийн халдвар авсан болохыг тус агентлаг тодорхой мэдээлээгүй байна.

Өмнөд Солонгосын мэдээллийн “Ёнхап” /Yonhap/ агентлагийн мэдээлснээр, Умардад коронавирусийн халдварыг батлах шинжилгээ болон бусад тоног төхөөрөмж дутмаг байгаагаас халдвар авсан хүний тоог тодорхой дурдахгүй байгаа гэсэн таамгийг дэвшүүлээд байна.

Kim: COVID-19 throwing country into 'great turmoil' amid rising death toll

Умард Солонгост коронавируст халдварын анхны тохиолдол тавдугаар сарын 12-нд албан ёсоор бүртгэгдэж, удирдагч Ким Жон Ун Улс Төрийн Товчооны хуралдааны үеэр халдвар тархах бүх аргыг таслан зогсоож, хил гаалийн хяналтыг чангатгахыг үүрэг болгосон. Уулзалтын дараа тус улсын Улс Төрийн Товчоо хорио цээрийн арга хэмжээг боловсруулж, хэрэгжилтэд хатуу хяналт тавин ажиллахыг холбогдох газруудад үүрэг болгожээ.

Categories
гадаад мэдээ

АНЭУ-ын Ерөнхийлөгч таалал төгссөнд НҮБ-ын тэргүүн эмгэнэл илэрхийлэв DNN.mn

НҮБ-ын ЕНБД Антониу Гутерриш Арабын Нэгдсэн Эмират улсын Ерөнхийлөгч шейх Халифа бин Заид Аль Нахайян 73 насандаа таалал төгссөнд харамсаж байгаагаа илэрхийллээ.

А.Гутерриш АНЭУ-ын хааны гэр бүл, Засгийн газар, ард түмэнд эмгэнэл илэрхийлсэн талаар НҮБ-ын ЕНБД-ын орлогч Фархан Хак мэдэгдлээ.

Шейх Халифа бин Заид Аль Нахайян нь 2004 онд АНЭУ-ын Ерөнхийлөгчөөр томилогдож, тус улсыг үндэслэгч өөрийн эцэг шейх Заид бин Султан Аль Нахайянын халааг авсан юм. Түүнийг төрийн тэргүүнээр ажиллах хугацаанд тус улс эдийн засаг томоохон ололт амжилтыг олж, АНЭУ бүс нутагтаа төдийгүй дэлхийн хэмжээнд эерэг чиг хандлага руу хөтөлж, хөгжлийн чухал үеийг туулсан хэмээн хэвлэлүүд онцолжээ.

Categories
гадаад мэдээ

​ Финландын ерөнхийлөгч НАТО-д элсэх болсон шалтгаанаа тайлбарлав DNN.mn

зураг

Бямба гаригт Финланд улсын ерөнхийлөгч Саули Ниинисто ОХУ-ын ерөнхийлөгч Владимир Путинтэй утсаар ярихдаа тус улс НАТО-д гишүүнээр элсэх болсныг мэдэгджээ.

Финланд улс удахгүй гишүүнээр элсэх албан ёсны хүсэлтээ гаргах гэж байгаа юм. Тус улс ОХУ-тай 1,300 орчим километр урт шугамаар хиллэдэг.

Финланд улсын эрх баригчид шийдвэрээ зарласны дараа ОХУ-ын гадаад хэргийн яам сүрдүүлсэн агуулгатай мэдэгдэл гаргаж, цахилгаан эрчим хүчний нийлүүлэлтээ зогсоож байв.

ОХУ-ын зэвсэгт хүчин Украины газар нутагт халдан довтолсон явдал Финландын аюулгүй байдалд заналхийлсэн тул НАТО-д гишүүнээр элсэх болсноо Ниинисто Путинд тайлбарласан байна.

“Яриа шулуун, илэн далангүй, хурцадмал байдалд хүрэлгүй болж өнгөрлөө” гэж Ниинисто сүүлд мэдэгджээ.

“Тусгаар тогтносон улс бүр аюулгүй байдлаа дээд зэргээр хангах ёстой. Одоо ч ийм үйл явдал өрнөж байна. Финланд улсын хувьд НАТО-д элссэнээр аюулгүй байдлаа улам бэхжүүлэх юм. Энэ бол бусад улс орнуудад өрнөж буй үйл явдалтай ижил зүйл” гэж тэр Путинд тайлбарласан байна.

Ниинисто бас Оросын зүгээс Украинд явуулж буй дайны улмаас энгийн иргэд зовж, хэлмэгдэж буйд маш их санаа зовж байгаагаа Путинд илэрхийлжээ.

Харин Путиний хувьд Финланд улсын ерөнхийлөгчид ямар нэг сүрдүүлсэн агуулгатай зүйл хэлээгүй байна.

“Финланд улсад бодитой аюул занал учраагүй байхад төвийг сахих уламжлалт бодлогоо өөрчилж буй нь алдаа юм” гэж Путин Ниинистод хэлснийг Кремлийн хэвлэлийн алба мэдээлжээ.

Ийм өөрчлөлт нь “Орос-Финландын хооронд олон жилийн турш хөгжиж ирсэн сайн хөршийн харилцаа, хамтын ажиллагаанд сөргөөр нөлөөлнө” гэж үзэж байгаагаа Путин илэрхийлсэн тухай Кремлийн мэдэгдэлд бас өгүүлсэн байна.

Categories
мэдээ нийгэм

Малчин Ч.Цэгмид өдөрт гүйхээр тооцоолсон замаасаа 5 км илүү гүйж байна DNN.mn

Баянхонгор аймгийн Бууцагаан сумын Баянбүрд дөрөвдүгээр багийн малчин Ч.Цэгмид /60 настай/ Улаанбаатар хот хүртэлх 790 км замын холын зайн гүйлтээ энэ сарын 10-нд Хавтгай улааны арын хондны хаваржаанаасаа эхлүүлсэн. Тэгвэл гүйлтээ эхлүүлсэн дөрөв дэх өдөр буюу тавдугаар сарын 14-нд 160 км-ийг туулан Баянхонгор аймгийн төвд иржээ.

Түүнийг өчигдөр Баянхонгор аймгийн ИТХ, ЗДТГ, БТСГ-ын удирдлага, Номгон сургуулийн захирал хүүхэд багачууд, тус сургуулийн 1982 оны төгсөгчид буюу ангийн нөхөд, ах дүүс, Бууцагаан сумын нутгийн зөвлөл, Цагдаагийн газрын хамт олон угтан авсан байна. Тамирчинд үзлэг хяналт хийсэн аймгийн Нэгдсэн эмнэлгийн эмч сувилагчид түүний биеийн байдал хэвийн тогтвортой сайн байна гэдгийг мэдэгджээ.

Дөрвөн хүүхдийн эх, малчин эмэгтэй Ч.Цэгмид нь Баянхонгор аймаг байгуулагдсаны түүхт 80 жилийн ой, Монгол улсын Гавьяат багш Н.Биндэръяагийн нэрэмжит Номгон сургуулийн 60 жилийн ойд зориулан малчдын тэсвэр хатуужлыг харуулахаар нийт малчдаа төлөөлөн хийж байгаа гүйлтээ өнөөдөр Номгон сургуулийн гаднаас үргэлжлүүлэх аж. Ч.Цэгмид өнөөдрийн байдлаар тооцооллоосоо 5 км түрүүлэн гүйж байгаа бөгөөд өдөрт 30 км гүйсээр зургадугаар сарын 04-ний өдөр улсын нийслэл, Сүхбаатарын талбайд очих юм.

Categories
мэдээ спорт

​ Чөлөөт бөхөөс дифлимпийн анхны аваргатай боллоо DNN.mn


Сонсголын бэрхшээлтэй иргэдийн спортын зуны XXIV олимпын наадам Бразилын Кашиас-ду-Сул хотод болж байна. Дөрвөн жил нэг удаа болдог дифлимпийн наадмын чөлөөт бөхийн төрөлд Өвөрхангай аймгийн БТСГ-ын дасгалжуулагч, спортын мастер Э.Баттүшигийн удирдлага дор манай улсаас гурван тамирчин оролцсоноос Өвөрхангай аймгийн тамирчин, “Самсун-2017” дифлимпийн мөнгөн медальт, дифийн өсвөр үе, залуучуудын дэлхийн аварга, Намдагдоржийн Эрхэмбаяр 65 кг-ын жинд алтан медаль хүртэж Монгол Улсын алтан соёмбот далбаагаа мандуулж төрийн дууллаа эгшиглүүлэв.

Тэрбээр шөвгийн наймд Казахстаны Пернешийг 9:6-аар, хагас шигшээд дөрвөн жилийн өмнө Самсуны дифлимпод ялагдаж байсан Ираны Ростамабадиг 9:1-ээр, финалд Кыргыстаны Исаковыг 14:4-өөр ялснаар чөлөөт бөхийн төрөлд дифлимпийн анхны аварга болов. Монголын тамирчдаас дифлимпод “Тайпей-2009” гавьяат тамирчин Дамдины Очбадрал жүдо бөхийн төрөлд анхны алтан медалийг авчирч байсан бөгөөд ийнхүү 13 жилийн дараа Н.Эрхэмбаяр чөлөөт бөхөөр хоёр дахь аваргаар тодорч байна.

Түүнээс гадна өмнөх димфлимпийн мөнгөн медальт Д.Чинзориг 70 кг-ын жинд 7, хүрэл медальт Ш.Батбаатар 74 кг-д 5 дугаар байрт тус тус оров.

Categories
гадаад мэдээ

​ Хятад улс иргэдээ гадагшаа аялахыг хориглов DNN.mn

Хятад улс иргэдээ гадагшаа аялахыг хориглов

Хятадын засгийн газраас иргэддээ олон улсад аялахыг хориглосон “де-факто” хориг тавьжээ. Тодруулбал, цар тахлыг тэглэх бодлогын хүрээнд “зайлшгүй шалтгаантай” биш бол Хятад улсын иргэдийг гадаадад аялахыг нь хориглох гэнэ.

Хятадын үндэсний цагаачлалын удирдах газраас гадаад руу явах хүмүүсийг хязгаарлаж, пасспорт зэрэг бичиг баримтын хяналтыг чангатгаж буйгаа өнгөрсөн Пүрэв гаригт мэдэгджээ. Энэхүү шийдвэр нь гадаадын орон руу явах болон ирэхэд халдвар тараах эрсдэлийг бууруулах зорилготой гэдгийг тус газраас мэдэгдсэн байна. Гадаадад зорчих иргэдийн хувьд зайлшгүй шалгаан гэдэг нь ажилдаа буцаж орох, суралцах, бизнес, шинжлэх ухааны судалгаа хийх, эрүүл мэндийн тусламж үйлчилгээ авах зэрэг аж.

Үүний зэрэгцээ халдварын тархалт өндөр байгаагаас шалтгаалан хатуу хөл хорио тогтоосон Бээжин, Шанхай зэрэг хотуудаас иргэд “зугтах” оролдлого хийж буйн эсрэг арга хэмжээ авч байна гэж харж байна. Өнөөдрийн байдлаар Хятадын 32 хотод бүтэн болон хэсэгчилсэн хөл хориотой байгаа бөгөөд 220 сая хүн хөл хоригджээ.

Хятадын иргэдийн хувьд гадаад руу аялах нь 2000-аад оны эхэн үе хүртэл маш хязгаарлагдмал байсан. Харин цар тахал гарахаас өмнө 2019 онд Хятадын 670 сая иргэн гадаадад аялсан судалгаа гарчээ.

Categories
гадаад мэдээ

Энэтхэгт агаарын хэт халалтын улмаас шувууд тэнгэрээс олноороо унах болжээ DNN.mn

зураг

Энэтхэгт үргэлжилж буй агаарын хэт халалтын улмаас усны дутагдалд орж, тамирдсан шувууд тэнгэрээс газарт олноороо унах болжээ.

Тухайлбал тус улсын баруун бүсийн Гужарат мужид сүүлийн өдрүүдэд агаарын температур Цельсийн 43 хэмээс буухгүй байгаа бөгөөд өдөр бүр олон тооны шувууд газарт унадаг болсон байна.

Сүүлийн сар хүрэхгүй хугацаанд Ахмедабад хотын малын эмнэлэг ингэж унасан олон мянган шувууг эмчилжээ.

“Энэ жилийн хувьд онцгой хүнд байна. Тусламж үзүүлэх шаардлагатай шувууны тоо өмнөх жилээсээ 10 хувиар өслөө” хэмээн сүүлийн арав гаруй жил энэ чиглэлд ажиллаж буй эмч Манож Бхавсар ярьж байна.

Эмч нар унасан шувуудын аманд тариураар ус шахаж, хүч чадлыг нь сэлбэх амин дэм уулгадаг гэнэ.

Шувуудаас гадна муур зэрэг амьтад бас шингэн алдсаны улмаас эмнэлэгт ирэх болжээ.

Гуравдугаар сараас хойш Энэтхэг, Пакистаны нутагт асар хүчтэй агаарын халалт үргэлжилж байна. Дэлхийн Цаг уурын Байгууллага өнгөрсөн гуравдугаар сарыг Энэтхэгийн түүхэнд хамгийн халуун гуравдугаар сар болсныг тогтоосон юм.

Энэ сард Энэтхэг-Пакистаны хилийн бүс нутагт агаарын температур Цельсийн 50 хэм хүрэх урьдчилсан таамаг гарчээ.

Ган гачгийн улмаас ургац алдах нь тодорхой болсон тул Энэтхэгийн засгийн газар саяхан үр тарианы экспортыг хориглосон байна.

Гуравдугаар сараас хойш агаарын хэт халалтын улмаас тус улсад 25 хүн амиа алджээ.