Month: May 2022

Categories
мэдээ нийгэм

Маргааш Үндэсний цэцэрлэгт хүрээлэнд зүрх, судасны өвчнийг эрт илрүүлэх үзлэг хийнэ DNN.mn

Дэлхийн Өрхийн эмч нарын өдрийг тохиолдуулан маргааш Үндэсний цэцэрлэгт хүрээлэнд өрхийн эмч нар зүрх судасны өвчнөөс урьдчилан сэргийлэх үзлэг хийхээр болжээ.

Уг арга хэмжээний хүрээнд иргэдийн эрүүл мэндийг асуумжаар үнэлэн, артерийн даралт хэмжин, сахар, холестерин үзэх шинжилгээ, зүрхний бичлэг хийх бөгөөд биеийн бүтцийг оношилж, зөвлөгөө өгөх аж.

Энэ тухай Монголын өрхийн анагаах ухааны мэргэжилтнүүдийн холбооны ерөнхийлөгч С.Ламбаа “Өрхийн эрүүл мэндийн төв гэдэг бол иргэнд нийтийн эрүүл мэндийн тусламж үйлчилгээг хүргэж байдаг чухал бүтэц юм. Энэ бүтцийн хүрээнд нийт аймаг, нийслэл, хот тосгонд 206 өрхийн эрүүл мэндийн төв, өрхийн эрүүл мэндийн төвийн 19 салбар гээд нийт 225 тогтолцооны байгууллага ажиллаж байна.

Бид удаа дараа өрхийн эрүүл мэндийн төвүүдийг стандартын дагуу бүрэн эмч нараар хангахыг шаардаж байгаа. Одоогоор 20 хүний гүйцэтгэх ажлыг аравхан хүн гүйцэтгэж байгааг хэлье.

Маргааш буюу тавдугаар сарын 19-ний өдөр Дэлхийн Өрхийн эмч нарын өдөр тохионо. Энэ өдрийг тохиолдуулан маргааш Үндэсний цэцэрлэгт хүрээлэнд 10:00-14:00 цагийн хооронд үзлэг хийх арга хэмжээг зохион байгуулна.

Мөн ирэх амралтын өдрүүдэд Налайх дүүрэгт ӨЭМТ-ийн тамирчид волейбол, сагсан бөмбөгөөр өрсөлдөх тэмцээнийг зохион байгуулж байгаа.

Бид энэ өдрийг аль болох бүтээлчээр, хамт олныхоо урам зоригийг сэргээсэн, эмч нарын нэр хүндийг сэргээсэн үйл ажиллагааг явуулахыг зорьж байна.

Мөн тэрбум мод хөдөлгөөнд ӨЭМТ-ийн бүх ажилчид хамрагдаж нийт 9,000 мод тарих зорилт тавих ажиллаж байна” хэмээн ярилаа.

Монголын өрхийн анагаах ухааны мэргэжилтнүүдийн холбооны УЗ-ийн Нарийн бичиг Ж.Алтантуул “Маргаашийн үйл ажиллагаа “Өрхийн эмч таны зүрхэнд” уриатайгаар зохион байгуулагдана.

Зөвхөн 2021 оны статистик үзүүлэлтийг харахад, нийт нас баралтын 32.8 хувийг зүрх судасны өвчин дангаараа эзэлж байна. Өөрөөр хэлбэл, зүрх судасны өвчнийг эрт илрүүлж эмчлэх арга хэмжээ авахгүй бол тархины цус харвалт болон зүрхний шигдээсийн хүндрэлээр нас барах тохиолдол их байгаа юм.

Бид тус арга хэмжээний үеэр тухайн хүнд зүрх судасны өвчний ямар эрсдэл байгаа болон цаашид юун дээр анхаарах вэ гэдэг дээр үзлэг зөвлөгөө өгөх юм. Иймд иргэд өргөнөөр оролцохыг уриалж байна” гэсэн юм.

Categories
мэдээ нийгэм

Япон: Атомын цахилгаан станцуудаа дахин идэвхжүүлнэ DNN.mn

Япон: Атомын цахилгаан станцуудаа дахин идэвхжүүлнэ

Японы Эрчим хүчний яамнаас өнгөрсөн долоо хоногт эрчим хүчний аюулгүй байдлыг хангах стратегиа танилцуулсан. Энэ хүрээнд атомын цахилгаан станцуудыг дахин идэвхжүүлэхийн зэрэгцээ ашиглалтын аюулгүй байдлыг нэн тэргүүнд хангана гэжээ. “Украины дайн, эрчим хүчний хангамжийн хямралын хариуд бид цөмийн эрчим хүч зэрэг өөрт байгаа бүх хүчин чадлаа бүрэн ашиглана” гэж Эдийн засаг, худалдаа, аж үйлдвэрийн сайд Коичи Хагиуда хэвлэлийн бага хурал дээр хэлсэн.

Тэгвэл тус улсын аж үйлдвэрийн сайд өчигдөр шинэ атомын цахилгаан станц барих бодолгүй байна гэж хэлэв.

Японд 40 жилийн ашиглалтын хязгаартаа ойртож буй реакторууд нэлээн олон байгаа бөгөөд цаашдын цөмийн эрчим хүчний салбарын ирээдүйг тодорхойлох шаардлага аж үйлдвэрийн салбарт тулгарч байна. Тиймээс сул зогссон цөмийн реакторуудыг хурдан сэргээхийг Байгалийн нөөц, эрчим хүчний агентлагт уриалжээ.

Японы зүүн хойд хэсэгт 2011 онд болсон хүчтэй газар хөдлөлтийн улмаас Фүкүшимагийн цөмийн цогцолборт гамшиг нүүрлэсэн. Энэ явдлын дараа тус улсын 36 атомын цахилгаан станцын 10 нь аюулгүй ажиллагааны хатуу дүрэм журмын дагуу ажиллаж эхэлсэн.

Засгийн газраас өнгөрсөн онд танилцуулсан эрчим хүчний төлөвлөгөөний дагуу 2050 он гэхэд нүүрстөрөгчийг саармагжуулахын тулд нийт эрчим хүчний 20-22 хувийг цөмийн эрчим хүчээр, 36-38 хувийг сэргээгдэх эрчим хүчээр хангана гэжээ.

Categories
мэдээ нийгэм

Тээврийн хэрэгслийн албан татвараа төлөх хугацаа ирэх сарын 1-нээр дуусгавар болно DNN.mn

Автотээврийн болон өөрөө явагч хэрэгслийн албан татварын хуулийн хугацаа зургаадугаар сарын 1-нээр дуусгавар болж байгаа тул татвараа төлөхийг холбогдох байгууллагаас санууллаа.

Тээврийн хэрэгслийн татварыг дараах боломжуудаас сонгож цахимаар төлөх боломжтойг тодотгов.

  1. ebarimt app
  2. www.etax.mta.mn
  3. www.smartcar.mn
  4. Гэрэгэ киоск

Хувь хүн нь авто тээврийн болон өөрөө явагч хэрэгслийн жилийн албан татварыг жилд нэг удаа тухайн жилийн зургаадугаар сарын 1-ний өдрөөс өмнө харьяалах татварын албанд төлнө.

Хэрэв зургаадугаар сарын 1-нээс хойш авто тээврийн болон өөрөө явагч хэрэгслийг импортоор оруулж ирсэн бол харьяалах татварын албанд тухайн жилдээ багтаан үлдсэн хугацаанд ногдох татварыг төлнө хэмээн заажээ.

Албан татварын хэмжээ:

Автотээврийн болон өөрөө явагч хэрэгслийн төрөл Жилд ногдуулах албан татварын дээд, доод хязгаар /төгрөгөөр/
Улаанбаатар хот, Дархан-Уул, Орхон аймгийн төвийн сумд Бусад сумд
1 2 дугуйтай мотоцикл 2,000-6,000 1,800-5,400
2 3 дугуйтай мотоцикл 1,500-9,000 2,800-8,400

3

Суудлын автомашин:

а/ 2001 см3 хүртэл

б/ 2001-3001 см3 хүртэл в/ 3001 см3 болон түүнээс дээш

 /Цилиндрийн багтаамжийн нэг см3 тутамд төгрөгөөр/

16-48

18-54 22-66

14-42

16-48 20-60
4 Микроавтобус /15 хүртэл суудалтай/ 35,000-105,000 28,000-84,000
5 Автобус 52,000-156,000 40,000-120,000
6 Ачааны автомашин:

1/ 1 хүртэл тн-ын даацтай

2/ 1-2 тн-ын даацтай

3/ 2-3 тн-ын даацтай

4/ 3-5 тн-ын даацтай

5/ 5-8 тн-ын даацтай

6/ 8-10 тн-ын даацтай

7/ 10-20 тн-ын даацтай

8/ 20-30 тн-ын даацтай

9/ 30-40 тн-ын даацтай

10/ 40-50 тн-ын даацтай

11/ 50-60 тн-ын даацтай

12/ 60-70 тн-ын даацтай

13/ 70-80 тн-ын даацтай

14/ 80-90 тн-ын даацтай

15/ 90-100 тн-ын даацтай 16/ 100 тн-оос дээш даацтай

25,000-75,000

35,000-105,000

45,000-135,000

55,000-165,000

80,000-240,000

90,000-270,000

100,000-300,000

120,000-420,000

180,000-540,000

220,000-660,000

280,000-840,000

320,000-960,000

360,000-1,080,000

400,000-1,200,000

440,000-1,320,000 480,000-1,440,000

20,000-60,000

28,000-84,000

36,000-108,000

44,000-132,000

64,000-192,000

72,000-216,000

80,000-240,000

120,000-360,000

180,000-480,000

200,000-600,000

240,000-720,000

280,000-840,000

320,000-960,000

380,000-1,140,000

420,000-1,260,000 440,000-1,320,000
7 Тусгай зориулалтын автомашин 16,000-48,000 15,000-45,000
8 Трактор, өөрөө явагч бусад хэрэгсэл 14,000-42,000 11,200-33,600
9 Бага оврын трактор 7,000-21,000 5,600-16,800
10 Чиргүүл /даацын 1 тонн тутамд/ 5,500-16,500 5,500-16,500

Татварын хэмжээг тодорхойсон хүснэгтийн 8 дахь хэсгийн трактор, өөрөө явагч бусад хэрэгсэлд үр тарианы комбайн, гинжит трактор хамаарахгүй зохицуулалттай байна.

Categories
мэдээ нийгэм

Үндэсний их баяр наадмын соёл, урлагийн арга хэмжээний хөтөлбөрийн талаар танилцуулав DNN.mn

Засгийн газрын өнөөдрийн хуралдаанд Үндэсний их баяр наадмын нэр, нэршлийн талаар болон наадмын соёл, урлагийн арга хэмжээний ерөнхий найруулагчийн баг болон наадмын нээлт хаалт, хүндэтгэлийн концертын хөтөлбөрийн талаар танилцуулга хийсэн байна.

Үндэсний их баяр наадмын соёл, урлагийн арга хэмжээний ерөнхий найруулагчаар төрийн шагналт, урлагийн гавьяат зүтгэлтэн, найруулагч Н.Наранбаатар ажиллана.

Үндэсний их баяр наадмын Соёл, урлагийн арга хэмжээг Соёлын яам, Соёл, урлагийн салбар хороо хариуцан нэгдсэн удирдлага, зохион байгуулалтаар ханган ажилладаг хэмээн Засгийн газрын хэвлэл мэдээлэл, олон нийттэй харилцах газраас мэдээллээ.

Categories
мэдээ нийгэм

Тавантолгой-Зүүнбаян чиглэлийн төмөр зам дагуу зэрлэг амьтдад зориулсан гарцын зураг төсөл батлагдсан DNN.mn

Америкийн Нэгдсэн Улсын Олон улсын хөгжлийн агентлагаас хэрэгжүүлж буй “Шугаман дэд бүтцийг байгальд ээлтэй байдлаар төлөвлөн хэрэгжүүлэх нь (ALIGN)” төслийн танилцуулах уулзалт өчигдөр боллоо.

“Дорноговь аймгийн Алтанширээ, Өргөн суманд хоёр байршилд 1,200 метр газрын өргөст торыг авсан”

Зам, тээврийн хөгжлийн яамны Бодлого, төлөвлөлтийн газрын дарга Д.Гэрэлням “Зам, тээврийн салбараас байгаль орчин, ан амьтдын амьдрах орчин, нүүдлийн замд үзүүлэх сөрөг нөлөөллийг бууруулах чиглэлээр хууль эрх зүйн орчин стандарт норм боловсруулах, судалгааны ажилд зөвлөмж чиглэл өгөх үүрэг бүхий Байгаль орчин, аялал жуучлал, Зам, тээврийн хөгжлийн дэд сайдаар ахлуулсан ажлын хэсэг байгуулан холбогдох газар, байгууллагуудтай хамтран ажиллаж ирсэн. Энэхүү ажлын хэсгийн хүрээнд “Тал хээр, говь цөлийн бүсийн авто болон төмөр зам дагуу зэрлэг амьтдад зориулсан гарц болон “Уулархаг нутгийн зам, зам байгууламжийн зэрлэг амьтдад зориулсан гарц гэсэн хоёр стандартыг мөрддөг.

Түүнчлэн Байгаль орчин, аялал,жуулчлалын яам, ШУА-ийн Ерөнхий болон сорилын биологийн хүрээлэн, Дэлхийн байгаль хамгаалах сангийн Монгол дахь хөтөлбөрийн газар, “Улаанбаатар төмөр зам” ХНН, “Оюутолгой” ХХК-ны холбогдох мэргэжилтнүүдтэй хамтран 2019 оны тавдугаар сард Дорноговь аймгийн Алтанширээ, Өргөн суманд хоёр байршилд 1,200 метр газрын өргөст торыг авсан.

зураг

Мөн Тавантолгой-Зүүнбаян төслийн төмөр замын чиг дагуу 10 байршилд зэрлэг амьтдад зориулсан нэг түвшний гарцыг төлөвлөж зураг төсөл батлагдсан байна. Авто замын хувьд шинээр барьж байгуулах замд нэг түвшний гарцыг ихэвчлэн төлөвлөн хэрэгжүүлж байгаа” гэв.

зураг

Үргэлжлүүлэн Дэлхийн байгаль хамгаалах сангийн Монгол дахь хөтөлбөрийн газрын ахлах мэргэжилтэн Б.Гантулга төслийн талаар танилцуулав.

Тус төсөл нь дөрвөн жилийн хугацаанд хэрэгжих бөгөөд шугаман дэд бүтцийг байгальд ээлтэй байдлаар төлөвлөн хэрэгжүүлэхэд талуудын чадавхыг нэмэгдүүлэх, хууль эрх зүйн орчныг сайжруулах замаар зэрлэг ан амьтдыг хамгаалах зорилготой аж.

Уулзалтад Зам, тээврийн хөгжлийн яамны Бодлого, төлөвлөлтийн газрын дарга Д.Гэрэлням, Байгаль орчин, аялал жуулчлалын яамны газрын дарга Г.Хоролмаа, АНУ-ын Олон улсын хөгжлийн агентлагийн дэд захирал Стийв Уинкейтс, Дэлхийн байгаль хамгаалах сангийн Монгол дахь хөтөлбөрийн газрын дарга Д.Батболд оролцсон гэж Зам, тээврийн хөгжлийн яамнаас мэдээллээ.

Categories
мэдээ нийгэм

Японд болох аялал жуулчлалын үзэсгэлэнд Монгол Улсыг оролцохыг урилаа DNN.mn

Байгаль орчин, аялал жуулчлалын сайд Б.Бат-Эрдэнэ Япон улсын Газар, дэд бүтэц, зам тээвэр, аялал жуулчлалын дэд сайд Т.Ватанабэтэй уулзав.

Уулзалтын эхэнд Байгаль орчин, аялал жуулчлалын сайд Б.Бат-Эрдэнэ Япон улсын Газар дэд бүтэц, зам тээвэр, аялал жуулчлалын дэд сайдад Монгол, Япон хоёр улсын хооронд дипломат харилцаа тогтоосны 50 жилийн ойн мэндийг хүргээд, дараагийн 50 жилд хоёр орны харилцаа бүхий л салбарт шинэ шатанд хүрч, хөгжинө гэдэгт итгэл төгс байгаагаа илэрхийлж, Монгол Улсын Ерөнхий сайд Л.Оюун-Эрдэнийн мэндчилгээг хамтатган уламжлав.

зураг

Дашрамд дурдахад, 1972 оны хоёрдугаар сарын 24-ний өдөр Монгол, Япон хоёр улсын хооронд дипломат харилцаа тогтсон бөгөөд энэ жил 50 жилийн ой тохиож байгаа билээ.

Талууд үргэлжлүүлэн аялал жуулчлалын салбарын өнөөгийн нөхцөл байдал, цаг үеийн тулгамдаж буй асуудал, цаашид урт удаан хугацаанд тогтвортой, үр дүнтэй хамтран ажиллах чиглэлээр санал солилцож, бүс нутгийн аялал жуулчлал, эдийн засгийг сэргээх чиглэлээр харилцан хамтран ажиллахаар болсон юм.

КОВИД-19 цар тахлын эрчим намжиж байгаа хэдий ч аялал жуулчлалын салбар хэвийн түвшинд хүрч ажиллах хүртэл тодорхой цаг хугацаа шаардаж байгааг Япон улсын Газар, дэд бүтэц, зам тээвэр, аялал жуулчлалын дэд сайд Т.Ватанабэ яриандаа дурдаад, тус улсын хувьд цөөн тооны групп аялал жуулчлалыг тавдугаар сарын 17-ны өдрөөс албан ёсоор зөвшөөрч, хилийн хяналтыг үе шаттайгаар сааруулахаар төлөвлөж байна гэж ярив.

Түүнчлэн цаашид Япон улс цар тахлаас улбаалсан хилийн хяналт, зорчих хөдөлгөөний хязгаарлалтыг шат дараатай сааруулах чиглэлээр анхаарч ажиллаж байна гэсэн юм.

Түүнээс гадна КОВИД-19 цар тахлаас өмнө буюу 2019 онд Монголоос Япон улсад 31 мянган жуулчин, харин Японоос Монгол Улсад 24 мянган жуулчин харилцан зочилж байсан бол энэ жил манай улсын 1,685 жуулчин Япон улсад иржээ.

Тиймээс цаашид хоёр орны жуулчдыг урсгалыг нэмэгдүүлэх, аялал жуулчлалыг хөгжүүлэх, хамтын ажиллагааг шинэ шатанд хүргэх чиглэлээр анхаарч, хамтран ажиллах саналтай байгаагаа Япон улсын Газар, дэд бүтэц, зам тээвэр, аялал жуулчлалын дэд сайд Т.Ватанабэ илэрхийлж байв. Мөн тэрбээр үргэлжлүүлэн хэлэхдээ Монгол Улсыг гадаадад тэр дундаа Япончуудад таниулах асуудлыг эрчимжүүлэх шаардлагатай байгааг онцлоод, намар есдүгээр сард тус улсад болох аялал жуулчлалын үзэсгэлэнд өндөр ач холбогдол өгч оролцохыг урьсан юм.

Уулзалтын төгсөлд талууд хоёр орны “Стратегийн түншлэл”-ийг бэхжүүлэх, хамтын ажиллагааг эрчимжүүлэх зэрэг асуудлын талаар ярилцаж, санал нэгдэв. Уг уулзалтад Япон улсад суух элчин сайд Д.Батжаргал, ЭСЯ-ны зөвлөх У.Өлзийням нарын албаны төлөөлөл оролцлоо.

Categories
мэдээ нийгэм

Энэ жил Туул голын эрэг дагуух гурван байршилд тохижилт хийж дуусна DNN.mn

Энэ жил Туул голын эрэг дагуух 3.68 га талбай болон Дугуй цагаан хүртэлх уулын алхалтын 35 га талбайг тохижуулах ажлыг эхлүүлэх талаар албаныхан мэдээлсэн. Тэгвэл энэ талаар Нийслэлийн Засаг дарга Д.Сумъяабазар мэдээлэл өглөө.

Тэрбээр “Өнгөрсөн хугацаанд бид иргэд, аж ахуй нэгж, байгууллагуудын дунд эхний ээлжид зургаан байршилд тохижилт хийх уралдаан зарласан. Уралдаан шалгаруулалтын дүн гарчихсан. Эхний ээлжид Багатэнгэрийн байршил, Баянзүрхийн гүүр, Дугуй цагааны байршлууд дээр шалгарсан аж, ахуй нэгж байгууллагуудын тендерийн зургаар ажил нь хийгдэж эхлээд байна. Үлдсэн гурван байршлыг бид төсөв санхүүгийн нөхцөл байдалтайгаа уялдуулж байгаад тодорхой эх үүсвэрийг нийслэлийн төсөвт суулгаж, ирэх жил бүрэн хэмжээнд тохижуулж дуусах төлөвлөгөөтэйгөөр ажиллаж байна” гэв.

Categories
мэдээ нийгэм

Петрочайна Дачин Тамсаг компанийн олборлолтын хүчин чадлыг нэмэгдүүлэх талаар ярина DNN.mn

Уул Уурхай, Хүнд Үйлдвэрийн сайд Г.Ёндон Петрочайна Дачин Тамсаг компанийн талаар мэдээлэл өгөв.

Тэрбээр “Тус компанийн гэрээ, газрын тос боловсруулах үйлдвэрийг түүхий эдээр хангахтай холбоотой асуудлаар танилцуулга хийсэн. Газрын тосны хайгуул, олборлолтын ажлыг эрчимжүүлэх чиглэл гарсан.

Газрын тосны олборлолт 2012 оноос эхэлсэн. Хамгийн өндөр жилдээ 1.1 сая тонныг гаргасан байдаг. Орд ашиглах төлөвлөгөөний дагуу жилд 1.5 сая тонн газрын тосыг олборлох төлөвлөгөөтэй. Гэвч сүүлийн үед энэ тоо багасаж байгаа нь хамгийн гол асуудал болоод байна.

Газрын тос боловсруулах үйлдвэрийг барихдаа тухайн үед хүчин чадлыг нь Петрочайна Дачин Тамсаг компанийн орд ашиглах төлөвлөгөөтэй уялдуулж, 1.5 сая тонныг жилд гаргана гэж тооцсон. Хоёр их наяд төгрөгийг улсын төсөвт төвлөрүүлсэн.

Петрочайна Дачин Тамсаг компанийн хувьд бүтээгдэхүүн хуваах гэрээний дагуу үйл ажиллагаагаа явуулж байна. Энэ гэрээний дагуу хүлээсэн үүрэг хариуцлагаа биелүүлж байгаа юм. Нэгэнт гэрээ хийхээр ширээний хоёр талд суух гэж байгаа учир БНХАУ-ын талын байр суурийг бид ойлгох ёстой. Монгол Улсын иргэний тухай хуулийн 5.2-т шинээр баталсан хууль тогтоомж нь гэрээний нэг буюу хоёр талын эрх, хууль ёсны ашиг сонирхолд хохирол учруулахаар бол гэрээний нөхцөл хүчин төгөлдөр байна гэж заасан.

Энэ заалтын дагуу БНХАУ-ын тал уг асуудлыг тавьдаг. Олон Улсын гэрээ бол Монгол Улсын хуулиас дээгүүр эрхтэй байдаг. Энэ гэрээ олон улсын гэрээ биш учраас тэднийг татвар төлөх ёстой гэсэн байр суурьтай байгаа.

Газрын тос боловсруулах үйлдвэр удахгүй ашиглалтад орох гэж байгаа тул өнөөдрөөс үе шаттайгаар Петрочайна Дачин Тамсаг компанийн олборлолтын хүчин чадлыг нэмэгдүүлэх, орд ашиглах гэрээг баримтлах, газрын тосны нөөц илрэх боломжтой газар нутагт хайгуул олборлолтын ажлыг явуулахад дэмжиж ажиллах асуудлыг ярина” гэв.

Categories
мэдээ нийгэм

ФОТО СУРВАЛЖИГА: “Музейн хүч нөлөө” олон улсын музейн нээлт боллоо DNN.mn

Олон улсын музейн өдөр өнөөдөр тохиож байна. Олон улсын музейн зөвлөлөөс энэ жилийг “Музейн хүч нөлөө” уриатай тэмдэглэн өнгөрүүлж, дэлхийн 138 орны 44 мянга гаруй музей нэгдэн илүү инновацилаг байх, музейн боловсролыг нэмэгдүүлэх, хүн хоорондын харилцааг илүү гүн болгож, шинжлэх ухааны мэдлэгийг түгээх зэрэг асуудлыг хэлэлцэж байгаа юм.

Монгол Улсын музейн байгууллагын хувьд ОУМЗ-ийн гишүүнээр 2003 онд элссэн бөгөөд Олон улсын музейн өдрийг музейг удирдах байгууллагатай хамтран тэмдэглэж иржээ. Иймд өнөөдөр Монголын үндэсний музейн задгай талбайд Улаанбаатар хотод үйл ажиллагаа явуулж байгаа музей, үзвэр үйлчилгээний газрууд, орон нутгийн музейн хамт олон иргэдэд зориулж сонирхолтой арга хэмжээ, шинэ номын үзэсгэлэн зэргийг зохион байгуулсан юм. Энэхүү үйл явдлыг зургаар дамжуулан танд хүргэж байна.

Тайлбар байхгүй.

Categories
мэдээ нийгэм

Зайнаас зөвлөн туслах дохионы хэлмэрчийн үйлчилгээг нэвтрүүлжээ DNN.mn

Үндэсний статистикийн хорооны 2021 оны тоон мэдээгээр Монгол Улсад нийт 106.1 мянган хөгжлийн бэрхшээлтэй иргэн байна. Үүнээс 11 хувь нь харааны, 7.9 хувь нь сонсголын, 19.8 хувь нь хөдөлгөөний, 19.21 хувь нь сэтгэцийн, 3.8 хувь нь хэл ярианы, долоон хувь нь хавсарсан, 31.2 хувь нь бусад хэлбэрийн бэрхшээлтэй.

Түүнчлэн нийт хөгжлийн бэрхшээлтэй иргэдийн 43.3 хувь нь эмэгтэйчүүд байгаа аж.

Монгол Улс 2009 онд НҮБ-ын Хөгжлийн бэрхшээлтэй хүний эрхийн тухай конвенцод нэгдэж, УИХ-аас 2016 онд Хөгжлийн бэрхшээлтэй хүний эрхийн тухай хуулийг баталснаар хөгжлийн бэрхшээлтэй иргэдийн нийгмийн оролцоог дэмжих, нийгмийн хамгааллыг сайжруулах, тэдний онцлог, чадварт нь тохирсон ажлын байраар хангах, урлаг спортын үйл ажиллагаанд татан оролцуулах, дэмжлэг үзүүлэх, үйлчилгээг сайжруулах чиглэлээр эрх зүйн орчныг боловсронгуй болгох, хэрэгжилтийг эрчимжүүлэх зэрэг олон арга хэмжээг авч хэрэгжүүлж байна.

Энэ хүрээнд Хөдөлмөр, Нийгмийн Хамгааллын яам 1800-0724 утас, Duudlaga.mn дохионы хэлмэрчийн үйлчилгээг нэвтрүүлсэн. Үүнийг ковидын үеийн шуурхай дуудлага болох 119 дугаартай холбон сонсголын бэрхшээлтэй иргэдэд хүртээмжтэйгээр хүргэсэн хэмээн мэдээллээ.