“Цэгц аравт” уран бүтээлийн нэгдлээс “Хүрээ үдэш” арга хэмжээг тавдугаар сарын 27-29-нд зохион байгуулах гэж байна.
Явуухулангийн цэцэрлэгт хүрээлэнд болох уг арга хэмжээ нь 17:00-21:00 цагт үргэлжлэх бөгөөд энэ үеэр залуус, яруу найрагчид шүлэг найргаа уншицгаана. Мөн уран бүтээлчид оролцож, ая дуугаа өргөх юм байна.
Түүнчлэн арга хэмжээний үеэр монгол уран бичлэгээр хүссэн үгээ бичүүлэх, таталбар хөргөө зуруулах боломжтой.
“Орос-Монгол. Шинэ бодит байдлын түншлэл” нэртэй чуулга уулзалт энэ сарын 27-28-нд ОХУ-ын Буриад улсын Улаан-Үд хотод болно.
Энэхүү чуулга уулзалтад Улаан-Үд, Новосибирск, Красноярск, Эрхүү, Чита зэрэг ОХУ-ын таван бүс нутгийн хүнсний бүтээгдэхүүн, барилгын материал үйлдвэрлэгчид, аялал жуулчлал, аж үйлдвэрийн салбарын компаниуд оролцоно. Чуулганы хүрээнд болох үзэсгэлэн худалдаанд Оросын бизнес эрхлэгчид барилгын материал, хүнсний бүтээгдэхүүн, агааржуулалтын систем, эко ноос, элсэн чулууны үйлдвэрлэл болон бусад олон бүтээгдэхүүнээ танилцуулна гэж Буриадын засгийн газрын хэвлэлийн албанаас мэдээллээ.
Чуулганд Монголын талаас 200 гаруй компани оролцох хүсэлтээ илэрхийлсэн байна. Тэд мөн үзэсгэлэн яармагт оролцоно. Чуулга уулзалтад оролцогчдод зориулж мөн B2B хэлбэрээр бизнес уулзалт зохион байгуулах аж.
Энэхүү чуулга уулзалтыг зохион байгуулах санаачилгыг Буриад улсын тэргүүн Алексей Цыденов гаргасан байна. Түүний санаачилгыг Алс Дорнодын тойрог дахь ОХУ-ын Ерөнхийлөгчийн бүрэн эрхт төлөөлөгч Юрий Трутнев дэмжжээ. Чуулганы үеэр Монгол, Оросын гадаад эдийн засгийн үйл ажиллагааг зохион байгуулах асуудлуудыг, ложистик, татваргүй бүсийн үйл ажиллагаа, аялал жуулчлалыг хөгжүүлэх, эрүүл мэнд, хөдөө аж ахуйн салбарын төслүүдийг өргөжүүлэх хэтийн төлөвийн талаар хэлэлцэхээр төлөвлөж байна.
Монголын циркчдийн нэгдсэн холбоо ТББ-аас мэдээлэл хийлээ. Энэ үеэр Монголын анхны мөсөн циркийн тоглолтыг “Степпе Арена” ХХК-тай хамтран зохион байгуулах тухай мэдээлэв.
Энэ үеэр “Дэлхийн алдартай уран бүтээлийг үзэгчдэдээ Олон улсын хүүхдийн эрхийг хамгаалах өдөр толилуулна. Техник, технологи, тайз, агуулга ямар түвшинд хүрснийг ард түмэндээ үзүүлнэ. Гайхамшигтай мөсөн циркийг үзэхийг урьж байна. Бид тус тоглолтыг өндөр зардлаар, дэлхийн хэмжээнд хийх болно. Монголын циркчдийн ур чадвар, хөдөлмөрийн үр шимийг хүртээрэй” хэмээн уран бүтээлчид онцолсон юм.
Хэд хоногийн өмнө олон нийтийн сүлжээгээр нэг муурын зулзагыг аймшигтайгаар тамлаад дараа нь өндөр дээрээс шидчихсэн тухай жижигхэн бичвэр бас хэрэндээ л шуугиан боллоо. Харин амьтанд хайртай залуусын нэгдэл болох “Азтай савар” бүлгэмийнхэн тэр зулзагыг олж авч эмчилгээ хийлгэж байгаа гэнэ. Харин энд ийм үйлдэл хийсэн хүүхдүүдийн хүмүүжлийн асуудлаас эхлээд өөр олон зүйл яригдах байх. Нэн тэргүүнд эцэг эхчүүдийн хүүхдэдээ өгч байгаа хүмүүжлийн тухай яригдах болов уу.
Энд тэнд муур нохойгоо салхилуулж яваа хүмүүсийг айхтар үзэн яддаг болжээ. Хүүхэд л болсон хойно амьтантай тоглох хүсэлтэй байхад “Наад муугаа өшиглө, цохь, зодоод хөөгөөд явуул” гэх эцэг эхчүүдтэй олон таарсан. Яг тийм хүмүүс л хүүхдүүдээ амьтан хайрлах сэтгэлгүй, өөдгүй яргачин болгож хүмүүжүүлж байна. Тийм хүмүүс л амьтныг байж болшгүй араатан мэтээр ярьсаар хүүхдийнхээ ухамсарт амьтныг яаж ч болно гэх ойлголтыг суулгаад байх шиг. Мөн чанартаа хүн ч гэсэн амьтан. Бусад амьтдаас ялгаатай нь ухамсартай. Үнэндээ гэрийн тэжээмэл амьтан бол тухайн гэр бүлийн нэг гишүүн нь болсон байдаг. Бид хүний эрхийн тухай байнга ярьдаг ч амьтны эрх гэж бас нэг зүйл байгааг ямагт орхигдуулдаг. Өөрсдийгөө хачин сайхан, хорвоод байхгүй энэрэх хайрлах сэтгэлтэй гэж уянгалдаг хэрнээ бодит байдал дээр нэг иймэрхүү.
Өнөөдөр амьтан тарчлаагаад, юу ч болсон шинжгүй тэр өндрөөс шидээд “таашаал” авч байгаа хүүхэд ирээдүйд яг ямар хүн болж төлөвших нь бас л бодох асуудлын нэг гарцаагүй мөн. Хүүхдийн хүмүүжил гэдэг зөвхөн хичээл сурлагадаа сайн байхаас гадна өөр олон зүйлээр хэмжигддэг гэдгийг мартаж болохгүй ээ. Монгол Улсын амьтны тухай хуулинд “мал, гэрийн тэжээвэр амьтнаас бусад амьтныг хамгаалах, өсгөн үржүүлэх, түүний нөөцийг зохистой ашиглахтай холбогдсон харилцааг зохицуулна” гэж л заажээ.
Гэрийн тэжээмэл амьтанд ч бас эрх гэж байх ёстой. Уг нь бид өмнөх зуунуудаас хавьгүй илүү энэрэнгүй, хүнлэг нийгэмд амьдарч байгаа бус уу. Гэрийн тэмжээмэл амьтны эрхийг хамгаалах хууль гэж гаргасан ч яах вэ гэх бодол төрж байгааг нуух юун.
Цар тахлын улмаас тогтоосон хилийн хязгаарлалтын хугацаанд дотоодын аж ахуйн нэгж, иргэд БНХАУ-аас бараа, бүтээгдэхүүн худалдан авахтай холбоотойгоор цахим залилангийн хэргийн хохирогч болж, сэтгэл санаа болон санхүүгийн хохирол амссан тохиолдол гарсаар байна. Тухайлбал
Иймд БНХАУ-аас цахимаар бараа, бүтээгдэхүүн худалдан авч буй аж ахуйн нэгж, иргэд худалдан авалт хийхдээ анхаарал болгоомжтой байж, худалдан авах гэрээгээ холбогдох хуулийн дагуу байгуулах, маргаан гарсан тохиолдолд эрх ашгаа хэрхэн хамгаалах, аль улсын шүүхэд хандаж шийдвэрлэхийг заавал тусгах, дансаар мөнгө шилжүүлэхдээ худалдагч компани, байгууллагыг сайтар нягтлан шалгаж, цахим гэмт хэргийн хохирогч болохоос урьдчилан сэргийлэхийг Монгол Улсаас БНХАУ-д суугаа ЭСЯ-наас анхааруулж байна.
Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит төрийн цэргийн болон хууль сахиулах байгууллагуудын марш-тусгай бэлтгэлийн цогцолбор тэмцээн Зэвсэгт хүчний Сургалтын нэгдсэн төвд боллоо. 2007 оноос уламжлал болгон зохион байгуулж ирсэн цогцолбор тэмцээний шагнал гардуулах ёслолд Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх оролцов.
Монгол Улсын Ерөнхийлөгч хэлсэн үгэндээ, марш-тусгай бэлтгэлийн цогцолбор тэмцээний нэр хүнд, цар хүрээ, ач холбогдлыг улам өсгөж, төрийн цэргийн байгууллагуудын цэргийн мэргэжлийн спортын их наадам болгон хөгжүүлэх хэрэгтэйг тэмдэглэлээ.
Мөн монгол цэрэг харийн нутаг, дасаагүй орчинд алхам бүрд отох аюул эрсдэлтэй нөхцөлд хариуцлага, тэсвэр хатуужил, ур чадвараараа мөр зэрэгцэн зогсох гадны анд, холбоотнууддаа гайхагдан, итгэл, хүндэтгэл хүлээж байдаг нь манай цэргийн сургалт, бэлтгэлийн үр өгөөжийг илтгэдэг хэмээн онцоллоо.
Орон орны мянга мянган шилдэг цэргийн алба хаагч оролцож, тэсвэр тэвчээр, шандас шөрмөсөө сорьдог “Данкон” маршийн тэмцээнд монгол цэргүүд алс холын Африк тивийн аагим халуунд эхний байруудыг дараалан эзэлж байсныг онцлон дурдав.
Алба хаагчдын бие бялдрын бэлтгэл, бэлэн байдлын зэргийг дээшлүүлэх, үүрэг гүйцэтгэх чадавхыг нь нэмэгдүүлэх, тэдний мэргэжлийн ур чадвар, хурд, хүч, авхаалж самбаа, тэсвэр хатуужлыг сорих зорилгоор зохион байгуулдаг уламжлалт тэмцээнд энэ жил төрийн цэргийн болон хууль сахиулах 12 байгууллагын 800 гаруй алба хаагч оролцлоо.
Ёслолын ажиллагаанд Засгийн газрын гишүүн, Батлан хамгаалахын сайд Г.Сайханбаяр, Үндэсний аюулгүй байдлын зөвлөлийн нарийн бичгийн дарга Ж.Энхбаяр, Ерөнхийлөгчийн Аюулгүй байдал, батлан хамгаалах бодлогын зөвлөх, бэлтгэл дэслэгч генерал Ц.Тогоо, ЗХЖШ-ын дарга, дэслэгч генерал Д.Ганзориг, төрийн цэргийн болон хууль сахиулах байгууллагуудын удирдлага, бие бүрэлдэхүүний төлөөлөл, тэмцээнийг шүүсэн шүүгчдийн бүрэлдэхүүн оролцов.
“The Hu” хамтлагийнхан дөрөвдүгээр сарын 15-наас Европын орнуудаар “Хар аянга” нэртэй тоглолт хийж буй. Тэднийг Канадын “Global News” сайт онцолжээ. Тодруулбал, тус сайтаас энэ долоо хоногт сонсогчдоос хамгийн олон санал авсан таван шилдэг уран бүтээлийн жагсаалтыг гаргасан байна. Тус жагсаалтын нэгдүгээрт “The Hu” хамтлагийн “This is Mongol” уран бүтээл оржээ.
Хамтлагийн залуус ирэх аравдугаар сарын 5-нд “Five Finger Death Punch”, “Megadeth”, “Fire From The Gods” зэрэг алдартай хамтлагуудтай хамт тоглох товтой байгаа аж.
Тэд АНУ-д болсон “Coachella-2022” хөгжмийн наадамд Монголоос анх удаа оролцсон. Одоо хамтлагийн залуус тавдугаар сарын 22-нд “Welcome To Rockville -2022″ фестивальд оролцсон юм.
Хамтлагийн залуус “Хүн” нэртэй аялан тоглолтоо 2021 оны есдүгээр сарын 1-нээс аравдугаар сарыг дуустал тоглолт хийж, гуравдугаар сард Герман, Дани, Чех, Швед зэрэг улсад 15-50 мянган үзэгчтэй битүү стадионд тоглолт хийсэн.
Тэд 2019 онд амжилт, бүтээлээр арвин жил байсан. Хамтлаг дэлхийд гарч, Европыг байлдан дагуулсан. Нийтдээ 13 оронд 23 тоглолтоо хийсэн бол Хойд Америкийн нутгаар 90 хоногийн турш аялан, 56 хотоор 60 гаруй тоглолт хийсэн билээ.
Монголын сагсан бөмбөгийн шигшээ багийн 2025 оны Азийн наадмын урьдчилсан шатны тэмцээнд өрсөлдөх эрхийн төлөөх тоглолтууд хойшлогджээ.
Тодруулбал, урьдчилсан шатны эрхийн төлөөх D хэсгийн тоглолтууд Улаанбаатар хотод 6 дугаар сарын 2-4-нд болох байсан ч Монголд ирэх багууд дамжин нисэх боломжгүйгээс тэмцээн хойшилжээ. Монголын сагсан бөмбөгийн шигшээ баг тус тэмцээний D хэсэгт Тайланд, Малайз, Вьетнам зэрэг гурван улстай багтсан юм.
Олон улсын сагсан бөмбөгийн холбоо /FIBA/-ноос Монголд ирүүлсэн захидалд “Ази тивийн аварга шалгаруулах тэмцээний урьдчилсан хэсэгт орох D хэсгийн тоглолтууд Шри-Ланка улсын Коломбо хотод болох байсан нь тус улсын дотоод шалтгааны улмаас Монголын нийслэл Улаанбаатар хотод зохион байгуулах болсон. Монголын сагсан бөмбөгийн холбоо зохион байгуулалтын бүх ажлыг хийн ажилласан ч багууд дамжин нисч ирэх давагдашгүй хүчин зүйлийн улмаас боломжгүй болсноос ФИБА-гийн зүгээс тус тэмцээнийг 2022 оны 11 дүгээр сард Монголд зохион байгуулахаар болж хойшлуулсныг албан ёсоор мэдэгдлээ” гэжээ.
МИАТ компаниас Тайланд руу чартер нислэг хийх санал гаргасан боловч цаад талаас дэмжээгүй юм байна.
Швейцарын Давос хотноо болж буй Дэлхийн эдийн засгийн чуулга уулзалтад оролцож буй Гадаад харилцааны сайд Б.Батцэцэг цахимжилт, ногоон технологи дээр үндэслэсэн инновацыг нэвтрүүлж, шинэ төрлийн эдийн засгийг бий болгоход тулгарч буй сорилтуудыг даван туулах тухай “Хөрөнгө оруулалтын ирээдүйг бүрдүүлэх нь”, COVID-19 цар тахлын улмаас дэлхий даяар хямралд ороод буй “нийгмийн толь” гэгддэг соёлын салбарыг хурдан сэргээх арга замуудыг хэлэлцсэн “Соёлын хямрал” сэдэвт хуралдаануудад тавдугаар сарын 24-ний өдөр тус тус оролцов.
Дэлхийн эдийн засгийн чуулга уулзалтын хүрээнд тэрбээр бусад улсын Засгийн газрын болон олон улсын байгууллагуудын төлөөлөлтэй хоёр талын уулзалтуудыг хийв. Тухайлбал,
Улаанбаатар хотод тавдугаар сарын 23-ны байдлаар хүнсний гол нэрийн барааны үнэ өмнөх сараас 4.1%-аар өссөн бол өмнөх долоо хоногоос 0.4% буурчээ.
Зарим гол нэрийн барааны дундаж үнийг харвал: /тавдугаар сарын 23-ны байдлаар/
Улаанбаатар хотын гол нэрийн зарим барааны үнэ, үнийн индексийн мэдээллийг танилцуулж байна.
| № | Барааны нэр | 2022 он | 2022.V -23 | 2022.V -23 | |||
| IV сарын дундаж | V – 16 | V – 23 | 2022.IV сар | 2022.V -16 | |||
| 1 | “Алтан тариа” гурил | дээдийн дээд, савласан, кг | 2,482 | 2,485 | 2,485 | 100 | 100 |
| дээд, савласан, кг | 1,589 | 1,594 | 1,586 | 100 | 100 | ||
| I зэрэг, савласан, кг | 1,407 | 1,396 | 1,388 | 99 | 99 | ||
| 2-р зэрэг, савласан, кг | 1,051 | 1,063 | 1,055 | 100 | 99 | ||
| 2 | Талх | “Атар”, 600 гр | 1,620 | 1,709 | 1,716 | 106 | 100 |
| “Зууван чех”, 600 гр | 2,133 | 2,162 | 2,162 | 101 | 100 | ||
| Хар талх, 300 гр | 1,439 | 1,525 | 1,525 | 106 | 100 | ||
| 3 | Цагаан будаа, кг | 4,553 | 4,777 | 4,667 | 103 | 98 | |
| 4 | Хонины мах, ястай, кг | 12,620 | 12,936 | 12,712 | 101 | 98 | |
| 5 | Үхрийн мах, ястай, кг | 14,532 | 15,207 | 15,020 | 103 | 99 | |
| 6 | Үхрийн мах, цул, кг | 16,760 | 17,582 | 17,857 | 107 | 102 | |
| 7 | Адууны мах, ястай, кг | 10,739 | 11,238 | 11,261 | 105 | 100 | |
| 8 | Ямааны мах, ястай, кг | 9,850 | 10,000 | 10,000 | 102 | 100 | |
| 9 | Сүү | задгай, литр | 2,500 | 2,500 | 2,500 | 100 | 100 |
| “Элекстер”, 0.5 литр | 1,747 | 1,795 | 1,795 | 103 | 100 | ||
| “Шинэ Сүү”, литр | 3,617 | 3,660 | 3,660 | 101 | 100 | ||
| 10 | Тараг, савласан, 900 гр, “Цөцгийтэй” | 3,452 | 3,488 | 3,488 | 101 | 100 | |
| 11 | Цөцгийн тос, 250 гр | 6,568 | 6,615 | 6,615 | 101 | 100 | |
| 12 | Ургамлын тос, л | 6,631 | 7,254 | 7,292 | 110 | 101 | |
| 13 | Элсэн чихэр, кг | 3,366 | 3,651 | 3,651 | 108 | 100 | |
| 14 | Ногоон цай, савласан, 90 г | 2,090 | 3,439 | 3,868 | 185 | 112 | |
| 15 | Өндөг, ш | 471 | 489 | 486 | 103 | 99 | |
| 16 | Алим, “Фүжи” сортын, кг | 7,851 | 8,041 | 8,041 | 102 | 100 | |
| 17 | Төмс, кг | 1,428 | 1,542 | 1,542 | 108 | 100 | |
| 18 | Лууван, кг | 3,291 | 3,821 | 3,971 | 121 | 104 | |
| 19 | Байцаа, кг | 3,207 | 3,608 | 3,608 | 112 | 100 | |
| 20 | Хүрэн манжин, кг | 4,214 | 5,734 | 5,734 | 136 | 100 | |
| 21 | Сонгино, кг | 2,731 | 2,787 | 2,787 | 102 | 100 | |
| 22 | Шатахуун | Аи-80 автобензин, литр | 2,370 | 2,370 | 2,370 | 100 | 100 |
| Аи-92 автобензин, литр | 2,389 | 2,389 | 2,390 | 100 | 100 | ||
| Дизелийн түлш, литр | 3,253 | 3,380 | 3,430 | 105 | 101 | ||
| ДҮН | 104 | 100 | |||||