Month: May 2022

Нэг. Мэдлэгийг эрхэмлэнэ

Ес. Хариуцлага, ил тод байдлыг эрхэмлэнэ

Албаны ажил хэргийг явуулахдаа өөрөөсөө зайлуулах, хариуцлагаас зайлсхийх зэргээр амиа аргацаах зохисгүй байдал гаргахгүй байж, хууль тогтоомжийн хүрээнд мэдээллийн ил тод, нээлттэй байх зарчмыг баримтлан, ажилдаа эзэн болж, шийдэмгий зоримог ажиллан, түүнийхээ гүйцэтгэлийн үр дүнг биечлэн хариуцна.

Монгол Улсын шүүхийн тухай хуулийн 25 дугаар зүйлийн 25.7.5.а, 25.7.5.б, Захиргааны хэрэг шүүхэд хянан шийдвэрлэх тухай хуулийн 123 дугаар зүйлийн 123.2.1, 123.2.3 дахь заалт, Эрүүгийн хэрэг хянан шийдвэрлэх тухай хуулийн 40.1 дүгээр зүйлийн 1 дэх хэсгийн 1.1, 1.3 дахь заалт, мөн хуулийн 40.5 дугаар зүйлийн 2 дахь хэсэг, Иргэний хэрэг шүүхэд хянан шийдвэрлэх тухай хуулийн 172 дугаар зүйлийн 172.2.1, 172.2.2, 172.2.3 дахь заалт, 173 дугаар зүйлийн 173.4 дэх хэсэг нь Монгол Улсын Үндсэн хуулийн холбогдох заалтыг зөрчсөн эсэх маргааныг хянан шийдвэрлэх Үндсэн хуулийн цэцийн дунд суудлын хуралдааныг 2022 оны 5 дугаар сарын 04-ний өдөр хийхээр товлоод байсан билээ.

Уг хуралдаанд Монгол Улсын Их Хурлыг төлөөлөн оролцох итгэмжлэгдсэн төлөөлөгчөөр томилогдсон Монгол Улсын Их Хурлын гишүүн Б.Энхбаяр холбогдох хуульд заасан үндэслэлээр хуралдааныг хойшлуулах хүсэлтийг ирүүлсэн тул дээрх маргааныг хянан шийдвэрлэх Үндсэн хуулийн цэцийн дунд суудлын хуралдааныг дараа товлон зарлахаар хойшлууллаа гэж Үндсэн хуулийн цэцээс мэдээллээ.

Онцгой байдлын байгууллагаас улсын хэмжээнд газрын тос, газрын тосны бүтээгдэхүүний агуулах, шатахуун түгээх станцуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт болон гүйцэтгэлийн хяналт шалгалтыг зохион байгуулжээ.

Нийслэлийн прокурорын газраас хүргүүлсэн Б.Баасанцогтын цагдан хорих хугацааг 1 сарын хугацаагаар сунгуулах тухай саналыг Хан-Уул дүүргийн Эрүүгийн хэргийн анхан шатны шүүх өнөөдөр хүлээн авч, Нийслэлийн прокурор болон яллагдагчийн өмгөөлөгч П.Одонтунгалаг, Г.Болдбаяр, Т.Батдорж нарыг оролцуулан хянан хэлэлцлээ.

Ийн Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.4 дэх заалтад заасан “Урьд авсан таслан сэргийлэх арга хэмжээг зөрчсөн”, мөн 14.10 дугаар зүйлийн 2 дахь хэсэгт заасан “Яллагдагчийн хувийн байдлыг харгалзан шаардлагатай бол цагдан хорих таслан сэргийлэх арга хэмжээний хугацааг тухай бүр 1 сар хүртэл хугацаагаар сунгана” гэсэн хуулийн заалтуудыг үндэслэн цагдан хорих 1 дүгээр хугацааг 1 сарын хугацаагаар буюу 2022 оны 5 дугаар сарын 07-ны өдрөөс 2022 оны 6 дугаар сарын 07-ны өдрийг хүртэл сунгаж шийдвэрлэлээ. Урьд нь шүүхээс түүнийг энэ үндэслэлээр 2022 оны 4 дүгээр сарын 07-ны өдрөөс 5 дугаар сарын 07-ны өдрийг хүртэл яллагдагчаар цагдан хорьсон юм.

Б.Баасанцогтод Эрүүгийн хуулийн тусгай ангийн 12.6 дугаар зүйлийн 2 дахь хэсэг /Биеэ үнэлэхийг зохион байгуулах/ мөн хуулийн 22.5 дугаар зүйлийн 1 дэх хэсэг /Хахууль өгөх/-т заасан зүйл ангиудаар эрүүгийн хэрэг үүсгэж, яллагдагчаар татан прокурорын шатанд хэргийг хянаж байгаа юм.

Иргэд, олон нийттэй харилцах 11-11 төвд Хүнс, Хөдөө Ажа Ахуй Хөнгөн Үйлдвэрийн сайд З.Мэндсайхан ажиллаж, өргөн хэрэглээний бараа бүтээгдэхүүний үнийн өсөлтийн эсрэг Засгийн газраас авч хэрэгжүүлж буй бодлогыг олон нийтэд танилцуулав.

Тэрбээр “Өнөөдөр 14 иргэн ирж уулзлаа. Иргэд гол нэрийн бараа бүтээгдэхүүний үнийн өсөлтийн эсрэг хуулийн үр дүн, хаврын тариалалт, хөдөө аж ахуйн салбарын хөнгөлөлттэй зээлийн талаар голчлон асууж байна.

Гол нэрийн бараа бүтээгдэхүүний хомсдолоос сэргийлэх нөөцийг бүрдүүлэх хууль албажаад долоо хонож байна. Энэ хугацаанд Засгийн газраас тодорхой арга хэмжээг авлаа. Тухайлбал, нөөцийг мах бэлтгэн нийлүүлдэг аж ахуйн нэгжүүдэд 130 тэрбум төгрөг, үндэсний гурил үйлдвэрлэгч нарт 100 тэрбум төгрөг буюу нийт 230 тэрбум төгрөгийн гурван хүүтэй зээлийг олгохоор болсон.

Түүнчлэн нөөцийн махны үнийг хямдруулсан. Энэ жил нийт 12,700 тонн нөөцийн мах бүрдүүлсэн бөгөөд 1,600 орчим тонныг нь борлуулсан. Нөөцийн хонины мах кг тутамд 300 төгрөгөөр хямдарсан байгаа. Мөн гулуузаар нь худалдсан. Иргэдийн худалдан авалтын хэмжээ өндөр байна.

Өмнөх жил зуншлага сайн байсан учраас нөөцийн махны тарган туранхай гэсэн асуудал гараагүй. Уг махыг 460 цэгээр худалдаалж байсан бол 556 цэгээр борлуулж байгаа. Борлуулж байгаа цэг болгоноо нөөцийн мах борлуулж байгаа 27 аж ахуйн нэгж хуваагаад авсан. Нөөцийн махны асуудлаар Нийслэлийн Мэргэжлийн Хяналтын Газар, Шударга Өрсөлдөөн Хэрэглэгчийн Төлөө Газар, яам руу хандах хэрэгтэй. Нөөцийн махны чанартай холбоотой ирж буй өргөдөл гомдол бага байна.

Улсын төсвийн тодотголыг баталснаар бүх төрлийн хүнсний буудай, элсэн чихэр, цагаан буудайн гаалийн татварыг тэглэсэн. Ингэснээр нөөц бүрдүүлж, үнэ тогтворжих юм.

Энэ жилийн хаврын тариалалтад 55 мянга орчим тонн үр хэрэгтэй бөгөөд үрийн хомсдол үүсэхгүй. Хүнсний ногооны тариаланчдад гурван хувийн хүүтэй зээлийг мөн олгож эхлээд байна.

Засгийн газраас ноос, ноолуур бэлтгэдэг аж ахуйн нэгжүүдэд гурван хувийн хүүтэй 150 тэрбум төгрөгийн зээл олгосон. Энэ зээлээр аж ахуйн нэгжүүд ноолуурыг цаг хугацаанд нь өндөр үнээр авахаар бэлтгэж байгаа. Зүүн аймагт ноолуур хамгийн өндөр дүнтэй буюу 157 мянган төгрөгөөр худалдаж авсан. Нэг кг ноолуурын дундаж үнэ өнөө өглөөний мэдээллээр 100 мянган төгрөг байна.

Өчигдөр /2022.05.01/ -ний өдрийн 18:22 цагт Цагдаагийн байгууллагын тусгай 102 дугаарын утсанд 12 настай, хүү Сүхбаатар дүүргийн … дүгээр хороо, Шарга морьтын зуслангийн хүүхдийн тоглоомын сааданд тоглож байгаад сураггүй алга болсон дуудлага мэдээлэл бүртгэгдсэн байна.

Дуудлагын дагуу Сүхбаатар дүүрэг дэх Цагдаагийн газрын бие бүрэлдэхүүн эрэн хайх ажиллагааг зохион байгуулж хүүг өнөөдөр 12:25 цагт алга болсон газраас долоон км зайтай, ойгоос олж ар гэрийнхэнд нь хүлээлгэн өгчээ.

Хүүгийн биеийн байдал хэвийн гэж Цагдаагийн Ерөнхий Газраас мэдээллээ.