Month: May 2022

Монгол Улсын Ерөнхий сайдын санаачилсан “Илүүдэл жингүй эртэч монгол” аян өнөөдөр өндөрлөлөө.

Ховд аймгийн ЗДТГ, БТСГ хамтран 06.00-07.00 цагт аймгийн төв талбайд аяны хаалтын ажиллагааг зохион байгуулав.

Энэ үеэр аянд идэвх санаачилгатай оролцсон сум, байгууллага хамт олон, иргэдэд талархал илэрхийлж шагнал гардууллаа. Үүнд Булган сум тэргүүлсэн бол Манхан сум дэд байр, Чандмань сум гуравдугаар байр, Мянгад, Буянт сумынхан тусгай байрт шалгарчээ.

Харин байгууллагуудаас Жаргалант сумын гуравдугаар цэцэрлэг тэргүүн байр эзэллээ. Мөн хоёрдугаар цэцэрлэг дэд байр, нэгдүгээр цэцэрлэгийн хамт олон гуравдугаар байр, Стандарт хэмжилзүйн хэлтэс, наймдугаар цэцэрлэг, нэгдүгээр сургууль тусгай байрт тус тус шалгарсан юм.

Аян эхэлсэн хоёрдугаар сарын 16-ны өдрөөс хойш Ховд аймгийн 17 сум, төрийн болон төрийн бус 80 гаруй байгууллагын ажилтнууд идэвхтэй оролцсоор улсдаа түүчээллээ. Өнгөрсөн хугацаанд найман настай балчраас наян настай буурал хүртэл давхардсан тоогоор 210 мянган хүн оролцсоныг зохион байгуулагчид онцоллоо.

Тус аянд олон байгууллага нэгдэж, өглөө бүр дасгал хөдөлгөөн хийж тодорхой үр дүнд хүрсэн байна. Тухайлбал, Жаргалант сумын гуравдугаар цэцэрлэгийн хамт олон аяны хугацаанд хүн бүр 4-5 кг илүүдэл жингээ орхисон гэж эрхлэгч Ц.Ганцэцэг ярив.

Баянхонгор /МОНЦАМЭ/. Баянхонгор аймгийн төвийн автозам дагуу эрчим хүч бага зарцуулдаг, авто болон явган зам руу харсан үзэмж сайтай гэрлүүдийг суурилуулж байна.

Баянхонгор аймаг байгуулсны 80 жилийн ойг долдугаар сард тэмдэглэнэ. Энэ хүрээнд аймгийн төвийн өнгө үзэмжийг сайжруулах олон бүтээлч ажлыг өрнүүлж байгаа юм.

Баянхонгор Тохижилт Үйлчилгээ ОНӨААТҮГ, Баянхонгор Эрчим Хүч ХХК -ийн инженер техникийн ажилчид хамтран төв зам дагуу гэрэлтүүлгийг стандарт нормын дагуу байрлуулж байна. Бэлтгэл ажлыг хангаж гэрлийн шонд туузан гэрлийг байрлуулах, гэрэлтүүлгийн ажлын шонгийн нүх ухуулах зэрэг ажлыг Баянхонгор Тохижилт Үйлчилгээ ОНӨААТҮГ-ын ажилчид, гэрэлтүүлгийн шонгийн толгойн лед гэрлүүдийг холбож, гэрлийн тэжээлийг холбох ажлыг Баянхонгор-Эрчим Хүч ХХК хариуцаж байгаа аж.

Гэрэлтүүлгийг Онцгой байдлын газрын уулзвараас Аюулгүйн тойрог хүртэл замын хоёр талаар хийж байна.

Тус сургуулийн бэлтгэл, бэлэн байдлыг харах, мэргэжил, арга зүйн зөвлөгөө өгөх, удирдлага зохион байгуулалтаар хангах зорилгоор ОБЕГ-ын дэд дарга, бригадын генерал Б.Ууганбаяраар ахлуулсан ажлын багийн бүрэлдэхүүн Сэлэнгэ аймгийн Мандал суманд ажиллалаа.

Бүх шатны Засаг дарга, аймгийн Онцгой комисс, орон нутгийн гамшгаас хамгаалах алба, мэргэжлийн ангийн гамшгаас хамгаалах төлөвлөлтийг бодит байдалд нийцүүлэн тодотгох. Мөн байгууллага хоорондын хамтын ажиллагаа, салбар дундын удирдлага зохицуулалтыг боловсронгуй болгох, гамшгаас хамгаалах хүч хэрэгслийн бэлтгэл, бэлэн байдлыг дээшлүүлэх зорилготой энэхүү сургуулийг энэ удаа “Мэдлэг түгээе” зорилтын хүрээнд үе шаттайгаар зохион байгуулах аж. Түүнчлэн ОБЕГ-ын дэд дарга, бригадын генерал Б.Ууганбаяр Мандал сумын Онцгой комиссын бүрэлдэхүүнтэй уулзахдаа энэ удаагийн сургалт Монгол Улсын Засгийн газраас хэрэгжүүлж байгаа хэмнэлтийн горимын дагуу бага зардлаар олон хүнийг хамруулахыг зорьж буйг онцоллоо.

Сургуулийн үеэр орон нутгийн гамшгаас хамгаалах алба, мэргэжлийн ангиудын хүрээнд тус аймагт тохиолдож байсан болон тохиолдож болзошгүй аюулт үзэгдэл, ослоор цагийн байдал үүсгэн ажиллуулж, гамшгаас хамгаалах дадлага сургуулийг бодит байдалд тулгуурлан явуулах юм.

Ховд аймагт сүүлийн гурван жилийн хугацаанд гарсан гэмт хэрэг, зөрчлийн 90 хувь нь архинаас үүдэлтэй байгааг судалгаагаар тогтоожээ.

Иймээс аймгийн гэмт хэргээс урьдчилан сэргийлэх ажлыг зохицуулах салбар зөвлөл 2022 оныг “Архидан согтуурахтай тэмцэх, урьдчилан сэргийлэх жил” болгон зарласан.

Энэ хүрээнд архидан согтуурахтай холбоотой гэмт хэрэг, зөрчлөөс урьдчилан сэргийлэх зорилго бүхий “Үггүй үйлдэл” нөлөөллийн аяныг цагдаагийн байгууллагатай хамтран зохион байгуулж байна.

“Архигүй бол зөрчилгүй” уриан дор хэрэгжүүлж буй уг аяны хүрээнд өнөөдөр гэмт хэргээс урьдчилан сэргийлэх ажлыг зохицуулах салбар зөвлөлийн гишүүн, тусгайлсан чиг үүрэг бүхий байгууллагуудын хамтарсан “Нээлттэй хаалганы өдөрлөг” хийлээ.

Энэ үеэр “Үггүй үйлдэл” архигүй бол зөрчилгүй нөлөөллийн аяны хүрээнд Ховд аймгийн гэрэл зураг сонирхогч, иргэдийн дунд зохион байгуулсан “Гэрэл зургийн уралдаан”-ы шилдгүүдийг шагнаж урамшуулсан бөгөөд иргэдийн эрх зүйн мэдлэгийг дээшлүүлэх, соён гэгээрүүлэх, архины зохисгүй хэрэглээ, гэр бүлийн хүчирхийллийг бууруулах, согтуугаар үйлдэгдэх гэмт хэрэг, зөрчлөөс урьдчилан сэргийлэхэд иргэд олон нийтийн оролцоог нэмэгдүүлэхэд чиглэсэн уриалга дэвшүүлснээрээ онцлогтой.

Түүнчлэн төрийн тусгайлсан чиг үүрэг бүхий байгууллага болох прокурор, онцгой байдлын газар, шүүхийн шинжилгээний алба зэрэг байгууллага өөрсдийн хариуцсан үүрэг чиглэлийнхээ дагуу зохион байгуулж буй ажил, үйл ажиллагааны онцлогийг нээлттэй танилцуулж, иргэдэд шаардлагатай хууль зүйн зөвлөгөө өгөх, гомдол мэдээлэл хүлээн авах зэргээр зарим үйлчилгээг газар дээр үзүүллээ.

Энэ үеэр Ерөнхийлөгч Б.Баттүшиг өөрийн тайлбараараа олон хүнийг уран гулгалтын спортод дурлуулсан түүнд талархлаа илэрхийлж, цаашид спорт, олимпизмын үйл хэрэгт хамтран ажиллах сонирхолтой байгаагаа илэрхийлэв.

Мөн спортыг олон нийтэд түгээн дэлгэрүүлэх үйлсэд оруулсан түүний хувь нэмрийг үнэлэн МҮОХ-ны Алтан медалиар шагнаж урамшууллаа.

Тайлбарлагч А.Дэлгэрмаа шагнал авсандаа маш их талархаж буйгаа хэлж, цаашид МҮОХ-той бүх талаар хамтран ажиллахад бэлэн байгаагаа илэрхийлсэн юм.