Month: May 2022

Хятадын өмнөд хэсэгт гэрийн тэжээвэр амьтдын тусгаарлалтын төв байгуулагджээ. Энэ талаар South Chine Morning Post сонин мэдээлсэн байна.

Эх сурвалжийн мэдээлснээр гэрийн тэжээвэр амьтдын тусгаарлалтын төвийг Гуанжоу хотод байгуулсан бөгөөд ингэснээр Хятадын хоёр хот ийм төвтэй болжээ. Эхнийх нь Гуандун мужийн Шэньжэн хотод нээгдсэн байна. Эдгээр төвүүд нь эзэд нь коронавирусийн халдвар авсны улмаас хөл хорионд орж, хараа хяналтгүй үлдсэн гэрийн тэжээвэр амьтдыг асран хамгаалах аж.

Коронавирусийн дэгдэлт ид оргил үед энэ төвүүдэд 62 гэрийн тэжээвэр амьтныг асарч байсан гэнэ. Амьтдыг төвд оруулахын өмнө ариутгаж, PCR шинжилгээнд хамруулдаг гэнэ.

Өвөрхангай аймаг дахь цагдаагийн газрын албан хаагчид энэ оны хоёрдугаар сараас хойш удаа дараагийн үйлдлээр бусдын орон байр агуулахад хууль бусаар нэвтрэн орж алт, мөнгө, манетан эдлэл хулгайлан бусдад их хэмжээний хохирол учруулсан Э-гийн үйлдлийг илрүүлэн шалгалтын ажил явуулж байгаа аж.

Найман удаа бусдын орон байранд нэвтрэн орсон нь урьдчилсан байдлаар тогтоогдсон аж. Иймээс иргэдийг өөрийн орон байранд найдвартай хаалга цоож хийх, хөршийн холбоогоо сайжруулж хулгайлах гэмт хэргээс урьдчилан сэргийлэхийг цагдаагийн байгууллагаас анхааруулж байна.

Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг дагаж мөрдөх журмын тухай хуулийг хэрэгжүүлэх ажлын хүрээнд Үнэт цаас эзэмших эрхтэй нас барсан иргэдийн ар гэр (гэр бүлийн гишүүн)-т өвлүүлэх үнэт цаасыг мөнгөжүүлэхтэй холбогдох баримт бичгийг Нийгмийн даатгалын ерөнхий газар болон аймаг, дүүргийн Нийгмийн даатгалын хэлтэст хүлээн авч нэгтгэн, “Үнэт цаасны төвлөрсөн хадгаламжийн төв”-өөр дамжуулан өв хүлээн авагчид олгох ажил явагдаж байна.

Иймд өв хүлээн авах эрхтэй иргэд дараах баримт бичгийг бүрдүүлж Нийгмийн даатгалын байгууллагад хандана уу:

– Өвлөх эрхийн гэрчилгээ (эх хувь)

– Өв хүлээн авагчийн иргэний үнэмлэхийн хуулбар (эсвэл лавлагаа)

– Нас барсны гэрчилгээ (эсвэл лавлагаа)

– Мөнгө хүссэн өргөдөл

Өв хүлээн авагч нь үнэт цаасны хувьцааны данс нээлгэсэн байх ба хувьцааны данс нээлгэсэн эсэх мэдээллийг https://1072.ett.mn/ цахим хаягаар шалгах боломжтой.

1.В.Катаев ”Долоон дэлбээт цэцэг” хүүхэлдэйн жүжиг

Женя охин хөгжилтэй, сэргэлэн нэгэн. Тэр бусад хүүхдүүдтэй хамтдаа тоглохоос гадна өөрийн гэсэн маш их тоглоомтой болохыг мөрөөднө. Нэгэн өдөр Женя ээжийнхээ захиасаар дэлгүүрээс боорцог аваад буцах замдаа тоглож байгаад нохойд боорцгоо алдана. Араас нь хөөсөн боловч нохойг алдаж өөрөө ч төөрсөн байлаа. Гуниглаж суугаа Женя дээр шидэт эмгэн ирж 7 дэлбээтэй цэцэг өгнө. Тэрхүү цэцгийн дэлбээ бүр нь өөрийн гэсэн шидтэй ажээ.

2022.05.21-ний 11.00 цаг

2022.05.22-ны 11.00, 13.00 цаг

2.Оскар Уайльд “Одноос төрсөн ханхүү” хүүхдийн жүжиг

Ид шидийн гэмээр энэ ертөнцөд хэн нэгний төлөө одод асаж унтарч байдаг, хүмүүс ч хэн нэгний төлөө амьдардаг.

2022.05.07-ны 13.00, 15.00 цаг

2022.05.08-ны 15.00 цаг

2022.05.14-ны 13.00, 15.00

2022.05.15-ны 15.00 цаг

3.Н.Мандал “Нууцын эрэлд” хүүхдийн жүжиг

Энэхүү жүжигт нийслэлийн нэгэн сургуулийн сурагч Гэрэл хүү, Оюун охинд тохиолдсон явдлыг өгүүлнэ. Хоёр хүүхэд ямар нэг Солонгон хот руу суралцах гэрээ гэгчээр явах бөгөөд тэднийг эцэг эх, сургуулийн захирал бас бус хүмүүс үднэ. Тэгтэл тэд замын унаанаасаа гээгдэн ер бусын сонин газар ирнэ. Бүх юмс, оршин суугчид нь оньсого мэт байх энэ газрыг хүүхдүүд өөрсдийн очих ёстой Солонгон хот гэж яахан таах билээ. Хотын оньсгон баатрууд тэдэнд багагүй айдас авчирна. Мөн лусын луу хаан захиралтай нь байгуулсан гэрээ, улаан дээлтэй улаан ягаан чавганц, гэрээний дугаар дахь ОТБЮХО гэдэг нууц үг гээд л таахад бэрх зүйлүүд байх ч хүүхдүүд өөрсдийнхөө мэдэхгүй, мэдэмхийрэх хоёрыг ялснаар амжилтанд хүрч гэртээ харих болно.

2022.05.21-ний 13.00, 15.00 цаг

2022.05.22-ны 15.00 цаг

4. Оскар Уайльд “Аз жаргалтай ханхүү” хүүхэлдэйн жүжиг

Голын эрэг дээр зуссан бяцхан хараацай өвөл болохоос өмнө дулаан орныг зорин нисэхээсээ өмнө зунжин дурласан зэгсийг хамт явахыг гуйна. Хараацай зэгсийг яагаад хамт явж чадахгүй байгаа тухайг бодолгүйгээр урамгүйхэн Египетийг зорин нисэж байгаагаар жүжиг эхэлнэ. Тэрээр замдаа нэгэн хотод саатаж, Аз жаргалтай ханхүүгийн хөшөөтэй тааралдан ярилцаж түүнд тусалснаар өөрийнхөө жинхэнэ мөн чанарыг олж бусдыг аз жаргалтай болгож байгаа тухай гарна. “Аз жаргалтай ханхүү” жүжиг нь харааны болон сонсголын бэрхшээлтэй үзэгч, хүүхэд багачууд үзэх боломжтой уран бүтээл юм.

2022.05.28-ны 11.00, 13.00, 15.00 цаг

2022.05.29-ны 11.00, 13.00, 15.00 цаг

2022.05.30-ны 11.00, 13.00 цаг

5. Ш.Перо “Улаан малгайт” хүүхэлдэйн жүжиг

Эртээ урьдын цагт нэгэн энхрий бяцхан охин байжээ. Бяцхан охиныг харсан бүгд л баясаж хөөрөн өхөөрдөнө. Эмээ нь нэгэн удаа ач охиндоо улаан хилэн малгай бэлэглэжээ. Малгай нь түүнд зохисон гэдэг гайхалтай. Энэ өдрөөс хойш охин улаан малгайгаа үргэлж өмсөж явдаг болжээ. Ингээд л түүнийг бүгдээрээ Улаан малгайт хэмээн дуудах болж гэнэ. Нэг өдөр ээж нь түүнд хуушуур, савтай сүүг эмээдээ аваачиж өгөхийг захьжээ. Жүжиг Улаан малгайтын эмээгийндээ очих замын адал явдалаар үргэлжилнэ.

“Матрын нулимс” хүүхэлдэйн жүжиг

Африкийн нэгэн голд дэндүү ховдог матар байжээ. Усныхаа бүх загасыг идэж дууссан тул хааяа л нэг жараахай тааралдана. Тэгээд загас, шувуу элбэгтэй өөр нэг мөрөн байдаг тухай сураг сонсоод тийшээ мөлхөж гарчээ. Хичнээн цаг мөлхөвч нөгөө мөрөн нь тааралдсангүй. Эгц дээрээс нь нар шарж, элэгнээс нь элс төөнөж цааш явах аргагүй болж гэнэ.

2022.05.07-ны 11.00 цагт

2022.05.08-ны 11.00 цагт

2022.05.08-ны 13.00 цагт

2022.05.14-ны 11.00 цагт

2022.05.15-ны 11.00 цагт

2022.05.15-ны 13:00 цагт

Хүүхэлдэйн театр тавдугаар сарын үзвэрийн хуваариа зарлалаа. Энэ сард нийт зургаан жүжиг толилуулах бөгөөд тавдугаар сарын 7-ноос эхлэн багачуудад хүргэх юм. Хуваарийг хүргэе.

Шүлхий өвчний эсрэг дархлаажуулалт улс орон даяар өрнөж байна. Архангай аймагт энэ сарын 2-ны өдрийн байдлаар 561.0 мянган үхэр, 1250 гахайд вакцин тарьж, дархлаажуулалтын ажил 91 хувьтай байна. Үүнийг улсын дүнтэй харьцуулахад дархлаажуулалтад хамрагдсан малын тоогоор Архангай аймаг тэргүүлж буй.

Шүлхий өвчний эсрэг дархлаажуулалтыг бүрэн хийсэн найман сум, 80-аас дээш хувьтай долоон сум байна. Дархлаажуулалтын ажлыг эрчимжүүлэх, хугацаанд нь бүрэн дуусгах зорилгоор 31.0 сая төгрөгийг түлш шатахуун, ариутгал, халдваргүйтгэлийн ажилд зарцуулах Засаг даргын захирамж гарсан. Дархлаажуулалтын явцад болон тарьсны дараа тодорхой хугацаанд малын бөөгнөрөл, шилжилт хөдөлгөөн хийх нь дархлаажуулалтын ажлын үр дүнд сөргөөр нөлөөлөх, вакцины дархлаа тогтохоос өмнө голомтын болон сэжигтэй бүсээс малын шилжилт хөдөлгөөн хийх, халдвар дахин нэмэгдэх эрсдэлийг бий болгож байгаа аж. Иймд Улсын онцгой комиссоос 2022 оны 5 дугаар сарын 15-ныг дуустал хугацаанд бүсчилсэн болон өөр хэлбэрээр морин уралдаан зохион байгуулахыг хориглож, малын бөөгнөрөл, шилжилт хөдөлгөөн үүсэхээс урьдчилан сэргийлэх чиглэлийг орон нутгийн удирдлагуудад өгчээ.

Цагдаагийн албан хаагчийн биед халдаж буй бичлэг цахим орчинд цацагдаад байна. Энэ талаар ТЦА-наас тодруулахад “2022 оны дөрөвдүгээр сарын 26-ны өдөр Хан-Уул дүүргийн 3 хорооны нутаг дэвсгэр Механик инженерийн их сургуулийн уулзварт үүрэг гүйцэтгэж байсан цагдаагийн алба хаагчийн хууль ёсны шаардлагыг биелүүлээгүй зөрчлийг шалгасан. Тодруулбал, Тоёота Приус маркийн тээврийн хэрэгслийн жолооч Б-нь согтууруулах ундааны зүйл хэрэглэсэн үедээ тээврийн хэрэгсэл жолоодсон асуудлыг ХУД-ийн Цагдаагийн газрын Замын цагдаагийн хэлтсээс шалгаж Тоёота Приус маркийн тээврийн хэрэгслийн жолооч Б-ын тээврийн хэрэгсэл жолоодох эрхийг Зөрчлийн тухай хуулийн 14.7 дугаар зүйлийн 3.1 дэх хэсэгт заасны дагуу 1 жилээр хасаж, 450 нэгжтэй тэнцэх хэмжээний буюу 450.000 төгрөгөөр торгосон. Мөн зөрчил гаргагч Б нь Зөрчлийн тухай хуулийн 15 дугаар зүйл “Төрийн албан тушаалтны шийдвэрийг үл биелүүлэх, үйл ажиллагаанд нь саад учруулахыг хориглоно” гэсэн заалтыг зөрчсөн асуудлыг нутаг дэвсгэрийн харьяаллаар Баянгол дүүрэг дэх Цагдаагийн газраас шалгаж зөрчлийн тухай хуулиар 250.000 төгрөгөөр торгох шийтгэлийг тус тус оногдуулсан” гэлээ.