Month: April 2022

Өнөө шөнө баруун аймгуудын нутгийн хойд хэсгээр цас орж, цасан шуурга шуурна DNN.mn

Дохио!!! Цаг агаарын аюултай үзэгдлээс сэрэмжлүүлэх мэдээ: Маргааш өдөр Завханы зүүн, Хөвсгөл, Сэлэнгийн өмнөд хэсэг, Булганы нутаг, Төв аймгийн баруун болон хойд хэсгээр цасан шуурга шуурч, Баянхонгор, Өмнөговь, Дундговийн нутаг Өвөрхангайн, Дорноговийн өмнөд хэсгээр салхи секундэд 18-20 метр, зарим үед секундэд 24 метр хүрч ширүүснэ.

Малчид, иргэдийн анхааралд: Өнөө шөнө баруун аймгуудын нутгийн хойд хэсгээр, маргааш өдөр нутгийн төв хэсгээр ахиухан хэмжээний нойтон цас, цас орж, цасан шуурга шуурч, нутгийн өмнөд хэсгээр хүчтэй салхи, шороон шуургатай байхыг онцгойлон анхааруулж байна.

2022 оны 04 сарын 09-ний 20 цагаас 04 сарын 10-ны 20 цаг хүртэлх цаг агаарын урьдчилсан мэдээ

Хур тунадас: Ихэнх нутгаар үүлшинэ. Шөнөдөө баруун, төв, зүүн аймгуудын нутгийн хойд хэсгээр, өдөртөө төвийн аймгуудын ихэнх нутаг, баруун аймгуудын нутгийн зүүн, говийн аймгуудын нутгийн баруун хойд хэсгээр бороо, нойтон цас орж, цасан шуурга шуурна.

Салхи: Шөнөдөө говь, тал, хээрийн нутгаар баруун өмнөөс баруун хойш эргэж, бусад нутгаар баруун хойноос секундэд 5-10 метр, Алтайн уулархаг нутаг болон тал хээрийн нутгаар секундэд 15-17 метр, өдөртөө нутгийн зүүн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 8-13 метр, Алтайн салбар уулс болон говь, тал, хээрийн нутгаар секундэд 18-20 метр, зарим үед секундэд 24 метр хүрч ширүүсэж, шороон шуурга шуурна.

Агаарын температур: Сэрүүсэж шөнөдөө Увс нуур болон Дархадын хотгор, Монгол-Алтай, Хэнтэйн уулархаг нутаг, Хүрэнбэлчир орчим, Завхан голын эх, Туул, Тэрэлж голын хөндийгөөр 5-10 хэм хүйтэн, говийн бүс нутгийн өмнөд хэсгээр 5-10 хэм, Нууруудын хотгор болон Халх голын хөндий, Дорнод-Дарьгангын тал нутгаар 0-5 хэм дулаан, бусад нутгаар 0-5 хэм хүйтэн, өдөртөө Увс нуур болон Дархадын хотгор, Алтай, Хангай, Хөвсгөлийн уулархаг нутаг, Хүрэнбэлчир орчим, Завхан, Идэр, Тэс, Эг-Үүр, Орхон, Туул, Тэрэлж голын хөндийгөөр 3 хэм хүйтнээс 2 хэм дулаан, говийн бүс нутгийн зүүн өмнөд хэсгээр 21-26 хэм, говийн бүс нутгийн баруун хэсгээр 16-21 хэм, Нууруудын хөндий болон Дорнод-Дарьгангын тал нутгаар 9-14 хэм, бусад нутгаар 2-7 хэм дулаан байна.

УЛААНБААТАР ХОТ ОРЧМООР: Үүлшинэ. Шөнөдөө хур тунадас орохгүй. Өдөртөө нойтон цас орж, цасан шуурга шуурна. Салхи баруун хойноос секундэд 6-11 метр, өдөртөө зарим үед секундэд 13-15 метр хүрч ширүүсэж, шороон шуурга шуурна. Сэрүүсэж шөнөдөө Яармаг-Сонгины орчмоор 6-8 хэм, бусад хэсгээр 3-5 хэм хүйтэн, өдөртөө 2-4 хэм дулаан байна.

БАГАНУУР ОРЧМООР: Үүлшинэ. Шөнөдөө хур тунадас орохгүй. Өдөртөө нойтон цас орж, цасан шуурга шуурна. Салхи баруун хойноос секундэд 6-11 метр, өдөртөө зарим үед секундэд 15-17 метр хүрч ширүүсэж, шороон шуурга шуурна. Сэрүүсэж шөнөдөө 5-7 хэм хүйтэн, өдөртөө 4-6 хэм дулаан байна.

ТЭРЭЛЖ ОРЧМООР: Үүлшинэ. Шөнөдөө ялимгүй хур тунадас орно. Өдөртөө нойтон цас орж, цасан шуурга шуурна. Салхи баруун хойноос секундэд 6-11 метр, өдөртөө зарим үед секундэд 13-15 метр хүрч ширүүсэж, шороон шуурга шуурна. Сэрүүсэж шөнөдөө 8-10 хэм хүйтэн, өдөртөө 0 хэм орчим байна.

2022 оны 04 дүгээр сарын 11-нээс 04 дүгээр сарын 15-ныг

хүртэлх цаг агаарын урьдчилсан төлөв

11-нд төвийн аймгуудын нутгийн зарим газар, зүүн аймгуудын ихэнх нутаг, баруун аймгуудын нутгийн хойд, говийн аймгуудын нутгийн зүүн хэсгээр, 12-нд баруун аймгуудын нутгийн зүүн хэсэг, төв болон говийн аймгуудын нутгийн зарим газраар, 13-нд төв болон зүүн аймгуудын нутгийн зарим газар, говийн аймгуудын нутгийн зүүн хэсгээр, 14-нд зүүн аймгуудын нутгаар бороо, нойтон цас, цас орно. Салхи 11-нд говь, талын нутгаар, 12-нд Алтайн уулархаг нутаг, говийн бүс нутгаар, 13-нд Алтайн салбар уулс болон говь, тал хээрийн нутгаар, 14-нд говь, тал хээрийн нутгаар секундэд 14-16 метр хүрч ширүүсэж, шороон шуурга шуурна. Ихэнх нутгаар хүйтэрч Монгол-Алтайн уулархаг нутаг, Дархадын хотгор, Идэр, Тэс голын хөндийгөөр шөнөдөө 12-17 хэм, өдөртөө 0-5 хэм, Хангай, Хөвсгөл, Хэнтийн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 5-10 хэм хүйтэн, өдөртөө 0-5 хэм дулаан, говийн бүс нутгийн өмнөд хэсгээр шөнөдөө 3 хэм хүйтнээс 2 хэм дулаан, өдөртөө 8-13 хэм дулаан, бусад нутгаар шөнөдөө 4-9 хэм хүйтэн, өдөртөө 3-8 хэм дулаан байна.

мэдээ нийгэм

ЦХХХЯ: Автомашин худалдан авахгүй, шаардлагатай үед түрээслэнэ DNN.mn

Post author By
Post date 2022-04-09
No Comments on ЦХХХЯ: Автомашин худалдан авахгүй, шаардлагатай үед түрээслэнэ DNN.mn

Цахим хөгжил, харилцаа холбооны яам 2022 оны 01 дүгээр сарын 06-ны өдөр Монгол Улсын Засгийн газрын тогтоолоор байгуулагдсан. Тус яам нь “Албаны хэрэгцээнд автомашингүй бөгөөд хөдөө орон нутгийн томилолтод автомашин түрээсэлдэг болно.

Монгол Улсын Ерөнхий сайдын шийдвэрийн дагуу цаашид ч тус яаманд автомашины худалдан авалт хийгдэхгүй бөгөөд хэрэгцээ шаардлагаас хамаарах автомашин түрээслэх бодлого баримталж байна” хэмээн Цахим хөгжил, харилцаа холбооны яамнаас мэдээллээ.

мэдээ нийгэм

Иргэдийн утсыг хулгайлдаг бүлэг этгээдийг барьжээ DNN.mn

Post author By
Post date 2022-04-09
No Comments on Иргэдийн утсыг хулгайлдаг бүлэг этгээдийг барьжээ DNN.mn

Иргэдийн гар утсыг хулгайлдаг бүлэг этгээдүүдийг цагдаагийн алба хаагчид шуурхай илрүүлжээ.

Энэ сарын 7-ны өдөр цагдаагийн байгууллагад таван иргэнээс “Автобусны буудал дээр гар утсаа алдлаа” гэсэн дуудлага мэдээлэл ирсэн байна.

Дуудлагын дагуу шуурхай ажиллаж 30-39 насны З, Г, О нар нь бүлэглэн үйлдсэнийг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид олж тогтоон мөрдөн шалгах ажиллагааг явуулж байна.

Иргэд та бүхэн олон нийтийн газраар зорчихдоо анхаарал болгоомжтой байж хулгайлах төрлийн гэмт хэргээс урьдчилан сэргийлэхийг цагдаагийн байгууллага анхаарууллаа.

мэдээ спорт

О.Насанбурмаа шилдэг довтлогчоор шалгарлаа DNN.mn

Post author By
Post date 2022-04-09
No Comments on О.Насанбурмаа шилдэг довтлогчоор шалгарлаа DNN.mn

Төмөр зам дахь цагдаагийн газраас Монгол Улсын Ерөнхий сайдаас санаачлан хэрэгжүүлж буй “Илүүдэл жингүй-Эртэч Монгол” аяны хүрээнд нийтийн биеийн тамир, спортыг сурталчлах, бие бялдрын бэлтгэлтийг хангуулах, хөдөлгөөний дутагдлаас сэргийлэх, чөлөөт цагийг зөв боловсон өнгөрүүлэх, хамт олны дунд нөхөрсөг харилцааг сайжруулах зорилгоор байгууллагын “ Сагсан бөмбөгийн аварга” шалгаруулах тэмцээнийг зохион байгууллаа.

Тэмцээнд тус газрын 10 багийн 60 тамирчид оролцжээ. Үүнээс онцолбол, шилдэг эмэгтэй довтлогчоор Монгол Улсын гавъяат тамирчин, Дэлхийн аварга шалгаруулах тэмцээний анхны дөрвөн медальтан, Ази тивийн аварга, нийтийн хэв журам хамгаалах тасгийн цагдаа, цагдаагийн ахлах дэслэгч О.Насанбурмаа шалгарлаа.

булангууд мэдээ шинжлэх-ухаан-технологи

ХӨВСГӨЛ АЙМАГ: Түүх соёлын үл хөдлөх дурсгалын тооллого 50 хувьтай үргэлжилж байна DNN.mn

Хөвсгөл аймгийн 3асаг даргын захирамжаар Түүх соёлын үл хөдлөх дурсгалын улсын тооллогыг аймгийн хэмжээнд зохион байгуулах ажлын хэсгийг 5 хүний бүрэлдэхүүнтэйгээр байгуулж тооллогын ажлыг өнгөрсөн оны 12 сараас эхлүүлжээ.

Тус аймгийн хувьд Улсын хамгаалалтад байх түүх, соёлын үл хөдлөх дурсгал 8, аймгийн хамгаалалтад байх түүх, соёлын үл хөдлөх дурсгал31 бүртгэлтэй бөгөөд улсын тооллого өнөөдрийн байдлаар 12 суманд зохион байгуулагдаж 50 хувьтай үргэлжилж байна. Энэ удаагийн улсын тооллого Улс, аймгийн хамгаалалтад орших үл хөдлөх дурсгалыг тоолж2015 оны тооллогоосхойш шинээр илрүүлсэн дурсгалуудыг бүртгэн баримтжуулж байгаараа онцлог гэдгийг Хөвсгөл аймгийн Соёл урлагийн газрын мэргэжилтэн Х.Баасансүрэн хэлж байлаа.

2015 оны тооллогоор Хөвсгөл аймагт 11081 ширхэг соёлын үл хөдлөх хөрөнгийн дурсгалтоологдож байжээ.

мэдээ нийгэм цаг-үе

Засгийн газар Ажлын хэсэг байгууллаа DNN.mn

Post author By
Post date 2022-04-09
No Comments on Засгийн газар Ажлын хэсэг байгууллаа DNN.mn

Засгийн газар өчигдөр /2022-04-08/ ээлжит бусаар хуралдаж жагсагчдын тавьсан 15 зүйл бүхий шаардлагаас өөрийн эрх мэдлийн хүрээнд дангаар шийдвэрлэх боломжтой 11 зүйлийг хэлэлцэн шийдвэрлэснээ Ерөнхий сайд Л.Оюун-Эрдэнэ жагсагчдад танилцуулсан юм. Өнөөдөр Ажлын хэсэг байгуулахаар шийдвэрлэлээ. Ажлын хэсгийг Ерөнхий сайд өөрөө ахална, мөн шаардлага тавьсан залуусын төлөөллөөс оролцуулах юм.

Тус Ажлын хэсэг өргөн хэрэглээний бараа бүтээгдэхүүний үнэ ханшийг тогтворжуулах, авилга, албан тушаалын хэрэгт яллагдагчаар татагдсан этгээдийн хэргийг хялбаршуулсан журмаар шийдэхгүй байх, авилгын хэргийн ялын бодлогыг чангатгах болон Хөгжлийн банкны зээлийн асуудлыг шударгаар шалгаж, буруутай этгээдүүдийг илрүүлэх, хэргийг эцэслэн шийдвэрлэх, хэмнэлтийн горимд шилжих зэрэг Засгийн газрын 2022 оны дөрөвдүгээр сарын 08-ны өдрийн ээлжит бус хуралдаанаас гарсан шийдвэрийг хэрэгжүүлэн ажиллах юм.

мэдээ улс-төр

Төр тавилга худалдан авах 1.32 тэрбумын тендерээ цуцлав DNN.mn

Post author By
Post date 2022-04-09
No Comments on Төр тавилга худалдан авах 1.32 тэрбумын тендерээ цуцлав DNN.mn

Төв талбайд үнийн өсөлтийн эсрэг жагсч буй залуусын Засгийн газарт хүргүүлсэн шаардлагатай холбогдуулан талуудын байр суурийг хүргэе.

Ерөнхий сайд Л.Оюун-Эрдэнэ “Засгийн газар олон улсын хямралт нөхцөл байдлын үед шаардлагатай бүх арга хэмжээг авч цар тахлын үед шилжсэн хэмнэлтийн горимын тогтоолыг эргэн сэргээлээ. Үүнд төрийн албан хаагчид Улаанбаатар хотод том оврын, тансаг автомашинаар зорчихгүй, ашиглахгүй. Эдгээр автомашиныг нэгдсэн зогсоолд байршуулна. Цаашлаад төрийн албан хаагчдын тасалгаанд метр, квадратын шалгуур тавих зэрэг бусад хэмнэлттэй холбоотой асуудлыг Засгийн газар шийдвэрлэлээ. Засгийн газрын бие даан шийдвэрлэж чадах хэр хэмжээ та бүхний 15 шаардлагын 11-т нөлөөтэй байна. Би холбогдох байнгын хороодын дарга нар, УИХ-ын удирдлагад олон нийтийн зүгээс шүүмжлэл дагуулж буй энэ асуудалд бухимдалтай байгаагаа би илэрхийлсэн. Тийм учраас энэ асуудлуудыг шийдэхээр УИХ-тай хамтарч ажиллана. Засгийн газрын зүгээс чадах бүх зүйлээ хийнэ” гэв.

УИХ-ын дарга Г.Занданшатар “Цар тахал, хил гаалийн гацалт, Орос Украины асуудлын улмаас үнийн өсөлт нийгэмд дарамт учруулж байна. Иргэдийн бухимдал өндөр байгаа учраас жагсаал, цуглаан хийх болсныг ойлгож байна. Үүнд хүндэтгэлтэй хандана. Тиймээс жагсагчдын санал, хүсэлтийг УИХ-ын тамгын газар холбогдох байгууллагууд хүлээж авсан. Ирэх зургаан сар амаргүй байх төлөвтэй байна. Олон улсын нөхцөл байдал хүнд байна. Тиймээс дор бүрнээ хэмнэлтийн горимд шилжих хэрэгтэй. Ажлын хэсгийн түвшинд зөвлөлдөөд, төсвийн тодотгол хийх зайлшгүй шаардлагатай, хэмнэлтийг дээрээсээ эхэлье гэж шийдсэн. Энэ хүрээнд нэг тэрбум төгрөгийн үр ашиггүй тендерийг зогсоолоо. Төсвийн “бүс”-ийг чангалж, 660 тэрбум төгрөгөөр хэмнэсэн боловч өөр илүү бодлогын шийдэл гаргах шаардлагатай” гэв.

Улмаар төрийн болон төрийн өмчит байгууллагууд тавилга худалдан авах 1.32 тэрбум төгрөгийн дүн бүхий тендерээ цуцлав. Тодруулбал,

• Улсын дээд шүүх – 400 сая төгрөг,

• Цахилгаан дамжуулах үндэсний сүлжээ – 77 сая төгрөг,

• Улаанбаатар цахилгаан түгээх сүлжээ – 137.7 сая төгрөг,

• Тавантолгой дулааны цахилгаан станц – 65.8 сая төгрөг,

• Багануур зүүн өмнөд бүсийн цахилгаан түгээх сүлжээ – 61.9 сая төгрөг,

• Диспетчерийн үндэсний төв – 114.8 сая төгрөг,

• Дорноговь аймгийн Орон нутгийн өмчийн газар – 200.5 сая төгрөг,

• Баянхонгор аймгийн Заг сумын Засаг даргын Тамгын газар – 45 сая төгрөг,

• Хан-Уул дүүргийн худалдан авах ажиллагааны алба – 200 сая төгрөг,

• Дорноговь аймгийн Сайншанд сумын засаг даргын тамгын газар – 20.1 сая төгрөгөөр тус тус оффиссын тавилга худалдан авахаар тендер зарлаад байсныг хүчингүй болгож, цуцалсан байна.

гадаад мэдээ

Бүсэлхийн тойрог биеийн өндрийн хагасаас бага байвал зохимжтойг Британийн мэргэжилтнүүд зөвлөв DNN.mn

Их Британийн эрүүл мэндийн байгууллага NICE (National Institute for Health and Care Excellence) саяхан гаргасан шинэ зөвлөмждөө хүний бүсэлхийн тойргийн урт нь биеийн өндрийн хагасаас бага байвал зохимжтойг тусгажээ.

BMI (Body Mass Index) хэмээх хэмжүүр нь хүний биеийн жингийн зохистой хэмжээг илэрхийлдэг.

Гэхдээ энэхүү уламжлалт хэмжүүр нь гэдэс хэвлийн таргалалтыг илэрхийлж чаддаггүй болохыг NICE тайлбарлажээ.

Гэдэс хэвлийн таргалалт нь чихрийн шижин, цусны өндөр даралт, зүрх судасны өвчний суурь нөхцөл болдог тул анхаарал тавих ёстой гэнэ.

Ялангуяа Ази болон Африк гаралтай хүмүүсийн хувьд “central adiposity” гэгддэг хэвлийгээрээ таргалах эрсдэл өндөртэй тул ийм шинэ зөвлөмж гаргаж байгаа юм байна.

Тухайлбал BMI хэмжүүрээр хэвийн атлаа хэвлий хэсгээрээ таргалалттай байх тохиолдол ийм хүмүүст түгээмэл байдаг гэнэ.

Бүсэлхийн тойргоо хэмжихдээ “хавирганы доод, ташааны дээд хэсгийн хооронд хэвийн амьсгалах үедээ туузан метрээр тойруулан хэмжих” ёстойг NICE зөвлөжээ.

Жишээлбэл 175 см өндөр биетэй хүний бүсэлхийн тойргийн урт 87.5 см-ээс хэтрэхгүй байх нь зохимжтойд тооцогдож байна.

Ийм хэмжүүр ямар ч хүйсний, ямар ч угсаа гаралтай хүмүүсийн хувьд ижил зөв үйлчлэхийг мэргэжилтнүүд тайлбарлажээ.

Гэхдээ BMI хэмжүүр нь 35-аас дээш гарсан хүмүүс, жирэмсэн эмэгтэйчүүд, хоёр хүртэл насны хүүхдүүдэд уг хэмжүүр үнэн зөв үйлчлэхгүй болохыг анхааруулсан байна.

Эх сурвалж: BBC

мэдээ эдийн-засаг

Газрын тосны үнийг бууруулах үүднээс улс орнууд стратегийн нөөцөө ашиглаж эхэлжээ DNN.mn

Олон улсын эрчим хүчний агентлагийн гишүүн орнууд олон улсын нөхцөл байдлаас шалтгаалан газрын тосны зах зээлийн үнэ ханшийг тогтворжуулах, эрчим хүчний зах зээл дэх тасалдлыг нөхөхийн тулд стратегийн нөөцөө ашиглаж байна.

Гишүүн орнуудын зөвлөлдөх уулзалтын дүнд нийт 120 сая баррель газрын тос гаргана. Үүний тал хувийг АНУ болон Япон гаргаж байгаа бол Өмнөд Солонгос 7.23 сая баррель газрын тос гаргахаар шийдвэрлэжээ. Гишүүн орны энэ шийдвэрийн дараа газрын тосны ханш 3 өдөр дараалан буурчээ.

Өмнөд Солонгосын Засгийн газрын хувьд олон улсын болоод дотоодын зах зээлийн үнийг тогтворжуулах, эдийн засагт үзүүлэх дарамтыг бууруулах зорилгоор стратегийн нөөцөө ашиглаж байна. Мөн Сөүлийн энэ шийдвэр нь олон улсын эрчим хүчний агентлагийн гишүүн орны хувьд хамгийн өндөр дүн болж байна.

Үүний зэрэгцээ АНУ мөн нэг өдөрт 1 сая баррель газрын тос зах зээлд нийлүүлнэ гэж мэдэгдсэн. Вашингтоны энэ шийдвэр нь стратегийн нөөцийнхөө 30 гаруй хувийг шавхаж байгаагаас гадна 1984 оноос хойш 40 орчим жилийн хугацаанд Америкийн стратегийн нөөц түүхэн доод түвшинд хүрч буурахаар байгааг олон улсын хэвлэлүүд мэдээлж байна.

Үндсэндээ энэ шийдвэрүүд нь үнийн савлагааг тогтоон барих, газрын тосны импортын хараат байдал буурах нөхцөлийг бүрдүүлэх болов уу гэж олон улсад харж, таамаглаж байна.

Түүхий эдийн зах зээлийн өнөөгийн тогтворгүй байдал нь суурь үзүүлэлтийн өөрчлөлтөөс илүүтэй геополитикийн нөхцөл байдалтай холбоотой гэж гишүүн орнууд үзэж байна.

Брент төрлийн газрын тосны ханш 3 өдөр дараалан буурсан үзүүлэлтийг харуулж байсан бол өчигдрийн байдлаар ханш эргээд өссөн байна. Тухайлбал, брент төрлийн газрын тос 0.9 хувиар өсч, 101 америк долларт хэлбэлзэж байна.

WTI маркийн газрын тосны ханш 1.3 хувиар буурч, 96 америк долларт хэлбэлзэж байна.

мэдээ нийгэм