Гиннесийн дээд амжилтыг элдэв сонин авьястай, эсвэл уйгагүй хөдөлмөрч хүмүүс өөрийн нэр дээр тогтоож, бүртгүүлдэг. Тэгвэл дэлхийн хэмжээний томоохон компани, корпорацууд ч мөн өөрсдийн зарим үзүүлэлтээр Гиннесийн дээд амжилт тогтоодог байна.

FIJI AIRWAYS

“ФИЖИ ЭЙРВЭЙС” нь Шинэ зеландаас Фижи хүртэлх нисэх онгоцонд буюу 41000 фут өндөрт хоёр зорчигчийн хуримын ёслолыг зохион байгуулжээ.

PEPSI

Дэлхийн хамгийн үнэтэй телевизийн зар сурталчилгааны амжилтыг “PEPSI” компани эзэмшдэг. 2002 онд 90 секундын зар сурталчилгааг “SUPER BOWL”-н тайзнаас үзэгчдэд хүргэхийн тулд нийт 8.1 сая доллар зарцуулжээ.

MACYS

MACYS сүлжээ их дэлгүүр зул сарыг тохиолдуулан дэлхийн өнцөг булан бүрт байгаа хүмүүсийг онлайнаар хүслийн жагсаалтаа илгээхийг уриласан байна.Энэ үед нийт 121138 жагсаалтыг нэгтгэж чадсанаар дэлхийн хамгийн урт хүслийн жагсаалтын рекордыг эвджээ.

INTEL

Тус компани нь 50 жилийнхээ ойг тохиолдуулан нийт 2018 гаруй дроныг тэнгэрт нисгэжээ.

ESTEE LAUDER

Дэлхийн гоо сайхны томоохон тэргүүлэгч “ESTEE LAUDER” компани хөхний хорт хавдрыг таниулах аяны хүрээнд 24 орноор аялжээ. Ингэхдээ 38 дурсгалт газрыг оролцуулсан зар сурталчилгааны компанит ажлыг өрнүүлсэн байна.

ALIBABA

“ALIBABA” компани 2015 онд дэлхийн худалдааны есөн дээд амжилтыг шинэчлэн тогтоосон юм. Мөн онлайн борлуулатаас 24 цагийн дотор хамгийн их орлого олсон компаниар нэрлэгдэх болжээ.

YAHOO

YAHOO компани 20 жилийнхээ ойн хүрээнд 3432 ажилтнаас бүрдсэн хамгийн том хамтарсан ЁОДОЛ нэртэй давалгаагаар дэлхийн амжилтыг тогтоожээ.

Монголд Та Хэрэгтэй” ТББ нь эзэмшсэн мэргэжлээрээ эргээд нутаг орноо хөгжүүлэх хүсэлтэй орон нутгийн оюутан залуусыг дэмжиж ажиллаж ирсэн.

Мөн Менторшип хөтөлбөртөө нийт 134 оюутан залуусыг элсүүлж, ажлын байранд гарахад нь бэлтгэсэн байна. Жил бүр менторшип хөтөлбөрийн хүрээнд болон орон нутгийн сурлагын өндөр амжилт үзүүлсэн оюутнуудад сургалтын төлбөрийн дэмжлэг үзүүлдэг.

Харин 2022 оны хувьд Имарт буюу Скай Хайпермаркеттай хамтран Дундговь аймгийн 15 оюутан залууст сургалтын дэмжлэг үзүүллээ.

Илүүдэл жингүй-Эрүүл иргэнтэй Хөвсгөл” аяны хүрээнд иргэд, аж ахуйн нэгж байгууллагууд идэвхтэй хөдөлгөөн, өглөөний дасгал, үйл ажиллагаанд санаачилгатай оролцож идэвхтэй хамрагдаж байна.

Аяны хүрээнд аймгийн хэмжээнд өглөөний дасгалыг 6 цаг 30 минутаас иргэд болон байгууллагуудын албан хаагч нар тогтмол хийж, ерөнхий боловсролын сургуулиудын спорт заалыг 7 хоног бүрийн 4 дэх өдрийн 18.00-22.00 цаг хүртэл иргэдэд үнэ төлбөргүй үйлчилж байна. Тус аймгийн хэмжээнд өнөөдрийн байдлаар өглөө бүр нийт 9000 орчим иргэн дасгал хөдөлгөөнийг хийж аянд нэгдээд байгаа ажээ.

Нийслэлийн удирдах ажилтнуудын шуурхай зөвлөгөөний үеэр Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд мэдээлэл өглөө. Тэрээр “Улаанбаатар хотын хэмжээнд 12.6 мянган тонн махыг 23 байгууллага нөөцөлсөн. Мөн нөөцийн махыг 463 цэгээр худалдаалж буй. Тус 23 байгууллагын төлөөлөлтэй уулзаж, үнэ буулгах санал гаргасан. Нийслэлийн хувьд үнэд нөлөөлөх боломжгүй, ХХААХҮЯ үнийг тогтоодог” хэмээн хэллээ. Улаанбаатар хотод гуравдугаар сарын 25-ны өдрөөс эхлэн нөөцийн махыг худалдаанд гаргаж эхэлсэн билээ. Үхрийн ястай мах килограмм нь 8900 төгрөг, хонины ястай мах килограмм нь 8300 төгрөг, ямааны мах килограмм нь 7100 төгрөгөөр есөн дүүргийн 463 хүнсний дэлгүүрээр худалдаалагдаж байна.

Өнөөдөр УИХ дахь МАН-ын бүлэг хуралдаж, гаргасан шийдвэрийн талаар мэдээллээ.

УИХ-ын дарга Х.Булгантуяа “МАН-ын бүлгийн хурлаар хоёр асуудлыг хэлэлцлээ. Нэгдүгээрт, жагсагчид залуучуудын хүргүүлсэн шаардлагын талаар, одоогийн нөхцөл байдлын талаар Л.Овун-Эрдэнэ дарга бүлэгт мэдээлэл хийлээ. Хоёрдугаарт, олон улсын хямралт нөхцөл байдлаас үүдэлтэй гол нэрийн бараа бүтээгдэхүүний үнийн өсөлт хомсдолоос сэргийлэх, сөрөг нөлөөллийг бууруулах тухай хуулийн төслийг өнгөрсөн долоо хоногт өргөн барьсан. Үүнтэй холбоотойгоор УИХ-ын даргын захирамжаар ажлын хэсгүүд байгуулагдаад ажиллаж байгаа. Бүлгийн гишүүддээ төлөвлөгөөгөө танилцуулаад саналыг нь сонслоо. Бүлгийн гишүүдээс уг хуулиас гадна төсвийн тодотголыг хийхийг дэмжлээ”.

Төсвийн байнгын хорооны дарга Ч.Хүрэлбаатар “2022 онд манай эдийн засагт тулгамдаад байгаа гол асудал бол үнийн өсөлт. Одоо нөхцөл байдлаа бодитой дүгнэж үзэх ёстой. Урд хөршид халдвар нэмэгдэж байна. Том хотуудад хөл хорио тогтоосон байна. Тэгэхээр урд хил дээр нөхцөл байдал сайжрахгүй болов уу гэж харагдаж байна. Түүнчлэн дайнтай холбоотойгоор хойд хил дээр бэрхшээл хүндрэл гарна. Энэ нь тодорхой хугацаанд үргэлжлэх төлөв ажиглагдаж байна. 2022 онд нөхцөл байдал сайжирна гэсэн хүлээлт байсныгаа бид нар өөрчилж байна. Үүнтэй холботойгоор төсөвт тодотгол хийе. Төсөвт тодотгол хийснээр төгрөгийн ханш дээр ирж буй дарамтыг бууруулах ёстой. Их хэмжээний эрэлт бий болоод байвал хоёр төрлийн бэрхшээлийг эдийн засагт авчирна. Нэгдүгээрт, төгрөгийн ханш унахад хүргэнэ. Хоёрт, валютын нөөц хомсдоход хүргэж байгаа юм. Их хэмжээний эрэлт байгаад байхаар одоо хүндрэлтэй байгаа тээвэр ложистикийн асуудал улам нэмэгдэж, ачааллаад байгаа юм. Одоо их очертой байхад дээр нь нэмээд төсвийн хөрөнгө оруулалтаар гаднаас орж ирэх бараанууд нь нэмэлт ачаалал бий болгоно. Энэ нь тээврийн үнэ өсөх, хөөрөгдөх аюултай. Тиймээс өнөөдөр бүлэг дээр яриад бүлгийн гишүүд 100 хувийн саналаар төсвийн тодотгол хийе гэдэг санал тавьж байна. Энэ нь эргээд ханшдаа нөлөөлөх учиртай. Ойрын хугацаанд Засгийн газар, УИХ-д өргөн мэдүүлнэ. Энэ бол эдийн засгийн чухал шийдвэрүүдийн нэг” гэлээ.