Монголын Уулчдын Үндэсний Холбооны гишүүн “Summit Mountaineering Climbing Club”-аас жил бүр уламжлал болгон уулчид, уул аялал сонирхогчдын дунд “Дуган хад-Уртын алхалт”-ыг ес дэх жилдээ 10 дахь удаагаа зохион байгуулах гэж байна.
Энэ удаагийн алхалт нь “Дөрвөн улирал” нэртэйгээр 45 км үргэлжлэх үзэсгэлэнт хоёрдугаар замыг санал болгож байна гэж Уулчдын үндэсний холбооноос мэдээллээ.
2022 оны 1-р улирлын байдлаар улсын хэмжээнд 11 удаагийн ой хээрийн түймэр бүртгэжээ. 2021 онд улсын хэмжээнд 65 удаагийн ой, хээрийн түймэр бүртгэгдсэн нь өмнөх оноос 2.3 дахин буурсан байна.
Иргэд та бүхэн хуурайшилт ихтэй /түймрийн аюултай үе/ хавар, намрын улиралд ой, хээр ил гал түлэх, чүдэнз асаах, тамхи татахаас татгалзаж, цог нурам хаяхгүй байхыг анхааруулж байна.
“Түймрийн аюултай үе” гэдэг нь тухайн нутаг дэвсгэрт ой хээрийн түймэр гарах байгалийн нөхцөл бүрдсэн хуурайшилт бүхий хугацаа буюу жил бүрийн
Хүнс, хөдөө аж ахуй хөнгөн үйлдвэрийн яамнаас “Хүнсний ногоо” хөтөлбөрийн хүрээнд 2022 оны улсын төсвийн хөрөнгөөр хүнсний ногооны ил талбайн болон хүлэмжийн 11 нэр төрлийн 11.935 килограмм, 4.711.935 ширхэг үрийг тус тус худалдан авсан.
Засгийн газрын 2022 оны 118 дугаар тогтоолоор улсын төсвийн хөрөнгөөр нийлүүлсэн хүнсний ногооны үрийн үнийг 80 хувь хөнгөлөн олгохоор шийдвэрлэсний дагуу 21 аймаг, нийслэлийн хөдөө аж ахуйн газруудад байцаа, шар лууван, шар манжин, хүрэн манжин, тарвас, бууцай, сармис, урт сонгино, хүлэмжийн хэмх, лооль, чинжүүний үрийг тус тус хуваарилан хүлээлгэн өгсөн бөгөөд хүнсний ногооны үрийг иргэдэд олгох ажил нийслэл, сум, аймагт явагдаж байна.
Хүнсний ногооны үрийн дэмжлэгт хамрагдах хүсэлтэй иргэн, аж ахуйн нэгжүүд өөрийн харьяа аймаг, нийслэлийн Хүнс, хөдөө аж ахуйн газарт хандана уу.
Улаан-Үдээс-Улаанбаатар чиглэлд явж байсан “Ланд-200” маркийн автомашин 04 дүгээр сарын 21-ний өдрийн 05:00 цагт Сэлэнгэ аймгийн Баянгол сумын нутаг дэвсгэрт осолдож, биеийн байдал нь маш хүнд хоёр иргэнийг нэн яаралтай агаараар тээвэрлэх шаардлагатай байна гэсэн хүсэлтийг Эрүүл мэндийн байгууллагаас ирүүлсэн.
Хүсэлтийн дагуу ОБЕГ-ын дэргэдэх Агаараас эрэн хайх, аврах 111 дүгээр ангийн “МТ-1110” нисдэг тэрэг 08:11 цагт Улаанбаатараас хөөрч, иргэдийг тээвэрлэн 09:45 цагт ГССҮТ-д хүргэсэн.
Хэвлэл мэдээллийн хэрэгслээр мэдээлж байгаачлан энэхүү осолд Онцгой байдлын байгууллагын удирдах ажилтнууд өртөөгүй болохыг албан ёсоор мэдэгдэж байна.
Ийнхүү ОБЕГ-ын дэргэдэх Агаараас эрэн хайх, аврах 111 дүгээр анги нь анхны эмнэлгийн тусламжийн нислэгээ үйлдлээ гэж Онцгой байдлын ерөнхий газраас мэдээллээ.
Завхан аймгийн Ширээгийн голын мөс цөмөрч дээр нь явж байсан хүн усанд осолджээ.
Тодруулбал, Цагаанхайрхан сумын Цэцэрлэг багийн ‘’Хөшөөтийн-Ам’’ гэдэг газар иргэн П /41 настай, эрэгтэй/ мөсөн дээгүүр явж байгаад Ширээгийн голд мөс цөмөрч усанд унасан тухай дуудлагыг 04.20-ны өдрийн 06:07 цагт хүлээн авсан.
Тус аймгийн Онцгой байдлын газрын Эрэн хайх, аврах бүлгийн алба хаагчид 75 км замыг туулан очиж Улиастай сумаас Цагаанхайрхан сумын Цэцэрлэг багийн “Хөөрөг” гэдэг газрын чиглэлд иргэн Ш-ийн “Фургон” загварын автомашинаар зорчиж явсан иргэний мөсөн дээгүүр явганаар явж байгаад “Ширээ”-гийн голд мөс цөмөрч усанд живсэн байсныг анх осолдсон газраас урагш 300 метрийн зайтай газраас цогцсыг олж гаргажээ.
Тус голын өргөн 9 м, усны гүн-150-170 см, мөсний зузаан 50-60 см, зарим газар 30-40 см аж.
Эх сурвалж: ОБЕГ
Бүртгэгдсэн гэмт хэрэг 2022 оны эхний улиралд 11,182 болж, өмнөх оны мөн үеэс 5,505 буюу 97 хувиар өсчээ. Ингэж өсөхөд
16 ба түүнээс дээш насны 10,000 хүнд ногдох бүртгэгдсэн гэмт хэрэг 2022 оны эхний улиралд 52 болж, өмнөх оны мөн үеэс 25 буюу 92.6%-аар өссөн байна. Харин 2022 оны гуравдугаар сард 17 болж, өмнөх сараас 1 (5.5%)-ээр буурчээ.
Гэр бүлийн хүчирхийллийн улмаас үйлдэгдсэн гэмт хэрэг 2022 оны эхний улиралд 583 болж, өмнөх оны мөн үеэс 195 (50.3%)-аар, эмэгтэй хүн оролцсон хэрэг 1678 болж, 992 (2.4 дахин)-оор, хүүхэд оролцсон хэрэг 312 болж, 236 (4.1 дахин)-гаар, согтуугаар үйлдсэн гэмт хэрэг 1,558 болж, 501 (47.4%)-ээр, бүлэглэн үйлдсэн хэрэг 422 болж, 137 (48.1%)-оор, мансуурсан үедээ үйлдсэн хэрэг 50 болж, 2 (4.2%)-оор тус тус өсжээ.
“Миний сахилгагүй залуу” киноны гол дүрийг бүтээсэн Б.Замилантай ярилцлаа. Тэрбээр дэлгэцийн уран бүтээлд хүч түрэн орж ирж буй залуу жүжигчин бөгөөд гурван өөр мэргэжилтэй. Түүнийг “Говийн домог” киноны Эгээрэл гүнжийн дүрээр нь олон хүн таних биз ээ.
-Сайн байна уу. Юун түрүүнд шинэ киногоо нээсэнд нь баяр хүргэе. Киноныхоо талаар яриач?
-Баярлалаа. “Миний сахилгагүй залуу” кино маань миний хувьд анхны романтик инээдмийн кино байсан. Энэ киноны зохиол болоод дүр сонголт нь маш их таалагдсан. Жүжигчин У.Цогтбаярыг мэдэхгүй хүн байхгүй. Комедиаг баздаг шүү дээ. Тэр ч утгаараа комедиан жүжигчинтэй хамтрах нь сонирхолтой санагдсан.
-Бусад бүтээсэн дүрүүдээс нь “Миний сахилгагүй залуу” киноны дүр юугаараа онцлог байсан бэ?
– “Говийн домог” киноны Эгээрэл гүнж хурц ааш араншинтай, зоригтой, шийдэмгий гүнжийн дүр байсан бол “Нарны садан” киноны Гиймэлийн дүр хүлээцтэй, аливаад бодолтой ханддаг, шууд хариу үйлдэл үзүүлдэггүй охин байсан. Харин “Миний сахилгагүй залуу” киноны Амирлангийн дүр бол маш цайлган, гэгээлэг, үнэнч охины дүр байсан. Гурван өөр зан төрхтэй охидын дүр дээр ажилласан.
-“Зүгээр л” дууг өөрөө зохиосон гэж сонссон. Үнэн үү?
-Дууны аяыг нь би бичсэн. Шүлгийг аав маань найз Ган-Очир гэдэг хүн бичсэн. Энэ хүний номыг уншиж байгаад шүлэг нь таалагдаад оюутан байхдаа зориулж аяыг нь зохиож байсан юм. Гэсэн киноныхоо дундуур дуулах болсон. Хүмүүст ч их таалагдсан юм шиг байна лээ.
-Хуримын даашинз өмсөхөд ямар мэдрэмж төрсөн бэ?
-Анх удаа хуримын даашинз өмсөж үзсэн. Үнэхээр сонирхолтой догдолсон мэдрэмж авдаг юм билээ. Надад мөсөн талбай дээр хуримаа хийнэ гэдэг нь маш гоё, содон байсан. Киноны маань нэг хэсэг мартагдашгүй сайхан дурсамжийг үлдээж чадсан.
-Анхны кино санал ирэхэд яаж хүлээж авсан бэ?
-Хамгийн анх “Говийн домог” кинонд гол дүр бүтээсэн. Кино шалгаруулалт яаж явагддаг талаар мэдэж авч, туршлага хуримтлуулах зорилгоор кино проб өгсөн л дөө. Тэгсэн 7,8 пробны дараа тэнцсэн гэсэн хариу авсан. Өөрийгөө тэнцэнэ гэж бодоогүй. Дараа нь киноныхоо гол дүр дээр ажиллах болсноо мэдэж байлаа. Гоё л санагдсан.
-Нэрнийхээ утгыг тайлбарлаач. Олон хүн сонирхдог байх?
-Дуучин Д.Жаргалсайханы хүүг Замилан гэдэг юм билээ. Тэрийг анх сонсчхоод аав маань ямар гоё нэр вэ гэж бодсон гэсэн. Тэгээд л намайг төрөхөд нөгөө бодсон гоё нэрээ хайрласан юм шиг байгаа юм. \инээв\ Замилан гэдэг нь хорвоо, ертөнц гэсэн утгатай.
-Багадаа ямар хүүхэд байсан бэ. Дурсамжаасаа хуваалцаач?
-Хүүхэд байх үеийнхээ бичлэгийг үзэхээр үнэхээр сахилгагүй, нүд нь эргэлдсэн зальтай ч юм шиг, сэргэлэн хүүхэд байсан байна лээ. Ямартай лангуун дээрх ширхгийн бохь харчхаад “-энэ бохь надад идүүлэх гээд л ингээд ганцаараа үлдчихсэн юм байна л даа” гэж хэлсэн гэсэн.\инээв\ Бас нэг өдөр цэцэрлэгтээ хүргүүлж байгаад орохгүй зогсчихсон гэсэн. Тэгээд хартал ардаа нэг жижигхэн гөлөг шилэн хүзүүн дээрээс нь тас атгачихсан энийг аваад гэртээ харья гэж хэлсэн гэсэн. Ер нь л гудамжинд байгаа амьтдыг дандаа гэр лүүгээ зөөдөг байсан.
-Олон төрлийн авьяастай юу?
-Мэргэжлийн хэмжээнд биш ч гэсэн дуулж, бүжиглэж чадна. Дунд ангидаа бие хамгаалах урлагаар хичээллэж байсан ч одоо түр завсардсан байгаа. Бусдаар ажилласан кинонуудаасаа маш их зүйл сурсан. Жишээлбэл, “Говийн домог” кинонд тоглохын тулд морь, сарлаг унаж, нум сум харваж сурсан. “Нарны садан” кинон дээр сэлж чадахгүй ч гэсэн усанд живж байгаа хэсэгт тоглох шаардлага гарсан. Ер нь л тоглосон кино, бүтээсэн дүр болгоноосоо их зүйл сурч байна.
-Одоо ямар бүтээл дээр ажиллаж байна вэ?
-Одоохондоо тодорхойгүй байгаа ч урлагаасаа холдохгүй ээ. Ахиад өөрийгөө сорих боломжтой, шинэ адал явдлыг надад өгч чадах тийм дүр дээр ажиллана.
-Яагаад гурван өөр мэргэжлээр сурах болсон бэ?
-Төгөлдөр хуур, жүжигчний мэргэжлийг сонирхлоороо сурч төгссөн. Маркетингийн мэргэжлийг бүх салбарт хэрэгтэй, аль ч салбар руу хөрвөх боломжтой учир хэрэгтэй байх гэдэг үүднээс сурч саяхан магистраа хамгаалсан. Гэхдээ магистрын зэрэг хамгаалсан ч гэсэн энэ мэргэжлийг бүрэн эзэмшсэн гэж хэлмээргүй байна. Сурах зүйл маш их байдаг юм билээ.
–Ээж болсон мэдрэмжээсээ хуваалцаач?
-Хамгийн гоё мөртлөө аймар мэдрэмж байсан. Хэвлийдээ хүүхдээ тээж байхдаа яг ээж болчихсон мэдрэмжийг авдаггүй юм билээ. Хүү минь төрөөд ээжийнхээ энгэрт анх удаа тэврүүлэх тэр үед л бүх зүйл бодит санагдаж, итгэсэн. Тухайн үед маш олон асуултууд толгойд эргэлдэж байсан. Би ээж болоход бэлэн юм болов уу, хүүхдээ сайн харж чадах болов уу, сайн ээж байж чадах болов уу гэх мэт. Эх хүн болсны дараа олон зүйлийг ойлгож ухаарсан, өөртэйгөө илүү танилцсан. Ээж болоод жинхэнэ амьдрал эхэлсэн. Тэрнээс өмнөх цаг хугацаа зүгээр хөвөлзөөд, урсаад л өнгөрчихсөн байсан. Миний хамгийн том бахархал бол миний хүү.-Баярлалаа. Уран бүтээлийн өндөр амжилт хүсье.
М.САЙНЗАЯА
Швейцарийн ерөнхийлөгч Игназио Кассис Оросын эсрэг олон улсын хориг арга хэмжээнд нэгдэж буйгаа илэрхийлэв. Гэхдээ хориг арга хэмжээ авснаар уламжлалт төвийг сахисан байр сууриа өөрчлөхгүй гэжээ. Игназио Кассис болон Японы ерөнхий сайд Фүмио Кишида нар Токиод хэлэлцээ хийх үеэр “Украины гэмгүй иргэдэд халдсан хариуцлагаа Орос улс хүлээх ёстой” гэдэг дээр санал нэгдсэн байна. Уулзалтын үеэр Кишида “Оросын түрэмгийлэл Европ төдийгүй Ази тивд олон улсын дэг журмыг үгүй хийж байна.
Одоо олон улс урьд өмнөхөөсөө илүү нэгдэх цаг ирлээ” гэж онцолжээ.Игназио Кассис нь Гадаад хэргийн сайд бөгөөд тус улсын хуулийн дагуу хоёр жилийн хугацаагаар сайдууд ээлжлэн ерөнхийлөгчийн үүргийг давхар гүйцэтгэдэг ёстой юм. Тэрбээр Швейцарь улс дайныг эрс буруушааж байгааг илэрхийлэв. Швейцарь улс Европын холбоонд харьяалагддаггүй ч ОХУ-ын эсрэг тус холбооны хориг арга хэмжээг бүрэн дэмжиж байгаа. Иймээс ч өнгөрсөн долоо хоногт тав дахь хориг арга хэмжээгээ хэрэгжүүлжээ.Тав дахь хориг арга хэмжээ нь ОХУ-ын худалдаа, санхүү, тээврийн салбарыг онилж байгаа аж. ОХУ-ын орлогын чухал эх үүсвэр болдог нүүрс, мод, цемент, далайн бүтээгдэхүүн, архи гэх мэт бараа, бүтээгдэхүүний импорт болон керосин тэргүүтэй зарим зүйлийн экспортыг хоригложээ.
Мөн зарим төрлийн химийн бодис болон үйлдвэрлэлийн роботууд үүнд багтаж байна. Харин санхүүгийн хязгаарлалтын хүрээнд Оросын компаниудыг төрийн худалдан авалтад оролцох, Оросын төрийн байгууллагуудад дэмжлэг үзүүлэхийг хоригложээ.Худалдаа болон санхүүгийн салбарын хориг арга хэмжээний хувьд Швейцарь улс Европын холбоотой нэгдэж байгаа боловч газарзүйн байршлаас хамаараад тээврийн хоригийг хэрэгжүүлэхгүй юм байна. Тээврийн салбарт чиглэсэн Европын холбооны шинэ арга хэмжээнд Орос, Беларусийн авто тээврийн компаниудыг Европын холбооны бүс нутагт авто замаар ачаа тээвэрлэхийг хориглосон.
Мөн Оросын хөлөг онгоцуудыг тус бүсийн боомтуудад нэвтрэхийг хориглов. Япон улс ч мөн адил АНУ, Европын холбоотой нэгдэн Оросын эсрэг хориг арга хэмжээ авсан. Тус улс Оросын олон зуун хувь хүн, компанийн хөрөнгийг битүүмжилж, шинэ хөрөнгө оруулалт, худалдаа, тэр дундаа цэргийн зориулалтаар ашиглаж болох бараа, бүтээгдэхүүний экспортыг хоригложээ. Түүнчлэн Оросын нүүрсний импортыг үе шаттайгаар зогсоох төлөвлөгөөгөө зарласан байна.
Москвагийн эсрэг авсан эдийн засгийн хориг арга хэмжээний хүрээнд нийт 38 нэр төрлийн бараа, бүтээгдэхүүнд импортын хориг тавьсан. Эдгээр нь ойролцоогоор 16 тэрбум йенээр үнэлэгдэх бөгөөд Японы импортын 1.1 хувийг эзэлж буй юм.
“Энхрий үрс халуун сэтгэл” НҮТББ-ын тэргүүн ГССҮТ-ийн Мэдээгүйжүүлэг, эрчимт эмчилгээний эмч, Эрх зүйн магистрант О.Энхмаатай ярилцлаа.
-Түлэнхийн эмнэлгийн газар, ЭМЯ-ыг шаардах, төсөвт хөндлөнгийн хяналт тавих, хуулийн төслийн талаар гээд дөрвөн асуудлын талаар та өнгөрсөн баасан гаригт Төрийн ордны баруун хаалганаас мэдээлэл хийсэн. Яагаад эдгээр асуудлыг хөндөх болов?
-Түлэнхийн эмнэлгийн газрын асуудлыг хүмүүс сайн мэдэж байгаа байх. Дараагийн чухал асуудал бол Монгол Улс жилд 3 их наяд төгрөгийн санхүүжилт төсөвт зарцуулдаг хэрнээ эрүүл мэндийн болон бусад чухал салбаруудад бодит бүтээн байгуулалт хийж, ард түмнийхээ тулгамдсан асуудлыг шийдэхгүй байна. Ард түмэн нэн ядуу, улс орон хөгжихгүй байна. Иймээс бүх яамдын төсөвт хяналт тавьж ажиллахаар болсон. Худлаа үнэн мэдээлэл хийсэн болоод санхүүжилтийг нуун дарагдуулах, завших үзэгдэл даамжирч байгаа учраас авлигатай тэмцэх газраар уламжлуулсан. Дараагийн асуудал эмнэлэг, сургууль, цэцэрлэгийн онцгой бүсийг хамгаалах хуулийн хэлэлцүүлгийг төрийн ордонд хийхээр болж УИХ-ын дарга Г.Занданшатар өнгөрсөн оны арванхоёрдугаар сарын 18-ны өдөр УИХ-ын гишүүн, Нийгмийн бодлогын байнгын хорооны дарга М.Оюунчимэгт үүрэг болгож хуультай танилцсан. Энэ хуулийг хэрэгжих сургаар нэр бүхий гишүүд ёс зүйгүй авирлаж өөрсдөө санаачилсан мэтээр төстэй хуулийн төсөл батлуулахаар зүтгүүлсэн. Тийм болохоор өнгөрсөн баасан гаригийн шаардлагадаа энэ асуудалд их ач холбогдол өгсөн. Засгийн газарт ч ажлаа яаралтай хий гэдэг шаардлага хүргүүлсэн.
-Хуулийн үндэслэл юу вэ?
-Улаанбаатарын хэмжээнд 995 сургууль, цэцэрлэг байна. Эдгээрт хяналт тавих нэн шаардлагатай. Олон улсын харьцуулсан эрх зүйн багш маань тусалж байгаа. Улаанбаатарын хэмжээнд байгаа бүх эмнэлгийн 40-60 хувийн газар нь хулгайлагдчихсан, менежмэнтийн хувьчлалд орох гээд байна. Жишээлбэл, Улсын нэгдүгээр төв эмнэлэг, Арьс өнгөний үндэсний төв гэх мэт. Далдуур энэ ажил явагдаад байна. Энэ бүхнийг базаж шийдэх гаргалгаа нь энэ хууль болох гээд байгаа юм.
-Санхүүжилтийг яаж зохицуулж байна?
-Хууль боловсруулахад мэдээж маш их хэмжээний төсөв хэрэгтэй. Тиймээс ирэх сарын 19-ны өдөр “UB palace”-д тоглолт зохион байгуулах гэж байгаа. Тоглолтын ашгийн 10 хувийг хуулийн багт, 10 хувийг Монголын 900 мянган хүүхдийн боловсролд хөрөнгө оруулна.
-Монголын 900 мянган хүүхдэд ямар хөрөнгө оруулах гэж байна?
-Монголын оюун ухааны академийн захирал Х.Хатанбаатартай хамтарч оюуны спортыг үе шаттайгаар хөгжүүлэх хөтөлбөрийг 2022 оны намраас сургалтын хөтөлбөрт оруулахаар болсон. Боловсрол, шинжлэх ухааны сайд Л.Энх-Амгалан дэмжсэн. Тиймээс тоглолтын ашгийн 10 хувийг сургалтын хөтөлбөрт оюуны спортыг оруулахад зарцуулна. Монголын оюун ухааны академийн сурагчид геннисийн амжилтыг тогтоож байна. Манай улс энэ капиталын үндсэн хөрс нь мөртлөө ашиглаж чаддаггүй. Үүнийг сургалтын хөтөлбөрт оруулснаар Монгол Улсын бүх аймаг, сумд, дүүргийн сурагчид үнэ төлбөргүй оюуны спортоор хичээллэх, өөрийгөө хөгжүүлэх боломжтой.
-Улсын эмнэлэг, сургууль, цэцэрлэгийн барилга он дамжиж царцдаг. Гэтэл хуулийн байгууллага, хороо дүүргийн оффис зундаа л босчихдог шүү дээ. Энэ тухай…
-Энэ асуудал мөн л санаачилж буй хуульд хамаатай. Хуулийг боловсруулахын тулд 995 сургууль, цэцэрлэгт анализ хийж газрыг нь яаж хувьд завшсан байна. Яагаад сургууль, цэцэрлэг нэмэгдэж баригдахгүй төсөв шамшигдаад байгаа юм бэ гэдгийг хянана. Сэтгэлгүй дарга нар төсвийг замбараагүй зарцуулж, ард түмний тулгамдсан асуудлыг шийдвэрлэх бодолгүй байна.
-Иргэдийн дунд Монголын залуучуудын холбооны байрыг хүүхдийН эмнэлэг болгоё гэсэн санал гарсан. Та ямар бодолтой байна?
-Онцгой объектууд нь ард түмэндээ үйлчилж чадахгүй, ард түмэнд нээлттэй байлгах ёстой УИХ нь ажлаа хийхгүй, аргаа барсан иргэд ийм санал гаргасан. Монголын залуучуудын холбооны байрыг хүүхдийн эмнэлэг болгох нь зөв гэж бодож байна. Тэд ямар эрхтэйдээ тэр том талбайг эзэмшээд, юу хийж бүтээдэгтээ тэнд байгаа юм. Монгол ардын намын байр ч гэсэн улсын төсвөөр л баригдсан байгаа. Юу хийж, яаж ард түмэндээ үйлчилдэг гэж асар их хэмжээний төсвийг идэж ууж, өөрсдийн суух байраа бэлтгээд байгаа юм бэ. Жишээлбэл, 2.6 их наяд төгрөгийн төсөв гэдэг чинь ойрын үед батлагдаагүй их хэмжээний төсөв. Энэ их төсвөөр ард түмэндээ шаардлагатай дэд бүтцийг тавих хэрэгтэй. Гэр хороололд сургууль, цэцэрлэг, хувийн орон сууц гэх мэт амин хэрэгцээний зүйлсэд ард түмэн санаа зовох ёсгүй. Гэтэл ямар ч чадамжгүй, бодлого хэрэгжүүлэх чадваргүй, улс орныг хөгжүүлэх ухаангүй хүмүүсийг сонгочихоод өөрсдөө зовж байна. Тиймээс ард түмэн төлөөллөө зөв сонгох хэрэгтэй.
-Нэгэнт хийчихсэн сонголт, таны хувьд цаашид яавал дээр гэж харж байна?
-Төсвийн хөрөнгийг зөв зарцуулахгүй байна. Тиймээс 2022 оныг бүх яамдын төсөвт хөндлөнгийн хяналт тавьж, ард түмний төлөөөлөл, хянан шалгах хороо, магадгүй ард түмэн дэмжих юм бол сүүдрийн засгийн газрыг сайн дураараа байгуулж ард түмнээ түүчээлж ажиллах бодолтой байна.
Туул голын сав газрын захиргааны удирдлагыг хариуцлага алдсан үндэслэлээр чөлөөлж шинэ удирдлагыг томилсон ба шинээр томилогдсон баг шуурхай ажиллаж эхэллээ.
Туул голын сав газрын захиргааны даргын 2022 оны дөрөвдүгээр сарын 18-ны өдөр баталсан хугацаатай ажлын даалгаврыг хэрэгжүүлэн Туул голын сав газрын хяналт шалгалтын явцад голын эрэг дагуух хамгаалалтын бүсэд байрлах их хэмжээний хог хаягдал байгааг илрүүллээ.
Үүнд:
Иймд Баянзүрх Дүүргийн Засаг даргын тамгын газар, Налайх дүүргийн Засаг даргын тамгын газарт тус тус уг зөрчлийг арилгах, тогтмол хяналт шалгалт явуулахад хамтран ажиллах, үүссэн хогийг цэвэрлэх, ачуулах тал дээр хүсэлт, шаардлагыг албан бичгээр хүргүүлжээ.
Эх сурвалж: Байгаль орчин, аялал жуулчлалын яам