Month: April 2022

Баянзүрх дүүргийн долдугаар хороонд 72 гарааш буулгаж, газрыг чөлөөлөв.

Зарын дагуу автомашин худалдан авахаар бэлэн мөнгөө авч очин алдсан хэрэг бүртгэгджээ. Тодруулбал, энэ сарын 20-ны өдрийн 15.39 минутад цагдаагийн байгууллагад “Фэйсбүүкээр танилцсан хүнээс “Lexus-570” маркийн автомашин худалдаж авахаар тохиролцон Сүхбаатар дүүргийн 11 дүгээр хорооны нутаг дэвсгэрт байрлах хотхоны дэлгүүрт уулзахад миний 40.000 ам.долларыг авч зугтаасан” гэх дуудлага, мэдээлэл ирсэн байна.

Монгол инженерүүдийн бүтээсэн хог хаягдал төлбөртэй хүлээн авах автомат машиныг “Эко кэш” ХХК-ийн төлөөлөл тус аймагт суурилуулж эхэллээ.

Энэ ондоо багтаан дээрх автомат машинаас 10 ширхгийг олон нийтийн төвлөрөл ихтэй газруудад байршуулах аж. Дархан-Уул аймгийн Засаг дарга Б.Азжаргал, “Эко-кэш” ХХК-тай харилцан ойлголцлын санамж бичгийг өнгөрсөн аравдугаар сард байгуулсан. Тус санамж бичгийн гол зорилго нь орчин үеийн технологид тулгуурласан хог хаягдлын шинэ менежментийг нэвтрүүлэхэд оршжээ.

Тус машин нь 4G сүлжээнд ажилладаг, үндэсний үйлдвэрлэгч болон импортлогч компаниудын 960 ширхэг бар кодыг урьдчилан сануулсан учраас Hipay-аар дамжуулан хуванцар сав, лааз, жижиг цаасан хайрцаг тус бүрийг 20 төгрөгөөр хүлээн авах ажээ. Машины ашиглалттай холбоотой зааварчилгааг тухайн автомат машин дээр байршуулсан гэдгийг тус компанийн удирдлагууд онцолж байна. Одоогийн байдлаар Улаанбаатар хотод 12, Өмнөговь аймагт 4 ширхэг автомат машиныг тус тус байршуулжээ. Энэхүү машиныг иргэд ашигласнаар хэрэглэсэн ус, ундааныхаа савыг буцаагаад мөнгө болгох боломжтой гэдгээрээ ач холбогдолтой юм.

Засгийн газрын Иргэд, олон нийттэй харилцах 11-11 төвд ирсэн иргэдийн хүсэлтийн дагуу Монгол Улсын Ерөнхий сайдын нэрэмжит сургалтын тэтгэлгийн бүртгэлийн хугацааг 2022 оны 5 дугаар сарын 02-ны өдрийн 17:00 цаг хүртэл сунгах шийдвэрийг БШУЯ-наас гаргажээ.

Энэхүү сургалтын тэтгэлгийг 3 дугаар сарын 21-ний өдрөөс 4 дүгээр сарын 19-ний өдрийн хооронд зарлаад байсан бөгөөд иргэдийн саналыг үндэслэн шалгуурт нь өөрчлөлт оруулж, хугацааг нь сунгасан байна.

Сургалтын тэтгэлгийн талаар дараах холбоосоос дэлгэрэнгүй үзнэ үү.

https://scholarship.esis.edu.mn/grant/news%20more.html?more=34

Гол нэр төрлийн зарим бараа, бүтээгдэхүүний үнийн өсөлт, хомстлоос сэргийлэх, сөрөг нөлөөллийг буруулах тухай хуулийн хэрэгжилтийг хангуулахтай холбоотой асуудлаар Монгол Улсын Шадар сайд С.Амарсайхан ШӨХТГ-т ажиллалаа.

Он гарснаас хойш дэлхийн зах зээл дээр газрын тосны үнэ 50 орчим хувиар өссөн, Ковидын дараах эдийн засгийн хүндрэл, ачаа барааны тээвэрлэлт нийлүүлэлт болон хөрш орнуудын хурцадмал нөхцөл байдлын улмаас үнийн өсөлт тулгамдсан асуудал болоод буй. Энэ цаг үед зах зээлийн шударга өрсөлдөөнийг хангуулах, хэрэглэгчдийн эрх ашгийг хамгаалах чиглэлээр ажлаа эрчимжүүлэх, аливаа бараа, бүтээгдэхүүн, үйлчилгээний үнийг үндэслэлгүй өсгөх, зохиомол хомстол бий болгох, үгсэн хуйвалдаж үнэ нэмэхээс урьдчилан сэргийлж, сайтар хяналт тавьж ажиллахыг ШӨХТГ-ын дарга С.Мөнхчулуунд даалгалаа.

УИХ-ын чуулганаар төсвийн тодотголыг хэлэлцэж байна. Төсвийг тодотгохдоо хэмнэлтийн горимыг баримтлана гэдгээ Засгийн газар хэлж буй. Төсөв хэмнэх болоод төрийн данхар байдлыг бууруулахын тулд Засгийн газар Хэмнэлтийн хуулийг өргөн барьж, агентлагийн дэд дарга нарыг цомхотгохоор болсон. Тэгвэл дараах дэд дарга нар цомхотголд орно.

1. Биеийн тамир, спортын улсын хороо нэг дэд даргатай. – Ц.Одонбаяр ажиллаж байна;

2. Мэргэжлийн хяналтын ерөнхий газар гурван дэд даргатай. Тэргүүн дэд дарга Л.Төгсбаяр, дэд дарга Д.Энхсайхан, дэд дарга Б.Мөнхдөл нар ажиллаж байна;

3. Стандарт, хэмжил зүйн газар нэг дэд даргатай;

4. Төрийн өмчийн бодлого зохицуулалтын газар нэг дэд даргатай – А.Ариунболд;

5. Төрийн худалдан авах ажиллагааны газар нэг дэд даргатай;

6. Цаг уур, орчны шинжилгээний газар нэг дэд даргатай – Б.Баттулга;

7. Гаалийн ерөнхий газар хоёр дэд даргатай – Б.Батхишиг, Ц.Гэндэнцэвээн нар ажиллаж байна;

8. Татварын ерөнхий газар нэг дэд даргатай – Ц.Цогтжаргал;

9. Улсын бүртгэлийн ерөнхий газар нэг дэд даргатай – Г.Билгүүн;

10. Архивын ерөнхий газрын нэг дэд даргатай – Ч.Оюунчимэг;

11. Гадаадын иргэн, харьяатын газар нэг дэд даргатай – Д.Мөнхбаатар;

12. Оюуны өмчийн газрын нэг дэд даргатай;

13. Нийгмийн даатгалын ерөнхий газар нэг дэд даргатай – Г.Саран;

14. Хөдөлмөр, халамжийн үйлчилгээний ерөнхий газар хөдөлмөр болон нийгмийн асуудал хариуцсан хоёр дэд даргатай;

15. Гэр бүл, хүүхэд, залуучуудын хөгжлийн газар нэг дэд даргатай – Н.Самъяа;

16. Хөгжлийн бэрхшээлтэй хүний хөгжлийн ерөнхий газар захиргаа хамтын ажиллагаа болон хөдөлмөр эрхлэлт хариуцсан хоёр дэд даргатай;

17. Газар зохион байгуулалт, геодези, зураг зүйн газар нэг дэд даргатай – М.Буяндэлгэр;

18. Соёл урлагийн газар нэг дэд даргатай;

19. Иргэний нисэхийн ерөнхий газар нэг дэд даргатай- Б.Алтанцом;

20. АМГТГ нэг орлогч даргатай- Ц.Эрдэнэбаяр;

21. Эрүүл мэндийн даатгалын ерөнхий газар нэг дэд даргатай – Г.Гийхнаран

Хэмнэлтийн хуулийн төсөлд зааснаар төрийн тусгай чиг үүрэг хэрэгжүүлдэг Улсын Их Хурал болон төрийн өмчит үйлдвэрийн газрууд дэд дарга, орлогч даргатай байхыг хориглоно. Мөн Нийслэлийн Засаг дарга хоёр хүртэл, аймаг, дүүрэг, сумын Засаг дарга нэгээс илүү орлогч даргатай байхыг хориглоно гэж заажээ. Нийслэлийн Засаг дарга Д.Сумъяабазар зургаан орлогч даргатай ажиллаж байгаа бол энэ хууль батлагдсанаар хоёр орлогчтой ажиллана гэсэн үг.

Зөвхөн дэд дарга нарыг жолооч, туслахтай нь цомхотгосноор 250-аад хүн, УИХ-ын харьяа байгууллагуудын дэд, орлогч дарга, аймаг, сум, дүүргийн Засаг дарга нарын орлогчдыг цомхотговол нийтдээ 1500-аад хүн цомхотголд орох юм.

2022 оны тавдугаар сарын 1-ний өдрөөс эхлэн Монгол Улсын 16 ба түүнээс дээш насны иргэдэд тоон гарын үсгийг олгож эхэлнэ. Тоон гарын үсгийг таван жилийн хугацаатайгаар үнэ төлбөргүй олгох бөгөөд иргэний үнэмлэхийн санах ой болон ухаалаг гар утасны аппликэйшнд байршуулах юм.

Иргэд тоон гарын үсэг авах хүсэлтээ засаг захиргааны нэгжийн харьяалал харгалзахгүй Улсын бүртгэлийн байгууллагад биечлэн гаргана. Тус байгууллага нь ажлын гурван өдрийн дотор шийдвэр гаргах бөгөөд хүсэлтийг хууль журмын дагуу, үнэн зөв гаргасан бол тоон гарын үсгийг олгож, мэдээлэл зөрүүтэй бол хүсэлтийг буцаах аж.

Олон улсын хямралт нөхцөл байдлаас үүсэлтэй гол нэр төрлийн бараа, бүтээгдэхүүний хангамж нийлүүлэлтийн хомсдол, сөрөг нөлөөллийг бууруулах тухай УИХ-аар өнгөрсөн долоо хоногт баталсан хуулийг дагалдуулан Мөнгө угаах болон терроризмыг санхүүжүүлэхтэй тэмцэх тухай хуульд өөрчлөлт оруулсан.

Уг хуулийн хүрээнд Монгол Улсын болон гадаадын иргэн харьяалалгүй иргэд 20 сая төгрөгтэй тэнцэх хэмжээний биет үнэт металл, бэлэн гадаад валютыг Монгол Улсын хилээр гаргахыг хориглох шийдвэр өнөөдрөөс хэрэгжиж эхэлсэн талаар Гаалийн Ерөнхий Газраас мэдээлэв.

Дээрх шийдвэр 2023 оны нэгдүгээр сарын 1-н хүртэл хэрэгжинэ.

Дөрөвдүгээр сарын 4-ний өдрийн Засгийн газрын хуралдаанаар гадаад валют, үнэт металлын экспортыг хязгаарлах шийдвэрийг гаргасан юм.