Харин зүүн аймгуудын ихэнх нутгаар агаарын температур олон жилийн дунджаас дулаан, хур тунадас дунджаас бага байх төлөвтэй. Сарын хоёрдугаар 10 хоногийн турш ихэнх нутгаар сэрүүсэж, эхний 10 хоногийн дунд болон гуравдугаар 10 хоногийн сүүлчээр ихэнх нутгаар хур тунадас орох аж. Мөн дурдсан үеүдэд салхины хурд ширүүсэж, цасан болон шороон шуурга шуурахыг анхаарууллаа.

Баруун аймгуудын нутгаар. Энэ сард агаарын дундаж температур Баян-Өлгийн нутаг, Увсын баруун, Ховдын ихэнх, Говь-Алтайн төв хэсэг болон Баянхонгорын өмнөд хэсгээр олон жилийн дунджаас хүйтэн, бусад нутгаар дунджийн орчим, хур тунадас Ховд, Говь-Алтай, Баянхонгорын өмнөд хэсгээр олон жилийн дунджаас ахиу, бусад нутгаар дунджийн орчим байна. Нэгдүгээр 10 хоногийн эхэн, дунд, гуравдугаар 10 хоногийн дунд үеэр агаарын температур өмнөх үеийнхээсээ 3-5 хэмээр дулаарна. Харин нэгдүгээр 10 хоногийн сүүлч, хоёрдугаар 10 хоног болон гуравдугаар 10 хоногийн эхэн үеэр ихэнх нутгаар бага зэрэг сэрүүснэ. Нэгдүгээр 10 хоногийн дунд буюу сүүлч, гуравдугаар 10 хоногийн сүүлчээр ихэнх нутгаар хур тунадас орно. Энэ үеэр салхи зарим газраар 14-16 м/с, зарим үед түр зуур 16-18 м/с хүрч ширүүсч болзошгүй.

Төвийн аймгуудын нутгаар. Энэ сард агаарын дундаж температур болон хур тунадас нийт нутгаар олон жилийн дунджийн орчим байна. Нэгдүгээр 10 хоногийн эхэн, дунд үе, гуравдугаар 10 хоногийн сүүлчээр агаарын температур өмнөх үеэсээ 4-6 хэмээр дулаарна. Харин нэгдүгээр 10 хоногийн сүүлч, хоёрдугаар 10 хоног, гуравдугаар 10 хоногийн эхэн үеэр ихэнх нутгаар бага зэрэг сэрүүснэ. Нэгдүгээр 10 хоногийн дунд буюу сүүлч, хоёрдугаар 10 хоногийн дунд, гуравдугаар 10 хоногийн сүүлчээр ихэнх нутгаар хур тунадас орно. Энэ үеэр салхи зарим газраар 12-14 м/с, зарим үед түр зуур 14-16 м/с хүрч ширүүсч болзошгүй.

Зүүн аймгуудын нутгаар. Энэ сард агаарын дундаж температур Хэнтийн зүүн, Дорнодын нутаг, Сүхбаатарын хойд хэсгээр олон жилийн дунджаас дулаан, бусад нутгаар дунджийн орчим, хур тунадас Хэнтийн ихэнх, Дорнод, Сүхбаатарын хойд хэсгээр олон жилийн дунджаас бага, бусад нутгаар дунджийн орчим. Нэгдүгээр 10 хоногийн эхэн, дунд, хоёрдугаар 10 хоногийн дунд үе, гуравдугаар 10 хоногийн сүүлчээр агаарын температур өмнөх үеэсээ 3-5 хэмээр дулаарна. Харин хоёрдугаар 10 хоногийн эхэн, сүүлч, гуравдугаар 10 хоногийн эхэн, дунд үеэр ихэнх нутгаар сэрүүсэх юм. Хоёрдугаар 10 хоногийн сүүлч, гуравдугаар 10 хоногийн эхэн, сүүлчээр ихэнх нутгаар хур тунадастай. Энэ үеэр салхи ширүүсч, зарим газраар 13–15 м/с, зарим үед түр зуур 15–17 м/с хүрч ширүүсч болзошгүй.

Говийн аймгуудын нутгаар. Энэ сард агаарын дундаж температур ихэнх нутгаар олон жилийн дунджийн орчим, хур тунадас Өмнөговийн ихэнх, Дорноговийн өмнөд хэсгээр ОЖД-аас ахиу, бусад нутгаар дунджийн орчим байна. Нэгдүгээр 10 хоногийн эхэн, дунд үе, хоёрдугаар 10 хоногийн дунд үе, гуравдугаар 10 хоногийн сүүлчээр агаарын температур өмнөх үеэсээ 4-6 хэмээр дулаарна. Харин хоёр, гуравдугаар 10 хоногийн эхэн үеэр ихэнх нутгаар сэрүүснэ. Нэгдүгээр 10 хоногийн дунд, сүүлчээр ихэнх нутгаар бороо орно. Энэ үеэр салхи ширүүсч 14-16 м/с хүрэх буюу зарим үед 18-20 м/с хүрч ширүүсч болзошгүй гэжээ.

ОХУ-д ой хээрийн түймрийн хэмжээ өдөрт 3.6 дахин нэмэгдсэн талаар тус улсын Холбооны төсвийн байгууллага “Авиалесоохрана”-ын хэвлэлийн албаны нийтэлсэн тоо баримтад дурджээ.

Тус албаны мэдээлснээр, дөрөвдүгээр сарын 26-ны шөнө дунд гэхэд ОХУ-д 19 ойн түймрийг унтраасан аж. Үүний зэрэгцээ түймэрт өртсөн талбайн хэмжээ 2000 га газраас давсан байна. Харин нэг өдрийн өмнө 586 га талбайд түймэр гарсан байжээ.

“Дөрөвдүгээр сарын 26-ны өдрийн 00:00 /орон нутгийн/ цагийн байдлаар ОХУ-ын нутаг дэвсгэрт 2,102 га талбайг хамарсан 19 түймэр гарсан ба түймрийг унтраах ажиллагаа идэвхтэй явагдсаар байгаа юм.

Түймэрт хамгийн их өртөж, их хохирол амссан газруудыг нэрлэвэл, Приморскийн хязгаар /926 га газарт 7 түймэр/, Амур муж /706 га-д 3 түймэр/, Хабаровскийн хязгаар /338 га-д 4 түймэр/ байна. Мөн Свердловск муж /121 га/, Еврейн автономит муж /8 га/, Байгаль нуурын хязгаар /3 га/ зэрэг томоохон газар нутгийг хамарсан түймэр дэгдээд байна.

Дээр дурдсан тэдгээр түймрийг унтраахад 1,215 хүн, 338 нэгж тусгай техник, хоёр нисэх онгоцыг дайчилж байгаа аж. Түүнээс гадна, галын нөхцөл байдлыг хянах зориулалтаар 27 нисдэг тэрэг, онгоцыг ашиглаж байгаа ажээ.

Харин өнгөрсөн хоногт 14 бүс нутагт гаран 85 ой хээрийн түймрийг унтрааж амжсан гэсэн мэдээлэл байна. Хамарсан нийт талбай нь 3,152 га.

Өнгөрсөн долоо хоногт буюу дөрөвдүгээр сарын 18-наас дөрөвдүгээр сарын 24-ныг хүртэлх хугацаанд нийт 37 мянган га талбайг хамарсан 617 ойн түймрийг унтраасан талаар мөн албаны эх сурвалж мэдээлжээ.

Тавдугаар сарын 1-нээс Монгол Улсын бүх иргэн эрүүл мэндийн үзлэг, шинжилгээ хамрагдаж эхэлнэ.

Үүнтэй холбоотой зохион байгуулалтын талаарх дэлгэрэнгүй мэдээллийг Баасан гарагт Эрүүл Мэндийн Яам /ЭМЯ/-наас өгнө гэдгийг Ерөнхий сайдын Хэвлэлийн төлөөлөгч Ч.Болортуяа хэллээ.

Мөн тэрбээр, иргэдийн эрүүл мэндийн эрт, оношилгоо шинжилгээнд хамрагдахыг уриалсан юм.

Пүрэв эсвэл Баасан гаригт Засгийн газар ээлжит бус хурал хийхээр төлөвлөж байна

Үргэлжлүүлэн “Улаанбаатар-Дархан чиглэлийн замын бүтээн байгуулалтын таван багц ажлын хоёр дээр нь ажил хангалтгүй байгаа. Үүнтэй холбоотойгоор Засгийн газраас ЗХЖШ-ыг хүч нэмэгдүүлэн оролцуулах эхний шийдвэрийг өнөөдөр гаргасан.

Харин гарах зардал, зохион байгуулалтын ажлыг дараагийн Засгийн газрын хуралдаанд оруулж ирэх үүргийг Ерөнхий сайд өгсөн. Энэ долоо хоногийн сүүлээр буюу Пүрэв, Баасан гарагт Засгийн газрын ээлжит бус хуралдаан хийхээр төлөвлөж байна. Уг хуралдаанаар зардалтай холбоотой асуудал дэлгэрэнгүй мэдээлэгдэнэ” хэмээн сэтгүүлчийн асуултад хариуллаа.

“ТОСК” ТӨХХК, “Hybrid house” компани, ТОС, GIZ-тай хамтран гэр хороололд эрчим хүчний хэмнэлттэй, эко жишиг хотхон барьсан билээ. Нийслэлийн Чингэлтэй дүүргийн долдугаар хорооны нутаг Дэнжийн 1000-ын гэр хороололд баригдсан энэхүү эрчим хүчний хэмнэлттэй жишиг хотхоны нээлт өнөөдөр болж, оршин суугчиддаа түлхүүрийг нь гардуулж өглөө.

Нээлтийн ажиллагаанд “ТОСК” ТӨХХК-ийн Гүйцэтгэх захирал Л.Батжаргал, “Hybrid house” компанийн захирал Ц.Бат-Эрдэнэ, Нийслэлийн хот байгуулалтын асуудал хариуцсан орлогч Ж.Сүхбаатар, Чингэлтэй дүүрэг болон Төрийн банкны удирдлагууд, оршин суугч иргэдийн төлөөлөл оролцлоо.

Уг төслийн гүйцэтгэгч “Hybrid house” компанийн захирал Ц.Бат-Эрдэнэ “Дэнжийн 1000-д буюу гэр хороолол дунд баригдаж буй эрчим хүчний хэмнэлттэй, эко хаусны жишиг хотхон маань гүний цэвэр устай, бохироо 98 хувь хүртэл цэвэршүүлэн дахин ашиглах боломж бүхий цэвэрлэх байгууламжтай, үерийн болон бохир ус зайлуулах нэгдсэн системтэй, 100 хувь нарны илчийг өөртөө шингээн халаах технологи бүхий мини хотхон юм.

Энэхүү хотхонд оршин суугч иргэд маань ногоон зээлд хамрагдан халаалтад зарцуулах мөнгөө ногоон зээлдээ өгч 60 м.кв ашигтай талбай бүхий таун хаустай болох боломжтой. Мөн хүнсний нарийн ногоогоо өөрсдөө тариад хэрэглэж болох өвлийн хүлэмжтэй, хаус бүр ногоон байгууламж, тоглоомын талбайтай байхаар шийдэгдсэн” хэмээлээ.

Тус компанийн барьж буй энэхүү хаус нь -0 хэм хүртэл хүйтэнд халаагуур ашиглахгүй, гал түлэх шаардлагагүйгээр дулаан өвөлжих, тохилог шийдэл бүхий хаус гэдгээрээ олны анхаарлыг татаж байгаа юм. Энэхүү технологийг эх орондоо нутагшуулах, иргэдээ дулаан орон байраар хангах зорилго бүхий төслийг “ТОСК” ТӨХХК хамтран хэрэгжүүлж байгаа бөгөөд цаашдаа төслөө улам сайн хэрэгжүүлэх, хамтын ажиллагаагаа бэхжүүлж ажиллах, орон нутагт энэхүү төслийг хэрэгжүүлэх тал дээр анхаарч ажиллаж байгаа юм.

Эрчим хүчний хэмнэлттэй амины орон сууцыг олноор нь барьснаар агаар, хөрсний бохирдлыг бууруулах, гэр хорооллын өнгө үзэмжийг сайжруулах, айл өрх бүр эрүүл, тохилог орчинд амьдрах боломжтой болохыг “ТОСК” ТӨХХК-ийн Гүйцэтгэх захирал Л.Батжаргал онцлон тэмдэглэж, нийслэл болон орон нутагт хэрэгжүүлэх тал дээр анхаарч ажиллаж байгаагаа хэллээ.

Хөвсгөл аймгийн Цэцэрлэг сумын засаг даргын тамгын газар уурын зуухны тогоо авах тендер зарлажээ. Тодруулбал, 125 сая төгрөгөөр “Уурын зуухны тогоо шинэчлэх” гэсэн нэрээр тендерийн урилгыг гаргасан байна.

Ингэхдээ уурын зуухны тогоо авах хөрөнгийг “Орон нутгийн хөгжлийн сан”-гаас авна хэмээн дурджээ.

Мөн “Тендерийг 2022 оны тавдугаар сарын 27 -ны өдрийн 11:00 цагаас өмнө тендерийн баримт бичигт заасан хэлбэрээр ирүүлэх ба тендерийн нээлтийг 2022 оны тавдугаар сарын 27 -ны өдрийн 11:30 цагт зохион байгуулна” хэмээн тусгажээ.

Улаанбаатар Дулаан Сүлжээ/УБДС/ ТӨХК-аас дулааны шугам, тоноглолд засвар хийх хуваарийг гаргаад буй. Засварын ажил ирэх тавдугаар сараас эхэлнэ.

“Энэ жил засварын ажлыг аль болох шахаж, хурдан хугацаанд хийхээр ажиллаж байгаа”-г тус компанийн зүгээс мэдэгдлээ.

Тавдугаар сард халуун ус хязгаарлах байршлын хуваарийг хүргэж байна. Засварын үеэр 7-14 хоног халуун усыг хязгаарлах хуваарьтай байна.

Улаанбаатар хотын дулаан хангамжийг сайжруулах, шинэчлэн өргөтгөх ажлын хүрээнд Европын сэргээн босголт, хөгжлийн банк болон дэлхийн банкны санхүүжилтээр 2021 оноос 3, 4, 5, 8-р гол магистраль шугамуудыг үе шаттайгаар өргөтгөн шинэчилж байгаа аж.

Эдгээр шугамын насжилт хэтэрч өвлийн оргил ачааллыг даахгүй болсноос үүдэн дулаан хангамж доголдох, тасалдах асуудлууд гарч байгаа тул 2025 он хүртэл зээлийн хөрөнгөөр санхүүжүүлэн бүрэн шинэчлэх юм байна.

2022-2023 оны өвөлжилтийн бэлтгэлийг хангах ажлын хүрээнд засвар үйлчилгээ, нягтын шахалт, туршилтуудыг гол магистраль шугамуудад хуваарийн дагуу хийхээр төлөвлөн ирэх сарын 1-нээс эхлэхээр бэлтгэл ажлаа хангажээ.

Шугам засварт зогсох хугацааг богино байхаар зохицуулсан ба шинээр солигдох, өргөтгөх шугамуудын ажлын эзлэхүүнээс хамаарч зогсох хугацаа өөр өөр байна.

ХУВААРЬ БҮРЭН ЭХЭЭРЭЭ:

Засгийн газрын ээлжит хуралдаан өнөөдөр болов.

Хуралдаанаас гарсан зарим шийдвэрээс дурдвал:

• Дарханы замын бүтээн байгуулалтын ажлыг эрчимжүүлэх Байнгын Ажлын хэсэг байгуулж, Зам, тээврийн хөгжлийн дэд сайд Ж.Бат-Эрдэнийг даргаар томилж, газар дээр нь хяналт тавьж ажиллахыг үүрэг томиллоо.
• Уул уурхай-металлурги-химийн үйлдвэрийн цогцолбор байгуулах зориулалтаар Орхон аймгийн Баян-Өндөр, Жаргалант сумын нутаг дэвсгэрийн нийт 1,217.4 га газрыг улсын тусгай хэрэгцээнд авч, газрын хилийн заагийн эргэлтийн цэгүүдийн солбицол, талбайн хэмжээг батлав.
• Мөн Мээргэжлийн боловсрол, сургалтын үндэсний зөвлөлийн бүрэлдэхүүнийг өөрчлөн баталсан байна.