Month: April 2022

Засгийн газрын ээлжит хуралдаан өнөөдөр болов.

Хуралдаанаар “Хилийн боомтын онцгой бүрэн эрхт захиргаа”-г “Хилийн боомтын захиргаа” болгон өөрчилж, Сангийн яамны харьяанд байгууллаа.

Сануулахад, цар тахлын онцгой нөхцөлд нийцүүлэн Хилийн боомтын онцгой бүрэн эрхт захиргааг байгуулсан.

Цаашид боомт дээр үүсэх асуудлуудыг шийдвэрлэх, байгууллага хоорондын үйл ажиллагааны уялдаа холбоог сайжруулах, хөрш оронтой гадаад харилцаагаа нэг сувгаар ярилцах бололцоог бүрдүүлэхээр дээрх бүтцийг байнгын болгохоор Монгол Улсын хилийн тухай хуульд нэмэлт, өөрчлөлт оруулах нь зүйтэй гэж үзсэн талаараа Сангийн дэд сайд С.Мөнгөнчимэг тайлбарлав.

“Хөтөлийн цемент шохой” компанийн төрийн эзэмшлийн хувьцааг хувьчлах заалтыг хүчингүй болгох тухай УИХ-ын тогтоолын төслийг Засгийн газар хэлэлцээд УИХ-д өргөн мэдүүлэхээр тогтжээ.

Засгийн Газраас 2022 оны гуравдугаар сарын 23-ны өдрийн хуралдаанаараа Хөтөлийн цемент шохойн үйлдвэр ХК-ийн хувьчлалыг хүчингүй болгох Засгийн газрын тогтоолыг баталсан.

Энэ тухай Засгийн Газрын Хэрэг Эрхлэх Газрын дарга Ц.Нямдорж “Хөтөлийн цемент шохойн үйлдвэрийг 2011 онд 10 жилийн хугацаатай концессын гэрээгээр Бейсмент гэдэг компанид шилжүүлсэн. 2021 онд гэрээний хугацаа дуусах байсан ч 2015 онд өртэй нь хувьчлах шийдвэр гарсан. Гэвч өнөөдрийн байдлаар бараг эзэнгүй байна.

Хуулийн байгууллагаас энэ асуудлыг шалгасан. Хувьчлал хийхэд хууль зөрчсөн, хувьчлалын дараа гэрээний үүргээ биелүүлээгүй байна гээд хувьчилсан шийдвэрээ хүчингүй болгох санал ирүүлсэн. Энэ дагуу яамдаас санал авч 2015 онд Засгийн газраас гаргасан Хувьчлах зүйлсийн жагсаалтад багтсаныг хүчингүй болгох шийдвэр гаргалаа” гэв.

Ц.ОРГИЛМӨНХ

Гэр бүлийн гишүүдийн зарим нь эрүүл мэндийн үйлчилгээ авах шаардлагагүй, харин нөгөө нь их хэмжээний мөнгө эрүүл мэнддээ зарцуулах шаардлагатай байдаг. Тэгвэл хуулийн шинэчлэлийн хүрээнд гэр бүлийн гишүүд ЭМД-ын хөнгөлөлт эдлэх эрхээ шилжүүлэх боломж бүрдүүлснээрээ өрхийн даатгалын харилцааг бий болголоо.

УИХ-ын чуулганы нэгдсэн хуралдаанаар /нэгдүгээр сарын 29-ний өдөр/ Эрүүл мэндийн даатгалын тухай хуулийн /шинэчилсэн найруулга/ эцсийн хэлэлцүүлгийг хийжээ. Иргэний эрүүл мэндийн даатгалын тухай хуулийг анх 1993 онд баталснаас хойш нийтдээ есөн удаа нэмэлт, өөрчлөлт оруулж, 2002 онд шинэчлэн найруулсан байдаг. Харин энэ удаагийн шинэчилсэн найруулгад даатуулагчийн эрх, үүргийг хуулиар тодорхой болгож, чанартай, аюулгүй тусламж, үйлчилгээг хүртээмжтэйгээр, санхүүгийн ачаалалгүйгээр авах, үйлчилгээтэй холбоотой санал гомдлоо гаргах, эрүүл мэндийн болон даатгалын байгууллагаас шаардлагатай мэдээллээ авдаг үндсэн эрхүүдийг хуулиар баталгаажуулах асуудлыг илүүтэй тусгасан байна.

Монгол Улсын 1,3 сая иргэний Эрүүл мэндийн даатгалыг төр хариуцдаг. Энэ нь жилдээ 12,1 тэрбум төгрөг болдог бөгөөд нэг даатгуулагчийн сард төлөх шимтгэл 670 төгрөг, жилд 8040 төгрөг төлөгдөж байгаа юм. Хэдийгээр төр дааж байгаа нь тухайн зорилтот бүлгийн хувьд сайн хэрэг ч дээрх мөнгө нь эрүүл мэндийн даатгалаараа чанартай тусламж, үйлчилгээ авахад хэтэрхий бага хэмжээний мөнгө юм. Тиймээс 18 нас хүртэлх хүүхдүүдийн болон оюутан сурагчдын төлөх эрүүл мэндийн даатгалын шимтгэлийн хувь хэмжээг Хөдөлмөрийн хөлсний доод хэмжээний нэг хувиас доошгүй байхаар, өөрөө хариуцан шимтгэлээ төлдөг бол Хөдөлмөрийн хөлсний доод хэмжээний хоёр хувиас доошгүй байхаар хуульчилж өгсөн байна.

Иргэн бүр жилд 1.800.000 төгрөгтэй тэнцэх хэмжээний эрүүл мэндийн тусламж, үйлчилгээг ЭМД-аараа хөнгөлөлттэй авах эрхтэй байдаг. Гэтэл гэр бүлийн гишүүдийн зарим нь ийм хэмжээний эрүүл мэндийн үйлчилгээ авах шаардлагагүй, харин нөгөө нь үүнээс ч их хэмжээний мөнгийг эрүүл мэндийн тусламж үйлчилгээнд зарцуулах шаардлагатай байдаг. Тэгвэл хуулийн шинэчлэлийн хүрээнд гэр бүлийн гишүүд дээрх эрхээ шилжүүлэх боломж бүрдүүлснээрээ өрхийн даатгалын харилцааг бий болгосон байна. Түүнчлэн иргэдийн хувьд эрүүл мэндийн даатгалаа өргөн хүрээнд ашиглаж байгаа нэг хэлбэр нь зайлшгүй шаардлагатай эмийн үнийн хөнгөлөлт юм. Даатгалын сангийн зардлын долоо орчим хувийг эмэнд зарцуулдаг ба гэрээ бүхий 576 эмийн сантай хамтран иргэдэд эмийн үнийн хөнгөлөлт үзүүлж байгаа юм. Хуулийн шинэчлэлийн хүрээнд зөвхөн өрх, сум, багийн эмчийн жороор үйлчилдэг байсны дээр нэмээд аймаг дүүргийн эмнэлгийн амбулаторийн эмчийн жороор эмийн үнийн хөнгөлөлт эдлэх боломжтой болж байгаа юм.

Түүнчлэн эрүүл мэндийн даатгалын тухай хууль шинэчлэгдэн батлагдсанаар:

– Хорт хавдрын болон бусад өвчний хөнгөвчлөх тусламж үйлчилгээ
– Өндөр өртөгтэй зарим тусламж үйлчилгээ, шаардлагатай эмнэлэгийн хэрэгсэл
– Зарим төрлийн хиймэл цорго, сэргээн засах зориулалтаар хийгдэх протез, ортопедийн хэрэгсэл
– Өрх сум тосгоны эрүүл мэндийн төвөөс үзүүлэх зарим сэргээн засах үйлчилгээ, гэрээр үзүүлэх тусламж үйлчилгээ, өдрийн эмчилгээ,
– Хорт хавдрын хими болон туяаны өдрийн эмчилгээ
– Жирэмсний 37 хоногоос өмнөх ба төрсний дараах үеийн хавсарсан эмгэгийн эмчилгээ зэрэг нь эрүүл мэндийн даатгалд хамрагдахаар боллоо.

Ажлын хэсгийн ахлагчаар Нийслэлийн Засаг даргын Захиргаа, хууль эрх зүйн асуудал хариуцсан Ахлах зөвлөх Д.Мөнх-Эрдэнэ ажиллана.

Нийслэлийн Газар зохион байгуулалтын алба, Хот байгуулалт, хөгжлийн газар, Нийслэлийн Мэргэжлийн хяналтын газар, Хотын стандарт, хяналтын газар, Хот тохижилтын газар зэрэг холбогдох 17 байгууллагын удирдлага, албан тушаалтнууд багтжээ.

Сургууль, цэцэрлэг, цэцэрлэгт хүрээлэн, түүх, соёлын дурсгалт газар, инженерийн дэд бүтцийн барилга, зах зэрэг хашаа, хайс барихыг зөвшөөрсөн 16 төрлийн байгууллага байдаг.

Энэ жагсаалтад багтаагүй барилгын гадна хашаа барих ёсгүй. Өөрөөр хэлбэл, оффис, орон сууц, хотхонууд бүгд хашаагаа буулгах шаардлагатай гэсэн үг. Зөвхөн Бага тойрууд л гэхэд зөвшөөрөлгүй 1,779 хашаа, хайс байгаа бөгөөд ажлын хэсгийнхэн газрын зөрчил арилгах арга хэмжээг маргаашаас хэрэгжүүлж эхлэх юм байна.

Туул голын сав газрын захиргааны даргыг үүрэгт ажилдаа хариуцлагагүй хандсан, албан үүргээ гүйцэтгээгүй, зохих ажлын байрны чиг үүргийг хэрэгжүүлээгүй учраас үүрэгт ажлаас нь чөлөөллөө.

Энэ талаар БОАЖ-ын сайд Б.Бат-Эрдэнэ “Томилогдсоноос хойш Сайд, Дэд сайд, Төрийн нарийн бичгийн даргаар ахлуулсан ажлын хэсэг 17 аймаг, Чөлөөт бүс, Дархан цаазат газар, Байгалийн цогцолборт газар, Усны хамгаалалтын бүсэд ажилласан.

Газар дээр нь ажилласан учраас бодит байдлыг мэдэх, авах арга хэмжээг зааварчлах, шийдлүүд гарган ажиллаж байгаа бөгөөд зохих үүргээ гүйцэтгээгүй албан тушаалтнуудын жагсаалтыг гарган шууд чөлөөлж эхэллээ.

Цаашдаа байгаль орчны нөлөөллийн үнэлгээг буруу хийсэн, зориудаар өөрчилж нөлөөлөлд автсан байж болзошгүй албан тушаалтнуудыг түтгэлзүүлж, холбогдох хяналтын байгууллагат шилжүүлэхээр ажиллаж байна” гэлээ.

УИХ-ын чуулган хуралдаж байна.

Өнөөдрийн чуулганы хуралдаанаар Олон улсын хямралт нөхцөл байдлаас үүсэлтэй гол нэр төрлийн бараа, бүтээгдэхүүний хангамж нийлүүлэлтийн хомсдол, сөрөг нөлөөллийг бууруулах тухай хуулийн төсөл болон дагалдах бусад хууль, тогтоомжийн төслийг хэлэлцэж байна.

Энэ үеэр Сангийн сайд Б.Жавхлан УИХ-ын гишүүдийн асуултад хариулахдаа “Монголбанк 10 гаруй жил ийм хүсэлт тавьж байгаа. Хоёр төв банк үндэсний мөнгөн тэмдэгтээр солилцоо хийдэг болбол ам.долларын дарамтаас гарах боломж байгаа. Нааштай шийдэгдэх болов уу гэж бодож байна. Он дуустал 1 тэрбум ам.доллартай тэнцэх хэмжээний рублиэр тооцоо хийчихвэл гадаад валютын дарамтаас гарчихна гэж харж байгаа” гэлээ.