Month: April 2022

Categories
мэдээ нийгэм

ЭМД-аар хөнгөлөлттэй үнээр үйлчлэх 58 амралт, сувиллын жагсаалт DNN.mn

Эрүүл мэндийн даатгалын ерөнхий газартай байгуулсан даатгалын гэрээний дагуу даатгуулагчдад үйлчилгээ үзүүлэх амралт, сувиллын жагсаалт гарчээ. Сувилалд нэг удаа үйлчлүүлсэн буюу таваас дээш хоног хэвтэн эмчлүүлсэн даатгуулагч 2020 оны хоёрдугаар сараас эхлэн үндсэн төлбөрөөс 250 мянган төгрөг хөнгөлдөг болсон.

Сувиллаас үзүүлэх тусламж үйлчилгээ нь уламжлалт бариа, заслын үйлчилгээ, рашаан, шавар элсэн эмчилгээ зэрэг орно. Энэхүү хөнгөлөлтийн тухайд эрүүл мэндийн даатгалтай иргэн бүр хамрагдах боломжтой аж. Тодруулбал, сувиллын тусламж үйлчилгээ нь сэргээн засах болон уламжлалт анагаах ухааны тусламж, үйлчилгээг хэвтүүлэн эмчлэх хэлбэрээр үйлчилгээ үзүүлдэг онцлогтой. Холбогдох дүрэм, журмын дагуу Эрүүл мэндийн даатгалын хууль, сонгон шалгаруулах журамд зааснаар тухайн чиглэлээр үйл ажиллагаа явуулах эрхтэй, магадлан итгэмжлэгдсэн байх зэрэг үндсэн шалгуурыг харгалзаж гэрээ хийгддэг байна.

Рашаан сувилалд амрах иргэд өөрийн мөнгөөр зорчиж, ирсэний дараа хөнгөлөлтийн дүнг авах аж.

2022 ОНД ДААТГАЛААР ҮЙЛЧЛЭХ АМРАЛТ, РАШААН СУВИЛАЛ:

Categories
гадаад мэдээ

НҮБ: 2050 он гэхэд дэлхийн дулаарал цельсийн 3 хэмд хүрэхээр байна DNN.mn

Улс орнууд нэмэлт арга хэмжээ авахгүй бол дэлхийн дулаарлыг цельсийн 1.5 хэмд хязгаарлах зорилт амжилтгүй болж, 2050 он гэхэд дэлхий цельсийн гурван хэмээр дулаарахаар байгааг НҮБ мэдэгдлээ. Мөн уур амьсгалын эсрэг яг одоо л арга хэмжээ авахгүй бол оройтно гэдгийг анхааруулжээ.

Улс орнууд 2050 он гэхэд нүүрсхүчлийн хийн ялгаруулалтаа тэнцвэржүүлэхийг зорьж байгаа ч хангалтгүй байна гэж дүгнэсэн байна. 2025 он гэхэд нүүрсхүчлийн хийн ялгаруулалт дээд түвшинд хүрнэ гэж тооцоолжээ. НҮБ-ын Ерөнхий нарийн бичгийн дарга Антонио Гутериш “Хамгийн үр дүнтэй арга зам нь цэвэр эрчим хүчний технологийг эрчимтэй нэвтрүүлэх, мөн эрчим хүчний хэрэглээг үр дүнтэй болгоход робот, хиймэл оюун, юмсын интернэтийн технологийг ашиглах нь чухал” гэдгийг тодотгосон байна.

Үүнээс гадна Монгол улсын хөгжлийн төлөв байдлын шинжилгээ 2021” тайланг НҮБ танилцуулаад байна. Тайланд Монгол орны цаг уурын эрс тэс байдал улам бүр даамжрах төлөвтэй байгаа бөгөөд энэ нь ялангуяа бүс нутгийн хэмжээнд тулгамдсан асуудлын нэг болох шороон болон элсэн шуургаар илэрч байгаа” гэж онцолжээ.

Цаашид уур амьсгалын өөрчлөлттэй холбоотой гамшигт үзэгдлүүд улам бүр нэмэгдэх төлөвтэй байгааг тайланд дурдсан байна.

Үүний зэрэгцээ Монгол Улсад хөдөө аж ахуй, гамшгийн эрсдэлийг бууруулах, статистик, байгаль орчин зэрэг асуудал хариуцсан байгууллагуудын хамтын ажиллагааг үр дүнтэй зохицуулах механизм, санхүүжилт дутмаг байна гэж үзжээ.

Тухайлбал: зудын үед авч хэрэгжүүлсэн тусламжийн хөтөлбөрүүд нь урт хугацаандаа малчдын уур амьсгалын өөрчлөлтөд дасан зохицох чадварыг бий болгох, урт хугацааны тогтвортой байдлыг бий болгох чиглэлд хангалтгүй байгааг онцолсон байна

Categories
мэдээ соёл-урлаг

“Гэгээн Муза” олон улсын театрын наадам Гран При шагналдаа төрөл нэмлээ DNN.mn

“Гэгээн Муза” олон улсын театрын наадмын шалгаруулалтын журамд өөрчлөлт оруулж “Үндсэн жүжгийн ангилал” буюу “Драмын жүжгийн төрөл”, “Хөгжимт жүжгийн төрөл”, “Хүүхдийн жүжгийн төрөл”-үүдэд Гранпри шагнал, “Бэсрэг жүжгийн ангилал” буюу “Нэг хүний жүжгийн төрөл”, “Хоёр хүний жүжгийн төрөл”-үүдэд Гранпри шагналыг тус бүр уламжлал болгон олгож байхаар болжээ.

Энэ наадмаас эхлэн театрын судлал шүүмжлэлийг хөгжүүлэх, залуу судлаачдын идэвхи оролцоог нэмэгдүүлэх, тэдний бүтээл туурвилыг нийтийн хүртээл болгох зорилгоор “Урлагийг хүртээх – урлаг” төслийг санаачлан хэрэгжүүлж наадмын үйл ажиллагааны хүрээнд хамтран ажиллаж байгаа билээ.

Тус наадмаар “Гэгээн Муза-16” наадам “Хүүхэд оролцооны бүтээл” болон “Драмын жүжгийн төрөл”, “Хөгжимт жүжгийн төрөл”, “Хүүхдийн жүжгийн төрөл”, “Хоёр хүний жүжгийн төрөл”, “Нэг хүний жүжгийн төрөл”-д зохион байгуулагдах аж.

Наадамд Монгол, ОХ-ны Буриад улс, Румын, Итали, Энэтхэг, Гүрж, Шри-Ланк, Словен, Люксенбург, Грек улсын уран бүтээлчид болон зочин шүүгчид оролцоно.

Энэ удаагийн наадмын “Нэр дэвшүүлэх комисс”-ийн нэгдүгээр шатны үзлэгт гадаад, дотоодын нийт 50 гаран уран бүтээл бүртгэгдэж, 20 бүтээл шалгарч хоёрдугаар шатанд цомын төлөө өрсөлдөх наадмын үндсэн таван төрөлд нэр дэвшиж буй.

Энэ удаагийн наадмын зочин шүүгчээр ОУТИ-ийн гишүүн, жүжгийн зохиолч, театр судлаач Татъяана Азман, ОУТИ-ийн Афины төвийн дэд ерөнхийлөгч, Грекийн Аристотелийн их сургууль болон Үндэсний театрын дэргэдэх драмын сургуулийн профессор, театр судлаач Саввас Патсалидис, Их Британы театр, киноны жүжигчин, Люксембургийн Fundmentals Monodrama наадмын уран сайхны удирдагч Стив Кариер нар урилгаар ирж ажиллана.

Наадмын хүрээнд “Орчин үеийн драмын урлагийн чиг хандлага, Театрын судлал шүүмж” сэдэвт сургалт явагдах бөгөөд наадмын зочин шүүгчээр ажиллах Саввас Патсалидис уг сургалтыг удирдан явуулах болно.6. Шалгаруулалтын тоглолт 2022.06.03-10-ны өдрүүдэд болно.

Наадамд өрсөлдөх бүтээлүүд:

Драмын жүжгийн төрөлд

  • “Анна Каренина” /УДЭТеатр/
  • “Гэм зэм” /Орфей театр /
  • “Шар гэгээ” /Төв аймгийн “Монгол туургатан” театр/
  • Хөгжимт жүжгийн төрөлд
  • “Нүдтэй наран тамга” /Дорнод аймгийн ХДТеатр/
  • “Гоолингоо” /Сүхбаатар аймгийн “Жаахан шарга” театр/
  • “Хөх нар” /Өмнөговь аймгийн ХЖТеатр/
  • “Домог амилсан нутаг” /Дархан-Уул аймгийн “Залуучууд” театр/
  • Хүүхдийн жүжгийн төрөлд
  • “Жангар” /Завхан аймгийн ХЖТеатр/
  • “Тангарагт хаан” /Орхон аймгийн ХЗТеатр/
  • “Гэрэл асаа” /Дорноговь аймгийн “Саран хөхөө” театр/
  • Нэг хүний
    жүжгийн төрөлд
  • “5+1=7” /Монгол/
  • “Өглөөний цайны өмнө” /Монгол/
  • “Би Толгонай” /ОХ-ны Буриад/
  • “Хурандаа бичиж байна” /ОХ-ны Буриад/
  • “Нижинский” /Румын/
  • “Knots” /Итали/
  • “Untouched” /Шри Ланка/
  • “Fall again fly better” /Энэтхэг/
  • “Дарвин” /Энэтхэг/
  • Хоёр хүний жүжгийн төрөлд
  • “Хүн гөрөөс” /Монгол/
  • “Сэтгэлд харвасан туяа” /Монгол/
  • “Is God a Taoist” /Энэтхэг/
  • “Flushed” /Гүрж/
Categories
гадаад мэдээ

“Их 7”-ийн гишүүн орнууд ОХУ-ын эсрэг шинэ багц хоригоо танилцуулна DNN.mn

АНУ, Европын Холбоо,

АНУ, Европын Холбоо, “Их 7”-ийн гишүүн орнууд энэ лхагва гарагт ОХУ-ын эсрэг шинэ багц хоригоо танилцуулахаар байна. Үүнд ОХУ-ын хөрөнгө оруулалтын салбарт тавих хориг багтаж байгааг эх сурвалж мэдээллээ.

Мөн улс орны Засгийн газрууд, санхүүгийн байгууллагууд, Төрийн өмчит компаниудын эсрэг хоригуудыг нэмэхээр төлөвлөж байгааг Цагаан ордны хэвлэлийн төлөөлөгч онцолж байна.

Үүнээс гадна Европын Холбоо ОХУ-ын нүүрсний экспортод хориг тавихаар хэлэлцэж байгаа аж. ОХУ Европын эрчим хүчний нүүрсний хамгийн гол нийлүүлэгч, хэрвээ ОХУ-ын экспортод хориг тавьсан тохиолдолд Европ нүүрсний хомсдолд ороод зогсохгүй, дэлхий даяар үнэ өсөх эрсдэлтэй байна.

Мөн Европын Холбоо Владимир Путины хүүхдүүд, ОХУ-ын улс төрчид, тэрбумтнууд, тэдний гэр бүлийн гишүүдийн эсрэг хориг тавихаар төлөвлөж байгааг эх сурвалж мэдээллээ.

Үүнээс гадна Европын комиссын Ерөнхийлөгч Урсула фон дер Ляйен энэ долоо хоногтоо багтан Киевт айлчлах аж.

Украины Ерөнхийлөгч Владимир Зеленский НҮБ-ыг ОХУ-ын вето эрхийг хураахыг уриалсан байна. Тэрбээр “ОХУ вето эрхээ ашиглан НҮБ-ын Аюулгүйн зөвлөл дэх энх тайвныг тогтоох оролдлогуудыг зогсоож байгаа”-г тодотгожээ.

ОХУ вето эрхийнхээ хүрээнд хоёрдугаар сард НҮБ-ийн Аюулгүйн зөвлөлийн 15 гишүүний Украинаас цэргээ татах шаардлагыг зогсоож байсан аж.

Categories
мэдээ нийгэм

“11 11” төвийн үйл ажиллагааг Ерөнхий сайдын ажлын алба хариуцан ажиллана DNN.mn

зураг

Монгол Улсын Засгийн газрын иргэд, олон нийттэй харилцах “11 11” төвийн үйл ажиллагааг Засгийн газрын Хэрэг эрхлэх газрын дарга Ц.Нямдорж танилцууллаа.

Засгийн газрын хуралдаанд танилцуулахдаа “Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн хүрээнд яам, агентлаг, аймаг, нийслэлийн Засаг даргын Тамгын газар болон албан тушаалтанд хандаж иргэдээс дуудлага болон цахимаар ирүүлсэн санал, хүсэлт, өргөдөл, гомдлыг хүлээн авч холбогдох байгууллагад шилжүүлэх, шийдвэрлэлтэд хяналт тавин ажиллаж байна” гэв.

Түүнчлэн “11 11” төвийн үйл ажиллагааг өргөтгөн шинэчилж, төрийн эргэх холбоо, хариуцлагыг нэмэгдүүлэх зорилгоор Ерөнхий сайдын ажлын албанд шилжүүлсэн гэдгийг тэрбээр хэлсэн юм.

Categories
мэдээ нийгэм

Гавьяат тамирчин Н.Энхбат таалал төгслөө DNN.mn

Сөүлийн олимпын хүрэл медальт, Азийн аварга, Гавьяат тамирчин Нэргүйн Энхбат таалал төгслөө.

Н.Энхбат 1962 оны гуравдугаар сарын 19-нд Улаанбаатар хотод төрсөн. 1979 онд Нийслэлийн 10 жилийн хорьдугаар дунд сургууль, 1985 онд Монгол Улсын Их Сургуулийн эдийн засгийн ангийг тус тус төгсчээ. Анх хөрш ангийн анд Н.Нарантуяагийн нөлөөгөөр гавъяат дасгалжуулагч Д.Бандийн удирдлагад боксын спортоор хичээллэж эхэлсэн.

1979-1989 онд үндэсний шигшээ багийн тамирчин, 1989-1993 онд спорт сургалтын төв, үндэсний шигшээ багийн дасгалжуулагч, 1999-2001 онд Монголын Үндэсний Олимпийн Хорооны ахлах мэргэжилтнээр ажиллаж байсан. Одоо гэр бүлийн хамт АНУ-д ажиллаж амьдарч байна. Нийт 312 тулаанд оролцож 240 ялалт байгуулсан.

“Чингис хаан” хамтлагийн ахлагч, Ардын жүжигчин Д.Жаргалсайхан Н.Энхбатад зориулан “Тамирчны алдар” дууг бүтээж байсан юм.

Categories
мэдээ нийгэм

​“Эрдэнэс Монгол” ХХК-ийн дүрмийг шинэчлэн баталлаа DNN.mn

“Эрдэнэс Монгол” ХХК-ийн дүрмийг шинэчлэн баталлаа. Монгол Улсын иргэн бүрт эзэмшүүлсэн давуу эрхийн хувьцааны бүртгэлийг баталгаажуулах арга хэмжээ авахыг “Эрдэнэс Монгол” ХХК-ийн Төлөөлөн удирдах зөвлөл болон “Үнэт цаасны төвлөрсөн хадгаламжийн төв” ХХК-д үүрэг болголоо.
Шинэчлэн баталсан дүрмийн дагуу Төлөөлөн удирдах зөвлөлийн бүрэлдэхүүнийг томилуулах арга хэмжээг энэ оны хоёрдугаар улиралд багтаан зохион байгуулахыг Монгол Улсын сайд, ЗГХЭГ-ын дарга Ц.Нямдоржид даалгалаа.
Үндэсний статистикийн хорооны “Хүн амын 2015-2045 оны шинэчилсэн хэтийн тооцоо”-нд Монгол Улсын хүн амын тоо 2045 он гэхэд таван сая хүрэх нарийвчилсан тооцоо гаргажээ.
Иймд “Эрдэнэс Монгол” ХХК-ийн давуу эрхийн хувьцааны тоо хэмжээг хоёр саяар нэмэгдүүлж, давуу эрхийн хувьцааг таван сая болгон Монгол Улсын иргэн бүрт эзэмшүүлэх, бүртгэлийг баталгаажуулна. Ингэснээр байгалийн баялгийг иргэдэд тэгш хүртээх боломж бүрдэнэ.

Categories
мэдээ нийгэм

ХАА-г дэмжих зээлийн хүүд ЗГ-аас 10.65 хувийн дэмжлэг үзүүлэхээр боллоо DNN.mn

Хөдөө аж ахуйг дэмжих зээлийг 2022 онд ноолуур, ноос, арьс шир бэлтгэл, газар тариалан, төмс, хүнсний ногооны тариалалт, гурил, тэжээл, ургамлын тосны үйлдвэрлэлд зориулан хоёр жилийн хугацаатай гурван хувийн хүүтэйгээр арилжааны банкнаас олгож, Засгийн газраас нийт зээлийн хүүгийн 7.65 нэгж хувийн хүүгийн дэмжлэг үзүүлэхээр болсон.

Монголбанкны Мөнгөний бодлогын хорооноос эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөвийг хэлэлцэн бодлогын хүүг 2.5 нэгж хувиар нэмэгдүүлж, 9 хувьд хүргэх шийдвэрийг 2022 оны гуравдугаар сарын 24-ний өдөр гаргасан.

Үүнтэй холбогдуулан арилжааны банкнаас олгох Хөдөө аж ахуйг дэмжих зээлийн хүүгийн хэмжээ нэмэгдэж байгаа тул Засгийн газраас зээлийн хүүгийн дэмжлэг үзүүлэх хэмжээг Монголбанкны бодлогын хүүтэй уялдуулах зайлшгүй шаардлага үүссэн.

Тиймээс өнөөдрийн ээлжит хуралдаанаар Засгийн газраас 7.65 хувийн хүүгийн зөрүү төлөх байсныг нэмж 10.65 хувь болгон шийдвэрлэснээр хөдөө аж ахуйг дэмжих хөнгөлөлттэй зээлийг олгох нөхцөл бүрдэв.

Ц.ОРГИЛМӨНХ

Categories
мэдээ нийгэм

“Эрдэнэт медикал” төрийн өмчит төрөлжсөн мэргэшлийн эмнэлэг байгуулав DNN.mn

зурагЗасгийн газрын өнөөдрийн хуралдаанаар хүн амын эрүүл мэндийн тусламж, үйлчилгээний чанар, хүртээмжийг сайжруулах зорилгоор “Эрдэнэт үйлдвэр” ТӨҮГ-ын харьяа “Эрдэнэт медикал” төрийн өмчит төрөлжсөн мэргэшлийн эмнэлэг байгууллаа.

Эмнэлгийн дүрмийг баталж, зохих тусгай зөвшөөрөл олгох, эрүүл мэндийн даатгалын сантай холбогдсон асуудлыг шийдвэрлэж, мэргэжил арга зүйгээр хангаж ажиллахыг Эрүүл мэндийн сайдад үүрэг болгов.

Монгол Улсын Засгийн газар, Төрийн өмчийн бодлого, зохицуулалтын газрын тогтоол гарч энэ оны хоёрдугаар сард “Эрдэнэт медикал” эмнэлгийг “Медипас” ХХК-иас “Эрдэнэт үйлдвэр” ТӨҮГ-т буцаан авахыг даалгасан юм.

“Мепидас” эмнэлгийн тусламж, үйлчилгээг тасалдуулахгүй хэвийн явуулах, хөрөнгийг буцаан хүлээн авах, эдийн засгийн тооцоо, судалгаа хийх зэрэг ажил хийгдэж байна. Тус эмнэлэг нь төрөлжсөн мэргэжлийн эмнэлгийн тусгай зөвшөөрөлтэй бөгөөд төрөлжсөн нарийн мэргэжлийн эмнэлгийн тусламж, үйлчилгээг Эрдэнэт үйлдвэрийн ажилтан нарт болон Орхон аймаг, бүс нутгийн иргэдэд үзүүлж байна гэж Засгийн газрын Хэвлэл мэдээлэл, олон нийттэй харилцах газраас мэдээллээ.

Categories
мэдээ нийгэм

Богд уулын аманд түймэр гарчээ DNN.mn

Нийслэлийн Хан-Уул дүүргийн 11 дүгээр хороо, Богд ууланд түймэр гарчээ. Дэлгэрэнгүй мэдээллийг албаны эх сурвалжаас тодруулаад эргэн мэдээлнэ.

Эргэн сануулахад, өнгөрсөн гуравдугаар сард мөн Богд уулын аманд түймэр гарсан билээ.

Уг гал нь татаж байсан тамхиа унтраагаагүйн улмаас гарсан байж болзошгүйг цагдаагийн байгууллагаас мэдээлсэн. Иймд иргэд та бүхэн галын аюулаас сэргийлж ил гал гаргахгүй байх, татсан тамхиа бүрэн унтраах зэргээр гал түймрээс урьдчилан сэргийлэхийг анхааруулж байна.