Month: April 2022

Categories
мэдээ нийгэм онцлох-нийтлэл туслах-ангилал

ТОЙМ: Нэрт нийтлэлч Б.Цэнддоогийн “​Тошлойтой цуг “ургасан” минь” нийтлэл хэвлэгдлээ DNN.mn

Өглөө бүр тантай хамт байдаг “Өдрийн сонин”-ы пүрэв гаригийн дугаар 20 нүүрээр хэвлэгдэж, та бүхний гарт хүрч байна.

“Өдрийн сонин”-ы тэргүүн нүүрт Бизнес эрхлэгч С.Солонго “Банкны хэдэн эзэд,
халаасны улстөрчид нь долларын гүйлгээнд
лимит тогтоож Монголыг сөхрүүлж байна” гэв.

Гавьяат багш
Ч.Жачин “Н.Түвшинбаяр
болоод түүний гэр
бүлийг зүхэхээсээ
өмнө алдааг нь
давтахгүй байх тал
дээр илүү анхааръя” хэмээв.

УИХ-ын гишүүн Л.Мөнхбаатар “Таван жилийн
хугацаанд
найман сая
гаруй зөрчилд
хариуцлага
ногдуулсан
байна” хэмээн ярьсныг I-XII нүүрээс уншаарай.

“Өлзийт
төв” ХХК-ийн ерөнхийлөгч
Н.Даш-Өлзий “Монголд үйлдвэрлэдэггүй
үйлдвэрлэлийн тоног төхөөрөмжийг гааль,
НӨАТ–аас бүрмөсөн чөлөөлөх шаардлагатай” гэлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог “Баримт, үзэл бодол” нүүрт нэрт нийтлэлч Б.Цэнддоогийн “Тошлойтой цуг “ургасан” минь” нийтлэл хэвлэгдлээ.

“Эрэл” группийн
ерөнхийлөгч
Б.Эрдэнэбат “Гэр хорооллын 220 мянган айл өрхийн
эрүүл, аюулгүй орчинд амьдрах, хамгаалуулах эрхийг
хулгайлсан хүмүүст хариуцлага тооцох ёстой” гэв.

“Хэдэн калибрь дорвинк
үзүүлчихээд “Төрийн албан
хаагчийг алах гэж байсан”
хэмээн сүртэй мэдээлэл хийсэн
нь үнэн үү, худал уу?” гэснийг Баримт, үйл явдал”-ын VII нүүрнээс уншаарай.

Гэр бүлийн хүчирхийлэл,
хүүхдийн эсрэг гэмт
хэрэгтэй тэмцэх хэлтсийн
дарга, цагдаагийн хошууч Э.Баярбаясгалантай ярилцлаа.

Дэлгэрэнгүй мэдээллүүдийг уншихыг хүсвэл дараах линкээр бүртгүүлж уншина уу. https://admin.dnn.mn/plugi ns/news/login

Эдгээр болон бусад цаг үеийн мэдээ мэдээлэл, ярилцлага, сурвалжлагыг “Өдрийн сонин”-ы пүрэв гаригийн дугаараас уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудангийн салбаруудаас болон сонин борлуулах цэгүүд, Хэвлэлийн биржээс худалдан авах боломжтой. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдан авч болохыг дуулгая. Түүнчлэн “Өдрийн сонин”-ы өөрийн байранд ирж худалдан авч болно.

Уншигч та “Өдрийн сонин”-ыг захиалан уншихыг хүсвэл 9911-2954, 8811-1375 дугаарт холбогдоно уу.

Цахим хэлбэрээр нь захиалахыг хүсвэл 88111375 дугаарт холбогдож дэлгэрэнгүй мэдээллийг аваарай.

“Өдрийн сонин”-той холбоотой мэдээ мэдээллийг 19001987-гоос лавлана уу




“ӨДРИЙН СОНИН” ӨГЛӨӨ БҮР ТАНТАЙ ХАМТ

Categories
гадаад мэдээ

Өнгөрсөн сард Оросын эрчим хүчний экспортын орлого 38 хувиар буурчээ DNN.mn

зураг

Өнгөрсөн сард ОХУ газрын тос, байгалийн хийн экспортоосоо төсөөлж байснаас бага орлого олсныг өчигдөр тус улсын сангийн яам мэдээлжээ.

Гуравдугаар сард тус улс 488 тэрбум рублийн ($5.8 тэрбум) эрчим хүчний түүхий эд экспортолсон байна. Энэ нь өмнө төлөвлөж байсан 790 тэрбум рублийн орлогоос 38 хувиар буурсан үзүүлэлт болжээ.

Кремлийн удирдагчид Украины дайны үр дагаврыг дутуу тооцоолсон нь эндээс харагдаж буйг зарим ажиглагчид онцолсон байна.

ОХУ бол дэлхийн газрын тосны томоохон олборлогчдын нэг, байгалийн хийн топ экспортлогч юм. Европ тивийн орнууд байгалийн хийн хэрэгцээнийхээ 40 хувийг ОХУ-аас импортолдог.

Гэвч Украинд эзлэн түрэмгийлэх дайн эхлүүлсэнтэй холбоотойгоор Өрнөдийн орнууд Оросын эрчим хүчний нийлүүлэлтээс татгалзаж эхлээд байгаа.

ОХУ-ын сангийн яам дөрөвдүгээр сард 798.4 тэрбум рублийг газрын тос, байгалийн хийн экспортоос олохоор төлөвлөжээ.

АНУ-ын засаг захиргаа Оросын эрчим хүчний нийлүүлэлтээс татгалзахаар болсон бол Европын Холбоо энэ онд багтаан Оросоос авдаг байгалийн хийн хэмжээгээ гуравны хоёроор бууруулах амлалт авсан юм.

Өнгөрсөн долоо хоногийн сүүлээр Литва улс Оросын байгалийн хийгээс бүрмөсөн татгалзсан Европын Холбооны анхны гишүүн болсноо зарлажээ.

2021 онд тус улс нийт хэрэгцээнийхээ дөрөвний нэг орчмыг ОХУ-аас импортолж байсан бол одоо бүрэн тэглэж байна. Литва улс одоо АНУ, Норвеги улсуудаас шингэрүүлсэн байгалийн хий авдаг болжээ.

Categories
гадаад мэдээ

Twitter жиргээгээ засаж болдог үйлдэл хөгжүүлж байна DNN.mn

Twitter дээр нэгэнт нийтэлсэн жиргээгээ засаж болдоггүй нь тус платформын онцлог байсан. Тэгвэл компани жиргээгээ засаж болдог үйлдэл нэмэхээр хөгжүүлж байгаа аж.

“Эрэлттэй байгаа уг шинэ үйлдлийг ирэх саруудад туршина” гэж компани мэдэгдлээ. Уг мэдэгдлээс хоногийн өмнө Илон Маск Twitter-ийн 9.2 хувийн хувьцааг худалдан авснаар компанийн хамгийн том хувьцаа эзэмшигч болоод байв.

Тэгвэл Илон Маск Twitter-ийн удирдах зөвлөлийн гишүүн болж байгаа талаар компани албан ёсоор мэдээллээ. Space X, Tesla компаниудыг үүсгэн байгуулсан тэрбумтан Twitter-т жиргээ засаж болдог үйлдэл нэмэх талаар хувьцаа худалдаж авахаасаа өмнө ч ярьж, санал асуулга явуулж байсан.

Илон Маск 2024 он хүртэл Twitter-ийн удирдах зөвлөлийн гишүүнээр ажиллах бөгөөд энэ хугацаанд компанийн нийт хувьцаанаас 14.9 хувиас ихгүйг худалдан авч болох гэрээ байгуулжээ.

Categories
мэдээ нийгэм

“Ховд нар” нарны цахилгаан станцыг хүчдэлд залгав DNN.mn

10 МВт хүчин чадалтай

Ховд аймгийн Мянгад суманд барьсан 10 мегаваттын хүчин чадалтай “Ховд нар” нарны цахилгаан станцыг хүчдэлд залгаснаар эрчим хүч хуримтлуулж эхэллээ.

Ингэснээр баруун бүсийн эрчим хүчний системд цахилгаан нийлүүлэх боломжтой болж байна. Төслийг Дэлхийн банкны хөнгөлөлттэй зээл болон Цаг уурын өөрчлөлтийн сангийн буцалтгүй тусламжаар санхүүжүүлжээ.

Станц ашиглалтад орсноор 10 мянган айл, өрхийг эрчим хүчээр хангах боломжтой болно гэдгийг Эрчим хүчний яам мэдээлж байсан юм.

Categories
гадаад мэдээ

Мали улсад 300 гаруй гэмгүй иргэнийг цаазлав DNN.mn

Малигийн арми таван өдрийн дотор 300 гаруй хүнийг цаазалсан байж болзошгүйг “Reuters” агентлаг мэдээллээ. Энэ хэргийн талаар “Human rights watch” байгууллага өчигдөр /2022.04.05/ мэдэгдсэн боловч Мали улсын арми үгүйсгэж байгаа.

Мали улсын Мопти мужид орших 10 мянга орчим оршин суугчтай Моура хотод гуравдугаар сарын 27-31-ний хооронд энэ хэрэг болжээ. Моура хот нь хэт даврагчдын үйл ажиллагаа ид эрчимжиж буй халуун цэг юм. “Энэ хэрэг бол Мали улсад 10 жил үргэлжилсэн зэвсэгт мөргөлдөөний түүхэнд тохиолдсон хамгийн аймшигтай харгислал юм” гэж “Human rights watch” мэдэгдэв. АНУ, Европын холбоо, Франц, Герман зэрэг орнууд цаазаар авах ялыг буруушааж, бие даасан мөрдөн байцаалт явуулахыг Малигийн засгийн газарт уриалжээ.

Малигийн арми уг мэдээллийг үгүйсгэж буй хэдий ч гэрчүүдийн мэдүүлгээс үзвэл, “Мали болон орос хэлээр ярьдаг цэргүүд нисдэг тэргээр ирж, исламист дайчид руу хоёр удаа гал нээсэн. Үүний улмаас босогчид, цэргүүд болон энгийн иргэдийн амь үрэгдсэн” гэжээ. Цэргүүд дараа нь хот руу дайран орж олон зуун энгийн иргэнийг гэрээс нь гаргаж, ойролцоох голын эрэг дээр цуглуулсан гэв. Тэдгээр хүмүүсийг таван өдрийн турш гадаа тамласны эцэст цаазалж, гурван булшинд хувааж булсан гэж “Human rights watch” мэдээллээ. Эх сурвалжуудын мэдээлснээр уг ажиллагаанд оролцсон цэргүүдийн олонх нь орос хэлээр ярьж байсан гэжээ.

Мали улсын одоогийн засгийн газар нь 2020 онд болсон цэргийн эргэлтээр засгийн эрхийг гартаа авсан. Тэд Оросын Вагнер группын харъяа цэргийн гэрээт компаниудын тусламжтайгаар босогчидтой тэмцэж байгаа юм. Малигийн колоничлогч байсан Франц улс сүүлийн 10 жилийн турш тус улсад цэргээ байрлуулсан. Гэвч энэ оны эхээр Оросын цэргүүд орж ирсэнтэй холбоотойгоор хоёр улсын харилцаа муудаж цэргээ татаад байгаа билээ.

Categories
булангууд мэдээ шинжлэх-ухаан-технологи

АНУ: 10 ширхэг танк сөнөөгч дрон Украинд нийлүүлнэ DNN.mn

зураг

Пентагон Switchblade дроныхоо хамгийн сүүлийн үеийн хувилбараас 10 ширхгийг Украинд нийлүүлэхээр болсныг АНУ-ын албаны эх сурвалж мэдээлжээ.

Өмнө нь Пентагон үүнээс бага хүчин чадалтай, хуучин загварын дрон нийлүүлэхээр төлөвлөж байсан юм.

Switchblade-600 шинэ загвар нь 23 кг жинтэй, 39 км зам туулах чадвартай, хуяг нэвтлэгч хошуу нь 40 минутын турш тэнүүчилсний эцэст байндаа тусдаг юм байна.

Дроныг Калифорни мужид үйл ажиллагаа явуулдаг Simi Valley компанид зохион бүтээжээ.

Оператор дроны нислэгийг таблет төхөөрөмж дээр хуруугаараа удирдахаас гадна цохилтын чиглэлийг нь бас удирдаж болдог гэнэ.

Гуравдугаар сарын 16-нд Пентагон Switchblade-300 хувилбарын 100 ширхэг дроныг Украинд тусламжаар нийлүүлэх шийдвэрийг зарлаж байсан юм.

Энэ нь цэргүүд болон хөнгөн автомашинд цохилт өгөх зориулалттай байжээ. Уг хуучин загвар нь 2.5 кг жинтэй, 10 км нисэх чадвартай, пуужин нь байндаа хүрэхээс өмнө 15 минут тэнүүчлэх чадвартай байсан юм.

Гэвч Бүгд Найрамдах намын конгрессын хэсэг гишүүд гуравдугаар сарын 24-нд Пентагонд илгээсэн захидалдаа танкийн хуяг нэвтлэх чадвартай дрон Украинд нийлүүлэхийг шаардаж байсан нь ийнхүү хэрэгжихээр болжээ.

Categories
мэдээ спорт

Бүх ард түмний спортын наадмын бүсийн тэмцээний тов болон төвүүд тодорчээ DNN.mn

Монголын бүх ард түмний спортын наадам /МБАТСН/-ын бүсийн тэмцээн зохион байгуулах хугацаа болон бүсийн төвүүдийг Биеийн тамир спортын улсын хороо /БТСУХ/-ноос гаргажээ.

МБАТСН-ын волейбол, сагсан бөмбөг, хөл бөмбөгийн тэмцээнийг зохион байгуулах хугацаа, бүсийн төвүүдийг танилцуулж байна.

Categories
гадаад мэдээ

Баруун Африкт хүнсний ноцтой хямрал нүүрлэжээ DNN.mn

Баруун Африкт сүүлийн арван жилийн хамгийн хүнд хүнсний хямрал нүүрлээд байгаа бөгөөд ойрын үед улам дордож болзошгүй байгаа талаар “Oxfam”, “Save the Children”, “International Rescue Committee” зэрэг олон улсын төрийн бус байгууллагуудын хамтран гаргасан тайланд дурджээ.

“27 сая хүн өлсгөлөнд нэрвэгдээд байгаа бөгөөд яаралтай арга хэмжээ авахгүй бол зургаадугаар сар гэхэд энэ тоо 38 саяд хүрч магадгүй” гэж “Maghreb Arabe Presse” (MAP) мэдээллийн агентлаг тайлангаас эш татан мэдээлсэн байна.

“Сүүлийн 10 жилийн хугацаанд хүнсний хямрал намжаагүй төдийгүй Баруун Африкийн бүс нутагт, ялангуяа Буркина-Фасо, Нигер, Чад, Мали, Нигерид улам бүр дордож байна. 2015-2022 он хүртэлх хугацаанд хүнсний яаралтай тусламж шаардлагатай хүмүүсийн тоо бараг дөрөв дахин нэмэгдэж, 7 саяас 27 сая болсон” гэж тайланд онцолжээ.

“Oxfam” байгууллагын Баруун ба Төв Африкийн бүсийг хариуцсан захирал Ассалама Давалак Сидигийн хэлж буйгаар, “үр тарианы үйлдвэрлэл өнгөрсөн жилтэй харьцуулахад Сахелийн бүсийн зарим нутагт гуравны нэгээр буурсан байна. “Айл өрхийн хүнсний нөөц дуусаж байна. Ган гачиг, үер, мөргөлдөөн, коронавирусний цар тахлаас үүдэлтэй эдийн засгийн үр дагавар олон сая хүнийг эх нутгаа орхиход хүргэж, тэднийг ангалын ирмэг рүү түлхэж байна” гэж тэрбээр хэлжээ.

Categories
мэдээ нийгэм

​Д.Баасандулам: “Капитал” банкны нөхөн төлбөр олгох хугацаа энэ сарын 8-ны өдрөөр дуусгавар болж байна DNN.mn

“Капитал” банкийг 2019 онд татан буулгасан. Үүнтэй холбоотойгоор тус банкны харилцах, хадгаламж эзэмшигчдэд нөхөн төлбөр олгож буй. Нөхөн төлбөр олгох хугацаа энэ сарын 8-нд дуусна. Хадгаламжийн даатгалын корпорацийн Нөхөн төлбөр, бүтцийн өөрчлөлтийн газрын захирал Д.Баасандуламтай энэ талаар ярилцлаа.

– Хадгаламжийн даатгал гэж юу болох, ямар ач хол­бог­­долтой талаар уншигч­дад мэдээлэл өгөхгүй юү?

– Хадгаламжийн даатгалын тогтолцоо гэдэг нь банк санхүүгийн хүндрэлд орж, албадан татан буугдсан тохиолдолд Хадгаламжийн даатгалын сангаас таны тухайн банкан дахь харилцах, хадгаламжийн нийт 20 сая хүртэлх төгрөгийг нөхөн олгох үйл ажиллагааг хэлнэ. Улсын Их Хурлаас 2013 оны нэгдүгээр сарын 10-ны өдөр Банкан дахь мөнгөн хадгаламжийн даатгалын тухай хуулийг баталснаар Монгол Улсад Хадгаламжийн даатгалын тогтолцоог хэрэг­жүүлэх болсон. Уг тогтол­цоог хэрэгжүүлснээр нийт харилцах, хадгаламж эзэм­шигчдийн 99.4 хувь нь эрсдэлээс хамгаалагдсан гэсэн үг.

– Хадгаламжийн даатгал гэхээр банкны харилцагчид даатгалд хамрагдахын тулд төлбөр хураамж төлөх үү?

– Хадгаламжийн даат­галын тогтолцооны нэг онцлог нь банкны харилцагч нь ямар нэгэн төлбөр, хураамж төлдөггүй, харин банк нь харил­цагчдынхаа өмнөөс даатгалын хураамжийг Хадгаламжийн даатгалын санд төвлөрүүлдэг.

– “Капитал” банкийг татан буулгасантай хол­боо­той Хадгаламжийн даат­галын кор­порациас нөхөн төлбөр ол­гох үйл ажил­лагааг хэрэг­жүүлсэн. Энэ талаар дэл­гэрэн­гүй мэдээлэл өгнө үү.

– Монголбанкны ерөнхий­лөгчийн 2019 оны дөрөвдүгээр сарын 8-ны өдрийн тушаалаар “Капитал” банкийг татан буулгах шийдвэргаргаж, манай байгууллагаас тус банк­ны хадгаламж эзэмшигч­дэд ХААН банкаар дамжуулан 20 сая хүртэлх харилцах, хадгаламжийн нөхөн төл­бөрийг олгож эхэлсэн. Нөхөн төлбөр олгох үйл ажиллагаа нь хуулийн дагуу гурван жил үргэлжлэх тул энэ оны дөрөв­дүгээр сарын 8-ны өдөр дуусгавар болно.

– “Капитал” банкны ха­д­галамж эзэмшигчдэд даатгалын нөхөн төлбөр ол­гох үйл ажиллагааны явцын талаар мэдээлэл өгөөч.

– “Капитал” банкны 354 260 хадгаламж эзэмшигчид 44,662,554,578 төгрөгийн даатгалын нөхөн төлбөрийг ХААН банкны Улаанбаатар хотын 17, орон нутгийн 34 салбар тооцооны төвүүдээр дамжуулан олгож эхэлсэн. 2021 оны IV улирлын байд­лаар 40.4 тэрбум төгрөг буюу нийт нөхөн төлбөрийн 90.5 хувийг олголоо.

– Даатгалын нөхөн төл­бөрөө авахын тулд хаана хандах хэрэгтэй вэ?

– Өмнө хэлсэнчлэн, даат­галын нөхөн төлбөр олгох үйл ажиллагаа гурван жилийн хугацаанд үргэлжилж, 2022 оны дөрөвдүгээр сарын 8-ны өдөр дээрх үйл ажиллагаа дуусгавар болно. Тиймээс дуусгавар болохоос өмнө холбогдох баримт бичгийг бүрдүүлэн ХААН банкны салбарт очин нөхөн төлбөрөө авах боломжтой. Иргэн бол иргэний үнэмлэх,хуулийн этгээд бол улсын бүртгэлийн гэрчилгээний эх хувь, хуулийн этгээдийг төлөөлөгчийн ир­гэний үнэмлэхээ авч очих шаардлагатай. Илүү дэлгэрэнгүй мэдээллийг ма­най вэбсайт болох www.dicom.mn-ээс авах боломжтой.

Ярилцсанд баярлалаа.

Categories
гадаад мэдээ

Цөмийн пуужин, бөмбөгний зах зээл 2030 он гэхэд 73 хувиар өснө DNN.mn

Цөмийн пуужин, бөмбөгний зах зээл 2030 он гэхэд 73 хувиар өснө

Украин дахь Оросын түрэмгийлэл нь цэрэг армийн худалдан авалтад түлхэц үзүүлж байна. Цөмийн пуужин, бөмбөгний зах зээл 2030 он гэхэд 126 тэрбум ам.доллар давж, 2020 оныхоос бараг 73 хувиар өсөх төлөвлөгөөтэй гэж “Allied Market Research”-ийн Даваа гаригт гаргасан тайланд дурджээ.

Цар тахлаас болж зогсонги байдалд ороод байсан пуужин, цөмийн бөмбөгний салбар дахин сэргэж, Портланд төвтэй судалгааны фирмийн тооцоолсноор зах зээлийн үнээс мөн 72.6 хувиар өсөх боломжтой гэжээ. Геополитикийн зөрчилдөөн, цэргийн томоохон төсөв нэмэгдэх нь тус үзүүлэлтийг 2030 он хүртэл 5.4 хувиар дахин өсгөх магадлалтай гэж тайланд дурджээ.

АНУ-ын Ерөнхийлөгч Жо Байден өнгөрсөн долоо хоногт баллистик пуужингийн шумбагч онгоц, бөмбөгдөгч онгоц, хуурай газарт суурилсан пуужингийн цөмийн “гурвал”-ыг шинэчлэхийг нэн тэргүүнд тавих хүсэлт Пентагонд илгээв. Учир нь ирэх онуудад баллистик, өндөр хурдны пуужингийн үнэ өсөж, ашиглалт олон болох юм.