Month: March 2022

Очир эрдэнийн үйлдвэрлэлээр тэргүүлэгч “De Beers”-ийн борлуулалт 18 хувиар өслөө || DNN.mn

“Anglo American”-ийн салбар нэгж, очир эрдэнийн салбарт дэлхийд тэргүүлэгч “De Beers” компанийн борлуулалт өмнөх оны мөн үеэс 18 хувиар өслөө.

Тус компани хоёрдугаар сарын 21-25-ны өдрүүдэд 650 сая ам.долларын борлуулалт хийжээ. Энэ нь нэгдүгээр сарынхтай харьцуулахад 10 саяар бага байна. Харин өмнөх оны мөн үетэй харьцуулбал 100 сая ам.доллароор илүү дүн боллоо. Очир эрдэнийн үнэ сүүлийн нэг жилийн хугацаанд 23 хувиар өсөөд байгааг тус компанийн Гүйцэтгэх захирал онцолж байна.

“De Beers” компанийн гол өрсөлдөгч, очир эрдэнийн олборлолтоор тэргүүлэгч ОХУ-ын “Alrosa” компани Украины асуудлын улмаас барууны орнуудын хоригт өртөөд байгаа юм. Энэ нь “De Beers”-т ашигтай байж магадгүй гэсэн хүлээлт үүсээд байна.

мэдээ нийгэм

Дундговь аймагт 10000 дуслын усалгааны систем нэмж суурилуулна || DNN.mn

Post author By
Post date 2022-03-13
No Comments on Дундговь аймагт 10000 дуслын усалгааны систем нэмж суурилуулна || DNN.mn

Дундговь аймгийн Мандалговь хот дахь “Монгол Гуяаны аз жаргалын төгөл”-д энэ жил 10000 дуслын усалгааны систем нэмэхээр төлөвлөж байна.

Аймгийн Засаг дарга Ц.Мөнхбат “Ногоон Ази сүлжээ” Олон улсын ТББ-ын Монгол дахь төлөөлөгчийн газрын дарга Шин Ги Хуг өнгөрсөн долоо хоногт хүлээн авч уулзжээ.

Дундговь аймаг болон Гуяан хотын хамтын ажиллагааны хүрээнд 2009 оноос мод тарих төслийг хэрэгжүүлэн, 10 гаруй жилийн хамтын ажиллагааны хүрээнд 100 га талбайд 100000 мод тарьж, ургуулжээ.

2019 онд аймгийн ОНХС-гийн 119,5 сая төгрөг, БНСУ-ын Гуяан хотын 180,0 сая воны хөрөнгө оруулалтаар нийт модныхоо 60 хувьд буюу 60000 модонд дуслын усалгааны систем суурилуулж, мод услах ажлыг хөнгөвчилсөн юм.

Харин энэ жил хамтын ажиллагааны хүрээнд 10,000 модны усалгааг шийдэх аж. Усалгааны системийг төвийн цэвэр усны системтэй холбосон нь нэг талаас усалгааг тогтмолжуулж, хөдөлмөрийг хөнгөвчилж байгаа ч усны төлбөр гарч, төлөгдөөгүй өнөөдрийг хүрчээ.

Уулзалтын үеэр энэхүү асуудлыг хөндөж, аймгийн Засаг дарга Ц.Мөнхбат усны төлбөр болох 400,0 орчим сая төгрөгийг шийдвэрлэхээ илэрхийлсэн байна. Мөн тэрээр “Ногоон Ази сүлжээ” ТББ-ын удирдлагуудад олон жилийн уйгагүй хөдөлмөрөөр ногоон төгөл байгуулахад хувь нэмэр оруулж, үр дүнд хүрч байгааг онцлон талархал илэрхийлсэн байна.

Мөн тэрээр Дундговь аймгийн хувьд цөлжилт нүүрлэж, шороон шуурга, байгалийн гамшигт үзэгдлийн давтамж нэмэгдэж, хөрсний доройтол ихэсч байгаа тул сүүлийн жилүүдэд нийтээр мод тарих хөдөлгөөн өрнүүлж, аймаг байгуулагдсаны 80 жилийн ойг угтан 80 түмэн мод тарих хөдөлгөөн өрнүүлж байгааг, мөн 2021 онд мод үржүүлгийн чиглэлээр 60 гаруй хүнийг сурган бэлтгэсэн, дахиад 200 орчим хүнийг сургахаар төлөвлөж байгааг тэмдэглэн хэлсэн юм.

Цаашдаа Ногоон Ази сүлжээ ОУТББ-тай хүний нөөцийг хөгжүүлэх чиглэлээр хамтран ажиллах боломжтой гэдгийг онцолсон байна.

гадаад мэдээ

Ирак дахь АНУ-ын консулын ойролцоо хэд хэдэн пуужин тусчээ || DNN.mn

Post author By
Post date 2022-03-13
No Comments on Ирак дахь АНУ-ын консулын ойролцоо хэд хэдэн пуужин тусчээ || DNN.mn

Иракийн хойд нутгийн Эрбил хот дахь АНУ-ын Ерөнхий консулын газрын ойролцоо хэд хэдэн пуужин тусч, хүчтэй дэлбэрэлт болжээ. Энэ тухай Иракийн Үндэсний мэдээллийн агентлаг мэдээлсэн байна.

Тус агентлагийн мэдээлснээр, Эрбил хотод дор хаяж гурван дэлбэрэлт болж, дуут дохио дуугарч байгаа аж. Түүнчлэн Иракийн Курдын автономит мужийн нийслэл хотын Олон улсын нисэх онгоцны буудлын үйл ажиллагааг түр зогсоож, тус бүс нутагт иргэний агаарын тээврийн хөдөлгөөнийг хязгаарласан байна.

Эрбил хотын амбан захирагч Омед Хошнавын хэлснээр, тус хотод пуужингийн довтолгооны улмаас бэртэж гэмтсэн нэг ч хүн байхгүй аж. Хохирлын талаар мэдээлэл ирээгүй байгаа бөгөөд орон нутгийн эрх баригчид уг хэргийн мөрдөн байцаалтын ажиллагааг эхлүүлжээ.

Энэ хэрэгтэй холбогдуулан Багдад дахь Америкийн Элчин сайдын яам хамгаалалтаа нэмэгдүүлж, дипломат төлөөлөгчийн газрынхаа нутаг дэвсгэрийг хаасан байна.

Иракийн аюулгүй байдлын албаны эх сурвалж Иракийн “Shafak News” мэдээллийн порталд АНУ-ын консулын газар пуужингийн цохилтод өртсөн хэмээн мэдэгдсэнийг “РИА Новости” агентлаг уламжлав.

Эрбил хотын Салах ад-Дин дахь АНУ-ын консулын газар болон “Курдистан-24” телевизийн ойролцоо пуужин тусчээ. Дэлбэрэлтийн улмаас тус телевизийн барилгад материаллаг хохирол учирсан талаар эх сурвалж мэдээлсэн байна. Иракийн Эрүүл мэндийн яамнаас мөн дэлбэрэлтийн улмаас нэг ч хүний амь эрсдээгүйг мэдэгджээ.

мэдээ нийгэм

Японы цанын холбооноос монголын тамирчдад цана, хэрэглэл бэлэглэлээ || DNN.mn

Монголын цанын холбоо, Японы цанын холбооны хамтын ажиллагааны хүрээнд тус улсаас Монголын хөдөө орон нутгийн тамирчдад зориулан цана, хэрэглэл материалын хамт бэлэглэснийг Японоос Монгол Улсад суугаа Элчин сайд Х.Кобаяши өнөөдөр гардуулан өглөө.

Энэхүү арга хэмжээнд МҮОХ-ны Тэргүүн дэд ерөнхийлөгч, ОУОХ-ны гишүүн Б.Баттүшиг, Монголын цанын холбооны ерөнхий нарийн бичгийн дарга Б.Гэрэлт-Од, “Бээжин-2022” олимпод эх орноо төлөөлөн оролцсон тамирчин Б.Ачбадрах, А.Энхтуул нар байлцав. Энэ үеэр МҮОХ-ны Тэргүүн дэд ерөнхийлөгч Б.Баттүшиг Монголын өвлийн спортыг хөгжүүлэхэд Японы талтай цаашид илүү өргөн хүрээнд хамтран ажиллах сонирхолтой байгаагаа илэрхийллээ.

Мөн Элчин сайд Х.Кобаяшигийн Монголын спортын хөгжилд оруулсан хувь нэмрийг үнэлэн МҮОХ-ны дээд шагнал “Алтан Очир” одонгоор шагнав.

гадаад мэдээ нийгэм

Дэлхийн хэвлэлүүд Украиныг дэмжсэн 117 Нобелийн шагналтны захидлыг нийтэлжээ || DNN.mn

Украиныг дэмжсэн Нобелийн шагналтнуудын захидалд дэлхийн шинжлэх ухааны салбарын 177 төлөөлөгч гарын үсэг зурж, дэлхийн нэр хүндтэй хэвлэлүүд эл захидлыг нийтэлжээ. Энэ талаар Дэлхийн Еврейн Конгрессын дэд ерөнхийлөгч, Украины Еврейн Холбооны Ерөнхийлөгч Борис Ложкин мэдээлсэн байна.

Израилийн сэтгүүлч, түүхч Шимон Бриман хэлэхдээ, гуравдугаар сарын 11-12-нд Нобелийн шагналтнуудын захидлыг Америкийн “The Washington Post”, “Wall Street Journal”, “New York Times”, Британийн “The Guardian”, Канадын “Canadian Globe and Mail”, “National Post”, “Toronto Star”, Германы “Suddeutzche Zeitung” болон Израилийн “Haaretz” зэрэг олон улсын алдартай томоохон сонинуудад нийтэлсэн аж.

гадаад мэдээ

Украины 1300 орчим цэрэг амь үрэгджээ || DNN.mn

Post author By
Post date 2022-03-13
No Comments on Украины 1300 орчим цэрэг амь үрэгджээ || DNN.mn

Украины Ерөнхийлөгч Владимир Зеленськийн Киевт хэвлэлийн бага хурал өчигдөр хийв. Энэ үеэр дайны нөхцөл байдлын талаар ярьсан байна. Тэрээр сэтгүүлчдэд хэлэхдээ, Оросууд түрэмгийлж эхэлснээс 17 хоногийн дотор манай улсын 1300 орчим цэрэг амь үрэгдлээ” гэсэн талаар BBC news дамжуулжээ.

Харин энэ тоог барууны эх сурвалжид бодит бус, баасан гарагт гэхэд л Оросын 6000 орчим цэрэг мөн энэ хугацаанд амь үрэгдсэн. Тэгэхээр Украины цэргүүд бүр олноор үрэгдсэн гэж үзээд байгаа юм.

мэдээ эдийн-засаг

Хятад улс рублийн ханшийн уналтаас юанийг хамгаалах арга хэмжээ авчээ || DNN.mn

зураг

Украины хямралтай холбоотойгоор Өрнөдийн орнуудын авсан эдийн засгийн хориг арга хэмжээнүүдийн улмаас Оросын рублийн ханш америк доллартой харьцуулахад 40 хувиар унаад байгаа.

Хятад улсын хувьд Оросын эзлэн түрэмгийллийг шууд буруутгахаас зайлсхийж, ямар нэг эдийн засгийн хориг арга хэмжээ аваагүй байна.

Харин Баасан гарагт Хятадын төрийн хяналтад байдаг гадаад валютын арилжааны систем рубльтэй холбоотой арга хэмжээ авчээ.

Тухайлбал юаньтай харьцах рублийн ханшийн нэг өдрийн доторх зөвшөөрөгдөх хэлбэлзлийг 5 хувиас 10 хувь болгож ахиулсан байна.

Үүнийг зах зээл судлаачид рублийн уналтаас юанийг хамгаалах арга хэмжээ гэж дүгнэжээ. Өөрөөр хэлбэл юаньтай харьцах рублийн ханшийн уналтыг дэмжсэн гэсэн үг юм байна.

Баасан гарагт хэрэгжсэн энэхүү өөрчлөлтийг Хятадын гадаад валютын арилжааны платфромоос харахболомжтой юм.

мэдээ нийгэм үндэсний-бөx

МҮБХ: Шаардлага хангаагүй өмсгөлтэй бөхийг барилдуулахгүй || DNN.mn

Post author By
Post date 2022-03-13
No Comments on МҮБХ: Шаардлага хангаагүй өмсгөлтэй бөхийг барилдуулахгүй || DNN.mn

Цагаан сарын барилдаанд шуугиулах 6 бөх | Ublife

Монголын үндэсний бөхийн холбоо (МҮБХ)-ны Цэцдийн зөвлөл 2022 оны нэгдүгээр сарын 8-ны өдөр хуралдаж, бөхийн өмсгөлийг дараах шаардлагад нийцсэн байна гэж үзэн баталсан юм. Хэрэв шаардлага хангаагүй өмсгөлтэй бол барилдуулахгүй байхаар шийдвэрлэжээ. Тодруулбал, бөхийн өмсгөл нь:

Зодогны өнгө ба дотор давхарлага хийснийг авах,
Ширээсийг мяндас утсаар давхарлаж ширснийг авах,
Элэг бүс 1.5 см голчоос багагүй байна,
Зодогны ирмэгээр утас гүйлгэж, давхарлаж оёсныг авах,
Зодогны ширээс 8 см хүртэл өргөнтэй, 17 хүртэл ширээстэй байна (илүүг авах),
Зодогны танаасыг барьц барих мөр, суганд хийснийг авч, барьц барихгүй хэсэгт хийх,
Шуудагны ширээсийн тоо таваас илүүгүй байх (илүүг авах),
Шуудагны ташаанд нэмэлт ширээс хийснийг авах,
Шуудагны уяа 0.8 см голчтой байх.
Уутан зодог эгэм рүү орохгүй зөвхөн мөрний шонтон ясыг дарсан байна.

Дээрх шаардлагыг 2022 оны гуравдугаар сарын 12-ны өдрийн барилдаанаас эхлэн тавих бөгөөд 2022 он тавдугаар сарын 29-ний өдрийн барилдаанаар дуусгавар болгох аж.

Заагдсан хугацаанд шаардлага хангаагүй өмсгөлтэй бөхийг 2022 оны зургадугаар сарын 5-ны өдрөөс “Монгол бөхийн өргөө” болон аймаг сум, орон нутагт болох барилдаанд оролцуулах боломжгүйг МҮБХ-ноос анхаарууллаа.

мэдээ нийгэм

Сурагчийн цүнх биеийн жингийн 10 хувиас хэтрэхгүй байх нь тохиромжтой || DNN.mn

Манай ерөнхий боловсролын сургуулийн сурагчдын сурах бичиг олон учир цүнхний жин хүнд байдаг. Сурагчийн цүнх биеийн жингийн 10 хувиас хэтрэхгүй байх нь тохиромжтой аж.

БШУЯ-ны харьяа Боловсролын ерөнхий газраас сурагчийн цүнхний жинг стандарт хэмжээнээс хэтрүүлэхгүй байх, цүнхээ зөв үүрэг зэрэг чиглэлд анхаарал тавих зөвлөмжийг эцэг, эхчүүд болон ЕБС-ийн удирдлага, багш нарт өгч байна.

Манай улсын хувьд цөөн тооны сургууль л сурах бичиг хадгалах локр, шүүгээтэй байна.
Ихэнх сурагчид цүнхээ буруу үүрдэг зуршил тогтож байна.
Цүнхний жин нийт жингийн дийлэнх хувийг эзэлж байна. Энэ нь тухайн цүнх элдэв тоноглолуудтай байгаатай холбоотой. Нэмэлт эд материал, гарын авлага зэрэг чухал хэрэгцээгүй зүйлс нь цүнхний жинг нэмэгдүүлж байна гэж үзжээ.

гадаад мэдээ

Трамп: Украины хямрал дэлхийн III дайнд хүргэж болзошгүй || DNN.mn

Post author By
Post date 2022-03-13
No Comments on Трамп: Украины хямрал дэлхийн III дайнд хүргэж болзошгүй || DNN.mn

АНУ-ын ерөнхийлөгч асан Дональд Трамп өнгөрсөн Бямба гаригт “Newsmax” телевизийн сувгаар үзэл бодлоо илэрхийлжээ. Тэрбээр энэ үеэр Флоренс (Өмнөд Каролина) хотын дэмжигчдэдээ хандан үг хэлэхдээ “Украины эргэн тойронд үүссэн хямрал дэлхийн III дайн болон хувирч болзошгүй” гэжээ.

Түүний бодлоор АНУ-ын одоогийн засаг захиргаанаас хэн ч Оросын удирдлага, тэр дундаа Ерөнхийлөгч Владимир Путинтэй “ярьж чадахгүй” байгаа тул Орос зорилгодоо хүрэхээс нааш “зогсохгүй” бололтой.

Трамп “АНУ Путинд хоёрхон сонголт байгааг ойлгуулах ёстой. Энхийн хэлэлцээрийг нэн даруй эхлүүлэх, эсвэл Оросын эрчим хүчнээс хараат байдлаас гарах зэрэг аянга шиг үр дагавартай тулгарахыг ойлгуулах хэрэгтэй” гэжээ.

АНУ-ын ерөнхийлөгч асан Трамп 2024 онд Бүгд найрамдах намын төлөөлөгчид ерөнхийлөгчийн сонгуулиар эрх мэдлээ эргүүлэн авна гэж үзэж буй аж. Тэрбээр “Энэ жил бид Конгрессын Төлөөлөгчдийн танхим, Сенатыг, 2024 онд үзэсгэлэнт Цагаан ордноо эргүүлэн авахыг зорьж байна” гэж хэлжээ. Трамп өөрийн биеэр нэр дэвшинэ гэж шууд хэлээгүй ч “Хоёр удаа ялсан, одоо бид дахин нэр дэвших шаардлагатай болж магадгүй” гэж хэлсэн байна.

АНУ-ын дунд шатны сонгууль ирэх арваннэгдүгээр сард болж, Төлөөлөгчдийн танхимын 435 гишүүн, 34 сенаторыг сонгох юм. Одоогийн байдлаар Ардчилсан намынхан Конгрессын доод танхимд олонх байгаа бол Сенатад паритет тогтсон буюу хоёр нам тус бүр 50 суудал эзэлдэг.

Трамп өмнө нь 2022 оны сонгуульд Бүгд найрамдах нам Төлөөлөгчдийн танхимд хяналтаа тогтоосноор Ардчилсан намынхан, тэр дундаа АНУ-ын одоогийн Ерөнхийлөгч Жо Байдены улс төр дуусна гэсэн байр суурь илэрхийлж байв.

Recent Posts

Recent Comments

Archives

Categories