Month: March 2022

Categories
мэдээ нийгэм

МҮОХ-ны үйл ажиллагааг шалгуулахаар анх удаа Олон улсын спортын арбитрын шүүхэд хандлаа || DNN.mn

-Олон улсын спортын арбитрын шүүхээс МҮОХ-ны эсрэг CAS 2022/A/8560 хэрэг үүсгэн шалгаж эхэллээ-

МҮОХ-ны ОУОХ-ны хартиг зөрчсөн олон жил ужгирсан үйлдлүүдийг шалгуулахаар Монголын биатлоны холбооны ерөнхийлөгч Э.Мөнх-Очир 2022 оны 1 дүгээр сарын 21-нд Олон улсын спортын арбитрын шүүхэд МҮОХ-г шалгуулахаар ханджээ. Швейцарийн Лозаннь хотноо байрладаг Олон улсын спортын арбитрын шүүх нь спортынмаргааныг ОУОХ болон тухайн улс орнуудын шүүх байгууллагаас хараат бусаар эцэслэн шийдвэрлэдэг мэргэжлийн байгууллага бөгөөд ОУОХ, МҮОХ, спортын холбоод тус байгууллагаар маргаанаа шийдвэрлүүлэхээр хүлээн зөвшөөрчихсөн байдаг учраас тэдниий дүгнэлт нь эцсийн шийдвэр болж чаддаг. Дээрх нэхэмжлэлд заасны үндэслэлүүдийн дагуу CAS 2022/A/8560хэрэг үүсгэсэн гэх хариу мэдэгдэх хуудсыг 2022 оны 1 дүгээр сарын 13-нд хүлээн авчээ. Үүний дараа Монголын биатлоны холбооны ерөнхийлөгч Э.Мөнх-Очир 2022 оны 2 дугаар сарын 8-ны өдөр Олон улсын спортын арбитрийн шүүх /CAS/-д хандан уг хэрэгт давж заалдах асуудлууд, баримтын жагсаалтаа илгээсэн байна.

Тэрбээр 2021 оны 12 дугаар сарын 20-нд МҮОХ-ны гишүүнчлэлийн асуудлыг хэлэлцэж зарим гишүүний гишүүнчлэлийг дуусгавар болгож, шинэ гишүүдийн статусыг баталсан. Ингэснээр МҮОХ-ны гишүүд нь спортын байгууллага, холбоод биш хувь хүн болж ОУОХ-ны Харти, МҮОХ-ны дүрмийг зөрчсөн бүтцийг зориудаар бий болгож одоогийн удирдлагад байгаа цөөн хэдхэн хүний эрх ашгийн төлөө Олимпийн дүрмийн үндсэн зарчмуудыг зөрчиж байна.Энэ байдал 2017 оноос эхэлсэн бөгөөд 2017 оны 3 дугаар сард МҮОХ-ны хууль бус хурлаас гарсан шийдвэрийг хүлээн авч баталсан, хариуцагч ОУОХ-ны баталсан дүрмийн англи хэл дээрх хувилбарыг би Олон улсын спортын арбитрын шүүхэд өгөх ёстой гэж үзэж ийнхүү хандаж байна” гэжээ. Мөн дээрх хуралд оролцсон 167 хувь хүнд бүх эрх, хяналтаа алдсан дээрх байдлыг спорт холбоодын зүгээс эсэргүүцэж 2019 оны 1 дүгээр сарын 11-нд ОУОХ-нд хандаж захидал илгээж 2019 оны 1 дүгээр сарын22-ндМҮОХ-оор дамжуулан хариу авсан. Харамсалтай нь бидний шаардлага, ОУОХ-ны зөвлөмжийг үл тоомсорлож “бүх гишүүдийн хурал” гэгч дүрмийн бус хурлын шийдвэрээр асуудлыг шийдсээр байна. Энэ талаар бид Олон улсын спортын арбитрын шүүх /CAS/-ийн хуулийн R47-д заасны дагуу ийнхүү давж заалдахаас өмнө асуудлыг шийдвэрлэхийн тулд хууль эрх зүйн бүхий л арга хэмжээг авч дуусгасан бөгөөд 2021 оны 12 дугаар сарын 20-нд МҮОХ-ны хурлыг эсэргүүцсэн гомдлоор шүүхэд хандсаар аргагүйн эрхэнд Олон улсын спортын арбитрын шүүх /CAS/-д хандан дараах асуудлыг тавьж шийдвэрлэж өгөхийг хүсч байна.

Үүнд:

1. 2021 оны 12 дугаар сарын 20-нд МҮОХ-ны хурлын бүх шийдвэрийг хүчингүй болгох

2. Олимпийн Хартийн 14.3 дахь хэсгийн эхний хэсгийг өөрчлөн найруулах буюу хасах. Олимпийн Хартийн 28 дугаар зүйл, МҮОХ-ны дүрмийн 5 дугаар зүйлийг чанд мөрдөж ажиллахыг МҮОХ-нд даалгах

3.МҮОХ-ны Их хурлыг Олимпийн Хартийн зарчимд нийцсэн МҮОХ-ны зөв бүтэцтэй болгож зохион байгуулахыг даалгах

4.Энэхүү давж заалдах ажиллагаатай холбогдуулан гомдол гаргагчаас гарсан бүх зардлыг МҮОХ-ноос гаргуулж өгнө үү.

Мөн энэ хэрэгт дээрх нөхцөл байдлыг сайтар мэдэж буй ОУОХ-ны ноён Жером Пойвиг Хариуцагч болон ОУОХ-ны хооронд дээрх сэдвээр харилцсан захидал харилцаа болон бусад асуудлаар ОУОХ-ноос баталсан МҮОХ-ны дүрмийн англи хэл дээрх хувилбарыг гаргаж өгч гэрчилнэ гэдэгт найдаж байна гэжээ. Ийнхүү МҮОХ-ны Олимпийн хартийг зөрчсөн, дүрмийн бус засаглалтай, спорт холбоодоос бус тойрон хүрээлэгч 167 хүнээр байнга асуудлыг шийдүүлж, дүрмийн бусаар хуралдсаар дутагдалтайгаа эвлэрсээр ирсэн явдал “хил давж”, Монголын түүхэнд анх удаа спортын маргааны эцсийн шүүх болон Олон улсын спортын Арбитрын шүүх /CAS/-д очиж хэрэг нээж шалгуулахаар боллоо.

У.ОРГИЛМАА

Categories
мэдээ улс-төр

АН: Д.Мөнх-Эрдэнэ бүлгийн зөвлөхөөр үргэлжлүүлэн ажиллана

Xөx хотод сууx Ерөнxий консулаар ажиллаж байсан, Ардчилсан намын гишүүн Д.Мөнx-Эрдэнэ өнгөрсөн 2021 оноос УИX даxь Ардчилсан намын бүлгийн орон тооны бус зөвлөxөөр ажиллаx болсон билээ.

Тэрбээр өнгөрсөн xугацаанд эрx баригчдын алдаа дутагдлыг ил тодоор шүүмжилж, олон нийтэд баримттайгаар илчлэx ажлыг өөрийн санаачилгаар xийж, нийгэмд сөрөг xүчний үүргийг биелүүлэн ажилласан. УИX даxь АН-ын бүлгийн дарга Д.Ганбат түүнийг бүлгийн орон тооны бус зөвлөxөөр үргэлжлүүлэн ажиллуулахаар болжээ.

Д.Мөнх-Эрдэнэ эрх бүхий хүмүүсийг Авлигатай тэмцэх газар болон Үндсэн хуулийн цэцэд өгч байгаагаа мэдэгдэж байхдаа боловсролгүй, албан тушаалын хэнээтэй хүмүүсийг төрд залж байгааг буруутгаж, үндэслэлгүй хөрөнгөжиж, албан тушаалаа урвуулан ашиглаж буй дарга нар Монгол Улсыг хохироож буй талаар мэдэгдсэн удаатай.

Categories
мэдээ нийгэм

Сард орон сууцны айл өрх 41.300 гэр хорооллынх 58.300-гийн цахилгааны төлбөрийн хөнгөлөлт эдэлнэ || DNN.mn

Сүүлийн үед эрчим хүчний үнэ тариф нэмэгдсэн гэдэг үндэслэлгүй мэдээлэл гарч байгаа учраас Эрчим хүчний зохицуулах хорооноос сэтгүүлчдэд мэдээлэл өгөв.

Энэ үеэр орон сууцны айл өрх 41,300 төгрөг, 350 кВт.ц гэр хорооллын айл өрх 58,300 төгрөгийн цахилгааны төлбөрийн хөнгөлөлт эдэлнэ гэдгийг онцоллоо. Тодруулбал,

Коронавируст халдварын цар тахлаас шалтгаалсан эдийн засгийн хүндрэлийг даван туулах, айл өрхийн амьжиргааны өртгийг бууруулах, санхүүгийн бодит дэмжлэг үзүүлэх зорилгоор 2021 оны 12 дугаар сарын 31-ний өдрийн “Коронавируст халдвар /Ковид-19/-ын цар тахлын үед айл өрхөд дэмжлэг үзүүлэх тухай” 410 дугаар тогтоол гарсан.

Энэхүү тогтоолын хүрээнд 2022 оны нэгдүгээр сарын 1-ний өдрөөс тавдугаар сарын 31-ний өдрийг дуустал хугацаанд

  • орон сууцны айл өрхийн сард хэрэглэсэн 250 кВт.ц хүртэл,
  • гэр хорооллын айл өрхийн сард хэрэглэсэн 350 кВт.ц хүртэл айл өрхийн цахилгаан эрчим хүчний төлбөрийг төрөөс хариуцаж байна.

Монгол Улсын хэмжээнд 696 мянган цахилгаан эрчим хүч хэрэглэгч айл өрх байгаагаас нийслэл хотод 392 мянган айл өрх, орон нутагт 304 мянган айл өрх хөнгөлөлтөд хамрагдах ба орон сууцны айл өрхийн 78 хувь, гэр хорооллын айл өрхийн 75 хувь нь төлбөрөө төрөөс бүрэн төлүүлэх боломжтой.

Энэхүү төлбөрийг төрөөс хариуцан төлөхөд урьдчилсан дүнгээр 72.1 тэрбум төгрөгийг /төрөөс/ хариуцан ажиллахаар байна.

Ингэснээр цахилгаан эрчим хүчний төлбөрийг төрөөс хариуцан төлөх хугацаанд сард 250 кВт.ц хэрэглээтэй орон сууцны айл өрх 41,300 төгрөг, 350 кВт.ц хэрэглээтэй гэр хорооллын айл өрх 58,300 төгрөгийн цахилгааны төлбөрийн хөнгөлөлт эдлэхээр байгаа аж.

Мөн гэр хорооллын айл өрхүүд 2021 онд 23.6 тэрбум төгрөгийн шөнийн тарифын хөнгөлөлт эдэлжээ.

Монгол Улсын Засгийн газрын дээрх тогтоолыг хэрэгжүүлж агаарын бохирдлыг бууруулах зорилгоор Нийслэл хот болон аймгийн төв, арван мянгаас дээш хүн амтай сум, суурин газрын гэр хорооллын өрхийн орой, шөнийн цагт хэрэглэсэн цахилгааны тарифт 2017 онд 6.2 тэрбум төгрөг, 2018 онд 9.8 тэрбум төгрөг, 2019 онд 13.0 тэрбум төгрөг, 2020 онд 18.1 тэрбум төгрөг, 2021 онд 23.6 тэрбум төгрөгийн тус тус хөнгөлөлт үзүүлээд байна.

Categories
мэдээ нийгэм

“2019 оноос хойш цахилгаан эрчим хүчний үнийг нэмээгүй” гэв

Сүүлийн үед эрчим хүчний үнэ тариф нэмэгдсэн гэдэг үндэслэлгүй мэдээлэл гарч байгаа учраас мэдээлэл гаргалаа.

Эрчим хүчний зохицуулах хороо нь Эрчим хүчний тухай хуульд заасны дагуу эрчим хүчний үнэ тарифыг тогтоодог бөгөөд цахилгаан эрчим хүчний үнэ тарифт 2019 оны долдугаар сараас хойш ямар нэг өөрчлөлт ороогүй, үнэ нэмэгдээгүй. Мөн Улаанбаатар, Дархан, Эрдэнэт зэрэг хотуудын дулааны эрчим хүчний үнэ тариф 2019 оноос хойш өөрчлөгдөөгүй, үнэ тариф нэмэгдсэн гэдэг ташаа мэдээлэл гэдгийг онцлов.

Хэвлэлийн бага хурлын мэдээллийг багцлан хүргэж байна.

1.107.2 мянган хэрэглэгчийн 868.5 тербум төгрөгийн төлбөрийг Засгийн газраас хариуцжээ.

Монгол Улсын Засгийн газрын 2020 оны 211 дүгээр тогтоол, 2021 оны 207 дугаар тогтоолын дагуу 2020 оны арванхоёрдугаар сарын 1-ний өдрөөс 2021 оны 12 дугаар сарын 31-ний өдрийг дуустал хугацаанд буюу нийт 13 сарын туршид хэрэглэгчдийн цахилгаан, дулааны эрчим хүч, дулааны уурын төлбөрийг Төрөөс хариуцсан. Энэхүү төлбөрийн хөнгөлөлтөд цахилгаан эрчим хүчний 738.2 мянган хэрэглэгч, дулааны эрчим хүчний 369 мянган хэрэглэгч, давхардсан тоогоор 1,107.2 мянган хэрэглэгч хамрагдаж 868.5 тэрбум төгрөгийг Монгол Улсын Засгийн газраас хариуцсан байна.

ЭРЧИМ ХҮЧНИЙ ҮНЭ ТАРИФ БОДИТ ӨРТГӨӨСӨӨ 5-59 ХУВИАР ДООГУУР БАЙНА

Тарифын ангиллаар авч үзвэл,

  • Уул уурхайн олборлох, боловсруулах аж үйлдвэрийн дундаж тариф 212 төг/кВт.ц буюу өртгөөс 5 хувиар,
  • аж ахуйн нэгж, байгууллага 179.0 төг/кВт.ц буюу 25 хувиар,
  • орон сууцны айл өрх 149.0 төг/кВт.ц буюу 50 хувиар,
  • гэр хорооллын айл өрх 141 төг/кВт.ц буюу 59 хувиар тус тус доогуур тарифыг мөрдөж байна.

Эрчим хүчний салбар 2021 онд 78 тэрбум төгрөгийн үйл ажиллагааны алдагдалтай ажиллажээ

Эрчим хүчний салбар цар тахлаас шалтгаалсан эдийн засгийн хүндрэлтэй нөхцөлд хэрэглэгчийн цахилгаан, дулааны тарифт өөрчлөлт оруулахгүйгээр өндөр үнэтэй импортын цахилгааныг бууруулах, эрчим хүчний компаниудын хөрөнгө оруулалт, шинэчлэлийн ажлуудыг хойшлуулах, үйл ажиллагааны зардлуудыг 12-18 хувиар хэмнэх, дотоод хэрэгцээний цахилгаан болон дамжуулах, түгээх сүлжээний алдагдлыг бууруулж үр ашгийг дээшлүүлэх зэрэг арга хэмжээнүүдийг авч хэрэгжүүлснээр сүүлийн гурван жилд дунджаар 62 тэрбум төгрөгийн зардлын хэмнэлтийг бий болгосон боловч 2019 оноос хойш гурван жилийн хугацаанд үнэ тарифт огт өөрчлөлт оруулалгүй тогтвортой мөрдөж ирсэн. Үүний улмаас 2019 онд 59 тэрбум төгрөг, 2020 онд 88 тэрбум төгрөгийн, 2021 оны 78 тэрбум төгрөгийн үйл ажиллагааны алдагдалтай ажилласан бөгөөд тус алдагдлыг эрчим хүчний салбар бүрэн хариуцан ажиллаж байна.

Эрчим хүчний хангамж, хэрэглээтэй холбоотой мэдээлэл лавлах утасны дугаарууд:

  • Эрчим хүчний зохицуулах хороо – 312313,
  • “Улаанбаатар цахилгаан түгээх сүлжээ” ТӨХК – 70047004,
  • “Улаанбаатар дулааны сүлжээ” ТӨХК ТӨХК – 70047005,
  • “ОРОН СУУЦ НИЙТИЙН АЖ АХУЙН УДИРДАХ ГАЗАР” ОНӨААТҮГ – 70005454,
  • “ХУВИЙН ОРОН СУУЦ НИЙТИЙН АЖ АХУЙН ХӨГЖЛИЙН ТӨВ” ТББ-ын дуудлагын нэгдсэн төв – 70044004
  • “ОРОН СУУЦ НИЙТИЙН АЖ АХУЙН МЭРГЭЖЛИЙН ХОЛБОО” ТББ-ын дуудлагын нэгдсэн төв – 7555195
Categories
мэдээ нийгэм

Б.Ариунзаяаг Монгол Улсын хилээр гарахыг хориглолоо || DNN.mn

Нийслэлийн Сүхбаатар дүүргийн Прокурорын газраас яллагдагч Б.Ариунзаяад Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1 дэх хэсэгт заасан “…Монгол Улсын хилээр гарахыг хязгаарлах хязгаарлалт тогтоох, мөн тодорхой хүнтэй уулзахыг хориглох буюу хохирогч М болон түүний ар гэрийхэнтэй уулзахыг хориглох…” хязгаарлалт тогтоох таслан сэргийлэх арга хэмжээ авах тухай саналыг 2022 оны гуравдугаар сарын 4-ний өдөр ирүүлснийг хүлээн авч мөн өдөр хянан хэлэлцлээ.

Шүүхээс хавтас хэрэгт авагдсан бичгийн нотлох баримтууд болоод шүүхийн хэлэлцүүлэгт гаргасан прокурорын дүгнэлт, өмгөөлөгчийн санал зэргийг судалж үзээд прокуророос гаргасан “…Тодорхой хүнтэй уулзахыг хориглох буюу хохирогч М болон түүний ар гэрийнхэнтэй уулзахыг хориглох…” хязгаарлалт тогтоох санал нь үндэслэлгүй байх тул хүлээн авахаас татгалзав.

Харин Эрүүгийн хэрэг хянан шийдвэрлэх тухай хуулийн зорилтод нийцүүлэн 2022 оны гуравдугаар сарын 4-ний өдрөөс эхлэн Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авч, шүүгчийн захирамжийн хувийг Хил хамгаалах ерөнхий газарт даруй хүргүүлэхийг шүүгчийн туслахад, захирамжийн хэрэгжилтэд хяналт тавьж ажиллахыг Хил хамгаалах ерөнхий газарт тус тус даалгаж шийдвэрлэлээ.

Categories
мэдээ нийгэм

Д.Кёкүшюзанбатбаяр нарт холбогдох хэргийг прокурорт буцаав || DNN.mn

Нийслэлийн Прокурорын газраас яллах дүгнэлт үйлдэж ирүүлсэн Д.Кёкүшюзанбатбаяр нарын нэр бүхий дөрвөн шүүгдэгчид холбогдох эрүүгийн хэргийг Хан-Уул дүүргийн Эрүүгийн хэргийн анхан шатны шүүх таван өдрийн турш хянан хэлэлцлээ.

Улмаар хэрэгт нэмэлт мөрдөн шалгах ажиллагаа хийлгэх зайлшгүй шаардлагатай гэж үзэн хэргийг Нийслэлийн Прокурорын газарт буцааж, шүүгдэгч нарт урьд авсан таслан сэргийлэх арга хэмжээг хэвээр үргэлжлүүлж шийдвэрлэлээ.

Categories
мэдээ нийгэм

Баянзүрх дүүргийн ХХҮХ-ийн дарга Л.Цолмонгэрэлийг саатуулжээ || DNN.mn

Эрүүгийн цагдаагийн алба (ЭЦА)-наас өнгөрсөн Мягмар гаригт Баянзүрх дүүргийн Хөдөлмөр, халамж үйлчилгээний хэлтэст хойшлуулшгүй ажиллагаа явуулжээ. Тодруулбал, тус дүүргийн Хөдөлмөр, халамж үйлчилгээний хэлтсийн дарга Л.Цолмонгэрэлийг баривчилсан байна. Мөн тус хэлтсийн мэргэжилтнийг хамтад нь сэжигтнээр татаж, албан өрөө хийгээд гэрт нь нэгжлэг хийжээ. Тухайн хоёр хүнийг 48 цаг саатуулсан бөгөөд өнөөдрийн байдлаар мөрдөн шалгах ажиллагаа үргэлжилж байгаа аж.

ЭЦА-наас “Хэргийн шалгалт үргэлжилж буй учир мэдээлэл өгөх боломжгүй. Ямартай ч Л.Цолмонгэрэл, мэргэжилтэн В.Лхагвадулам нарыг саатуулсан нь үнэн гэсэн юм.

Албан бус эх сурвалжийн мэдээлснээр, Л.Цолмонгэрэл нэр бүхий ажилтнуудынхаа хамт халамжийн мөнгө угаасан хэрэгт холбогдож, 500 орчим иргэний бичиг баримт хуурамчаар үйлдсэн байж болзошгүй гэж үзэж, хойшлуулшгүй ажиллагаа явуулж саатуулсан аж.

Categories
мэдээ эдийн-засаг

“Эдийн засгийн форум” ТББ-ын тэргүүнээр Л.Оюун-Эрдэнэ, НБД-аар Ч.Ганхуяг ажиллана || DNN.mn


Засгийн газрын бодлогын дагуу энэ жил “Эдийн засгийн форум-2022”-ыг өргөн хүрээнд зохион байгуулах шийдвэр гаргаад буй. Энэ удаагийн форумыг урьдчилсан хэлэлцүүлэгтэй, өргөн хүрээнд мөн “Шинэ сэргэлт” уриан дор зохион байгуулна гэдгийг Сангийн сайд мэдээлээд буй.

Харин энэ форумыг зохион байгуулахаас гадна форумаас гарсан шийдвэрийг ажил хэрэг болгоход анхаарах үүрэг чиглэл бүхий “Эдийн засгийн форум” хэмээх ТББ байгуулж байгаа. Тэгвэл энэ ТББ-ын тэргүүнээр өнөөдөр Ерөнхий сайд Л.Оюун-Эрдэнэ, Нарийн бичгийн даргаар “Ард”-ын Ч.Ганхуягийг сонгожээ.

Categories
мэдээ нийгэм

“Сэтгүүл зүйн ёс зүйн форум”-ын дүгнэлт, зөвлөмж гарлаа || DNN.mn

Хэвлэл мэдээллийн зөвлөлөөс “Сэтгүүл зүйн ёс зүйн форум”-ыг хоёрдугаар сарын 24-ний Пүрэв гаригт “Ковид-19: Мэдэх эрх – Сэтгүүлчийн ёс зүй” сэдвийн хүрээнд зохион байгуулсан билээ.

Ингэхдээ цар тахлын амаргүй нөхцөл байдалд хэвлэл мэдээллийн салбарын сорилт, сургамжийн талаар хамтдаа хэлэлцэхийг энэ удаагийн форумаар зорьсон бөгөөд салбарын эвсэл, холбоод, иргэний нийгмийн байгууллагууд, сэтгүүлч, редакторууд, судлаачдын төлөөлөл оролцож, хэлэлцүүлэг өрнүүлсэн. Цар тахлын үеийн иргэний мэдэх эрх, сэтгүүлчийн ёс зүйн асуудлыг онцлон хэлэлцсэн энэхүү форумын үеэр оролцогчид болон зохион байгуулагчдын зүгээс гарсан санал, зөвлөмж гарсныг ийнхүү толилуулж байна.

“КОВИД-19: МЭДЭХ ЭРХ – СЭТГҮҮЛЧИЙН ЁС ЗҮЙ”

СЭТГҮҮЛ ЗҮЙН ЁС ЗҮЙН ФОРУМААС ГАРСАН ЗӨВЛӨМЖ

Хэвлэл мэдээллийн зөвлөлөөс “Сэтгүүл зүйн ёс зүйн форум”-ыг дөрөв дэх удаагаа 2022 оны хоёрдугаар сарын 24-ний өдөр сэтгүүлчид, иргэний нийгмийн төлөөлөлтэйгээр амжилттай зохион байгууллаа. Энэхүү форумд “Цар тахлын үеийн хэвлэлийн эрх чөлөө, сэтгүүлчийн ёс зүй”, “КОВИД-19: Сэтгүүл зүйн үүрэг, ёс зүй, хамтын ажиллагаа”, “Цар тахлын үед аюулд өртөөд буй мэдэх эрх, үзэл бодлоо илэрхийлэх эрх чөлөө: олон улсын сургамж” сэдэвт гурван илтгэл, мөн оролцогч талуудын хэлэлцүүлгээр дамжуулан нөхцөл байдлыг хэлэлцэж, зөвлөмж гаргалаа.

1/ Нөхцөл байдал

Цар тахлын онцгой нөхцөл байдалд бид хоёр жилийг үдлээ. Дэлхийн аль ч улс оронд, хаана ч, хэнд ч Ковид-19 цар тахлыг хохирол багатайгаар богино хугацаанд даван туулах туршлага, арга зам байсангүй. Бусад оролцогч талуудын нэгэн адил хэвлэл мэдээллийнхэн нийгмийн өмнө хүлээсэн үүргээ амаргүй нөхцөлд байдалд биелүүлэхийн төлөө хичээн ажиллаж, олон сорилыг даван туулахын сацуу туршлага, сургамжийг мөн хуримтлууллаа.

Дижитал хувьсал бидэнд ихээхэн боломжийг авчирсан ч цар тахлын талаарх баталгаагүй, төөрөгдүүлсэн, эргэлзээтэй, нягтлан шалгаагүй мэдээлэл түгэх, улмаар иргэдийг эргэлзээ, бухимдал, айдаст автуулах шалтгаан болж байв. Цахим орчинд тархсан худал ташаа мэдээлэл нь сэтгүүл зүйн нэр хүнд, итгэл үнэмшлийг ч бууруулж байна.

Түүнчлэн мэдээллийн цар тахал нь хүний эрүүл мэнд, эдийн засаг, амь насанд сөрөг үр нөлөө үзүүлээд зогсохгүй “иргэн, хэвлэл мэдээлэл, төр” хоорондын үл итгэлцэл, үл ойлголцол нэмэгдэх шалтгаан болов. Цар тахлын үеийн хууль, эрх зүйн орчин нь олон нийтийг төөрөгдүүлэх, худал мэдээлэл түгээвэл гэмт хэрэг, зөрчилд тооцох, мэдээллийн нэг чиглэлт урсгалыг шаардсан. Үүний үр дагавраар Ковид-19 цар тахлын үед хэвлэлийн эрх чөлөө хумигдсан гэж 5 сэтгүүлч тутмын 3 нь үзжээ. Цар тахал зэрэг онцгой нөхцөл байдал нь төрөөс хэвлэлийн эрх чөлөө, мэдээлэлтэй байх эрхийн зарчмыг хүндэтгэх, харин сэтгүүлчдээс мэргэжлийн ёс зүйн өндөр хариуцлагыг шаардаж байна.

Тодруулбал, төрийн мэдээллийг дамжуулах буюу нэг чиглэлт мэдээллийн урсгал хэт давамгайлсан. Хамтын ажиллагаа доголдолтой буюу сэтгүүл зүйн оролцоо, үүргийг хязгаарласан. Сэтгүүл зүй дагаж сурвалжилснаас манлайлж сурвалжилж чадаагүй. Цар тахлын нөхцөлд редакцын түвшинд хүний эрхийг хамгаалах ёс зүйн зохицуулалт, сэтгүүлчид хэрхэн ажиллах удирдамж, туршлага сул, сэтгүүл зүйн байгууллагууд цахим орчинд ажиллахад, хурдан шуурхай дасан зохицох менежмент дутагдалтай бөгөөд редакцууд нэгдэж, хамтран ажиллаж чадаагүй зэргийг хэлэлцүүлгийн үеэр онцлов.

Цар тахлын үеийн эдгээр хязгаарлалт нь нийгмийн эрүүл мэндийн онцгой байдлын талаар иргэний үнэнийг мэдэх эрхийг хангах үүрэгтэй төр болоод хэвлэл мэдээлэл аль нь ч бүрэн хангаж чадаагүй.

Ковид-19 цар тахалтай тэмцэх төрийн бодлого, үйл ажиллагаа нь иргэний үг хэлэх, үзэл бодлоо илэрхийлэх үндсэн эрхэд аргагүй хязгаалалтыг үүсгэсэн ч зарим тохиолдолд энэ нь зохист хэмжээнээс хэтэрсэн тохиолдлууд бий. Энэ нь засгийн газарт таагүй мэдээллийг дарах зорилгоор сөрөг хүчний улс төрчид, шүүмжлэгч хэвлэл мэдээллийн байгууллага эсвэл хүний эрх хамгаалагчдын дуу хоолой, үзэл бодлыг дарах шалтаг болов. Цар тахалтай амжилттай тэмцэхийн тулд улс орнууд иргэдээ үнэн зөв мэдээллээр хангахдаа талуудын оролцоог хангах, хамтын ажиллагааг хөгжүүлэх, иргэдийн хэвлэл мэдээлэл, мэдээллийн суурь боловсролыг дэмжин чадавхжуулж, үзэл бодлыг нь сонсох шаардлага улам бүр нэмэгдэж байна. Гэвч цар тахлын өнөөгийн үед засгийн газрууд үзэл бодлоо илэрхийлэх эрх чөлөөг дэмжихийн оронд хааж хавчих явдал илүүтэй буйд бид шүүмжлэлтэй хандаж, ийм эрсдэлээс хол байх арга замыг байнга эрэлхийлж байхыг форумын үеэр онцлов.

2/ Зөвлөмж

  • Монгол Улсын Засгийн газар, эрх бүхий байгууллагууд бүх хүнд хүртээмжтэй хэлбэрээр, хоёрдмол утгагүйгээр мэдээллийг тухай бүр өгч байх үүргээ хэрэгжүүлэх, ингэж мэдээлэл өгөөгүй нөхцөлд иргэдийг “худал мэдээлэл тараасан” гэж шийтгэхгүй байх;
  • Эрүүл байх эрх нь хүний бусад эрхтэй нягт холбоотой. Мэдээлэлтэй байх эрх нь хуурамч ташаа мэдээлэлтэй тэмцэх, мэдээллийг дур зоргоор хязгаарлахаас урьдчилан сэргийлэхэд ач холбогдолтой болохыг хүлээн зөвшөөрөх;
  • Онц байдлын арга хэмжээ, зохицуулалтыг авч хэрэгжүүлэхдээ хэвлэлийн эрх чөлөөг хязгаарлахаас зайлсхийх, хямралтай холбоотой бүхий л төрлийн мэдээ, мэдээллийг сэтгүүлчдэд нээлттэй байлгах, Засгийн газрын төлөөлөгчид болон эрүүл мэндийн мэргэжилтнүүд иргэдийг мэдээллээр хангахдаа сэтгүүлчдийн эрхийг зөрчихгүй байх;
  • Цар тахлыг далимдуулан бие даасан сурвалжилга, хэлэлцүүлэг, мэдээлэл эрж хайх, шинжлэх явдлыг хааж боохгүй байх, цар тахлыг шалтаг болгон ашиглахгүй байх; Үзэл бодлоо илэрхийлэх эрх чөлөөнд тавьсан зүй бус зохисгүй хязгаарлалтуудыг үнэлж яаралтай цуцлах, мэдээллийн чөлөөт урсгалыг тэргүүн зэрэгт дэмжих;
  • Бие даасан, нийтийн ашиг сонирхлын төлөөх сэтгүүл зүйг дэмжсэн, иргэний нийгмийн оролцоог хангасан эрх зүйн орчныг бүрдүүлж, нийгмийн бүх хэсэгтэй ажиллах замаар итгэл хүлээсэн, найдвартай, хүртээмжтэй, хөндлөнгийн ба баримт дээр тулгуурласан мэдээлэл бүхий ил тод байдлыг хангах;
  • Эрсдэлт болон онцгой нөхцөл байдлын мэдээлэл харилцааны бэлэн байдлыг хангах, ийм нөхцөлд мэдээлэл харилцааг төр-иргэн-хэвлэл мэдээлэл гэсэн гурван талт оролцоотойгоор хэрэгжүүлэх үндэсний хэмжээний багийг бүрдүүлж, чадавхийг бий болгох;
  • Хэвлэл мэдээллийн хэрэгсэл, сэтгүүлчид, хүний эрхийг хамгаалагчдын үйл ажиллагааг зүй бусаар хязгаарлахгүй байхад анхаарч, хууль ёсны үйл ажиллагаа явуулсныхаа төлөө ямар нэгэн байдлаар шийтгэл хүлээхгүй байх эрх зүйн орчин, тогтолцоог бүрдүүлэх;
  • Олон нийтийн сүлжээний компаниудад цахим контентуудыг идэвхтэйгээр хянах эсвэл хэт их цагдан хяналтын хэлбэртэй зуучлагчийн үүрэг оноохоос татгалзах.
Categories
мэдээ нийгэм

Жанхайн даваанаас Тойлогт хүртэлх 38 км хатуу хучилттай авто замын ажил эхэллээ || DNN.mn

Азийн хөгжлийн банкны тогтвортой аялал жуулчлалыг дэмжих хөтөлбөрийн хүрээнд Хөвсгөл нуурын баруун эрэг Жанхайн даваа-Тойлогт хүртэлх 38 км хатуу хучилттай авто замын ажил эхэллээ.

Зун цагт Жанхайн даваа хүртэл зам бартаа ихтэй. Шороон замын хоёр талын ой тоосонд дарагдсан. Нуурын замагжилт асар автомашинаас дэгдсэн тоосжилтоос үүдэлтэй гэдгийг судалгаагаар тогтоожээ. Харин энэхүү 38 км зам баригдсанаар Хөвсгөл нуур, нуур орчмын байгаль орчны энэ бүх асуудал шийдэгдэнэ гэж үзэж буй юм.

Азийн хөгжлийн банкны 39 сая ам долларын санхүүжилттэй “Хөвсгөл нуурын байгалийн цогцолборт газрын орчны бүсийн иргэдийн амьжиргааг дэмжих, тогтвортой аялал жуулчлалыг хөгжүүлэх” нэгдсэн төсөл 2016 оноос хэрэгжиж эхэлсэн.

Үүнээс хойш 2016-2019 онд Хөвсгөл аймгийн 5 сумын иргэдэд зориулсан 7 тэрбум төгрөгийн төсөл амжилттай хэрэгжжээ.

Цаашид АХБ-ны төсөлтэй хамтран Хөвсгөл нуурын орчмын аялал жуулчлалын бүсийг олон улсын жишигт нийцүүлэх, томоохон соёл, амралтын цогцолборуудыг байгуулах, орчин үеийн тоноглол бүхий ариун цэврийн байгууламж барих ажил төлөвлөсөн байна.