Засгийн газрын өнөөдрийн хуралдаанаар Хөшигийн хөндий дэх бүтээн байгуулалттай холбоотойгоор төрийн захиргааны байгууллагуудын талаар авч хэрэгжүүлэх арга хэмжээний тухай Засгийн газрын тогтоолыг баталлаа.

Энэ талаар дэлгэрэнгүй мэдээллийг Барилга, хот байгуулалтын сайд Б.Мөнхбаатар өгөв.

Тэрбээр “Өнгөрсөн хугацаанд Хөшигийн хөндийд байр зүйн зураг, уул жалгыг судлах, газар хагалбарын мужийг 8 балл хэмээн тогтоосноор баригдах барилга байшингуудын даац, усны нөөц зэргийг тооцоолсноор 150 мянган хүн амьдрах хот төлөвлөлтийг хийж байна. Өнөөгийн Дархан, Эрдэнэт бол 100 мянган хүнтэй хот.

Засгийн газраас өнөөдөр төрийн захиргааны зарим байгууллагыг үе шаттайгаар шилжүүлэх улс төрийн шийдвэр гаргасан. Энэ талаар судалж, саналаа гаргана.

Дэд бүтэц, хүмүүс амьдрах орчин, ажлын байр зэрэг байснаар таталцал бий болдог. Энэ ажил нь өнөөдөр маргаашдаа биш, үе шаттайгаар хийгдэнэ. Жишээлбэл, Сөүл хот төвлөрлөө сааруулахын тулд Сэжун хотод төр захиргааны байгууллагуудаа шилжүүлэх ажлыг 20 жил хийж байгаа.

Энэхүү шийдвэр өнөөдөр гарснаар ерөнхий төлөвлөлтийг ойрын хугацаанд Засгийн газраар батлуулна. Үүнтэй холбоотой хэсэгчилсэн төлөвлөлтүүд, хөрөнгийн тооцоолол гарна” гэлээ.

2008 оноос эхлэн улсын тусгай хэрэгцээнд нисэх буудлыг тойрсон 12 мянган га газар авчээ. Мөн өнгөрсөн жил нэмж 19 га газар авснаар Хөшигийн хөндийд нийт 31 га газрыг улсын хэрэгцээнд авсан байна.

Сонирхуулахад, манай улс 1940-1990 онд 40 гаруй хот тосгодыг барьжээ. Хамгийн сүүлд буюу 1980-аад онд Багануур хотыг байгуулах шийдвэр гарч байсан аж. Харин сүүлийн 30 жилд цогц хэмжээний хот төлөвлөлтийг хийгээгүй байсныг Барилга, хот байгуулалтын сайд Б.Мөнхбаатар хэллээ.

Улсын начин асан Э.Энхбат агсны биед хүнд гэмтэл учруулсаны улмаас амь нас нь хохирсон хэрэгт холбогдон шалгагдаж буй олимпын аварга Н.Түвшинбаярт авсан цагдан хорих хугацаа ирэх ДАВАА ГАРИГТ /2022.03.14/-т дуусаж байгаа аж.

Тодруулбал, Хан-Уул дүүргийн Эрүүгийн хэргийн анхан шатны шүүх тус дүүргийн прокурорын газраас ирүүлсэн Найдангийн Түвшинбаярын цагдан хорих 3 дугаар хугацааг 1 сарын хугацаагаар сунгуулах тухай саналыг 2022 оны хоёрдугаар сарын 10 -ны өдөр хүлээн авч, 2022 оны хоёрдугаар сарын 11-ний өдөр дүүргийн прокурор, яллагдагчийн өмгөөлөгч нарыг оролцуулан хянан хэлэлцээд Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 2 дахь хэсэгт заасан “Эрүүгийн хуулийн тусгай ангид хорих ялын доод хэмжээг найман жил түүнээс дээш хугацаагаар оногдуулахаар заасан гэмт хэргийн яллагдагчийн хувийн байдал, үйлдэгдсэн гэмт хэргийн шинжийг харгалзан Эрүүгийн хэрэг хянан шийдвэрлэх ажиллагааны зорилтод нийцүүлэн цагдан хорих таслан сэргийлэх арга хэмжээ авч болно” гэсэн заалт, мөн хуулийн 14.10 дугаар зүйлийн 2 дахь хэсэгт заасан “Хэргийн ээдрээ төвөгтэй байдлыг харгалзан яллагдагчийг цаашид цагдан хорьж болно” гэсэн хуулийн заалтуудыг тус тус үндэслэн цагдан хорих 3 дугаар хугацааг нэг сарын хугацаагаар сунгаж шийдвэрлэсэн.

Боловсролын ерөнхий газар охидын үзлэгийн эсрэг нэгдэж буйгаа илэрхийллээ.

Тус газраас өгсөн мэдээлэлд энэ нь хүний эрхийн зөрчил, жендэрийн ялгаварлан гадуурхалт гэдгийг онцолсон байна.

2018 онд UN Human Rights Council, UN Women болон ДЭМБ-уудаас охидын үзлэг нь эмэгтэйчүүдийг

• өвтгөсөн,
• доромжилсон,
• сэтгэл зүйн гэмтэл учруулсан,
• бэлгийн халдашгүй байдалд бүдүүлгээр халдсан,
• хүчирхийлэлт үйлдэл гэж үзэн, ач холбогдолгүй тул таслан зогсоохыг уриалсан байдаг.

Иймд охидын үзлэгээс болж охид айж, шаналж, гадуурхагдаж, эрх нь зөрчигдөхгүй байхын төлөө нэгдэхийг Боловсролын ерөнхий газраас мөн уриалжээ.