Нэгдүгээр сарын эхний арав хоногийн байдлаар манай орны ихэнх гол мөрөн битүү мөсөн бүрхүүлтэй, мөсний зузаан эрчимтэй нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй байгаа талаар цаг уурын байгууллага мэдээлсэн.

Мөн ихэнх гол, мөрөн, нуурын мөсний зузаан 2021 оны мөн үеийнхээс 15-75 см нимгэн, мөсний даац хүн, мал, машин тэрэг явахад хангалттай хэмжээнд хүрч бэхжээгүй байгаа тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна.

“Дэлхий зөн” олон улсын байгууллага нь Ховд аймагт 2007 оноос хойш 15 жилийн хугацаанд үйл ажиллагаа явуулж байгаа юм. Энэ хугацаанд хүүхэд хамгааллын хөгжлийн төсөл, өрхийн амьжиргааг даван туулах чадавх нэмэгдүүлэх эдийн засгийн төсөл, боловсрол, эрүүл мэндийн чиглэлээр хэд хэдэн төсөл хэрэгжүүлсэн байна. Тус байгууллагын Ховд аймагт хэрэгжүүлж буй төсөл, хөтөлбөрийн гэрээ 2023 оны 9 сард дуусах аж.

Малч­ид, иргэд, тээвэрчдийн анхааралд: Өнөө, маргааш нутгийн зарим газраар цас орж, зөөлөн цасан шуурга шуурч, 15-наас нутгийн зүүн хагаст хүйтний эрч чангарахыг анхааруулж байна.

2022 оны 01 сарын 13-ны 20 цагаас 2022 оны 01 сарын 14-ний 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар үүлшинэ. Шөнөдөө баруун аймгуудын нутгийн зарим газар, төвийн аймгуудын нутгийн хойд хэсгээр, өдөртөө төв болон зүүн аймгуудын нутгийн зарим газар, говийн аймгуудын нутгийн зүүн хэсгээр цас орж, зөөлөн цасан шуурга шуурна.

Салхи: Салхи ихэнх нутгаар баруун өмнөөс хойш эргэж секундэд 5-10 метр, нутгийн зарим газраар секундэд 12-14 метр хүрч ширүүснэ.

Агаарын температур: Увс нуур болон Дархадын хотгор, Тэс голын хөндийгөөр 32-37 хэм, өдөртөө 23-28 хэм, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Эг, Үүр, Орхон, Ерөө, Туул, Тэрэлж, Хэрлэн голын хөндийгөөр шөнөдөө 23-28 хэм, өдөртөө 15-20 хэм, цас багатай газар болон говийн бүс нутгийн өмнөд хэсгээр шөнөдөө 10-15 хэм, өдөртөө 1-6 хэм, бусад нутгаар шөнөдөө 18-23 хэм, өдөртөө 10-15 хэм хүйтэн байна.

УЛААНБААТАР ХОТ ОРЧМООР: Үүлшинэ. Шөнөдөө цас орохгүй. Өдөртөө ялимгүй цас орно. Салхи баруун өмнөөс хойш эргэж секундэд 5-10 метр, явган шуурна шуурна. Шөнөдөө Яармаг-Сонгины орчмоор 27-29 хэм, бусад хэсгээр 18-20 хэм, өдөртөө 13-15 хэм хүйтэн байна.

БАГАНУУР ОРЧМООР: Үүлшинэ. Шөнөдөө цас орохгүй. Өдөртөө цас орно. Салхи өдөртөө баруун өмнөөс хойш эргэж секундэд 6-11 метр, зөөлөн цасан шуурга шуурна. Шөнөдөө 24-26 хэм, өдөртөө 12-14 хэм хүйтэн байна.

ТЭРЭЛЖ ОРЧМООР: Үүлшинэ. Шөнөдөө цас орохгүй. Өдөртөө цас орно. Салхи өдөртөө баруун өмнөөс хойш эргэж секундэд 6-11 метр, зөөлөн цасан шуурга шуурна. Шөнөдөө 26-28 хэм, өдөртөө 13-15 хэм хүйтэн байна.

2022 оны 01 дүгээр сарын 15-наас 2022 оны 01 дүгээр сарын 19-нийг
хүртэлх цаг агаарын урьдчилсан төлөв

15-нд зүүн аймгуудын нутгийн өмнөд хэсгээр, 16-нд зүүн аймгуудын нутгийн зүүн хэсгээр цас орж, явган шуурга шуурна. Салхи 15, 16-нд говь, тал, хээрийн нутгаар зарим үед секундэд 13-15 метр хүрч ширүүснэ. Хүйтний эрч чангарч Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 34-39 хэм, өдөртөө 25-30 хэм, Их нууруудын хотгор, Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 хэм, өдөртөө 18-23 хэм, цас багатай газар болон говийн бүс нутгийн баруун өмнөд хэсгээр шөнөдөө 15-20 хэм, өдөртөө 6-11 хэм, бусад нутгаар шөнөдөө 22-27 хэм, өдөртөө 12-17 хэм хүйтэн байна. 18-наас өдөртөө хүйтний эрч суларна.

Өчигдөр /2021.01.12/ орой 19:00 цагийн орчимд Баянгол дүүргийн иргэн 49 настай эрэгтэй нь Хан-Уул дүүргийн хоёрдугаар хороонд байрлах явган хүний гүүрэн гарцаар зам гарч байхдаа хөл алдаж, зам дээр унасан байна. Улмаар яаралтай тусламж үзүүлж, ГССҮТ-д хүргэсэн боловч, ухаан ороогүй байгаа аж.

Засгийн газрын “Түүхий нүүрс хэрэглэхийг хориглох тухай” шийдвэрийг хэрэгжүүлэх чиглэлээр Улаанбаатар хотоос орох, гарах замын постуудад энэ оны нэгдүгээр сарын 07-ны өдрөөс, 13-ны өдрийг хүртэл долоон хоногийн хугацаанд 10709 тээврийн хэрэгсэл, 25831 зорчигчийг шалган нэвтрүүлэх ажлыг зохион байгуулж, илэрсэн зөрчилгүй байна.

Өнгөрсөн 7 хоногт иргэд угаарын хийд хордсон талаар 8 дуудлага, мэдээлэл бүртгэгдэж 27 иргэн хөнгөн болон хүндэвтэр хэлбэрээр угаартан эмнэлгийн тусламж үйлчилгээнд хамрагдсан байна.

Гар хийцийн буюу энгийн зуухтай, зуух, яндангийн битүүмж муугаас утаа гарч угаартсан, угаар мэдрэгчгүй, угаар мэдрэгчтэй боловч зай дууссан, эвдэрсэн, яндагийн сойлт хаасан, янданг хөөлөөгүй зэрэг шалтгаан нөхцөл тогтоогдож байгаа тул угаарын хийд хордох улмаар эрдэнэт хүний амь нас эрсдэж болзошгүйг анхаарч, мэргэжлийн байгууллагуудын заавар, зөвлөмжийг хэрэгжүүлэхийг уриалж байна.

Угаарын хийд хордлогоос өөрийгөө болон хайртай хүмүүсээ хамгаалцгаая