Эрүүл Мэндийн Яам баасан гараг бүрийн ээлжит хэвлэлийн хурлаа зарлалаа. Энэ үеэр УОК-ын Эрдэмтдийн зөвлөлийн нарийн бичгийн дарга Омикрон мутацын халдварын оргил үе хэзээ тохиох талаар мэдээлэл өглөө.
“Омикрон мутацын давлагааны оргил үе цагаан сарын үеэр тохионо. Улс орон бүрт Омикроны давлагаа сарын хугацаанд үргэлжилж байгаа. Тиймээс цагаан сарын баярыг гэр бүлийн хүрээнд тэмдэглэхийг уриалж байна” гэлээ.
Youtube хуудсанд хамгийн их үзэлттэй видеогоор Өмнөд Солонгосын “Pinkfong” компанийн бүтээсэн “Baby Shark” дуу тодорсон байна. Үзэлтийн тоо 10 тэрбумд хүрчээ.
Мөн 2020 оны арваннэгдүгээр сарын 2-нд Youtube-д хамгийн олон удаа үзсэн бичлэг болж байжээ. Уг бүтээл үзэлтээрээ бусад бичлэгүүдийг хол хаясан хэвээр байгаа юм.
2016 онд цацагдсан дууг Солонгос гаралтай Америк дуучин “Hope Segoine” дуулсан ба 2019 оноос дэлхий даяар алдаршсан.
Pinkfong компаниас уг амжилтыг тохиолдуулан дэлхийн өнцөг булан бүрт байгаа хүүхдүүдийг “Baby Shark” дууг сонсоод бүжиглэж буй бичлэгээ хуваалцахыг уриалсан байна.
ЭМЯ-ны Эмнэлгийн тусламж үйлчилгээний газрын дарга Ж.Нарангэрэл коронавируст халдварын Омикрон хувилбарын үеийн эмнэл зүйн шинж тэмдэг, эмнэлгийн орны зохицуулалтын талаар мэдээлэл өглөө.
Тэрбээр “Омикрон хувилбарын халдварын үед халуурах, хоолой өвдөх, аргах, хуурай ханиалгах, ханиалгалт нь хэд хоногоос ханиалга цэртэй болох шинж тэмдэг илэрч байна. Хүүхдийн хувьд хоолой сөөх, зарим тохиолдолд амьсгал бачуурах шинж тэмдэг голчлон илэрч байгаа. Энэхүү шинж тэмдэг 5-7 хоног илрээд, эдгэрч байна.
Халдварын тоо ихсэж байгаа энэ үед иргэдийн эмнэл зүйн байдлыг тандах, өмнөх хувилбараас ямар ялгаатай байгааг тогтоохоор ажиллаж байгаа. Одоо эмнэлэгт хэвтэж байгаа иргэдийн эмнэл зүйн шинж тэмдгийг харвал хүчилтөрөгчийн дутагдалд орох, хатгаа болох эрсдэл Дельта хувилбартай харьцуулахад бага байна. Эндээс үндэслээд хүндрэх эрсдэл харьцангуй бага гэж дүгнэж болох юм.
Эмнэл зүйн хөнгөн шинж тэмдэг илэрч байгаа учраас ард иргэд маань эмчийн зөвлөсөн эмчилгээг хийж, гэрийн тусгаарлалтын дэглэмээ чанд баримтлан, тайван байж эмчлүүлэх боломжтой байна. Омикрон хувилбарын хөнгөн хэлбэрийн өвчлөлийн үед өвөрмөц эмчилгээ шаардлагагүй байгаа. Амьсгалын дээд замын өвчлөлийн үеийн буюу амин дэм хэрэглэх, халуун бууруулах эм уух, хоолойн өвдөлтийн эсрэг эмчийн заавраар эмчилгээ хийхэд 5-7 хоногт гэрээр эмчлэгдэх боломжтой.
Нийслэлийн хэмжээнд 16 эмнэлгийн 4,764 орыг коронавирусийн халдвартай иргэнийг эмчлэхэд зориулж байгаа бол орон нутгийн 42 эмнэлгийн 5,482 оронд халдвартай иргэдийг хүлээн авч байгаа. Эрсдэлт бүлгийнхэн болон эмнэл зүйн хүнд болон нэн хүнд шинж тэмдэг илэрсэн иргэдийг эмнэлэгт хүлээн авч байна.
Зарим иргэн халдвар авсан л бол эмнэлэгт хэвтэх ёстой гэж үзээд байгаа нь эмнэлэгт яг шаардлагатай хүнийг хүлээн авахад хүндрэл учруулж байгаа. Тиймээс иргэддээ аль болох хүлээцтэй байхыг зөвлөж байна.
Омикроны үед хуурай ханиалгах, хоолой зурж өвдөх улмаар цээжээр өвдөлт үүсдэг. Энэ нь уушгины хатгааны өвдөлтөөс ялгаатай буюу хавирга хоорондын мэдрэлийн цочролоос үүдэлтэй өвдөлт юм. Үүнийг хатгаа болчихлоо хэмээн айгаад заавал эмнэлэгт хэвтэх гээд байгаа. Тиймээс анхан шатны эмнэлэгт үзүүлээд 2-3 хоног эмчилгээ хийсний дараа шинж тэмдэг арилахгүй байвал КОВИД-19-ийн амбулаторид хандаж дахин үзүүлэх боломжтой бүтцийг гаргасан. Энэ амбулаториор үзүүлж болно. Амбулаторийн эмч үзээд хатгаа үүссэн байвал шууд ор зохицуулалтын албанд хандаж эмнэлэгт хэвтүүлэх юм” хэмээн ярилаа.
Хөдөлмөр, нийгмийн хамгааллын сайд, Эрүүл мэндийн сайдын хамтарсан тушаалаар хөдөлмөрийн чадвараа түр алдсаны, жирэмсэн болон амаржсаны эмнэлгийн хуудас буюу листийг энэ сарын 17-ноос эхлэн цахимаар олгохоор шийдвэрлэжээ. Ингэснээр 2, 3 дугаар шатлалын нийт 47 эмнэлэг /аймаг, дүүргийн, клиник/, Улаанбаатар хотын өрхийн эмнэлгүүд мөн өдрөөс эхлэн эмнэлгийн хуудсыг цахимаар олгохоор E-Health системийг хөгжүүлж ашиглалтад оруулсныг ХНХЯ мэдээлэв. Сум зарим хороодын өрхийн эмнэлэгт /доорх жагсаалтад цэнхрээр тэмдэглэсэн/ E-Health системийг шат дараатай нэвтрүүлэхээр ажиллаж байгаа аж.
БНХАУ-ын хилийн Эрээн боомтод гурван сар орчим саатсан ачаа тээврийг хилээр нэвтрүүлж эхлээд байгаа.
Эрээн хотоос Замын-Үүд боомтоор 2022 оны нэгдүгээр сарын 12-нд 49 чингэлэг бүхий 1,000 гаруй тонн ачаа барааг, нэгдүгээр сарын 13-нд 60 чингэлэг ачаа, бараа бүтээгдэхүүнийг татан авсан тухай мэдээлсэн.
Эдгээр ачаанд ямар бараа бүтээгдэхүүн байгааг УБТЗ-аас мэдээллээ.
Тус газраас мэдээлснээр нэгдүгээр сарын 11-13-нд хилийн 0 цэгээс 58 ширхэг 40 тоннын чингэлэг, 74 ширхэг 20 тоннын чингэлэгтэй эм, эмнэлгийн хэрэгсэл, барилга, сантехник, түүвэр болон өргөн хэрэглээний бараа бүтээгдэхүүнийг татан авчээ. Тодруулбал гялгар уут, скоч, таг, тахиа, гахайн мах, муурны элс зэрэг байна.
Хилийн 0 цэгээс татан авсан ачаа барааны жагсаалт:
УИХ-ын чуулганы өнөөдрийн нэгдсэн хуралдаанаар “Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай” тогтоолыг батлав.
Төсөлд монгол хүний удмын сангийн аюулгүй байдал болон нөхөн үржихүйг хамгаалах, хүн ам зүй, гэр бүлийн хөгжлийг дэмжиж, монгол хүний оюуны чадавх, бүтээмж, өрсөлдөх чадвар, хүн амын өсөлт, үндэстний дархлааг бэхжүүлэх зорилгоор авч хэрэгжүүлэх ажлыг Засгийн газарт даалгаж, тогтоолын хэрэгжилтэд хяналт тавьж ажиллахыг холбогдох Байнгын хороонд даалгасан зохицуулалтыг тусгажээ. УИХ-ын гишүүн Г.Тэмүүлэн, Ж.Бат-Эрдэнэ, Л.Мөнхбаатар нарын боловсруулсан уг тогтоолыг баталснаар өрх бүр “Угийн бичиг” хөтлөх, монгол хүний удмын сангийн аюулгүй байдлыг хамгаалах, үндэстний дархлааг бэхжүүлэх зэрэг ач холбогдолтой хэмээн үзэж буй юм.
Тогтоолын төслийн хэлэлцүүлгийн үеэр УИХ-ын гишүүн Д.Сарангэрэл хүн судлалын салбарт төрийн тусгай бодлого гаргах, энэ салбарыг удирдах байгууллага, нэгж байгуулах хэрэгтэй гэсэн санал хэллээ. Мөн уг тогтоолыг хэрэгжүүлэхэд хэдэн төгрөгийн санхүүжилт шаардлагатайг тодруулав.
Энэ асуудлыг хариуцсан байгууллага байхгүй тул Монгол Улсад хүн судлалын хөгжил хоцрогдолтой байгааг төслийг хэлэлцүүлэгт бэлгэх ажлын багийн ахлагч, УИХ-ын гишүүн Ж.Чинбүрэн хэллээ. Тэрбээр, “Монгол Улсад хүн судлалын салбарыг сэргээн хөгжүүлэх асуудлыг хөгжлийн зорилтот хөтөлбөрт бие даасан бүлэг болгон оруулахыг Засгийн газарт үүрэг болгосон заалтыг төсөлд тусгасан” гэв. Мөн тогтоолыг хэрэгжүүлэхэд их хэмжээний хөрөнгө шаардлагатай бөгөөд үүнийг Засгийн газар шийдвэрлэхээр тусганыг дурдлаа. Түүнчлэн хүүхдийн тооноос хамааран гэр бүлд дэмжлэг үзүүлэх хуулийн төсөл боловсруулж УИХ-д өргөн мэдүүлэхийг Засгийн газарт үүрэг болгосон байна. Гэр бүлийг дэмжих асуудлыг тусгай хуулиар зохицуулснаар жил бүр төсөв хөрөнгийг шийдвэрлээд явах боломжтой болно гэдгийг онцлов.
Харин УИХ-ын гишүүн Д.Тогтохсүрэн Монгол Улсад цус ойртолтын хэмжээ аюултай түвшинд хүрсэн хэдэн сум байгааг асуув. Монгол Улсын хүн амын цус ойртолтын түвшний судалгаагаар 21 аймаг бүрт цус ойртолт тодорхой түвшинд байгаа гэдгийг ажлын багаас хариулав. Гэхдээ үндэсний эв нэгдлийг хангахын тулд цус ойртолт ихтэй газруудыг шууд зарладаггүй гэдгийг хэллээ.
Төслийг хэлэлцүүлэгт бэлтгэх ажлын багаас төслийн 1 дэх заалтын 2 дахь дэд заалтын “овгийг” гэснийг “овгийн нэршлийг” гэж өөрчлөх, 3 дахь дэд заалтын “Улсын Их Хурлын 2023 оны хаврын чуулганы хугацаанд” гэснийг “Улсын Их Хуралд 2023 онд багтаан” гэж өөрчлөх санал гаргасан байна. Мөн 1 дэх заалтын 6 дахь дэд заалтын “уялдуулан” гэсний дараа “хот, хөдөөгийн хөгжлийн тэнцвэрийг хангах,” гэж нэмэн, хот хөдөөгийн хөгжлийн тэнцвэрийг хангах, төвлөрлийг сааруулах болгож өөрчлөх зарчмын зөрүүтэй санал гаргасныг чуулганы хуралдаанд оролцсон гишүүдийн олонх хувь дэмжиж, тогтоолыг батлав.
Чуулганаар Хууль зүйн туслалцааны тухай хуулийн төслийг хэлэлцэж байна.
Эрүүл мэндийн яамнаас долоо хоног бүр Covid-19-ийн тархалт, нөхцөл байдлын талаар мэдээлэл хийж буй. Өнөөдөр /2022.01.14/ Эрүүл мэндийн сайдын зөвлөх О.Батбаяр, ХӨСҮТ-ийн захирал Ц.Билэгтсайхан, ХӨСҮТ-ийн Томуугийн үндэсний нэгжийн эмч Ч.Уртнасан нар омикрон хувилбарын үед авч хэрэгжүүлж байгаа зохицуулалт, эмчилгээний талаар мэдээлэл өглөө.
ХӨСҮТ-ийн захирал Ц.Билэгтсайхан “Зөөвөрлөгдсөн болон дотоодод омикрон хувилбар батлагдах нь нэмэгдэж байна. Тиймээс бид омикрон хувилбарын үед авч хэрэгжүүлэх арга хэмжээг өөрчилж байна. Өмнө нь хил дээр түлхүү анхаарч байсан бол одоо вакцинжуулалт дээр илүүтэй анхаарч байна. Цаашид голомтлон тархаж байгаа кластер тархалт дээр анхаарч, халдварыг тогтоон барихад анхаарна. Омикрон хувилбарын нууц үе багасч, халдварлах чадвар өндөр болж байна. Тиймээс бид эрсдэлийн үнэлгээ хийж, хоёр хоногийн өмнө дууссан” гэв.
Сүүлийн хоногт улсын хэмжээнд 2010 иргэн коронавирусийн халдвараар өвчилсөн нь PCR шинжилгээгээр батлагджээ.
Ингэснээр нийт бүртгэгдсэн халдварын тохиолдол 403,771 болж нэмэгдлээ.
Шинээр илэрсэн тохиолдлуудын 25 нь гаднаас зөөвөрлөгдсөн бол 1,985 нь дотоодын халдвар байна.
Дотоодын халдварыг задалж танилцуулбал,
Мөн коронавируст халдварын улмаас 61-80 гаруй насны гурван иргэн нас баржээ.
Эмнэлэгт хэвтэн эмчлүүлж буй иргэдийн биеийн байдлыг үнэлбэл:
Жем интернэшнл группийн нэрэмжит “Улсын харцага цолд хүндэтгэл үзүүлэх” Улс айгийн алдар цолтой 256 бөхийн уламжлалт барилдаан нөгөөдөр буюу нэгдүгээр сарын 16-ны 12:00 цагаас Монгол бөхийн өргөөнд болно. Барилдах бөхчүүдийг 01-р сарын 14, 15-ны өдрүүдэд 10-17 цагийн хооронд цахимаар бүртгэнэ.
Харин маргааш буюу нэгдүгээр сарын 15-ны 12:00 цагаас болох Завхан аймгийн Их уул сумын харьяат, өсөх идэр начин С.Лхагвын нэрэмжит АЦЦБЗ 256 бөхийн барилдаанд барилдах бөхчүүд өглөө 10:00 цагаас өөрийн биеэр ирж бүртгүүлнэ.
“Аэрофлот” компани энэ сарын 14-нөөс Улаанбаатар хот руу хийх тогтмол шууд нислэгээ сэргээсэн талаар тус компанийн хэвлэлийн албанаас мэдээлжээ. Хуваарийн дагуу долоо хоногт нэг удаа нисэх юм аж.
“Бизнес” ба “экономи” гэсэн хоёр ангиллаар Боинг 737-800 онгоцоор нисэх болно гэж тус компаниас мэдээлсэн.
Москвагаас баасан гарагийн шөнө 01:05 цагт нисэж, Улаанбаатарт 12:10 цагт (орон нутгийн цагаар)бууна. Буцахдаа бямба гарагт 07:55 цагт нисэж, Москвад 09:55 цагт буухаар төлөвлөжээ.