Month: January 2022

Америкийн “Forbes” сэтгүүл өнгөрсөн онд “YouTube”-ээс хамгийн их ашиг орлого олсон влогчдын жагсаалтыг танилцуулжээ.

Жагсаалтын нэгдүгээрт 23 настай, 54 сая ам.доллар орлого олсон “youtube-чин” Жимми Дональдсон бичигдсэн байна.Түүний “Mr.Beast” гэх сувагт байршуулсан Дональдсоны бичлэгийг үзэгчид 10 тэрбум удаа үзсэнээр өмнөх хоёр жилийн жагсаалтыг тэргүүлэгч 10 настай Райан Кажиг үзэгчидийн үзүүлэлтээрээ гүйцэж түрүүлжээ.

Харин Райан Кажи нь “Ryan’s World” нэртэй сувгаараа бичлэгээ цацдаг бөгөөд жагсаалтын долоодугаарт бичигдсэн байна.

Дональдсон тоглоомын платформ хэрэглэгчдэд мөнгө тараах гэх зэрэг янз бүрийн хачирхалтай бичлэг нийтэлдэг байна. Гэхдээ, “Forbes” сэтгүүлийн онцолж буйгаар, тэрбээр амжилттай бизнес эрхлэгч гэдгээ харуулжээ.2021 онд тэрбээр АНУ-ын 1600 ресторанд өөрийн брэндийн нэрээр бургер захиалах боломжтой гар утасны программыг бүтээсэн байна.

“Forbes” сэтгүүлээс гаргадаг “youtube-чдын” жагсаалтын хоёрдугаарт, жүжигчин, боксчин, блогчин Жэйк Пол орсон байна Тэрбээр өнгөрсөн онд 45 сая ам.долларын орлого олжээ.

Сүхбаатар аймгийн түүхт 80 жилийн ой тохиож байгаатай холбогдуулан аймгийн Засаг дарга М.Идэрбат Улаанбаатар хотод оршин суугаа, Сүхбаатар аймгийн үе үеийн Засаг дарга нарын төлөөллийг хүлээн авч уулзан хүндэтгэл үзүүллээ. Тус аймагт 80 жилийн хугацаанд 18 Засаг дарга удирдаж байсан байна.Тэдний ес нь эсэн мэнд аж төрж байгаагаас гурав нь орон нутагтаа амьдарч байгаа аж. Мөн Т.Дашсүрэн, Р.Эрдэнэцогт нар нь тодорхой шалтгааны улмаас уг арга хэмжээнд оролцож чадаагүй байна.

Удирдсан он жилийн тухайд Ж.Батсуурь найм, С.Түвдэн таван жил ажиллажээ. Бусад дарга нарын хувьд ихэнх нь дөрөв ба түүнээс доош жилийн хугацаанд ажилласан байна.

Энэхүү уулзалтын арга хэмжээнд засаг дарга асан Б.Чойжилсүрэн, С.Дорж, Ж.Гомбожав, Ж.Батсуурь, З.Энхтөр нар оролцсон бөгөөд тэд нэг өдрийн турш өөрсдийн удирдахуйн арга туршлага, тухайн үед хийлгэж байсан ажил, онцлогийн талаар ярилцаж цаашид аймаг орон нутгаа илүү хөгжүүлэхийн тулд хэрхэн ажиллах талаараа санал солилцжээ.

Мэргэжлийн хяналтын газраас иргэдийг албан ёсны хаяг, шошготой, үйлдвэрлэсэн хугацаа нь тодорхой бүтээгдэхүүн авахыг анхаарууллаа. Учир нь цагаан сарын баяр ойртож байгаатай холбогдуулан бууз, баншны эрэлтээс шалтгаалж гэрийн нөхцөлд чанарын шаардлага хангаагүй орчинд гар аргаар хийсэн бууз, банш зарах нь ихэсдэг. Иймд гарал үүсэл нь тодорхойгүй гар аргаар хийсэн бууз, банш худалдан авч эрүүл мэнд, санхүүгээрээ хохирохгүй байхыг сануулж байгаа аж.

АНУ-ын Жонс Хопкинсийн Их Сургуулийн мэдээллээс үзвэл, өнөөдрийн байдлаар дэлхийн хэмжээнд “КОВИД-19” коронавирусийн халдварын бүртгэгдсэн тохиолдлын тоо 323,272,813 болов. Дэлхий дахинд “КОВИД-19”-ийн халдвар тархаж эхэлснээс хойш 5,529,154 хүн нас бараад байна.

“КОВИД-19”-ийн 20 сая гаруй тохиолдол бүртгэгдсэн орнуудад АНУ, Энэтхэг, Бразил улсууд орсон хэвээр байна. Халдвар авсан болон нас барсан хүмүүсийн тоогоор АНУ нэгдүгээрт жагсаж, 64,876,149 хүн “КОВИД-19”-ийн халдвар авсан нь бүртгэгджээ. Нас барсан хүний тоо АНУ-д 849,242 боллоо.

Халдвар авсан хүмүүсийн тоогоор хоёрдугаарт Энэтхэг орж байгаа бөгөөд дэлхийн томоохон үйл явдлын статистик мэдээллээр дагнасан “Worldometer”-ийн мэдээлснээр, “КОВИД-19”-ийн батлагдсан тохиолдлын тоо Энэтхэг улсад 36,850,962-д хүрчээ. Тус улсад коронавирусийн халдварын улмаас нас барсан хүний тоо 485,780 байна.

Гуравдугаарт Бразил улс орж, “Worldometer”-ийн мэдээлснээр 22,927,203 хүн халдвар авснаас 620,847 хүн нь нас баржээ.

Өнөөдөр өглөө дэлхийн нэг сая хүн амд ноогдох нас баралтын түвшин 711.7 байгаа аж. АНУ-д нэг сая хүн амд 2,611 хүн, Энэтхэгт 347, Бразилд 2,889 хүн нас бараад байна.

Токио хотноо Японы мэргэжлийн сумо бөхийн Хацү башёгийн 7 дахь өдрийн барилдаанд 73 дахь Их аварга /Ёкозүна/ Тэрүнофүжи Г.Ган-Эрдэнэ, Эндо/М-3/-той учраа таарч барилдан түүнийг ёрикири мэхээр давснаар 6 даваа, 1 унаатай болов.

Тамаваши Б.Мөнх-Оргил /М-3/, Сэкиваке Митакэүмитэй барилдаж түүнд ёрикири ойчиж 2 унаатай болсон бол Митакэүми ганцаараа 7 даваатай башёг тэргүүлж эхэллээ.

Энэ өдрийн барилдаанд Ичиножёо А.Ичинноров /М-2/, Кирибаяама Б.Лхагвасүрэн /М-1/-тэй барилдаж түүнийг ёрикири мэхээр давснаар4 даваа, 3 унаатай болсон бол Кирибаяама 1 даваатай башёг үргэлжлүүлж байна.

Хокүтофүжи /М-4/, Ура /М-2/-тай учраа таарч түүнд ошидаши мэхээр унаснаар тэр 4 унаатай болсон бол Ура 3 даваатай явна.

Энэ өдөр Чиёошома Г.Мөнхсайхан /М-5/, Такарафүжи /М-5/-тэй хүч үзэж түүнд хикиотоши мэхээр унаж, 3 даваа, 4 унаатай боллоо.

Хошёорюү С.Бямбасүрэн /М-6/ энэ өдөр Чиёонокүни /М-9/-тэй барилдан түүнийг шитатэнагe мэхээр давснаар4 даваа, 3 унаатай башёг үргэлжлүүлж байна.

Озэки Шодай, Окиноүми /М-4/-тэй хүч үзэж түүнд ёрикири мэхээр унаснаар 4 унаатай боллоо.

Улаанбаатар хотод суурин 158 цэгт дархлаажуулалт үргэлжилж байна. Та өөрт ойр вакцины аль ч цэгт очиж дархлаажуулалтад хамрагдах боломжтой бөгөөд цэгүүд 10:00-18:00 цаг хүртэл ажиллана.

Өнөөдрийн байдлаар дархлаа сэргээх гуравдугаар тунд 964,132 иргэн, дөрөвдүгээр тунд 31,201 хүн хамрагдаад байна.

Шинэ үндсэн хуулийн ойн барилдаанд Увс аймгийн Ховд сумын харьяат бөх, даян аварга Н.Батсуурь зодоглож чадаагүй. Тэрээр МҮБХ-ны шийдвэрийг эсэргүүцэн, малгайгаа үлдээгээд явсан. Харин Н.Батсуурь “Өнөөдрийн нөхцөл байдлын талаар мэдээлэл хүргүүлье. Намайг цагтаа бүртгүүлээгүй гэж хүмүүс ойлгоод байх шиг байна. Цаг тухайд нь бүртгэж авахгүй болохоор нь цахим хуудсаар дамжуулан мэдэгдсэн. Мөн мессэнжерээр бичсэн. Допингийн хувьд 11 сараар эрх хассан ч ёс зүйтэй байж ард түмнээ хүндэтгэн 18 сар ухамсараараа барилдсангүй. Допингийн лабораториос Very_low буюу маш бага гарсан тамирчинаасаа асуугаарай гэсэн хариу ирсэн. Тэд надаас тодруулалгүй мэдээлсэн. Шинжилгээ авах процесс, зааврыг дагаагүйд нэг ч удаа гомдлон хариуцлагаас зугтаагүй. Бүх шийдвэрийг хүндэтгэн зохих шийтгэлээ хүлээн авсан, шийтгэлийн хугацаанд барилдаагүй. Өнөөдрийн хувьд Даян аварга цолоо Монгол улсын суурь хууль болох Үндсэн хуулийн өдрөөр дуудуулахаар эрхэмлэн зорьж очсон. Гэтэл ямар учраас барилдуулахгүй гэдгээ тайлбарлаж чадахгүй, хувь хүний үзэмжээр асуудалд хандсан нь бухимдаж байна. Үндсэн хуулийн өдрөөр үндсэн хуульд заасан ялгаварлуулахгүй байх эрхээ зөрчүүллээ.Үндэсний бөхийн холбоо өргөдөл бичиж өг гэсний дагуу бичиж өгөхөд харцагуудын барилдаанаас барилдаж болно гэдэг хариу өглөө. Ингэж байж барилдуулах байсан юм бол өчигдөр энэ хариугаа хэлээд өнөөдөр энэ сайхан өдөр Даян аваргын цолоо анх удаа дуудуулах байлааОн гараад барилдана гэдгээ хэлсэн байхад ингэж хааж боож байгаа нь бөхчүүдийн эрхийг хамгаалж чадах эсэх дээр маш том эргэлзээ төрүүллээ. Үндэсний бөхийн холбоо бөхчүүдийн эрхийг зөрчих эрх байхгүй” гэв.

МҮБХ яг ямар шалтгааны улмаас түүнийг барилдуулаагүй нь тодорхой бус байсан. Улмаар дараа, дараагийн барилдаанд түүнийг барилдуулах эсэх олны анхаарлыг татаад байсан юм.

Тэгвэл маргааш болох “Жем интернэшнл” группийн нэрэмжит, улсын харцага цолд хүндэтгэл үзүүлэх барилдаанд Н.Батсуурь аваргыг бүртгэжээ. Улмаар Н.Батсуурь даян аварга цол авснаасаа хойш анх удаа барилдан, шинэ цолоо дуудуулах боломж бүрдлээ.

Казахстанд Мария Ким гэх ОХУ-ын иргэнийг долоон удаа хутгалж, толгойнд нь буудсан хэрэг гарлаа. Энэ талаар “Телеграм” суваг мэдээлсэн байна.

Тус сувгийн мэдээлснээр хохирогч нь Казахстаны Жамбыл мужийн Тараз хотын кофе шопт даргаар ажилладаг байжээ. Хэрэг гардаг өдөр кофе шопоо хааж байх үед нь үл таних хүмүүс түүнийг долоон удаа хутгалж, дараа нь толгой руу нь хяналтын буудлага хийсэн байна. Халдлага үйлдэгчидийг кофе шопыг дээрэмдэхийг завдаж байсан эсэхийг тодруулан ажиллаж байгаа аж..

Казахстанд болсон эсэргүүцлийн жагсаалын үеэр ийнхүү оросын эмэгтэй иргэн амиа алдсан талаар ОХУ-ын ЭСЯ-наас нэгдүгээр сарын 14-нд мэдээлсэн. ОХУ-ын дипломатчид үүссэн нөхцөл байдлыг хяналтдаа авахыг хүсэн Жамбыл мужийн удирдлагад хандсан ба одоо бусдын гарт амиа алдсан Мария Кимийн ар гэрт эд материалын тусламж үзүүлэх асуудалд анхаарал хандуулж, хэргийг шалгаж эхэлсэн байна.