Month: January 2022

Categories
мэдээ нийгэм спорт

Тэргэнцэртэй сэлэмний улсын аваргууд тодорлоо

Монголын Тэргэнцэртэй сэлэмний холбоо, Монголын спортын корпорац хамтран Улсын аварга шалгаруулах тэмцээнийг ням гарагт зохион байгуулж шилдгүүдээ шалгаруулав.

“Мөсөн өргөө”-нд болсон тус тэмцээний аваргын алтан медаль хүртсэн тамирчид Тайланд улсад зохион байгуулагдах Дэлхийн цомын аварга шалгаруулах тэмцээнд оролцох эрхийн эзэн болсон юм.

Эрэгтэй ганцаарчилсан төрөлд: I байр Б.Даваасүрэн, II байр Б.Жигмэддорж, III байр: Б.Гантулга, А.Дөлгөөн

Эмэгтэй ганцаарчилсан төрөлд: I байр: Д. Цолмон, II байр: Ч. Тунгалагтуяа, III байр: Б.Гантуяа, С.Оюундарь нар шалгарчээ.


Categories
мэдээ нийгэм

Дорноговь аймаг түрээсийн орон сууцанд зорилтот бүлгийн иргэдийг хамруулна

Хямд өртөгтэй орон сууц барина

Дорноговь аймгийн ИТХ-ын тэргүүлэгчдийн хуралдаанаар байгуулагдсан“Дорноговь орон сууц” ОНӨААТҮГ түрээсийн орон сууц хөтөлбөр”-ийн хүрээнд “Мандах наран-5” зургаан блок орон сууц барьж байна.

Ард иргэдийг түрээсийн орон сууцаар хангах, амьжиргааг дэмжсэн, нийгмийн баталгааг хангахад чиглэсэн ажил гэж орон нутгаас үзэж байгаа бөгөөд түрээсийн орон сууцыг барих, ашиглалтад оруулах, иргэдэд хэрхэн хувиарлах тухай асуудлыг хэлэлцээд ИТХ-аар тусгай журам баталсан байна.

Ингэхдээ орон сууцны урьдчилгаа 30 хувиа бүрдүүлж чадахгүй байгаа өндөр настан, залуу гэр бүл, хөгжлийн бэрхшээлтэй иргэд, өрх толгойлсон эцэг эхчүүд, төрийн албан хаагчид зэрэг зорилтот бүлгийн иргэдийг хамруулахаар заажээ.

Categories
мэдээ нийгэм улс-төр

Л.Оюун-Эрдэнэ: Энэ кабинет цар тахлын үед ажиллаж байгаа нь сайд нарыг илүү хүчгүй харагдуулж, шүүмжлэл өрнөж байхыг үгүйсгэхгүй

УИХ-ын чуулганы хуралдаанаар БОАЖ-ын сайдыг томилох асуудлыг хэлэлцэж байна.

Хэлэлцэж буй асуудалтай холбогдуулан УИХ-ын гишүүн Б.Пүрэвдорж Ерөнхий сайд Л.Оюун-Эрдэнээс “давхар дээл”-тэй холбоотой асуудлаар байр суурийг нь тодрууллаа.

Л.Оюун-Эрдэнэ засаг тэргүүлээд 100 хонов, юу болов?! | Sonin.MN

УИХ-ын гишүүн Б.Пүрэвдорж: Мэргэжлийн сайдууд салбараа удирдахад уртдаа амжилтад хүрнэ гэж би хувьдаа үздэг. Гэтэл УИХ өөрөө асуудалтай байна.

Сайдууд УИХ-д асуудлаа танилцуулахаар зохион байгуулалттайгаар унагаадаг, шоглодог. Өөрөөр хэлбэл, гаднаас сайд томилохоор ийм юм болдог гэдгийг зохион байгуулалттайгаар харуулдаг. Энэ нь давхар дээл хэрэгтэй гэдэг байдал руу явуулах гэсэн санаархал.

Ерөнхий сайдын хувиар дан дээлтэй сайд нартай ажиллахад танд ямар байна вэ. Давхар дээлтэй байвал ямар давуу тал байх юм гэдгийг тодорхой хэлнэ үү.

Монгол Улсын Ерөнхий сайд Л.Оюун-Эрдэнэ: Би ЗГХЭГ-ын даргаар хоёр жил ажилласан. Эхний жилд нь давхар дээлтэй сайдуудаас бүрдсэн кабинетад байсан. Сүүлийн нэг жилд нь Ерөнхий сайдаас гадна дөрвөн гишүүн давхар дээлтэй байх эрх зүйн орчинд ажилласан. Тэр үед ЗГХЭГ-ын даргын өрөөний ачаалал илэрхий нэмэгдэж байсан.

Нэг үгээр хэлэхэд, парламент дээр асуудлаа авч гарах, нийгэмд ойлгуулах тал дээр мэргэжлийн сайдууд жулдаж байгаа тал бий. Гэхдээ энэ бол цаг хугацааны асуудал.

Үнэхээр сэтгэлтэй ажлаа хийж байгааг нь би харж байгаа. Чадахаараа л ажлаа хийж байгаа. Мэргэжлийн сайд нарын тухайд салбартаа хүлээн зөвшөөрөгдөх, улс төрд өөрийгөө илэрхийлэх чадвар зэрэг нь хоёроос дээш сонгогдсон гишүүдтэй харьцуулахад сул байгаа.

Нөгөө талдаа тойрог руугаа алга болохгүй, томилгоон дээр нутгархаад байхгүй давуу тал байна.

Ерөнхий сайдын хувьд Үндсэн хуулиар олгогдсон бүрэн эрхийн хэмжээнд ажиллах ёстой. Энэ кабинет цар тахлын үед ажиллаж байгаа нь сайд нарыг илүү хүчгүй харагдуулж, шүүмжлэлтэй асуудал өрнөж байхыг үгүйсгэхгүй.

Цаашид сонгодог парламентын засаглал руу явах нь зүйтэй гэдэгтээ 100 хувь санал нийлдэг. Ингэснээр гишүүдийн тоо, парламентын гишүүн сайд байх нь тоогоор хязгаарлагдах байдал шийдэгдэх ёстой. Холимог тогтолцоо ч орж ирэх ёстой. Ингэж байж нийгэм зөв болно.

Гэхдээ Үндсэн хууль нийгмийн зөвшилцлийн гэрээ. Тиймээс аль нэг нам олонхоороо хүчилж өөрчилдөг асуудал биш. Сөрөг хүчин болон бусад намуудтайгаа ойлголцож, нийгэм хүлээн зөвшөөрсөн нөхцөлд л Үндсэн хуулийг өөрчлөх боломжтой гэж үздэг.

Categories
мэдээ нийгэм

Б.Жавхлан: Хүүхдийн мөнгийг зогсоовол тэтгэвэр нэмэгдэх асуудал яригдана

Сангийн сайд Б.ЖАВХЛАН: БЭЛЭН МӨНГӨ ХЭВЛЭХГҮЙ | News.MN

Сангийн сайд Б.Жавхлан цаг үеийн асуудлаар сэтгүүлчдийн асуултад хариулт өглөө.

-Тэтгэвэр тэтгэмж нэмэх байгаа санхүүгийн боломж байгаа юу?

– 2020-2021 дамжаад ковидын нөхцөл байдалтай уялдуулж халамжийн бодлогыг нэлээдгүй тэлсэн. Ковидоос өмнө бол тэтгэвэр тэтгэмжийг жилийн инфляцтай уялдуулж найман хувиар жил болгон нэмдэг байсан бол 2020, 2021 онд нэмээгүй. Учир нь ковидтой холбоотой бусад халамжууд найм байтугай 20, 30 хувиар нэмэгдсэн. Хүүхдийн мөнгө болон бусад олон төрлийг татварын бодлогоор дамжаад нэмсэн. Тийм учраас 2020, 2021 онд тэтгэврийн хэмжээ нэмэгдээгүй. Цаашдаа ковидын дараах нөхцөл байдал буюу хэрвээ халамж, хүүхдийн мөнгө зогсвол нөхөөд тэтгэвэр тэтгэмж нэмэх асуудал зайлшгүй тавигдах учиртай. Тэтгэвэр тэтгэмж нэмнэ гэдэг бол мөнхийн сэдэв. Өнөөдөр яригдаж байгаа асуудал биш. Цаашдаа ч судална, цаашдаа ч энэ чигээрээ яригдана. Ялангуяа тэтгэврийн зөрүүг арилгах, жил болгон инфляцитайгаа уялдуулж нэмэх, мөн нийгмийн даатгал тэтгэврийн багц хууль яригдаж байна. Энэ дээр реформ, шинэчлэлийн бодлого хийгдэх ёстой.

-Инфляци 14,8 хувьд хүрчихлээ…?

-Ковидын нөхцөл байдлаас болж сүүлийн хоёр жилд дэлхий нийтээр нэг улс болжээ. Монгол, Орос, Хятад улсын инфляци гэж байдаггүй, дэлхий нийтээрээ нэг инфляцитай болжээ. Бид гаднаас инфляци шингэсэн бараа авч байна. Тийм учраас одоо ерөөсөө үүнийг давж туулах асуудал, ковидыг бид даван туулж хэвийн амьдралынхаа нөхцөл байдал руу шилжвэл энэ хамгийн том богино хугацаанд эдгэлт өгөх зүйл. Энэ хугацааг наашлуулахын тулд зохион байгуулалтын арга хэмжээнүүдийг засгийн газраас боломжийнхоо хэрээр л авч байна. Биднээс шалтгаалж байгаа зүйл ч байна, шалтгаалахгүй зүйл ч байна. Ямар ч байсан экспортолж байгаа түүхий эдүүдийн хэмжээ 11, 12 дугаар сараас ямар ч байсан муудсангүй. Их бага гардгаараа гарч л байна. Замын-Үүд дээрээс өнгөрсөн долоо хоногоос эхлээд бага ч гэсэн бараа тавааруудаа татаад ингээд эхэллээ. Одоо тэгээд олимп бушуухан дуусаасай. Урд хил бусад нөхцөл байдлууд маань хэвийн байдалд ороосой гэж харж байна. Нөгөө талдаа бидний түүхий эдүүдийн үнэ харьцангуй таатай байна. Энэ хэвээрээ байх болов уу гэсэн прогнозтой бий. Тэгэхдээ бид үүнд дулдуйдаж найдах шаардлага байхгүй.

Categories
мэдээ нийгэм улс-төр

Монреалийн протоколд оруулсан нэмэлт, өөрчлөлтийг соёрхон батлах тухай хуулийн төслийг хэлэлцэв

Хуулийн төсөлтэй холбогдуулан асуулт асуух, үг хэлэх гишүүн байгаагүй бөгөөд хуулийг эцэслэн батлах санал хураалтыг үдээс хойш явуулах болов.

УИХ-ын чуулганы өнөөдрийн нэгдсэн хуралдаанаар Озоны үе давхаргыг задалдаг бодисын тухай Монреалийн протоколд оруулсан нэмэлт, өөрчлөлтийг соёрхон батлах тухай хуулийн төслийг хэлэлцэв.

Хуулийн төслийг Гадаад харилцааны сайд Б.Батцэцэг танилцуулав. Монгол Улс 1996 онд Озоны үе давхаргыг хамгаалах тухай Венийн конвенц, “Озоны үе давхаргыг задалдаг бодисын тухай Монреалийн протокол”-д нэгдэн, улмаар озон задалдаг бодисын хэрэглээг үе шаттай бууруулах, бүртгэл, хяналтын тогтолцоог бүрдүүлж байна. Хөргөлт, агааржуулалтын төхөөрөмжид хэмжээгээр хэрэглэдэг хлортфторт нүүрстөрөгч төрлийн бодис болох фреоны үйлдвэрлэл, хэрэглээг өнөө үед 99 хувь хэрэглээнээс гаргаад байна.

Дэлхий дахины хэмжээнд 2006 оноос хойш өмнөх үеийн хлорфторт нүүрстөрөгчийн төрлийн бодистой харьцуулахад озон задлах чадвар арай багатай гидрохлорт-фтортнүүрстөрөгч, хүлэмжийн хийн нэг төрөл гидрофторт нүүрстөрөгчийн төрлийн бодисуудыг хөргөлт, агааржуулаптын системд хэрэглэх болжээ. Гэвч гидрофторт нүүрстөрөгчийн төрлийн бодисууд нь дэлхийн дулааралд их хэмжээгээр нөлөөлдөг учраас улс орнууд хэлэлцэн 2016 оны 10 дугаар сарын 15-нд Руанда улсын Кигали хотноо болсон Монреалийн протоколын ээлжит 28 дугаар хуралдаанаар Оролцогч тал Улсууд тохиролцоонд хүрч ”Озоны үе давхаргыг задалдаг бодисын тухай Монреалийн протокол”-д нэмэлт оруулж “Кигалийн нэмэлт, өөрчлөлт”-ийг баталсан гэдгийг БОАЖ-ын сайд онцлов.

Өнөөгийн байдлаар дэлхийн 126 улс орон нэмэлт, өөрчлөлтөд нэгдсэн бөгөөд манай улс нэгдэх нь дэлхийн дулаарлыг бууруулахад үзүүлэх нэг чухал алхам гэж дэлхийн хамтын нийгэмлэг үзэж байгаа аж. Ийм учраас Монгол Улс олон улсын өмнө хүлээсэн үүргээ ханган дэлхийн дулаарлыг бууруулахад тодорхой хувь нэмэр оруулах зорилгоор Кигалын нэмэлт, өөрчлөлтөд нэгдэн орохыг соёрхон батлах хуулийн төсөл боловсруулан Засгийн газрын хуралдаанаар хэлэлцүүлэн УИХ-д өргөн барьсан байна.

Categories
гадаад мэдээ

Афганистанд газар хөдлөлтийн улмаас 20 хүн амиа алджээ

Афганистаны баруун хэсгийн Бадгис тосгонд газар хөдөлсний улмаас 22 иргэн эндсэн талаар тус улсын төрийн мэдлийн “Бахтар” мэдээллийн агентлаг мэдээллээ.

“Өнөөдөр Бадгис тосгонд болсон газар хөдлөлтийн улмаас 22 хүн нас барж, дөрвөн хүн шархадсан. Амиа алдсан иргэдийн дийлэнх нь Кадиз тойргийн харъяатууд байна” хэмээн тайланд дурджээ.

Амиа алдсан болон шархадсан хүмүүсийн тоо бол зөвхөн урьдчилсан байдлаар гаргасан тоо бөгөөд энэ тоо цаашид өсөх хандлагатай байна хэмээн албаныхан мэдэгдлээ.

АНУ-ын Геологийн албаны мэдээлснээр, Афганистаны баруун хэсэгт нэгдүгээр сарын 17-нд орон нутгийн цагаар 16:10 цагт /монголын цагаар 19:40/ цагт 5.6 баллын хүчтэй газар хөдлөлт болсон байна.

Газар хөдлөлтийн голомт нь Бадгис тосгоны засаг захиргааны төв болох Калайи-Нау хотоос зүүн тийш 40 км-ийн зайд, Туркменистанаас зүүн өмнө зүгт 70 км-ийн зайд байжээ. Газар хөдлөлт 10 км-ийн гүнд болсон гэж бүртгэгдсэн аж.

(Эх сурвалж: Reuters)

Categories
мэдээ нийгэм

Эмчийн буруугаас болж хүний амь нас эрсэдсэн гэх гомдол иржээ

Өнгөрөгч долоо хоногийн ажлын өдрүүд буюу 1 дүгээр сарын 10-15 өдрүүдэд аймгийн Төрийн үйлчилгээний нэгдсэн төвд 353 иргэн хандаж, тодруулга мэдээлэл авсан бол 7 иргэн 8 асуудлаар санал шүүмжлэлээ илэрхийлжээ.

Тодруулбал, иргэд БОЭТ-ийн болон зарим сумдын эмч, ажилчдын үүрэг хариуцлага, харилцаа хандлага, цаг барилттай холбоотой гомдол тавьсан байна. Хүнд өвчтэй хүн ирэхэд хүлээж аваагүйгээс болж амь нас эрсэдсэн, өвчтөнүүдийг биш танил хүмүүсээ эмнэлэгт хэвтүүлдэг, цайны цаг болоогүй байхад хаалгаа барьдаг, өвчтөнүүдээ хөөж туудаг гэх гомдлууд нэр бүхий эмч нар дээр иржээ.

Мөн өнгөрөгч долоо хоногт 871 иргэн тус төвд хандаж, төрийн үйлчилгээ авснаас 310 иргэн халамжаас, 232 иргэн Хур системээс үйлчилгээ авсан байна.

Categories
мэдээ нийгэм

Бөхийн холбооны тэргүүлэгчид өнөөдөр хуралдаж нэгдсэн шийдвэр гаргана

Сэргээшийн маргаанаа цэгцлээгүй үндэсний бөх үзэгчгүй болох вий

Сар шинийн барилдаан дөхөж буйтай холбогдуулан Монголын үндэсний бөхийн холбоо үүсээд буй допингийн асуудлаар нэгдсэн шийдвэр гаргахаар өнөөдөр хуралдах гэж байна.

Энэ талаар тус холбооны тэргүүн Ц.Магалжаваас тодруулахад “Өнөөдөр 17:00 цагаас тэргүүлэгчдийн хурал зарлагдсан. Үүсээд буй нөхцөл байдлын талаар болон бусад асуудлын хүрээнд хуралдана. Гурван бөхийн талаар ч яригдана” гэв.

Тодруулбал, өнгөрсөн амралтын өдөр “Жем интернэйшнл” группийн нэрэмжит, улсын харцага цолонд хүндэтгэл үзүүлэх барилдаан Монгол бөхийн өргөөнд эхэлсэн ч зарим бөхчүүд эсэргүүцэл үзүүлж, улмаар барилдаан цуцлагдсан билээ. Тодруулбал, улсын харцага О.Хангай, улсын харцага Ш.Пүрэвгарьд нарын бөхчүүд даян аварга Н.Батсуурь, улсын арслан Р.Пүрэвдагва зэрэг допингийн шинжилгээнд бүдэрсэн бөхчүүдийг барилдахыг эсэргүүцэж, барилдаагүй юм.

Өдгөө бөхийн холбооны тэргүүлэгчид болон үүрэг гүйцэтгэгчээр дараах төлөөлөл ажиллаж байна. Үүнд:

  • Улсын арслан Д.Ганхуяг
  • Улсын арслан Д.Азжаргал
  • Улсын гарьд Б.Гантогтох
  • Улсын гарьд Д.Рагчаа
  • Улсын гарьд И.Доржсамбуу
  • Улсын харцага Г.Элбэг
  • Улсын харцага Л.Бадарч
  • Улсын харцага Д.Батболд
  • Улсын начин Д.Жанчивдорж
  • Гарын даа Ё.Амарбаясгалан
  • Улсын засуул Р.Сампилдондов
  • Бөхийн зүтгэлтэн Д.Цэрэнсамбуу
  • Бөх судлаач Л. Ням

Мөн Монголын үндэсний бөхийн холбооны тэргүүн Ц.Магалжав, нарийн бичгийн дарга Т.Түмэндэмбэрэл нар энэхүү хуралд оролцоно.

Categories
гадаад мэдээ нийгэм

​Бээжин иргэддээ гадаадаас бараа захиалж авахгүй байхыг зөвлөж байна

БЭЭЖИН ХОТ | Бээжин хотын тухай | Бээжин хотын аялал

Хятадын албаныхан гадаадаас импортоор орж ирсэн хөлдөөсөн хүнсний бүтээгдэхүүнээр халдвар тархаж байна гэсэн таамаглалаа ийнхүү олон давтав. Харин эрдэмтэд энэ таамаглалд эргэлзсэн байр суурьтай байна. Бээжин хотод омикрон хувилбараар оношлогдсон эмэгтэй гадаадад аялсан түүхгүй боловч илгээмжээр авсан зүйлээс нь халдвар илэрсэн гэж тэд мэдээлж байна. Иймд илгээмжээс омикрон хувилбарын халдвар тархсан байж магадгүй гэж үзсэн Бээжингийн албаныхан иргэдэд гадаадаас бараа захиалж авахгүй байхыг зөвлөжээ..

Бээжин хотод хоёрдугаар сарын 4-нд өвлийн олимпийн наадам нээхээс хэдхэн хоногийн өмнө ийнхүү халдварлах чадвар өндөртэй омикрон хувилбарын халдвар бүртгэгдлээ.

Улмаар Хятадын албаныхан өчигдөр /2022.1.17/ мэдээлэхдээ, олимпийн наадмын нээлт болон тоглолтын тасалбарыг олон нийтэд худалдахгүй, зөвхөн сонгогдсон хүмүүсийг оролцуулна гэж мэдэгджээ. Гэхдээ хүмүүсийг хэрхэн сонгох, ямар халдвар хамгааллын дэглэм баримтлах тухай тодорхой мэдээллээгүй байна.

Бээжин хотын эрүүл мэндийн албаны ажилтан Пан Шинхуогийн мэдээлснээр, омикроны халдвар авсан тухайн эмэгтэйд Канад улсаас ирсэн захидлын гадаргуугаас цар тахлын вирусийн ул мөр илэрсэн аж. Түүнчлэн Канадаас ирсэн өөр олон захидалд шинжилгээ хийхэд таваас нь вирусийн ул мөр илэрчээ. Харин Хятадын Халдварт өвчнийг хянах төвөөс гадаад улсаас илгээмжээр халдвар тархаж байна гэх таамаглалыг баталгаажуулах боломжгүй гэж мэдэгдэв.

Бээжин өвлийн олимпийн наадам зохион байгуулахтай холбоотойгоор “цар тахлыг тэглэх” стратеги хэрэгжүүлж, олон нийтийг шинжилгээнд хамруулах, иргэдийн зорчих хөдөлгөөнийг хязгаарлах, биеийн температур хэмжих, гар утасны аппликейшн хэрэглэх зэргээр арга хэмжээ авч буй.

Categories
мэдээ нийгэм

Үйл ажиллагаагаа түр зогсоосон хуулийн этгээдийн тоо 24 хувиар өсчээ

Үйл ажиллагаагаа түр зогсоосон хуулийн этгээдийн тоо 24 хувиар өсжээ

Статистикийн Бизнес регистрийн санд 2021 онд 228.4 мянган хуулийн этгээд бүртгэлтэй байна. Энэ нь 2020 оныхоос 28 мянга буюу 13.9 хувиар нэмэгдсэн үзүүлэлт боллоо.

Цар тахлын өмнөх үе буюу 2019 онтой харьцуулахад статистикийн Бизнес регистрийн санд бүртгүүлсэн хуулийн этгээдийн тоо өссөн үзүүлэлттэй байна. Сүүлийн жилүүдэд жилд дунджаар 36-40 мянга орчим байгууллага үйл ажиллагаагаа зогсоосон дүнтэй байгаа аж.

Харин 2021 оны байдлаар 54 мянга болж, 2020 оныхоос 24 орчим хувиар нэмэгдсэн байна. Үүнд цар тахлын үеийн хязгаарлалт, одоо ч үргэлжилж буй хилийн боомтын хязгаарлалт голлон нөлөөлж байгааг Эдийн засагч Н.Энхбаяр онцолж байлаа.